Veelvoudige sin

in Wikipedia, die vrye ensiklopedie
Jump to navigation Jump to search

'n Veelvoudige sin, ook bekend as komplekse of saamgestelde sin, is 'n sin wat uit twee of meer sinne bestaan wat met behulp van verbindingswoorde verbind kan word.

Byvoorbeeld:

Hy borsel sy tande voordat hy gaan slaap.

Die kos het gebrand, want sy het die stoof aan vergeet.

  • 'n Komma skei twee sinne wat sonder 'n verbindingswoord verbind word.

Vra vir hom, hy sal weet. As ons harder gewerk het, sou ons al lankal klaar gewees het.

  • Die komma word voor die tweede óf, nóg, én of hoe in neweskikkende konstruksies gebruik.

Hulle sal óf harder moet werk, óf die jaar moet herhaal. Hoe harder hulle gewerk het, hoe beter het dit gegaan.

  • 'n Komma skei twee sinne (albei met onafhanklike woordorde) wat met 'n neweskikkende verbindingswoord verbind word.

Hy wou niks sê nie, want sy prokureur was nie by nie. Die trust is uitgeput, en daar is gevolglik geen beurse meer beskikbaar nie.

  • 'n Komma skei twee sinne (waarvan ten minste een afhanklike woordorde het) wat met 'n onderskikkende verbindingswoord aan sinsbegin of in die middel van die sin verbind word.

Indien ons genoeg geld kan spaar, gaan ons volgende jaar Europa toe. Jy kan saamgaan, mits jy stilbly. Die boek wat ek gelees het, het nou spoorloos verdwyn.

Bronne[wysig | wysig bron]

Afrikaanse woordelys en spelreëls, 2017. Kaapstad: Pharos