Vals Olaf
Die Vals Olaf was 'n man wat op 28 Oktober 1402[1] tereggestel is omdat hy voorgegee het hy is koning Olaf II van Denemarke en Noorweë, wat in 1387 as 'n tiener dood is. Hy is van verraad aangekla en het op die brandstapel gesterf met sy briewe om sy nek.[1]
Geskiedenis
[wysig | wysig bron]Die Pruisiese historikus Johan von Posilge het berig dat ’n "arm, siek man in 1402 na die land gekom en naby die dorp Grudentz gebly het". ’n Groep handelaars van Denemarke het hom gesien en gesê hy lyk baie soos wyle koning Olaf. Hulle het toe iemand anders gaan haal wat die koning al gesien het en dié het uitgeroep: "My heer die koning!" Baie mense, veral in Noorweë, het geglo dat Olaf nie dood is nie en dat sy ma, koningin Margrethe I, hom vergiftig het sodat sy kon regeer. Daarna het Olaf glo weggekruip en gevlug.
’n Handelaar wat die nuus gehoor het, Tyme von der Nelow, het die man toe na Gdansk geneem, waar die mense van aansien hom as die regmatige koning van Denemarke en Noorweë verwelkom het en vir hom duur klere en presente gegee het. ’n Seël is vir hom gemaak en hy het aan koningin Margrethe geskryf en gesê hy is haar seun en en dat hy sy land en titels terugeis. Margrethe het aan hom teruggeskryf en gesê as hy kan bewys hy is haar seun, sal sy te bly wees om hom as sodanig te erken.
Die man is na die koningin geneem en daar is dadelik vasgestel dat hy nie Olaf is nie. Hy kon nie ’n woord Deens praat nie en toe hy ondervra is, het hy erken dat hy van Pruise is. Hy is daarna op die brandstapel tereggestel met sy briewe aan die koningin om sy nek.[2][3] 'n Gedetailleerde verduideliking van die regte Olaf se dood in 1387 is uitgereik om die storie wat deur die Balkan versprei het, in die kiem te smoor.[4]
In 2021 is 'n Deense rolprent, Margrete: Queen of the North (Margrete den Første) oor die gebeure gemaak, met die Noorweegse akteur Jakob Oftebro in die naamrol.
Verwysings
[wysig | wysig bron]- 1 2 Cole, Richard (20 Maart 2023). "The False King Olaf and His Necklace of Letters". Scandinavian Studies. 95 (1). Madison: University of Wisconsin Press: 1–34. doi:10.3368/sca.95.1.0001. Besoek op 8 Oktober 2024.
- ↑ Rosborn+ När hände vad i nordens historia 1996. p.69. ISBN 91-7643-350-1
- ↑ Williams, Gareth. Sagas, Saints, and Settlements.
- ↑ Rosborn, Sven; Schimanski, Folke (1997). När hände vad i nordens historia. p. 69. ISBN 91-7643-350-1.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
