Vernie Plaatjies
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Vernie Plaatjies (1962 - 2010) was 'n Suid-Afrikaanse skrywer en is op 6 September 1962 op Bredasdorp[1] gebore.
Lewe en werk[wysig | wysig bron]
Vernie Plaatjies is gebore as die oudste van ses kinders. Hy het twee broers (Joseph Lodewyk en Henry Lakey) en drie susters (Leona, Maria en Shireen).[2] Hy verwerf 'n B.A.-graad met hoofvakke Afrikaans en Filosofie aan die Universiteit van Wes-Kaapland in 1984, gevolg deur 'n Hoër Onderwysdiploma. Hierna gee hy ses jaar lank onderwys in Hanoverpark. In 1989 behaal hy sy B.A. Honneurs-graad. Hierna behaal hy sy M.A.-graad met lof met 'n verhandeling oor “Skryt” van Breyten Breytenbach en is deeltydse dosent in die Afrikaanse letterkunde by die Universiteit van Wes-Kaapland. Hy span saam met die kunstenaar Thembinkosi Goniwe vir die “Bloedlyn” uitstalling van kunswerke by die Klein Karoo Nasionale Kunstefees[3] van 1999, waar skrywers en kunstenaars gesamentlik 'n kunswerk lewer. Hy woon op Atlantis naby Kaapstad by 'n tante, maar verhuis kort voor sy dood na sy suster Leona Springfield op Mitchells Plain. Op 18 Mei 2010 is hy op Mitchells Plain aan nierversaking oorlede.[4]
Skryfwerk[wysig | wysig bron]
In sy poësie ontgin hy die leefwêreld en taalgebruik van die bruin Afrikaanssprekendes en lewer hy veral sosiale kommentaar op die dinge wat sy mense raak.[5] Sy gedigte word in “Optog”, “Nuwe stemme 1”,[6][7] “Nuwe stemme 3”,[8][9] “Die dye trek die dye aan” en “Groot verseboek” opgeneem. Hy skryf ook die lirieke vir die liedjie “Strate” wat deur Riku Lätti opgeneem word.
Eerbewyse[wysig | wysig bron]
Die Afrikaanse Skrywersvereniging, tesame met die Kreatiewe Skrywersvereniging van Bredasdorp, vier op Saterdag 17 September 2011 sy lewe en werk by 'n funksie op Bredasdorp.
Verwysings[wysig | wysig bron]
- ↑ Wyngaard, Heindrich LitNet: http://www.litnet.co.za/bokomo-brekfisbrief-23-05-2010-vernie-plaatjies/
- ↑ Kannemeyer, J.C. “Die Afrikaanse literatuur 1652-2004” Human & Rousseau Kaapstad en Pretoria Eerste uitgawe 2005
- ↑ Rapport: http://152.111.1.87/argief/berigte/rapport/2011/09/02/RH/2/boek02.html[dooie skakel]
- ↑ Pople, Laetitia Die Burger: http://m24arg02.naspers.com/argief/berigte/dieburger/2010/05/21/SK/10/willemplaatjies.html[dooie skakel]
- ↑ Wyngaard, Heindrich Rapport: http://152.111.1.87/argief/berigte/rapport/2005/02/20/R1/26/01.html[dooie skakel]
- ↑ Hambidge, Joan “Tydskrif vir Letterkunde” Jaargang 35 no. 2, Mei 1998
- ↑ De Vries, Anastasie en Weideman, George “Nuwe stemme 1” “Tafelberg-Uitgewers Bpk. Kaapstad Eerste uitgawe 1997
- ↑ Carstens, Hester Oulitnet: http://www.oulitnet.co.za/seminaar/nuwestemme3.asp Geargiveer 21 Junie 2017 op Wayback Machine
- ↑ Hambidge, Joan “Rapport” 12 Junie 2005; Visagie, Andries “Beeld” 20 Junie 2005