Vlag van die Oranje-Vrystaat

in Wikipedia, die vrye ensiklopedie
FIAV historical.svg Vlag van die Oranje-Vrystaat

Die Vlag van die Oranje-Vrystaat is amptelik van 1857 tot 1902 gebruik. Dit is vervang deur die vlag van die Oranjerivierkolonie.

Geskiedenis[wysig | wysig bron]

Toe die Oranje-Vrystaat in Februarie 1854 'n onafhanklike republiek geword het, het die regering 'n rooi, wit en blou vlag gehys. Besonderhede van die presiese ontwerp is nie opspoorbaar nie, maar dit was vermoedelik soortgelyk aan die hedendaagse vlag van Nederland. Dit was klaarblyklik bedoel as 'n tydelike vlag, aangesien die eerste Staatspresident, Josias Philip Hoffman, koning Willem III van Nederland (regeer 1849–1890) gevra het om die nuwe staat wat die Nederlandse koninklike familie se naam dra, van 'n vlag en wapen te voorsien. Die koning het gemoedelik ingestem.

’n Vlag en wapen is deur die Hoge Raad van Adel in Nederland ontwerp. Dit is 'n jaar later, op 23 Februarie 1857, die derde herdenking van die republiek, amptelik in gebruik geneem,[1][2] en is gebruik totdat die republiek op 31 Mei 1902 tot 'n einde gekom het.

Die vlag is later in die ontwerp van die nasionale vlag van Suid-Afrika (van 1928 tot 1994) opgeneem en ook deur die Anglo-Boereoorlogmuseum en die Voortrekkermonument gebruik.

Beskrywing[wysig | wysig bron]

Die vlag het bestaan uit sewe horisontale bande van 4 wit en 3 oranje, met die Nederlandse vlag in die kanthoek.

Verwysings[wysig | wysig bron]

  1. Pama, C. (1965). Lions and Virgins.
  2. Brownell, F.G. (1993). National and Provincial Symbols.

Bronne[wysig | wysig bron]

  • Brownell, F.G. National and Provincial Symbols. 1993.
  • Burgers, A.P. Sovereign Flags over Southern Africa. 1997.
  • Burgers, A.P. The South African Flag Book. 2008.
  • Pama, C. Lions and Virgins. 1965.