Vaidas Baumila

in Wikipedia, die vrye ensiklopedie
Jump to navigation Jump to search
Vaidas Baumila
20150516 ESC 2015 Monika Linkytė & Vaidas Baumila 8492.jpg
Agtergrondinligting
Gebore28 Maart 1987 (1987-03-28) (34 jaar oud)
Vilnius, Litaue
GenresPop, R&B, Soul
Beroep(e)Sanger, TV-aanbieder
InstrumenteStem
Jare aktief2005 — hede
EtiketteU-Sound

Vaidas Baumila - meestal net Vaidas genoem - is een van Litaue se gewildste pop-sangers.

Biografie[wysig | wysig bron]

Reeds op die ouderdom van 17 jaar het Vaidas - destyds nog onder die verhoognaam Ozonas - as hip hop-sanger sukses behaal en is vir die Litause Radiocentras-musiekprys genomineer.

Sy groot deurbraak het in 2005 gekom toe hy in die gewilde realiteit-skou Dangus opgetree het. Toeskouers het van Vaidas se charismatiese sangstyl gehou, en sy dekking van die Litause lied Myliu was binnekort bo-aan die Litause trefferlys. Vaidas was 'n popster nog voordat hy sy hoërskool-loopbaan voltooi het.

In die volgende jaar het Vaidas een van die hoofrolle in die musiekblyspel Meilė ir bananai vertolk en is as televisie-aanbieder aangestel. Teen die einde van dié jaar is sy debuut-album vrygestel. Die langspeler met liedjies in Litaus en Engels is in samewerking met die bekende Litause R'n'B-musiekvervaardiger Linas Adomaitis en 'n aantal bekende popsangers opgeneem.

In 2007 is Vaidas se eerste musiekvideo Music Is My Soul vervaardig. Dit was een van die duurste produksies nog in die geskiedenis van die Litause vermaaklikheidsbedryf en was baie gewild op Litause televisiekanale.

Diskografie[wysig | wysig bron]

Albums
  • Ką tu mėgsti? (2006)
  • Išklausyk (2007)

Eksterne skakels[wysig | wysig bron]