Vin Jaune

in Wikipedia, die vrye ensiklopedie
Vin Jaune van die Jura in Franche Comté

Vin jaune (letterlik "geelwyn") is 'n ongewone wyn wat in die Jura-département in die Franche-Comté streek, Frankryk gemaak word.

Die wyn word van laatoes-Savagnindruiwe gemaak, 'n ongewone plaaslike wit druifsoort. Die druiwe word stadig gefermenteer en in klein eikehoutvaatjies gestoor. Die vaatjies word nie volgemaak nie, anders as by meeste ander wyne, wat veroorsaak dat 'n luggaping bo die wyn vorm as gevolg van verdamping. 'n Gislagie groei oor die wyn wat dit gedeeltelik teen oksidasie beskerm. Die wyn verkry 'n kenmerkende geel kleur en die geur daarvan ontwikkel soos dit vir ses jaar en drie maande verouder word. Teen die tyd bly omtrent 62% van die oorspronklike wyn behoue en die wyn word gebottel in 62cl wynbottels wat clavelins genoem word.

Die wyn verouder geweldig goed en word gewoonlik nie gedrink voor dit ten minste tien jaar gebottel is nie, omtrent sestien jaar na die oes. Dit kan vir vyftig of 'n honderd jaar hou.

Etiketsbenamings sluit in Château-Chalon AOC, Arbois Vin Jaune AOC, Cotes du Jura vin Jaune AOC en Vin Jaune de L'Etoile.

La Percée du Vin Jaune[wysig | wysig bron]

'n Fees genaamd La Percée du Vin Jaune (Letterlik: "Oopmaak van die geelwyn") word elke jaar in die eerste week van Februarie gehou om die vrystelling van 'n nuwe oesjaar bekend te stel. Onlangse feeste, wat proesessies insluit, het meer as 30 000 beoekers gelok. Die fees vind elke jaar in 'n ander dorpie in die streek plaas.

Eksterne skakels[wysig | wysig bron]