Virgil van Dijk
.jpg) Van Dijk in 2016 | |||
| Persoonlike inligting | |||
|---|---|---|---|
| Geboortedatum | 8 Julie 1991 | ||
| Geboorteplek | Breda, Noord-Brabant, Nederland | ||
| Lengte | 1,95 m | ||
| Speelposisie | Senteragter | ||
| Klubinligting | |||
| Huidige klub | Liverpool | ||
| Nommer | 4 | ||
| Jeugloopbaan | |||
| WDS'19 | |||
| 1999–2010 | Willem II | ||
| 2010–2011 | Groningen | ||
| Seniorloopbaan* | |||
| Jare | Span | Kere† | (Doele)† |
| 2011–2013 | Groningen | 62 | (7) |
| 2013–2015 | Celtic | 76 | (9) |
| 2015–2018 | Southampton | 67 | (4) |
| 2018– | Liverpool | 239 | (21) |
| Nasionale span‡ | |||
| 2011 | Nederland o/19 | 1 | (0) |
| 2011–2013 | Nederland o/21 | 3 | (0) |
| 2015– | Nederland | 84 | (10) |
| * Kere vir seniorklub uitgedraf en doele is net vir die plaaslike liga. en korrek soos op 20 September 2025. † Kere uitgedraf (Doele). | |||
Virgil van Dijk (gebore 8 Julie 1991) is ’n Nederlandse professionele sokkerspeler wat as ’n sentrale verdediger speel en kaptein is van beide die Premierliga-klub Liverpool en die Nederlandse nasionale span. Hy word wyd beskou as een van die beste verdedigers van sy generasie en een van die grootste verdedigers in die geskiedenis van die Premierliga. Hy is bekend vir sy krag, leierskap, spoed en lugvermoë.[1][2][3][4][5][6][7][8]
Nadat hy sy professionele loopbaan by Groningen begin het, het Van Dijk in 2013 na Celtic verhuis. By Celtic het hy die Skotse Premierliga gewen en is hy in beide van sy seisoene by die klub in die Professional Footballers' Association Scotland se Span van die Jaar ingesluit, en het hy die Skotse Ligabeker in die tweede seisoen gewen. In 2015 het hy by Southampton aangesluit voordat hy in Januarie 2018 vir Liverpool geteken het vir £75 miljoen, destyds ’n wêreldrekord-oordragsfooi vir ’n verdediger. Met Liverpool het Van Dijk agtereenvolgende UEFA Kampioeneliga-eindstryde in 2018 en 2019 gehaal en die tweede gewen. Hy is ook aangewys as die Professionele Sokkerspelersvereniging se Speler van die Jaar en die Premierliga Speler van die Seisoen in sy eerste volle seisoen. Van Dijk het later die FIFA-Klubwêreldbeker en UEFA Superbeker gewen, en ’n sleutelrol gespeel in die beëindiging van die klub se 30-jaar lange liga-titel-droogte deur die 2019/20 Premierliga te wen. Hy is die enigste verdediger wat UEFA se Mansspeler van die Jaar-toekenning gewen het, en hy het in 2019 tweede geëindig vir beide die Ballon d’Or en die Beste FIFA Mansspeler-toekenning. Van Dijk is ook in vier verskillende jare in die FIFPRO Manswêreld-11 gekies.
Van Dijk het Nederland op onder-19- en onder-21-vlak verteenwoordig. Hy het sy senior internasionale debuut vir die Nederlande in 2015 gemaak en in Maart 2018 volle kapteinskap van die nasionale span oorgeneem. Die volgende jaar het Van Dijk die Oranje as kaptein na die eindstryd van die eerste UEFA Nasiesliga gelei, waar hulle as naaswenners geëindig het. Hy het ook sy span as kaptein na die kwarteindronde van die 2022 FIFA Wêreldbeker en die halfeindronde van die Europese Kampioenskap in 2024 gelei.
Vroeë lewe
[wysig | wysig bron]Van Dijk is in Breda gebore as die seun van Ron van Dijk, ’n Nederlander, en Hellen Chin Fo Sieeuw, ’n Surinamese van Afro-Surinaamse en gedeeltelik Chinese afkoms.[9] Die Chinese van Chin Fo Sieeuw is afgelei van die voornaam van sy moederlike oupagrootjie, Chin Fo Sieeuw (Chinees: 陳火秀, geromaniseer: Chén Huǒxiù), wat omstreeks 1920 van Guangdong na Suriname geëmigreer het.[10] Hy het ’n jonger broer en suster, wat onderskeidelik twee en tien jaar jonger as hy is.[11][12]
Van Dijk het grootgeword in Kesteren, in die Haagse Beemden-distrik van Breda.[13][14] Sy vader het die gesin verlaat toe hy 11 jaar oud was. Van Dijk het aanvanklik saam met hom gewoon voordat hy besluit het om terug te keer na sy moeder, waarna sy vader alle kontak verbreek het.[15]
Klubloopbaan
[wysig | wysig bron]Van Dijk het in die 2010/11-seisoen vir Groningen gedebuteer en in die 2011/12-seisoen twee doele in die Eredivisie aangeteken voordat hy ernstig siek geword het en ’n noodoperasie ondergaan het. Ná sy herstel het hy in die 2012/13-seisoen as vaste sentrale verdediger gespeel. In Junie 2013 het hy by Celtic aangesluit, waar hy tussen 2013 en 2015 twee Skotse ligatitels en die Ligabeker gewen het en twee keer in die Spans van die Jaar ingesluit is. Op 1 September 2015 het hy vir £13 miljoen by Southampton geteken, waar hy kaptein geword het en as Speler van die Jaar aangewys is.
Op 1 Januarie 2018 het hy vir ’n rekordbedrag van £75 miljoen by Liverpool aangesluit en op sy debuut teen Everton die wendoel aangeteken. Hy het in die 2018/19-seisoen die UEFA Champions League gewen en as PFA Speler van die Jaar aangewys. In die 2019/20-seisoen het hy gehelp om Liverpool se eerste ligatitel in 30 jaar te wen. Ná ’n ernstige kniebesering in die 2020/21-seisoen het hy in die 2021/22-seisoen teruggekeer en die EFL-beker en die FA-beker gewen.[16][17] In 2023 is hy tot Liverpool-kaptein benoem en het hy in die 2023/24-seisoen die EFL-beker gewen. In die 2024/25-seisoen het hy onder die bestuur van die pas aangestelde medelandgenoot Arne Slot bygedra om Liverpool na hul 20ste Engelse ligatitel te lei en sy kontrak tot 2027 te verleng.[18]
Internasionale loopbaan
[wysig | wysig bron]Van Dijk het sy jeugloopbaan by Nederland se o/19-span in Mei 2010 begin en in November 2011 vir Nederland se o/21-span gedebuteer. Hy het sy debuut vir die seniorspan op 10 Oktober 2015 gemaak in ’n 2–1-oorslaan van Kasakstan in ’n kwalifiseringswedstryd vir die Europese Kampioenskap in 2016 (Euro 2016). Op 22 Maart 2018 het hy onder Ronald Koeman die aanvoerderskap van Nederland oorgeneem en sy eerste internasionale doel geskop teen Portugal op 26 Maart. Hy het die span na die 2019 UEFA Nations League-eindstryd gelei, waar hulle tweede geëindig het. Van Dijk het weens ’n besering die uitgestelde UEFA Euro 2020 misgeloop, maar was aanvoerder van Nederland by die 2022 FIFA Wêreldbeker, waar hulle Groep A gewen het en in die kwarteindrondte op strafskoppe aan Argentinië verloor het.[19][20] Hy het ook Nederland gelei by die 2023 UEFA Nations League-eindstryd en die UEFA Euro 2024, waar hulle die halfeindrondte bereik het voor ’n nederlaag teen Engeland.[21]
Verwysings
[wysig | wysig bron]- ↑ "Kompany's verdict on the greatest-ever PL defender – and it's not Terry or Ferdinand". talkSPORT. 10 Mei 2020. Besoek op 14 Oktober 2023.
- ↑ "Ben Foster claims Virgil van Dijk was 'best defender that has ever lived' before Liverpool star's ACL injury". Yahoo News. 14 Oktober 2023. Besoek op 14 Oktober 2023.
- ↑ "Virgil van Dijk the best defender in the world, says Paul Merson". Sky Sports. Geargiveer vanaf die oorspronklike op 20 April 2019. Besoek op 20 April 2019.
- ↑ "Virgil van Dijk: Champions League Defender of the Season". UEFA. Geargiveer vanaf die oorspronklike op 7 Oktober 2019. Besoek op 1 September 2019.
- ↑ "How Virgil van Dijk became the Premier League's top defender". Sky Sports. Besoek op 14 Oktober 2023.
- ↑ "European Team of the 2020s so far: Robert Lewandowski and Kylian Mbappe make the cut – but no room for Harry Kane, Erling Haaland, Vinicius Jr or Jude Bellingham". Goal. 3 Januarie 2025. Besoek op 3 Januarie 2025.
- ↑ "The 50 best defenders in football history ranked by fans". GiveMeSport. 9 April 2020. Besoek op 3 Maart 2025.
- ↑ "Ranked! The 20 best Premier League defenders ever". FourFourTwo. 18 Augustus 2024. Besoek op 17 Junie 2025.
- ↑ Vernon, Polly (3 April 2024). "Virgil van Dijk on Liverpool, Klopp — and owing it all to his wife". thetimes.com.
- ↑ "Virgil van Dijk is eligible to play for this Asia country!- Asia United". asiaunitedfc.com. 13 Junie 2019. Geargiveer vanaf die oorspronklike op 6 November 2019. Besoek op 26 Oktober 2020.
- ↑ "Virgil van Dijk in 2011: FC Barcelona is het uiteindelijke doel – Sport – DVHN.nl". 31 Desember 2017. Geargiveer vanaf die oorspronklike op 31 Desember 2017. Besoek op 21 April 2023.
- ↑ Coleman, Joe (19 Maart 2019). "The personal heartache driving Liverpool's £75million man to Premier League title". talkSPORT (in American English). Geargiveer vanaf die oorspronklike op 21 April 2023. Besoek op 21 April 2023.
- ↑ Hughes, Simon; Pearce, James. "Liverpool's title winners – by the coaches who discovered them". The New York Times (in Engels). Geargiveer vanaf die oorspronklike op 21 April 2023. Besoek op 21 April 2023.
- ↑ Wallace, Sam (25 April 2019). "The making of Virgil van Dijk: How Holland allowed the 'tall dude' from Breda to slip through the net". The Telegraph (in British English). ISSN 0307-1235. Geargiveer vanaf die oorspronklike op 21 April 2023. Besoek op 21 April 2023.
- ↑ "2 people who influenced Virgil van Dijk". Tribuna.com. 24 April 2019. Geargiveer vanaf die oorspronklike op 21 April 2023. Besoek op 21 April 2023.
- ↑ "Virgil van Dijk: Liverpool defender needs knee surgery and faces lengthy lay-off". BBC Sport. Geargiveer vanaf die oorspronklike op 20 Maart 2021. Besoek op 18 Oktober 2020.
- ↑ "Liverpool's quadruple, treble chase is over: Reds settle for double in 2021–22". Sporting News. Geargiveer vanaf die oorspronklike op 2 Junie 2023. Besoek op 2 Junie 2023.
- ↑ "Virgil van Dijk signs new Liverpool FC contract – Liverpool FC". liverpoolfc.com (in Engels). 17 April 2025. Besoek op 17 April 2025.
- ↑ "Virgil van Dijk: Liverpool & Netherlands defender rules himself out of Euro 2020". BBC Sport. 12 Mei 2021. Geargiveer vanaf die oorspronklike op 23 Mei 2021. Besoek op 23 Mei 2021.
- ↑ "Argentina edge Netherlands in shootout to win World Cup quarter-final thriller". The Guardian. 9 Desember 2022. Geargiveer vanaf die oorspronklike op 20 Desember 2022. Besoek op 6 Februarie 2023.
- ↑ McNulty, Phil (10 Julie 2024). "England 2-1 Netherlands: Ollie Watkins scores late as England reach Euro 2024 final against Spain". BBC Sport. Besoek op 29 Augustus 2025.
