Verdeling van Indië

in Wikipedia, die vrye ensiklopedie
Spring na: navigasie, soek
Kaart van Brits-Indië, die Brits-Indiese Ryk
Beweging van vlugtelinge tydens die verdeling van Indië

Die Verdeling van Indië (ook Partisie van Indië genoem) van 1947 het Brits-Indië in twee lande, Indië en Pakistan, verdeel. Hierdie verdeling het die einde van die Britse heerskappy op die Indiese subkontinent beteken. Die verdeling is gedeeltelik deur die Tweenasieteorie veroorsaak. Dié teorie is deur Syed Ahmed Khan, as gevolg van godsdienstige kwessies, aangebied. Pakistan het 'n Islamitiese republiek geword, terwyl Indië 'n sekulêre republiek met 'n hoofsaaklik Hindoe-bevolking geword het. Een van die belangrikste leiers van die verdeling was Muhammad Ali Jinnah, wat die eerste goewerneur-generaal van Pakistan geword het.

Die verdeling was 'n bloedige gebeurtenis en dit het die grootste migrasie in die geskiedenis[1] sowel as die dood van talle mense veroorsaak. Dit het ook verskeie oorloë tussen Indië en Pakistan veroorsaak.

Tydlyn[wysig | wysig bron]

Vlugtelinge op 'n treindak tydens die partisie
Jaar Gebeurtenis
1947 Verdeling
1948 Hyderabad deur Indië geannekseer
1950 Barisal-onluste
1956 Pakistan word 'n Islamitiese republiek
1964 Onluste oor die Hazratbal-insident
1971 Bangladesh bevrydingsoorlog

Verwysings[wysig | wysig bron]

  1. (en) History's greatest migration, The Guardian, 25 September 1947. URL besoek op 25 Februarie 2016.