Vrouerugbywêreldbeker 2021

	Vrouerugbywêreldbeker 2021
Toernooibesonderhede
Gasheer	Nieu-Seeland
Datums	8 Oktober – 12 November 2022
Aantal nasies	12 (30 kwalifiseer)
Finale posisies
Kampioen	Nieu-Seeland
Naaswenner	Engeland
Derde plek	Frankryk
Toernooistatistiek
Wedstryde	26
Bywoning	140 000 (gem. 5 385 per wedstryd)
Drieë	185 (gemiddeld 7.12 per wedstryd)
Meeste punte	Emily Scarratt (44)
Meeste drieë	Portia Woodman (7)
← 2017	2025 →

Die Vrouerugbywêreldbeker 2021 (Engels: 2021 Women’s Rugby World Cup) is van 8 Oktober tot 12 November 2022 in Nieu-Seeland beslis. Dit was die negende vrouerugbywêreldbekertoernooi van die vierjaarlikse vrouerugbywêreldkampioenskap en die sewende wat deur Wêreldrugby aangebied is. Oorspronklik sou die toernooi in 2021 gehou word, maar dit moes vanweë die wêreldwye Covid-19-pandemie met een jaar uitgestel word.^[1] Nogtans is dit as die Vrouerugbywêreldbeker vir 2021 geag.^[2] Dit was die eerste toernooi wat in die Suidelike Halfrond aangebied is. Saam met die Vrouekrieketwêreldbeker 2022 en die Vrouesokkerwêreldbeker 2023 (saam met Australië) was dit een van drie vername vrouewêreldbekertoernooie wat Nieu-Seeland binne drie jaar aangebied het; al drie behoort tot die gewildste en suksesvolste vrouesportsoorte in dié land.

Twaalf nasionale vrouerugbyspanne het aan die Vrouerugbywêreldbeker 2021 deelgeneem: Australië, Engeland, Fidji, Frankryk, Italië, Japan, Kanada, Nieu-Seeland, Skotland, Suid-Afrika, die Verenigde State en Wallis. Tydens die Vrouerugbywêreldbeker 2021 is 26 wedstryde gespeel, waaronder 18 tydens die groepfase en agt tydens die uitklopfase, insluitende die eindstryd. Die spanne is in drie groepe van vier elk verdeel, waarvan elke span een keer teen al die ander spanne in die groep gespeel het. Die agt beste spanne van die groepfase het hierna gekwalifiseer vir die kwarteindrondte. Dit was die laaste vrouerugbywêreldbekertoernooi waaraan twaalf nasionale spanne deelgeneem het, nadat die aantal nasionale spanne vir die Vrouerugbywêreldbeker 2025 na 16 verhoog is.^[3]

Nieu-Seeland het die eindstryd op Edenpark in Auckland teen Engeland met 34–31 gewen en sodoende sy sesde vrouerugbywêreldbekertitel ingepalm.^[4] Frankryk het in die derde en Kanada in die vierde plek geëindig.

Toewysing

Op 14 November 2018 het die wêreldbeheerliggaam Wêreldrugby die Vrouerugbywêreldbeker 2021 aan Nieu-Seeland toegewys. Die enigste ander kandidaatland was Australië. Daarmee het dit die eerste vrouerugbywêreldbekertoernooi geword wat in die Suidelike Halfrond aangebied is.^[5]

Die Vrouerugbywêreldbeker 2021 was saam met die Vrouekrieketwêreldbeker 2022 en die Vrouesokkerwêreldbeker 2023 (saam met Australië) een van drie vername vrouewêreldbekertoernooie wat Nieu-Seeland binne drie jaar aangebied het; al drie behoort tot die gewildste en suksesvolste vrouesportsoorte in dié land. Nadat beide die Vrouerugbywêreldbeker en die Vrouekrieketwêreldbeker weens die wêreldwye Covid-19-pandemie met een jaar uitgestel moes word, is al drie die toernooie binne een-en-'n-half jaar beslis. Gevolglik is beide die Vrouerugby- en die Vrouekrieketwêreldbeker in dieselfde jaar in Nieu-Seeland gehou.^[6]^[7]

Deelnemers

Twaalf nasionale vrouerugbyspanne het aan die Vrouerugbywêreldbeker 2021 deelgeneem. Die sewe beste spanne van die Vrouerugbywêreldbeker 2017 – Australië, Engeland, Frankryk, Kanada, Nieu-Seeland, die Verenigde State en Wallis – het almal regstreeks gekwalifiseer. Die oorblywende vyf plekke is tydens plaaslike kwalifiserings in Afrika, Asië, Europa, Oseanië en ’n internasionale uitspeelrondte beslis.

Op 17 Augustus 2019 het Suid-Afrika die Afrikakampioenskap 2021 gewen en sodoende vir die hooftoernooi gekwalifiseer.^[8] Vanweë beide Australië en Nieu-Seeland se regstreekse kwalifisering het Oseanië vir die eerste keer oor sy eie kwalifiseringsplek beskik wat in November 2019 Fidji bespreek het, gelyk aan sy eerste deelname ooit.^[9] In September 2021 het Italië die Europese plek bespreek.^[10] Die verdere kwalifiseringsproses is erg deur die die wêreldwye Covid-19-pandemie ontwrig. Gevolglik kon die Asiatiese Vrouerugbykampioenskap 2021 nie beslis word nie en Japan het weens sy plek op Wêreldrugby se ranglys vir die toernooi gekwalifiseer.^[11] In Februarie 2022 het Skotland die laaste oorblywende plek bespreek.^[12]

Span	Kwalifiseringmetode	Verskynings by eindstryde	Laaste verskyning	Vorige beste prestasie	Groep
Nieu-Seeland	Gasvroue	Agtste	2017	Kampioen (1998, 2002, 2006, 2010, 2017)	A
Australië	Regstreeks	Sewende	2017	Derde plek (2010)	A
Engeland		Negende	2017	Kampioen (1994, 2014)	C
Frankryk		Negende	2017	Derde plek (1991, 1994, 2002, 2006, 2014, 2017)	C
Kanada		Negende	2017	Naaswenner (2014)	B
Verenigde State		Negende	2017	Kampioen (1991)	B
Wallis		Agtste	2017	Vierde plek (1994)	A
Fidji	Kwalifisering	Eerste	–	Debuut	C
Italië		Vyfde	2017	Agtste plek (1991)	B
Japan		Vyfde	2017	Agtste plek (1994)	B
Skotland		Sesde	2010	Vyfde plek (1994)	A
Suid-Afrika		Vierde	2014	Tiende plek (2010, 2014)	C

Stadions

Al die wedstryde is op die Nieu-Seelandse Noordeiland gehou. In Auckland is Edenpark en The Trusts Arena asook in Whangarei Okarapark gebruik.

Auckland	Edenpark The Trusts Arena Okarapark Vrouerugbywêreldbeker 2021 (Nieu-Seeland)	Auckland
Edenpark		The Trusts Arena
36°52′31″S 174°44′42″O / 36.87528°S 174.74500°O / -36.87528; 174.74500 (Edenpark)		36°51′36″S 174°38′10.32″O / 36.86000°S 174.6362000°O / -36.86000; 174.6362000 (The Trusts Arena)
Kapasiteit: 50 000		Kapasiteit: 4 901

Whangarei
Okarapark
35°44′2.6″S 174°19′46.3″O / 35.734056°S 174.329528°O / -35.734056; 174.329528 (Okarapark)
Kapasiteit: 18 500

Formaat

Die Vrouerugbywêreldbeker 2021 is oor 36 dae tussen twaalf verskillende spanne oor 26 wedstryde beslis. Dit het op 8 Oktober 2022 op die Aucklandse Edenpark met die openingswedstryd tussen die gasvroue Nieu-Seeland en Australië afgeskop. Die toernooi het geëindig op 12 November by dieselfde stadion met die eindstryd tussen Engeland en Nieu-Seeland, waartydens die Black Ferns die trofee verdedig het.

Kalender

Die volgende tabel dui die Vrouerugbywêreldbeker 2021 se daaglikse program aan. ’n Pers blokkie dui op wedstryde tydens die groepfase, ’n groen blokkie op wedstryde tydens die uitklopfase, ’n blou blokkie op die bronseindstryd en ’n geel blokkie op die eindstryd.

Aantal daaglikse wedstryde tydens die toernooi
Groepfase Oktober	Sa 8	So 9	Ma 10	Di 11	Wo 12	Do 13	Vr 14	Sa 15	So 16	Ma 17	Di 18	Wo 19	Do 20	Vr 21	Sa 22	So 23	Ma 24	Di 25
Groep A	1	1						1	1						2
Groep B		2						1	1							2
Groep C	2							1	1						1	1
Uitklopfase Oktober/November	Wo 26	Do 27	Vr 28	Sa 29	So 30	Ma 31	Di 1	Wo 2	Do 3	Vr 4	Sa 5	So 6	Ma 7	Di 8	Wo 9	Do 10	Vr 11	Sa 12
Uitklopfase				2	2						2							1	1

Verklaring
Groepwedstryde
Uitklopwedstryde
Bronseindstryd
Eindstryd

Groepe

Die eerste rondte, of die groepfase, het twaalf spanne bevat wat in drie groepe van vier spanne verdeel is. Die loting vir die groepfase, waar die twaalf deelnemers in vier groepe verdeel is na aanleiding van hul posisie op die Wêreldrugby-ranglys (soos op 1 Januarie 2020, voor die begin van die wêreldwye Covid-19-pandemie), het op 20 November 2020 in die Aucklandse SkyCity Theatre plaasgevind. Vir die eerste keer in die vrouerugbywêreldbekergeskiedenis was die loting nie gebaseer op die prestasie tydens die vorige toernooi nie.^[13]^[14]

Groep 1: Die drie beste regstreekse kwalifiseerders (1–3)
Groep 2: Die drie naasbeste regstreekse kwalifiseerders (4–6)
Groep 3: Die sewende regstreekse kwalifiseerder, Europa 1 en Afrika 1
Groep 4: Asië 1, Oseanië 1 en die uitspeelwedstrydwenner

Die groepe vir die loting op 20 November 2020 is soos volg (in hakies is die ranglysplasing vóór die loting):

Groep 1	Groep 2	Groep 3	Groep 4
Nieu-Seeland (1) Engeland (2) Kanada (3)	Frankryk (4) Australië (5) Verenigde State (6)	Wallis (7) Italië (Europa 1) Suid-Afrika (Afrika 1)	Japan (Asië 1) Fidji (Oseanië 1) Skotland (uitspeelwedstrydwenner)

Ná die loting op 20 November 2020 lyk die groepe soos volg:^[15]

Groep A	Groep B	Groep C
Australië Nieu-Seeland Skotland Wallis	Japan Italië Kanada Verenigde State	Engeland Fidji Frankryk Suid-Afrika

Groepfase

Die negende Vrouerugbywêreldbekertoernooi is deur twaalf nasionale vrouerugbyspanne beslis. Vir die groepfase is die twaalf deelnemende spanne in vier groepe van drie elk verdeel; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel.

Klassifisering binne elke groep was gegrond op die volgende puntestelsel:

Vier wedstrydpunte vir ’n oorwinning;
Twee vir ’n gelykop;
geen vir ’n nederlaag;
Een bonuspunt vir die druk van vier of meer drieë, of ’n nederlaag met sewe punte of minder.

Aan die einde van die groepfase is die spanne gerangskik van die eerste na die vierde posisie, gegrond op versamelde wedstrydpunte, met die agt beste spanne van die groepfase wat na die kwarteindrondte deurgedring het.

Uitklopfase

Van die begin van dié fase af het die toernooi ’n uitklopformaat aangeneem wat uit agt wedstryde bestaan het: vier kwarteindstryde, twee halfeindstryde, ’n derdeplekwedstryd en die eindstryd.

Die agt beste spanne van die groepfase het na die uitklopfase deurgedring. Die beste span van die groepfase het teen die voorlaaste span te staan gekom, die naasbeste teen die derde laaste span, ens.

Die uitklopfase het met die kwarteindrondte begin. Elke wedstryd in die uitklopfase moes met ’n oorwinning vir een van die spanne eindig. As daar ná tagtig minute van gewone spel ’n gelykopuitslag was, is daar verder gespeel om te bepaal wie die wenner is. Aanvanklik is daar twee periodes van ekstra tyd gespeel, tien minute in elke rigting: as daar dan steeds geen wenner was nie, is daar vir tien minute gespeel in ’n uitklopformaat, waar die eerste span wat daarin geslaag het om punte aan te teken, gewen het. As daar steeds nie ’n wenner was ná 110 minute nie is die wenner bepaal deur ’n stelskopkompetisie.

2021-effek op 2025-kwalifisering

Die vier beste spanne van die toernooi het regstreeks vir die volgende Vrouerugbywêreldbeker 2025 in Engeland gekwalifiseer. Hulle was Engeland, Frankryk, Kanada en Nieu-Seeland.

Betrokkenes

Wedstrydbeamptes

Op 26 Mei 2022 het die wêreldbeheerliggaam die wedstrydbeamptes aangekondig. ’n Paneel van nege skeidsregters, vyf lynregters en vier televisieskeidsregters is vir die toernooi gebruik.^[16]

Skeidsregters

Aimee Barrett-Theron (Suid-Afrika)
Maggie Cogger-Orr (Nieu-Seeland)
Sara Cox (Engeland)
Hollie Davidson (Skotland)
Aurélie Groizeleau (Frankryk)
Lauren Jenner (Nieu-Seeland)
Amber McLachlan (Australië)
Clara Munarini (Italië)
Joy Neville (Ierland)

Lynregters

Maria Beatrice Benvenuti (Italië)
Doriane Domenjo (Frankryk)
Tyler Miller (Australië)
Kat Roche (Verenigde State)
Julianne Zussman (Kanada)

Televisieskeidsregters

Chris Assmus (Kanada)
Lee Jeffrey (Nieu-Seeland)
Ian Tempest (Engeland)
Ben Whitehouse (Wallis)

Wedstryde

Die wedstryde is in twee fases opgedeel, naamlik die groep- en die uitklopfase.

Groepfase

Twaalf spanne het aan die groepfase deelgeneem. Die agt beste spanne van die groepfase het na die uitklopfase deurgedring.

Groep A

Span	S	W	V	P v	P t	+/−	BP	P
Nieu-Seeland	3	3	0	154	29	+125	3	15
Australië	3	2	1	44	60	–16	0	8
Wallis	3	1	2	37	84	–47	1	5
Skotland	3	0	3	27	89	–62	2	2

8 Oktober 2022	Australië	17–41	Nieu-Seeland	Edenpark, Auckland

9 Oktober 2022	Wallis	18–15	Skotland	Okarapark, Whangarei

15 Oktober 2022	Skotland	12–14	Australië	Okarapark, Whangarei

16 Oktober 2022	Wallis	12–56	Nieu-Seeland	The Trusts Arena, Auckland

22 Oktober 2022	Australië	13–7	Wallis	Okarapark, Whangarei

22 Oktober 2022	Nieu-Seeland	57–0	Skotland	Okarapark, Whangarei

Groep B

Span	S	W	V	P v	P t	+/−	BP	P
Kanada	3	3	0	92	31	+61	3	15
Italië	3	2	1	55	40	+15	1	9
Verenigde State	3	1	2	54	68	–14	1	5
Japan	3	0	3	30	92	–62	0	0

9 Oktober 2022	Verenigde State	10–22	Italië	Okarapark, Whangarei

9 Oktober 2022	Japan	5–41	Kanada	Okarapark, Whangarei

15 Oktober 2022	Verenigde State	30–17	Japan	Okarapark, Whangarei

16 Oktober 2022	Italië	12–22	Kanada	The Trusts Arena, Auckland

23 Oktober 2022	Japan	8–21	Italië	The Trusts Arena, Auckland

23 Oktober 2022	Kanada	29–14	Verenigde State	The Trusts Arena, Auckland

Groep C

Span	S	W	V	P v	P t	+/−	BP	P
Engeland	3	3	0	172	26	+146	2	14
Frankryk	3	2	1	91	18	+73	3	11
Fidji	3	1	2	40	145	–105	0	4
Suid-Afrika	3	0	3	22	136	–114	1	1

8 Oktober 2022	Suid-Afrika	5–40	Frankryk	Edenpark, Auckland

8 Oktober 2022	Fidji	19–84	Engeland	Edenpark, Auckland

15 Oktober 2022	Frankryk	7–13	Engeland	Okarapark, Whangarei

16 Oktober 2022	Fidji	21–17	Suid-Afrika	The Trusts Arena, Auckland

22 Oktober 2022	Frankryk	44–0	Fidji	Okarapark, Whangarei

23 Oktober 2022	Engeland	75–0	Suid-Afrika	The Trusts Arena, Auckland

Uitklopfase

Kwarteindrondte		Halfeindrondte		Eindrondte

29 Oktober – Whangarei

Frankryk	39
		5 November – Auckland
Italië	3
		Frankryk	24
29 Oktober – Whangarei
		Nieu-Seeland	25
Nieu-Seeland	55
				12 November – Auckland
Wallis	3
				Nieu-Seeland	34
30 Oktober – Auckland
				Engeland	31
Engeland	41
		5 November – Auckland
Australië	5
		Engeland	26	Uitspeel om derde plek
30 Oktober – Auckland
		Kanada	19	12 November – Auckland
Kanada	32
				Frankryk	36
Verenigde State	11
				Kanada	0

Kwarteindrondte

29 Oktober 2022	Frankryk	39–3	Italië	Okarapark, Whangarei

29 Oktober 2022	Nieu-Seeland	55–3	Wallis	Okarapark, Whangarei

30 Oktober 2022	Engeland	41–5	Australië	The Trusts Arena, Auckland

30 Oktober 2022	Kanada	32–11	Verenigde State	The Trusts Arena, Auckland

Halfeindrondte

5 November 2022	Kanada	19–26	Engeland	Edenpark, Auckland

5 November 2022	Nieu-Seeland	25–24	Frankryk	Edenpark, Auckland

Bronseindstryd

12 November 2022	Kanada	0–36	Frankryk	Edenpark, Auckland

Eindstryd

12 November 2022	Engeland	31–34	Nieu-Seeland	Edenpark, Auckland

Vrouerugbywêreldkampioen 2021
Nieu-Seeland

Statistiek

Finale puntestand

Hierdie tabel toon die finale puntestand van al twaalf deelnemende nasionale vrouerugbyspanne in die Vrouerugbywêreldbeker 2021.

Rang	Span	S	W	V	P	Drieë	Doelskoppe	Strafdoele
1	Nieu-Seeland	5	5	0	234	38	19	2
2	Engeland	5	4	1	239	38	17	5
3	Frankryk	5	3	2	154	21	15	4
4	Kanada	5	4	1	143	23	11	2
5	Italië	4	2	2	58	8	3	3
6	Australië	4	2	2	49	7	4	2
7	Verenigde State	4	1	3	65	9	6	2
8	Wallis	4	1	3	40	5	3	3
9	Fidji	3	1	2	40	6	5	0
10	Skotland	3	0	3	27	6	0	0
11	Suid-Afrika	3	0	3	22	3	2	1
12	Japan	3	0	3	30	5	2	0

Meeste punte en drieë

Meeste punte aangeteken:

	Naam	Punte
1	Emily Scarratt	44
2	Caroline Drouin	38
3	Portia Woodman	35
3	Renee Holmes	35
5	Ruahei Demant	31
6	Amy Cokayne	30
	Marlie Packer
	Emily Tuttosi
9	Alev Kelter	27
10	Ruby Tui

Meeste drieë gedruk:

	Naam	Drieë
1.	Portia Woodman	7
2	Amy Cokayne	6
	Marlie Packer
	Emily Tuttosi
5	Ruby Tui	5
6	Abigail Dow	4
	Paige Farries
	Joanna Grisez
	Claudia MacDonald
	Connie Powell

Sien ook

Rugbyportaal

Verwysings

↑ (en) Mike Rowbottom (12 Mei 2021). "New 2022 dates for postponed Rugby World Cup 2021 in New Zealand offer five-day rests". Inside the Games. Besoek op 1 Julie 2025.
↑ (en) "Rugby World Cup 2021 set to be postponed until 2022, World Rugby announces". BBC. 2 Maart 2021. Besoek op 1 Julie 2025.
↑ (en) "Rugby World Cup 2025 set to break new ground as tournament expands to 16 teams". rugbyworldcup.com. 30 November 2020. Besoek op 1 Julie 2025.
↑ (en) Joseph Pearson (12 November 2022). "Black Ferns stun England to win Rugby World Cup for a sixth time in Eden Park thriller". Stuff. Besoek op 1 Julie 2025.
↑ (en) "Women's Rugby World Cup 2021: New Zealand beat Australia to host". BBC. 14 November 2018. Besoek op 1 Julie 2025.
↑ (en) Andrea Nelson (9 Augustus 2020). "Women's Cricket World Cup pushed back 12 months". Radio New Zealand. Besoek op 1 Julie 2025.
↑ (en) Ashley Stanley (19 Oktober 2020). "Progress report: New Zealand's 3 World Cups in 3 years". Stuff. Besoek op 1 Julie 2025.
↑ (en) "Springbok Women qualify for 2021 Women's Rugby World Cup". Rugby Afrika. 19 Augustus 2019. Besoek op 1 Julie 2025.
↑ (en) "Fiji qualify for Rugby World Cup 2021". rugbyworldcup.com. 30 November 2019. Besoek op 1 Julie 2025.
↑ (en) "Italy qualify for Rugby World Cup 2021". Rugby World. 26 September 2021. Besoek op 1 Julie 2025.
↑ (en) "Sakura Fifteen Qualify for Rugby World Cup 2021 in New Zealand". Japannese Rugbyvoetbalunie. 20 Oktober 2021. Besoek op 1 Julie 2025.
↑ (en) "Scotland reach World Cup with 59-3 win over Colombia". BBC. 25 Februarie 2022. Besoek op 1 Julie 2025.
↑ (en) "Date set for 2021 Rugby World Cup draw". rugbyworldcup.com. 19 Oktober 2020. Geargiveer vanaf die oorspronklike op 12 Mei 2023. Besoek op 12 Mei 2023.
↑ (en) "Confirmation of 2021 Rugby World Cup draw". rugbyworldcup.com. 12 November 2020. Geargiveer vanaf die oorspronklike op 27 Maart 2023. Besoek op 27 Maart 2023.
↑ (en) "Rugby World Cup 2021 Pool Draw". Rugby World. 19 November 2020. Besoek op 1 Julie 2025.
↑ (en) "All-female team of referees to take charge of Rugby World Cup 2021". Wêreldrugby. 26 Mei 2022. Geargiveer vanaf die oorspronklike op 20 Junie 2024. Besoek op 20 Junie 2024.

Eksterne skakels

(en) Amptelike Vrouerugbywêreldbekerwebwerf

	Vrouerugbywêreldbeker
Wallis 1991 • Skotland 1994 • Nederland 1998 • Spanje 2002 • Kanada 2006 • Engeland 2010 • Frankryk 2014 • Ierland 2017 • Nieu-Seeland 2021 • Engeland 2025 • Australië 2029 • Verenigde State 2033

[1] (en) Mike Rowbottom (12 Mei 2021). "New 2022 dates for postponed Rugby World Cup 2021 in New Zealand offer five-day rests". Inside the Games. Besoek op 1 Julie 2025.

[2] (en) "Rugby World Cup 2021 set to be postponed until 2022, World Rugby announces". BBC. 2 Maart 2021. Besoek op 1 Julie 2025.

[3] (en) "Rugby World Cup 2025 set to break new ground as tournament expands to 16 teams". rugbyworldcup.com. 30 November 2020. Besoek op 1 Julie 2025.

[4] (en) Joseph Pearson (12 November 2022). "Black Ferns stun England to win Rugby World Cup for a sixth time in Eden Park thriller". Stuff. Besoek op 1 Julie 2025.

[5] (en) "Women's Rugby World Cup 2021: New Zealand beat Australia to host". BBC. 14 November 2018. Besoek op 1 Julie 2025.

[6] (en) Andrea Nelson (9 Augustus 2020). "Women's Cricket World Cup pushed back 12 months". Radio New Zealand. Besoek op 1 Julie 2025.

[7] (en) Ashley Stanley (19 Oktober 2020). "Progress report: New Zealand's 3 World Cups in 3 years". Stuff. Besoek op 1 Julie 2025.

[8] (en) "Springbok Women qualify for 2021 Women's Rugby World Cup". Rugby Afrika. 19 Augustus 2019. Besoek op 1 Julie 2025.

[9] (en) "Fiji qualify for Rugby World Cup 2021". rugbyworldcup.com. 30 November 2019. Besoek op 1 Julie 2025.

[10] (en) "Italy qualify for Rugby World Cup 2021". Rugby World. 26 September 2021. Besoek op 1 Julie 2025.

[11] (en) "Sakura Fifteen Qualify for Rugby World Cup 2021 in New Zealand". Japannese Rugbyvoetbalunie. 20 Oktober 2021. Besoek op 1 Julie 2025.

[12] (en) "Scotland reach World Cup with 59-3 win over Colombia". BBC. 25 Februarie 2022. Besoek op 1 Julie 2025.

[13] (en) "Date set for 2021 Rugby World Cup draw". rugbyworldcup.com. 19 Oktober 2020. Geargiveer vanaf die oorspronklike op 12 Mei 2023. Besoek op 12 Mei 2023.

[14] (en) "Confirmation of 2021 Rugby World Cup draw". rugbyworldcup.com. 12 November 2020. Geargiveer vanaf die oorspronklike op 27 Maart 2023. Besoek op 27 Maart 2023.

[15] (en) "Rugby World Cup 2021 Pool Draw". Rugby World. 19 November 2020. Besoek op 1 Julie 2025.

[16] (en) "All-female team of referees to take charge of Rugby World Cup 2021". Wêreldrugby. 26 Mei 2022. Geargiveer vanaf die oorspronklike op 20 Junie 2024. Besoek op 20 Junie 2024.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]