Vitalik Buterin

in Wikipedia, die vrye ensiklopedie
Jump to navigation Jump to search
Vitalk Buterin in 2016.

Vitaly Dmitriyevich "Vitalik" Buterin (Russies: Виталий Дмитриевич Бутерин; gebore op 31 Januarie 1994) is 'n Russies-Kanadese programmeerder en skrywer wat veral bekend is as een van die medestigters van Ethereum. Buterin het vroeg in die ontstaan van kriptogeldeenhede daarby betrokke geraak en Bitcoin Magazine in 2011 gestig.[1][2][3]In 2014 het Buterin Ethereum van stapel gestuur.[4][5]

Persoonlike lewe[wysig | wysig bron]

Buterin is in Kolomna, Rusland, gebore as seun van Dmitri Buterin, 'n rekenaarwetenskaplike,[6] en Natalia Ameline (gebore Chistyakova). Hy het in die omgewing gewoon tot die ouderdom van ses toe sy ouers na Kanada geëmigreer het op soek na beter werksgeleenthede.[7] Terwyl hy in graad drie van die laerskool in Kanada was, is Buterin in 'n klas vir begaafde kinders geplaas[8] en was hy aangetrokke tot wiskunde, rekenaarprogrammering en ekonomie.

Buterin het vier jaar die Abelard-skool, 'n privaat hoërskool in Toronto, bygewoon.[9]

Buterin het op 17-jarige ouderdom meer van Bitcoin geleer van sy vader.[7] In 2012 verower hy 'n bronsmedalje in die Internasionale Olimpiade in Informatika.[10] In 2013 het hy ontwikkelaars in ander lande besoek wat sy entoesiasme vir programmering gedeel het. Hy keer later dieselfde jaar terug na Toronto en publiseer 'n witskrif waarin Ethereum voorgestel word.[11] Hy studeer aan die Universiteit van Waterloo waar hy 'n assistent vir die kriptograaf Ian Goldberg was.[12] Hy staak in 2014 sy studies toe hy 'n toekenning van $ 100 000 van die Thiel Fellowship ontvang, 'n beurs wat deur waagkapitalis Peter Thiel geskep is en voltyds aan Ethereum begin werk het.[13]

Op 25 Junie 2017 was Buterin die onderwerp van 'n vals doodsberig afkomstig van 4chan.[14]

Op 30 November 2018 ontvang Buterin 'n eredoktorsgraad van die Fakulteit Besigheid en Ekonomie van die Universiteit van Basel ter geleentheid van die Dies Academicus.[15]

Verwysings[wysig | wysig bron]

  1. Finley, Klint (27 Januarie 2014). "Out in the open: Teenage hacker transforms web into one giant Bitcoin network". Wired. Geargiveer vanaf die oorspronklike op 2014-02-12. Besoek op 7 Februarie 2014.
  2. del Castillo, Michael (24 September 2014). "Dark wallet: A radical way to Bitcoin". The New Yorker. Geargiveer vanaf die oorspronklike op 2013-09-25. Besoek op 24 Januarie 2014.
  3. Melendez, Steven (10 Februarie 2014). "Could this 20-Year-Old kid make Bitcoin obsolete?". Fast Company. Geargiveer vanaf die oorspronklike op 2014-03-01. Besoek op 22 Februarie 2014.
  4. "Ethereum Regains Title as Second Most Valuable Cryptocurrency Behind Bitcoin". Fortune (in Engels).
  5. "Ethereum Becoming More Than Crypto Coder Darling, Grayscale Says". Bloomberg.com (in Engels). 4 Desember 2020.
  6. Brownell, Claire (2017-06-27). "Vitalik Buterin: The cryptocurrency prophet". Financial Post (in Engels). Geargiveer vanaf die oorspronklike op 2018-03-08. Besoek op 2018-03-08.
  7. 7,0 7,1 Peck, Morgen (2016-06-13). "The Uncanny Mind That Built Ethereum". Backchannel. WIRED. Geargiveer vanaf die oorspronklike op 2017-07-13. Besoek op 2016-06-15.
  8. Snyder, Benjamin (2017-06-23). "Meet Vitalik Buterin, the 23-year-old founder of bitcoin rival ethereum". CNBC. Geargiveer vanaf die oorspronklike op 2018-01-29. Besoek op 2018-03-08.
  9. Leising, Matthew (2020). Out of the Ether : the amazing story of Ethereum and the $55 million heist that almost destroyed it all. Wiley. pp. 35–40. ISBN 9781119602934.
  10. "Results | IOI 2012". www.ioi2012.org. Geargiveer vanaf die oorspronklike op 2016-03-04. Besoek op 2016-07-21.
  11. Braga, Matthew (13 Okt. 2016). "Change Agents 2016: Vitalik Buterin, Ethereum". Canadian Business. Geargiveer vanaf die oorspronklike op 2017-06-07. Besoek op 6 Junie 2017.
  12. Russo 2020, pp. 29.
  13. Elliot, Josh (2 Julie 2014). "Why a 20-year-old Toronto drop-out accepted $100,000 to stay out of school". CTV. Geargiveer vanaf die oorspronklike op 2016-06-01. Besoek op 25 April 2016.
  14. "Hoax Over 'Dead' Ethereum Founder Spurs $4 Billion Wipe Out".
  15. "Vitalik Buterin receives Honorary Doctorate". cif.unibas.ch (in Engels). Geargiveer vanaf die oorspronklike op 2019-07-03. Besoek op 2019-07-03.