Vrouekrieketwêreldbeker 1978
| Datums | 1 Januarie – 13 Januarie |
|---|---|
| Bestuurder | Internasionale Vrouekrieketraad (IVKK) |
| Krieketformaat | Internasionale eendagkrieket (EDI) |
| Toernooiformaat | Rondomtalie |
| Gashere |  Indië |
| Kampioen |  Australië (1ste titel) |
| Naaswenner |  Engeland |
| Deelnemers | 4 |
| Wedstryde gespeel | 6 |
| Meeste lopies | Margaret Jennings (127)[1] |
| Meeste paaltjies | Sharyn Hill (7)[2] |
← 1973 1982 → | |
Die Vrouekrieketwêreldbeker 1978 (Engels: 1978 Women’s Cricket World Cup; Hindi: 1978 महिला क्रिकेट विश्व कप) is van 1 tot 13 Januarie 1978 in Indië beslis. Dit was die tweede vrouekrieketwêreldbekertoernooi van die vierjaarlikse krieketwêreldkampioenskap in internasionale eendagkrieket (EDI) wat deur die destydse Internasionale Vrouekrieketraad (IVKK) aangebied is. Daarbenewens was dit die eerste kriekettoernooi wat in Indië aangebied is.[3]
Vier nasionale vrouekrieketspanne het aan die Vrouekrieketwêreldbeker 1978 deelgeneem: Australië, Engeland, Indië en Nieu-Seeland. Suid-Afrika kon nie aan die vrouekrieketwêreldbeker deelneem nie as gevolg van ’n sportboikot teen dié land weens sy voortgesette apartheidsbeleid.
Tydens die Vrouekrieketwêreldbeker 1978 is ses wedstryde in ’n rondomtalie gespeel. Die spanne is in en groep geplaas, waarin elke span een keer teen al die ander spanne in die groep gespeel het, dus het elke span drie groepwedstryde gespeel. Die span met die meeste tabelpunte het die toernooi gewen. Elke wedstryd het uit 50 boulbeurte per span bestaan. Australië het die groep eerste afgesluit met ses punte van hul drie wedstryde, nadat hulle onoorwonne gebly het, terwyl die verdedigende kampioen Engeland met vier punte van twee oorwinnings die tweede plek beklee het.
Volgens berigte is die Vrouekrieketwêreldbeker 1978 swak georganiseerd en is belemmer deur die konflik tussen die WCAI, Indiese deelstaatregerings en die nasionale regering. Die deelnemende spanne is ingelig dat die toernooi van 29 Desember 1977 tot 23 Januarie 1978 beslis sou word en hulle is aanbeveel om teen Middel-Desember in Indië aan te kom vir opwarmingswedstryde. Hulle het opgedaag en gevind dat geen wedstryde gereël is nie; die WCAI het ’n reisplan uitgereik na die eerste wedstryd, maar slegs sowat die helfte van die verwagte wedstryde is voltooi.[4] Die toernooi het nogtans groot skare gelok.[3] Engeland se Megan Lear het later vertel dat die “mees onvergeetlike deel van [die] toernooi was om voor skares van meer as 40 000 te speel”.[5] Die Indiërs was die eerste vrouespan wat in ’n broek gespeel het; tydens die vorige Vrouekrieketwêreldbeker 1973 het al die spanne in rompe gespeel.[3]
Toewysing
[wysig | wysig bron]Daar is oorspronklik voorgestel dat Suid-Afrika die Vrouekrieketwêreldbeker 1978 sou aanbied, dié voorstel is egter laat vaar in ooreenstemming met die sportboikot teen die land weens sy apartheidsbeleid. Die Vrouekrieketvereniging van Indië (WCAI) het toe ’n suksesvolle bod ingedien en as die hooforganiseerder opgetree met die Internasionale Vrouekrieketraad wat slegs beperkte toesig verskaf het.[6]
Deelnemers
[wysig | wysig bron]Saam met Indië, wat sy debuut gemaak het, is oorspronklik vyf ander spanne genooi: Australië, Engeland, Nederland, Nieu-Seeland en Wes-Indië. Beide Nederland en Wes-Indië, wat albei voorheen nie deelgeneem het nie, moes om finansiële redes hulleself aan die toernooi onttrek.[7][8]
| Span | Kwalifiseringmetode | Verskynings by eindstryde | Laaste verskyning | Vorige beste prestasie |
|---|---|---|---|---|
 Indië
|
Gasvroue | Eerste | – | Debuut |
| Australië
|
Uitgenooi | Tweede | 1973 | Naaswenner (1973) |
| Engeland
|
Tweede | 1973 | Kampioen (1973) | |
 Nieu-Seeland
|
Tweede | 1973 | Groepfase (1973) |
Stadions
[wysig | wysig bron]Tydens die toernooi is vier Indiese stadions gebruik. Altesaam ses wedstryde is tydens die Vrouekrieketwêreldbeker 1978 gespeel.
| Hyderabad | Jamshedpur | Kolkata | Patna |
|---|---|---|---|
| Lal Bahadur Shastri-stadion | Keenan-stadion | Eden Gardens | Moin-ul-Haq-stadion |
| 17°23′57.6″N 78°28′24.0″O / 17.399333°N 78.473333°O | 22°48′20.69″N 86°11′28.96″O / 22.8057472°N 86.1913778°O | 22°33′52.2″N 88°20′35.1″O / 22.564500°N 88.343083°O | 25°36′28″N 85°10′4″O / 25.60778°N 85.16778°O |
| Kapasiteit: 30 000 | Kapasiteit: 19 000 | Kapasiteit: 40 000 | Kapasiteit: 25 000 |
|
|
|
|
Vrouekrieketwêreldbeker 1978 (Indië) | |||
Formaat
[wysig | wysig bron]Die Vrouekrieketwêreldbeker 1978 is oor 13 dae tussen vier verskillende spanne oor ses wedstryde beslis. Dit het op 1 Januarie 1978 op die Keenan-stadion in Jamshedpur met die openingswedstryd tussen Australië en Nieu-Seeland begin. Die toernooi het geëindig op 13 Januarie op die Lal Bahadur Shastri-stadion in Hyderabad met die laaste en beslissende wedstryd tussen Engeland en Australië, waartydens Australië die Vrouekrieketwêreldbekertrofee ingepalm het.
Kalender
[wysig | wysig bron]Die volgende tabel dui die Vrouekrieketwêreldbeker 1978 se daaglikse program aan. ’n Pers blokkie dui op wedstryde tydens die rondomtalie.
|
| |||||||||||||||||||||||||||||||
Rondomtalie
[wysig | wysig bron]Die Vrouekrieketwêreldbeker 1978 is deur vier nasionale vrouekrieketspanne beslis. Daar is geen kwalifisering gehou om die deelnemende spanne te bepaal nie, die deelnemende spanne is egter deur die Internasionale Vrouekrieketraad genooi. Vir die rondomtalie is die vier deelnemende spanne in een enkele groep geplaas; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die rondomtalie gespeel. Twee punte is vir ’n oorwinning toegeken, een punt vir ’n gelykop of onbesliste wedstryd en geen punte vir ’n nederlaag: spanne wat met dieselfde aantal punte geëindig het, is volgens lopietempo gerangskik. Die span wat in die rondomtalie die meeste wedstrydpunte versamel het, het die toernooi en daarmee die Vrouekrieketwêreldbekertrofee gewen.
Rondomtalie
[wysig | wysig bron]| Span | S | W | V | O | LT | P |
|---|---|---|---|---|---|---|
| Australië
|
3 | 3 | 0 | 0 | +3.264 | 6 |
| Engeland
|
3 | 2 | 1 | 0 | +2.657 | 4 |
| Nieu-Seeland
|
3 | 1 | 2 | 0 | +2.777 | 2 |
| Indië
|
3 | 0 | 0 | 3 | +1.988 | 0 |
t
|
||
- Australië het die loot gewen en gekies om eerste te kolf.
- Peta Verco en Sharyn Hill (albei Aus), asook Cheryl Henshilwood, Edna Ryan, Pat Carrick, Sheree Harris, Vicki Burtt en Viv Sexton (almal NZ) het hul EDI-debuut gemaak.
t
|
||
- Engeland het die loot gewen en gekies om eerste veldwerk te doen.
- Anjali Sharma, Diana Edulji, Fowzieh Khalili, Gargi Banerjee, Kalpan Paropkari, Lopamudra Bhattacharji, Nilima Jogalekar, Runa Basu, Sandhya Mazumdar, Sharmila Chakraborty en Shobha Pandit (almal Ind), asook Catherine Mowat (Eng) het hul EDI-debuut gemaak.
t
|
||
- Indië het die loot gewen en gekies om eerste te kolf.
- Shubhangi Kulkarni, Sudha Shah, Susan Itticheria en Ujwala Nikam (almal Ind), asook Linda Lindsay (NZ) het hul EDI-debuut gemaak.
t
|
||
- Indië het die loot gewen en gekies om eerste veldwerk te doen.
- Rajeshwari Dholakia (Ind) het haar EDI-debuut gemaak.
t
|
||
- Engeland het die loot gewen en gekies om eerste veldwerk te doen.
- Karen Hadlee (NZ) het haar EDI-debuut gemaak.
t
|
||
- Australië het die loot gewen en gekies om eerste veldwerk te doen.
| Vrouekrieketwêreldkampioen 1978 |
|---|
| Australië
|
Statistiek
[wysig | wysig bron]Meeste lopies en paaltjies
[wysig | wysig bron]Meeste lopies aangeteken:[1]
|
Meeste paaltjies geneem:[2]
|
Sien ook
[wysig | wysig bron]
Verwysings
[wysig | wysig bron]- ↑ 1,0 1,1 (en) "Most runs in Women's World Cup, 1977/78". ESPNcricinfo. 13 Januarie 1978. Besoek op 26 Augustus 2025.
- ↑ 2,0 2,1 (en) "Most wickets For Women's World Cup, 1977/78". ESPNcricinfo. 13 Januarie 1978. Besoek op 26 Augustus 2025.
- ↑ 3,0 3,1 3,2 (en) Benita Fernando (22 Junie 2019). "A World Cup lost and found". Mint. Besoek op 25 Augustus 2025.
- ↑ (en) Pauline Bunce (1978). "World Cup a Shamble". Sportsweek.
- ↑ (en) "'Our laundry laid out to dry on the rocks'". ESPNcricinfo. 6 Maart 2009. Besoek op 26 Augustus 2025.
- ↑ (en) Philippa Velija (2015). Women's Cricket and Global Processes: The Emergence and Development of Women's Cricket as a Global Game. Palgrave Macmillan. p. 99. ISBN 978-1-137-32353-8. Besoek op 26 Augustus 2025.
- ↑ (en) Abhishek Mukherjee (15 Januarie 2014). "Australia Women lift 1978 World Cup — the tournament which was almost called off". Cricket Country. Besoek op 26 Augustus 2025.
- ↑ (en) "Quick, quick Snow". ESPNcricinfo. Besoek op 26 Augustus 2025.
Eksterne skakels
[wysig | wysig bron]
