Voor sononder

Voor sononder is 'n 67 minuut lange Afrikaanse melodrama / 'western' wat in 1962 vrygestel is.^[1] Die film is deur Emil Nofal geregisseer met 'n draaiboek ook deur Emil Nofal, vervaardig deur Jamie Uys Filmproduksies (Emil Nofal) en versprei deur Flip Bezuidenhout Produksies/Primedia/Nu Metro.^[1]

Sinopsis

"Wie is jy, wat soek jy hier en waar kom jy vandaan? As jy êrens op pad is, maak dat jy wegkom. As jy van plan is om hier te bly, vergeet dit." Dit is die "vriendelike" verwelkoming wat besoekers in Vlakpoort te wag staan. Hierdie dorp, eens rustig, is nou 'n broeiplek van geweld, afpersing en bloedvergieting, veral ná die Anglo-Boereoorlog, toe Coert Bester en sy bende met Engelse hulp die bewind oorgeneem het. Met geen grense meer om te bewaak ná die oorlog, heers 'n toestand van "elke man vir homself". Dit is egter totdat Flip, Danie en Martie saamstaan om 'n einde te maak aan Coert Bester se skrikbewind oor die dorps- en plaasbewoners.

Rolverdeling

Die rolverdeling behels Vonk de Ridder (Danie van Rensburg), Marie du Toit, Dawid van der Walt, Tromp Terre'Blanche, Johan du Plooy, Jan Bruijns, Piet Bezuidenhout, Jaco van der Westhuizen, Wena Naudé, Ralph Loubser, Willie Steyn, Willie Herbst, Billy Pretorius, Pieter Geldenhuys, James Norval en Jan Venter.^[1]

Verwysings

1 2 3 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]