Gaan na inhoud

Vladimir Kara-Murza

in Wikipedia, die vrye ensiklopedie
Vladimir Kara-Murza in 2024.

Vladimir Vladimirovich Kara-Murza (Russies: Владимир Владимирович Кара-Мурза, IPA: [kɐˌra mʊrˈza]; gebore op 7 September 1981) is 'n Russies-Britse politieke aktivis, joernalis en skrywer, en voormalige politieke filmmaker.

Kara-Murza, 'n protégé van die vermoorde Russiese opposisieleier Boris Nemtsof, is die ondervoorsitter van Open Russia, 'n nie-regeringsorganisaie wat gestig is deur die verbanne Russiese sakeman en voormalige oligarg, Mikhail Khodorkovsky, wat die burgerlike samelewing en demokrasie in Rusland bevorder.[1][2][3]

Hy is in 2012 tot die Koördinerende Raad van die Russiese Opposisie verkies, en het gedien as adjunkleier van die People's Freedom Party van 2015 tot 2016. Hy het twee dokumentêre films, They Chose Freedom en Nemtsov, geregisseer. Vanaf 2021 dien hy as senior genoot van die Raoul Wallenberg Sentrum vir Menseregte.[4] Hy is in 2018 met die Civil Courage-prys bekroon.[5]

Arrestasie en vonnis

[wysig | wysig bron]

In April 2022, nadat hy hom uitgespreek het teen die Russiese inval in die Oekraïne, is Kara-Murza gearresteer op aanklag van die verontagsaming van polisiebevele. Sy aanhouding is verleng nadat aanklaers nuwe aanklagte van "diskreditering" van die weermag aanhangig gemaak het, en in Oktober 2022 is hy van hoogverraad aangekla.[6] Amnestie Internasionaal en ander het die aanklagte polities gemotiveerd genoem weens sy anti-oorlogse sienings.[7][8][9] In Oktober 2022 is die Václav Havel-menseregteprys aan hom toegeken.[10]

In April 2023 is Kara-Murza tot 25 jaar tronkstraf gevonnis, en na 'n tronkkolonie in Siberië gestuur.[11] In 2024 is hy bekroon met die Pulitzerprys vir kommentaar vir die rubrieke wat hy voortgegaan het om vanuit sy tronksel vir The Washington Post te skryf.[12]

Vrylating

[wysig | wysig bron]

Op 1 Augustus 2024 is Kara-Murza uit die tronk vrygelaat as deel van 'n gevangene-uitruiltransaksie waarby twee dosyn individue van sewe verskillende lande betrokke was.

Verwysings

[wysig | wysig bron]
  1. ↑ Luhn, Alec (27 Mei 2015). "Russian opposition activist Vladimir Kara-Murza in hospital after falling ill". The Guardian. Geargiveer vanaf die oorspronklike op 10 Februarie 2017. Besoek op 18 Desember 2016.
  2. ↑ Porter, Tom (27 Mei 2015). "Russia: Anti-Kremlin activist Vladimir Kara-Murza in hospital after 'poisoning'". International Business Times. Geargiveer vanaf die oorspronklike op 24 Julie 2015. Besoek op 28 Julie 2015.
  3. ↑ Tétrault-Farber, Gabrielle (31 Mei 2015). "Opposition Activist Remains in Critical Condition". Moscow Times. Geargiveer vanaf die oorspronklike op 19 Junie 2015. Besoek op 28 Julie 2015.
  4. ↑ "Senior Fellows". Raoul Wallenberg Centre for Human Rights (in British English). 2021. Geargiveer vanaf die oorspronklike op 12 Mei 2021. Besoek op 13 Februarie 2021.
  5. ↑ "2018 Civil Courage Prize Honoree". Civil Courage Prize. Geargiveer vanaf die oorspronklike op 20 Junie 2019. Besoek op 20 Junie 2019.
  6. ↑ "Jailed Kremlin Critic Kara-Murza Charged With Treason". The Moscow Times. 6 Oktober 2022. Geargiveer vanaf die oorspronklike op 7 Oktober 2022. Besoek op 7 Oktober 2022.
  7. ↑ "Russia: Vladimir Kara-Murza, jailed prisoner of conscience, awarded Václav Havel Prize". Amnesty International (in Engels). 10 Oktober 2022. Geargiveer vanaf die oorspronklike op 13 April 2023. Besoek op 30 Augustus 2024.
  8. ↑ "'Proof that today's Russia is returning to the practices of Stalin's political terror'. Russia's journalists and human rights defenders demand that terror policy against Russian citizens be stopped and Vladimir Kara-Murza be released. An open letter". Novaya Gazeta Europe. 31 Mei 2005. Geargiveer vanaf die oorspronklike op 13 April 2023. Besoek op 30 Augustus 2024.
  9. ↑ "Arrest and Detention of Vladimir Kara-Murza". www.csce.gov. Geargiveer vanaf die oorspronklike op 13 April 2023. Besoek op 5 Maart 2025. 'n brief van verskeie lede van die Amerikaanse kongres en senaat, 12 Mei 2022
  10. ↑ "2022 Václav Havel Prize awarded to imprisoned Russian opposition leader Vladimir Kara-Murza". Parliamentary Assembly of the Council of Europe. 10 Oktober 2022. Geargiveer vanaf die oorspronklike op 7 November 2022. Besoek op 7 November 2022.
  11. ↑ "Russian opposition figure Kara-Murza has disappeared from prison, colleagues say". The Associated Press. 29 Januarie 2024.
  12. ↑ "Vladimir Kara-Murza, contributor, The Washington Post". Pulitzer Prize. 4 Mei 2024.
Ontsluit van "https://af.wikipedia.org/w/index.php?title=Vladimir_Kara-Murza&oldid=2747153"