Vickers VC10

in Wikipedia, die vrye ensiklopedie
Jump to navigation Jump to search
Vickers VC10
RAF Vickers VC10 K3 over the North Sea Lofting.jpg
'n Vickers VC10 K3-tenkvliegtuig van die Koninklike Britse Lugmag
Tipe Passasiersvliegtuig
Vervaardiger Vickers-Armstrongs (Aircraft) Ltd
Nooiensvlug 29 Junie 1962
Vrygestel 29 April 1964 vir BOAC
Hoofgebruiker BOAC
East African Airways
Ghana Airways
Koninklike Britse Lugmag
Vervaardig 1962 tot 1970
Aantal gebou 54
Programkoste -
Eenheidskoste £1,75 miljoen

Die Vickers VC10 is 'n middelgroot smalromp-straalvliegtuig met sitplekke vir 135 passasiers wat deur die Britse vervaardiger Vickers-Armstrongs (Aircraft) Ltd ontwikkel is. Sy nooiensvlug het in 1962 vanaf die Brooklands-vliegveld in Surrey plaasgevind.

Die VC10 is spesifiek ontwerp vir lugrederye wat roetes na Afrika bedien het. So was dit nie net geskik vir die betreklik kort aanloopbane van dié tyd nie, maar ook aangepas vir die besondere atmosferiese toestande van hoër geleë lughawens op die Afrikavasteland met relatief hoë temperature en laer lugtdigtheid. Die VC10 hou ook steeds die rekord vir die snelste transatlantiese vlug van enige subsoniese vliegtuig, vanaf New York se John F. Kennedy-lughawe na Glasgow-Prestwick, met 5 ure en 1 minuut - net die Concorde was sneller.[1]

Wat die VC10 se ontwerp betref, word daar dikwels vergelykings getrek met die Sowjet-Russiese Iljoesjin Il-62. Albei stralers is deur vier enjins aan hul agterkant aangedryf. 'n Derde, maar kleiner vliegtuig met hierdie kenmerkende ontwerp is die sakestraler Lockheed JetStar.

Verwysings[wysig | wysig bron]