Vier-en-twintig Riviere

Ligging van Vier-en-twintig-riviere in Suid-Afrika.

Vier-en-twintig Riviere is 'n rivier en boerderystreek tussen Porterville en Gouda in die Wes-Kaap.

Die rivier ontspring aan die westekant van die Groot-Winterhoekberge en aan die voet van die berge verdeel dit in verskeie strome. Die R44-provinsiale pad kruis op 68 m bo seevlak die hoofstroom tussen Saron en Halfmanshof. Kort daarna sluit dit by die Bergrivier (die Groot-Bergrivier) aan. Net ná hierdie samevloeiing gaan die spoorlyn tussen Hermon en Porterville oor die Bergrivier.

In 1706 word die eerste wei-lisensies in die gebied aan J.S. Botma en B.P. Blom toegeken. Teenswoordig word hier met koring, tafeldruiwe, sitrus en olywe geboer. Sedert 1971 voer 'n kanaal van 22 km lank water uit die rivier na die Voëlvleidam.

Die plaas Steenwerp (Steenwerck) is reeds in 1720 in hierdie streek aan Jacques Mouton toegeken.

Koördinate: 33.19176°S 18.93558°O / -33.19176; 18.93558

Bibliografie

• Green, Lawrence G.: Behold the Great Berg River. In: On wings of fire. A narrative of odd and unusual characters and queer, remote places along the flamingo coast from Swakopmund to the Cape. Kaapstad: Howard B. Timmins, 1982. ISBN 0-86978-212-6