UEFA Nations League
| UEFA Nations League | |
| 2026–27 UEFA Nations League | |
| |
| Sportsoort | Sokker |
|---|---|
| Gestig | 2018 |
| Eienaar | UEFA |
| Inwydingseisoen | 2018–2019 |
| Deelnemende lande | Europa |
| Aantal spanne | 56 (groepfase) |
| Mees onlangse kampioen |  Portugal (2025)
|
Die UEFA Nations League is 'n internasionale sokkerkompetisie vir manspanne wat elke twee jaar tussen die lidlande van UEFA gespeel word. Die kompetisie het in September 2018 begin ná die 2018 Sokkerwêreldbeker, en die eerste wenner in 2019 was Portugal. Die toernooi vervang die vriendskaplike internasionale wedstryde tussen Europese mansnasionalespanne.[1] Die UEFA Nations League is eenparig goedgekeur tydens die 38ste UEFA-kongres in Astana, Kasakstan op 27 Maart 2014.[2]
Kompetisieformule
[wysig | wysig bron]Die kompetisieformule wat in 2014 ooreengekom is, is soos volg:
- Die toernooi sal vanaf 2018 elke tweede jaar plaasvind. Dit word in die maande September, Oktober en November van die ewe jare gespeel.
- Die 55 lidlande van UEFA sal in vier afdelings verdeel word: Afdeling A (hoogste afdeling, 12 spanne), B (2de afdeling, 12 spanne), C (3de afdeling, 15 spanne) en D (4de afdeling, 16 spanne). Vir die eerste uitgawe in 2018 is die spanne in hierdie afdelings ingedeel op grond van die UEFA-koëffisiënte vir nasionale spanne.
- Elke afdeling word in vier groepe van drie of vier spanne ingedeel; elke span speel vier tot ses wedstryde in die groep.
- Die vier groepwenners in Afdeling A speel altyd in 'n onewe jaar om die titel, vir die eerste keer in 2019.
- Die vier groepwenners in Afdelings B, C en D promoveer, terwyl die laagste geplaasde spanne in elke groep van Afdelings A, B en C sal degradeer.
Vir die tweede uitgawe is 'n aantal veranderinge deurgevoer:
- Die aantal lande in Afdeling A, B en C is tot 16 lande verhoog. In die laagste afdeling, Afdeling D, is die aantal lande verminder na 7 lande.
- As gevolg van hierdie aanpassing, degradeer slegs twee lande van Afdeling C na Afdeling D.
Beker
[wysig | wysig bron]Die UEFA Nations League-beker is gebaseer op die kompetisielogo en is op 24 Januarie 2018 in Lausanne, Switserland, onthul tydens die loting vir die 2018/2019-seisoen. Die beker is volledig van massiewe silwer gemaak en bevat aan die binnekant die kleure van al die nasionale vlae. Die trofee weeg 7,5 kg en is 71 cm hoog.
Hymne
[wysig | wysig bron]Die amptelike hymne van die UEFA Nations League is ’n kombinasie van klassieke elemente en elektroniese musiek. Dit is gekomponeer deur Giorgio Tuinfort en Franck van der Heijden. Die hymne word in stadions en in die media gespeel. Dit is in Latyn gesing deur die Groot Omroepkoor, en is begelei deur die Nederlandse Radio Filharmonisch Orkest.
Die hymne is op 24 Januarie 2018 tydens die seremonie in Lausanne regstreeks uitgevoer deur die koor van die Opéra van Lausanne.
Eindrondes
[wysig | wysig bron]| Seisoen | Gasheerland | Eindstryd | Klein finale | ||||||
|---|---|---|---|---|---|---|---|---|---|
| Wenner | Uitslag | Tweede | Derde | Uitslag | Vierde | ||||
| 2018/19 | Portugal |
Portugal |
1 – 0 |  Nederland |
 Engeland |
0 – 0 (s. 6 – 5) |
 Switserland
| ||
| 2020/21 |  Italië |
 Frankryk |
2 – 1 |  Spanje |
Italië |
2 – 1 |  België
| ||
| 2022/23 | Nederland |
Spanje |
0 – 0 (s. 5 – 4) |
 Kroasië |
Italië |
3 – 2 | Nederland
| ||
| 2024/25 |  Duitsland |
Portugal |
2 – 2 (s. 5 – 3) |
Spanje |
Frankryk |
2 – 0 | Spanje
| ||
Verwysings
[wysig | wysig bron]- ↑ Rumsby, Ben (25 Maart 2014). "England ready to play in new Nations League as revolutionary Uefa plan earns unanimous backing". The Telegraph. Geargiveer vanaf die oorspronklike op 12 Augustus 2014.
- ↑ "UEFA Nations League receives associations' green light". UEFA.org. 27 Maart 2014. Geargiveer vanaf die oorspronklike op 29 Junie 2017.
