USS Triton (SSRN-586)

in Wikipedia, die vrye ensiklopedie
USS Triton
kern-aangedrewe duikboot, radar picket
Vernoem naTritonWysig
LandVerenigde StateWysig
Geleë in administratiewe eenheidWashingtonWysig
Geografiese ligging47°33′16″N 122°38′27″WWysig
VervaardigerGeneral Dynamics Electric BoatWysig
OperateurAmerikaanse VlootWysig
Map

Die USS Triton (SSRN-586) was 'n kernaangedrewe duikboot van die Amerikaanse Vloot en die enigste in sy klas. Die duikboot het bekend geword toe dit onderwater reg rondom die aarde gevaar het in 60 dae en 21 ure. Die duikboot is op 19 Augustus 1958 te water gelaat en in diens gestel op 10 November 1959.

Wêreldvaart[wysig | wysig bron]

Triton het begin met sy proefvaart (shakedown) onderwatertoer op 15 Februarie 1960, rigting suid Atlantiese Oseaan. Die duikboot arriveer by die Sint Petrus en Sint Paulus-argipel op 24 Februarie. Hier begin die onderwatertoer amptelik. Hiervandaan vaar die duikboot suidwaarts, om Kaap Hoorn en gaan weswaarts deur die Stille Oseaan. Die duikboot gaan verby die Filippyne, deur die Indonesiese argipels en kruis die Indiese Oseaan. Hulle vaar rondom die Kaap van Goeie Hoop en arriveer by die Sint Petrus en Sint Paulus-argipel op 10 April 1960, na 60 dae en 21 uur. Gedurende die tog het die duikboot die ewenaar vier keer gekruis. Die tog word onderwater voltooi tot by Groton, Connecticut wat op 10 Mei bereik word. Die roete was feitlik dieselfde wat Ferdinand Magellaan gevolg het.

Tegniese besonderhede[wysig | wysig bron]

Besonderhede van die USS Triton:
Item Statistiek
Verplasing (oppervlak) 5 686 metrieke ton
Verplasing (onderwater) 7 650 metrieke ton
Lengte 136,0 m
Breedte 11,27 m
Aandrywing (oppervlak en onderwater) 2 x General Electric S4G kernreaktors
Spoed (oppervlak) 30,0 knope
Spoed (onderwater) 27,0 knope
Bemanning 159
Wapens 6 × 21 duim (533 mm) torpedobuise
Sint Petrus en Sint Paulus-argipel vanuit die periskoop van USS Triton (1960)