Gaan na inhoud

Vlag van die Faroëreilande

in Wikipedia, die vrye ensiklopedie
Vlag van die Faroëreilande
Vlag van die Faroëreilande
Vlag van die Faroëreilande
Bynaam (fo) Merkið
Gebruik Nasionale vlag en Burgerlike vaandel Nasionale vlag en burgerlike vaandel
Verhouding 8:11
Goedgekeur 25 April 1940[1]
Ontwerp ’n Rooi Skandinawiese kruis met blou fraiings op ’n wit veld. Die vertikale arm van die kruis is in die rigting van die vlagpaal verskuif.

Die vlag van die Faroëreilande (Faroëes: Merkið) is in op 25 April 1940 amptelik in gebruik geneem. Dit vertoon ’n rooi Skandinawiese kruis met blou fraiings op ’n wit veld. Die vertikale arm van die kruis is in die rigting van die vlagpaal verskuif volgens die patroon van die ander Skandinawiese vlae. Die Skandinawiese kruis verteenwoordig Christenskap.[2][3][4][5][6]

In Faroëes word na die vlag as Merkið (“die vaandel” of “die merk”) verwys. Dit lyk soos die vlae van die naburige Noorweë en Ysland.

Ontwerp

[wysig | wysig bron]

Die rooi kruis is asuur op ’n wit veld. Die vlagontwerp lyk baie soos dié van Noorweë met die kruis en dieselfde verhoudings 6-1-2-1-6 en 6-1-2-1-12.

Wit verteenwoordig die skuim van die see en die suiwer, stralende lug van die Faroëreilande, terwyl die ou Faroëse kleure blou en rooi herinner aan ander Skandinawiese en Nordiese vlae, wat die Faroëreilande se bande met ander Nordiese lande verteenwoordig.[7]

Kleure

[wysig | wysig bron]

Die vlag se kleure is in ’n 1959-wet bepaal.[8]


Kleurskema		 Wit Rooi[9] Blou[10]
PantoneSafePMS 032PMS 300
RGB#FFFFFF#EF303E#005EB9

Die vlag van die Faroëreilande het dieselfde kleure as die vlae van Noorweë en die Ysland, waarmee die Faroëreilande sterk voorvaderlike bande het, maar elkeen in ’n omgekeerde volgorde.

Geskiedenis

[wysig | wysig bron]
Merkið by Funningur, Eysturoy

Die huidige Faroëse vlag is bedink in 1919 deur Jens Oliver Lisberg en ander terwyl hulle in Kopenhagen gestudeer het. Die Merkið is op 22 Junie dieselfde jaar vir die eerste keer op die Faroëreilande in Fámjin gehys tydens ’n huwelik. Op 25 April 1940 het die Britse besettingsregering tydens die bewind van Carl Aage Hilbert as Deense prefek die vlag goedgekeur vir gebruik deur Faroëse skepe. Die Britte wou vermy dat dieselfde vlag as in die Duis-besette Denemarke gebruik word. Sedertdien word 25 April as Flaggdagur (“Vlagdag”) gevier en dit is ’n openbare vakansiedag. Met die Wet van Huisregering op 23 Maart 1948 is die vlag deur die Deense regering as die nasionale vlag van die Faroëreilande erken. Die oorspronklike vlag word in die kerk van Fámjin in Suðuroy vertoon.

Verwante vlae

[wysig | wysig bron]

Sien ook

[wysig | wysig bron]

Verwysings

[wysig | wysig bron]
  1. ↑ (en) "Faroe Islands". Flags of the World. Besoek op 7 Julie 2025.
  2. ↑ (en) Jeroen Temperman (2010). State Religion Relationships and Human Rights Law. Martinus Nijhoff Publishers. ISBN 978-9004181489. Besoek op 7 Julie 2025.
  3. ↑ (fi) Yrjö Varpio (1980). Väinö Linna: toisen tasavallan kirjailija. Söderström. p. 235. ISBN 9789510100813. Besoek op 7 Julie 2025.
  4. ↑ (en) Carol A. Foley (1996). The Australian Flag: Colonial Relic or Contemporary Icon. William Gaunt & Sons. ISBN 978-1-86287-188-5. Besoek op 7 Julie 2025.
  5. ↑ (en) Andrew Evans (2008). Iceland. Bradt. ISBN 978-1-84162-215-6. Besoek op 7 Julie 2025. Die legende lui dat 'n rooi kleed met die wit kruis bloot uit die lug geval het gedurende die slag van Valdemar in die middel van die 13de eeu, waarna die Dene seëvierend was. As teken van die goddelike reg het Denemarke sy kruis in die ander Skandinawiese lande waar hy regeer het, vertoon en soos elke volk onafhanklikheid verkry het, het hulle die Christelike simbool geïnkorporeer.
  6. ↑ (fi) "Suomen lippu muistuttaa kristillisistä arvoista". Rauhantervehdys 41/2013. Geargiveer vanaf die oorspronklike op 9 Maart 2017. Besoek op 9 Maart 2017.
  7. ↑ (de) Smith/Neubecker (1981). Wappen und Flaggen aller Nationen. München: Battenberg. ISBN 3-87045-183-1.
  8. ↑ (fo) "Løgtingslóg no. 42 frá 17. juli 1959 um flaggið, sum broytt við løgtingslóg nr. 109 frá 29. desember 1998". logir.fo. 17 Julie 1959. Besoek op 30 Maart 2021.
  9. ↑ (en) "PANTONE Red 032 C – find a PANTONE Color". Pantone. Geargiveer vanaf die oorspronklike op 21 Maart 2023. Besoek op 21 Maart 2023.
  10. ↑ (en) "PANTONE 300 C – find a PANTONE Color". Pantone. Geargiveer vanaf die oorspronklike op 21 Maart 2023. Besoek op 21 Maart 2023.

Eksterne skakels

[wysig | wysig bron]
Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Vlag_van_die_Faroëreilande&oldid=2819528"