Moutatoe

in Wikipedia, die vrye ensiklopedie
(Aangestuur vanaf Volarmtatoe)
Die MMA-vegter CM Punk se moutatoe.
’n Moutatoe met twee fenikse as deel van ’n vollyftatoe.

’n Moutatoe of volarmtatoe (Engels: sleeve tattoo) is ’n omvattende tatoeëermerk of ’n versameling kleiner tatoes met ’n gemeenskaplike tema wat iemand se hele arm bedek, gewoonlik van die skouer tot die pols.

Daar is ’n verskil tussen ’n arm vol tatoes en ’n moutatoe. Laasgenoemde het ’n gemeenskaplike tema, terwyl eersgenoemde tatoes in verskillende style bevat wat nie met mekaar verband hou nie.

Die term "mou" verwys na die ooreenkoms met die mou van ’n langmouhemp. Half- of kwartmoutatoes is tatoeëermerke wat net ’n deel van die arm bedek, bo of onder die elmboog. ’n Halfmoutatoe bedek die hele bo- of anderarm, terwyl ’n kwartmoutatoe gewoonlik van die skouer halfpad na die elmboog strek.[1]

Moutatoes is ’n samewerking tussen ’n tatoekunstenaar en ’n kliënt om ’n persoonlike en eenvormige kunstema te skep. Soms word ’n moutatoe geskep deur ’n klomp kleiner tatoes aan iemand se arm met agtergrondtatoeëring te verbind. ’n Beplande moutatoe verg ure se werk en kan maande of jare duur om te voltooi.

Verwysings[wysig | wysig bron]

  1. eHow Contributor (2 Mei 2011). "How to Design a Quarter-Sleeve Tattoo". eHow. Besoek op 30 Desember 2011. {{cite web}}: |author= has generic name (hulp)

Eksterne skakels[wysig | wysig bron]