Venetia-diamantmyn
| Land | Suid-Afrika |
|---|---|
| Geografiese ligging | 22°26′2″S 29°18′50″E |
| Operateur | De Beers |
| Produk of materiaal wat geproduseer word | diamant |
Die Venetia-diamantmyn is Suid-Afrika se grootste produsent van diamante. Dit is geleë naby die plattelandse dorp van Alldays in die Limpopoprovinsie en is geleë binne die 360 km² Venetia Limpopo-natuurreservaat.
Die oopgroefmyn is een van De Beers se ses oorblywende diamantmyne in Suid-Afrika en die enigste groot diamantmyn wat in die land ontwikkel is die afgelope 25 jaar. Die myn verteenwoordig een van De Beers se grootste beleggings in Suid-Afrika. Die myn is in 1992 deur Harry Oppenheimer, 'n voormalige De Beers-voorsitter, geopen.[1]
In 2004 het die myn 955 werknemers gehad en 7 187 300 karaat (1 437,5 kg) se diamante herwin uit 5 871 000 metrieke ton erts.
Die Koloperivier vloei 8 km na die weste van die myn. Opgaardamme is in twee van sy sytakke gebou. [2]
Verwysings[wysig | wysig bron]
- ↑ "debeersgroup.com". Geargiveer vanaf die oorspronklike op 11 Mei 2018. Besoek op 19 Desember 2017.
- ↑ Hydrogeology of the Venetia Diamond Mine, South Africa