Viking 2
Viking 2 was 'n ruimtesending om die planeet Mars te verken. Die sending was deel van die Amerikaanse Viking-program. Net soos die Viking 1, het die ruimtetuig uit 'n wenteltuig en 'n landingstuig bestaan.
Die Viking 2 is op 9 September 1975 met behulp van 'n Titan IIIE-vuurpyl gelanseer. Op 7 Augustus 1976 het dit die planeet Mars bereik, en op 3 September 1976 het die tuig se landingstuig op die planeet neergestryk. Die gebied waar die Viking 2 geland het staan as die Utopia Planitia (22:58 UTC, MSD 36500 00:34 AMT, 3 Mesha 195 Darische) bekend.
Die Viking 2 se wenteltuig het tot 22 kilometer van die maan Deimos verbygevlieg en skerp foto's van die kleinste van Mars se twee mane geneem.
