Steenvrug

in Wikipedia, die vrye ensiklopedie
(Aangestuur vanaf Versamelsteenvrug)
Die pit van 'n perske

'n Steenvrug of pitvrug is 'n vrug met 'n groot harde saad daarbinne. Hierdie saad word soms 'n pit genoem. Voorbeelde van steenvrugte is perskes, pruime en kersies. Hierdie vrugte is meestal smaaklik en word dikwels as voedsel gebruik.

Japanse wynbessie

'n Steenvrug het 'n binnewand wat die endokarp genoem word. Hierdie endokarp bestaan uit 'n pitwand. Voorbeelde van sulke pitwande is te vinde in 'n kersiepit, pruimpit, lemoenpit, okkerneut of in braampitjies. Binne die pit (die "steen") sit die eintlike saad.

Rondom die endokarp sit die meestal vlesige mesokarp wat op sy beurt omgewe is van 'n vrugskil, die eksokarp. By die kokosneut, ook 'n steenvrug, is die mesokarp nie vlesig nie, maar veselrig.

'n Versamelsteenvrug, soos by die braam, framboos of Japanse wynbessie, is saamgesteld uit talryke vrye vrugbeginsels van één blom, wat afsonderlike steenvruggies vorm. Hierdie vruggies sit dus op dieselfde blombasis en word omgewe van één kelk.

Allergiese reaksies op steenvrugte is bekend. In meeste gevalle is 'n kruisallergie vir stuifmeel 'n faktor.