Wêreldtoetskampioenskap 2025–2027

Die artikel beskryf ’n sportgebeurtenis wat tans plaasvind. Die inligting op hierdie bladsy kan vinnig verander soos nuwe data beskikbaar raak.

Wêreldtoetskampioenskap 2025–2027

Kenteken van die Wêreldtoetskampioenskap
Datums	17 Junie 2025 – Junie 2027
Bestuurder	Internasionale Krieketraad (IKR)
Krieketformaat	Toetskrieket
Toernooiformaat	Liga en eindstryd
Gashere	verskeie
Deelnemers	9
Wedstryde gespeel	71
← 2023–2025 2027–2029 →

Die Wêreldtoetskampioenskap 2025–2027 (Engels: 2025–2027 ICC World Test Championship) word van 17 Junie 2025 tot Junie 2027 beslis. Dit is die vierde Wêreldtoetskampioenskap in toetskrieket wat deur die Internasionale Krieketraad (IKR) aangebied word. Dit het op 17 Junie 2025 begin en sal in Junie 2027 eindig met die eindstryd op Lord’s in Londen, Engeland.

Die Wêreldtoetskampioenskap 2025–2027 se eindstryd sal in Junie 2027 op Lord’s in Londen beslis word

Nege van die huidige twaalf toetslande neem aan die Wêreldtoetskampioenskap 2025–2027 deel, waarvan elke span ’n toetsreeks teen ses van die ander agt spanne speel. Elke reeks behels tussen twee en vyf wedstryde, dus speel elke span ses reekse (drie tuis en drie weg); daar word egter nie vir dieselfde aantal toetswedstryde deur elke span beplan nie. Elke span kan tydens elke reeks ’n maksimum van 120 wedstrydpunte insamel en die twee spanne met die meeste wedstrydpunte ontmoet mekaar in die eindstryd. In die geval van ’n gelykop of onbesliste eindstryd sal albei spanne die trofee deel.

Van die toetsreekse in die Wêreldtoetskampioenskap is deel van langer aaneenlopende reekse, soos die As-reeks van 2025/26. Van die nege deelnemende spanne sal ook bykomende toetswedstryde in die tydperk speel, wat nie deel is van die Wêreldtoetskampioenskap nie, maar wel van die IKR se Toekomstige Toerprogram vir 2024–2031, veral om toetswedstryde aan die drie toetslande te besorg wat nie aan die Wêreldtoetskampioenskap 2025–2027 deelneem nie.

Tabel

Plek	Span		Toetsreekse					Toetswedstryde						M. pte.	Pte	±	Pers
			Rek	Wen	Ver	Onb		Wed	Wen	Ver	Onb	Gel
1	Australië		0	0	0	0		0	0	0	0	0		0	0	0	0.0
2	Bangladesj		0	0	0	0		0	0	0	0	0		0	0	0	0.0
3	Engeland		0	0	0	0		0	0	0	0	0		0	0	0	0.0
4	Indië		0	0	0	0		0	0	0	0	0		0	0	0	0.0
5	Nieu-Seeland		0	0	0	0		0	0	0	0	0		0	0	0	0.0
6	Pakistan		0	0	0	0		0	0	0	0	0		0	0	0	0.0
7	Sri Lanka		0	0	0	0		0	0	0	0	0		0	0	0	0.0
8	Suid-Afrika		0	0	0	0		0	0	0	0	0		0	0	0	0.0
9	Wes-Indië		0	0	0	0		0	0	0	0	0		0	0	0	0.0
Laaste keer hersien: 15 Junie 2025.

Toetsreekse

Begin	Tuisspan	Wegspan	Uitslae	Punte
2025-seisoen
17 Junie 2025	Sri Lanka	Bangladesj	[2]
20 Junie 2025	Engeland	Indië	[5]
25 Junie 2025	Wes-Indië	Australië	[3]
2025/26-seisoen
Oktober 2025	Pakistan	Suid-Afrika	[2]
2 Oktober 2025	Indië	Wes-Indië	[2]
14 November 2025	Indië	Suid-Afrika	[2]
21 November 2025	Australië	Engeland	[5]
November 2025	Nieu-Seeland	Wes-Indië	[3]
Maart 2026	Bangladesj	Pakistan	[2]
2026-seisoen
Junie 2026	Engeland	Nieu-Seeland	[3]
Junie 2026	Wes-Indië	Sri Lanka	[2]
Julie 2026	Wes-Indië	Pakistan	[2]
Augustus 2026	Sri Lanka	Indië	[2]
Augustus 2026	Engeland	Pakistan	[3]
2026/27-seisoen
September 2026	Suid-Afrika	Australië	[3]
Oktober 2026	Bangladesj	Wes-Indië	[2]
Oktober 2026	Nieu-Seeland	Indië	[2]
November 2026	Suid-Afrika	Bangladesj	[2]
November 2026	Pakistan	Sri Lanka	[2]
Desember 2026	Australië	Nieu-Seeland	[4]
Desember 2026	Suid-Afrika	Engeland	[3]
Januarie 2027	Nieu-Seeland	Sri Lanka	[2]
Januarie 2027	Indië	Australië	[5]
Februarie 2027	Bangladesj	Engeland	[2]
Februarie 2027	Sri Lanka	Suid-Afrika	[2]
Maart 2027	Australië	Bangladesj	[2]
Maart 2027	Pakistan	Nieu-Seeland	[2]

Eksterne skakels

• (en) Amptelike webwerf
• (en) Wêreldtoetskampioenskap 2025–2027 op ESPNcricinfo