Wartburg Kirchdorf School

in Wikipedia, die vrye ensiklopedie
Jump to navigation Jump to search
Wartburg Kirchdorf School
Leuse Dennock Fest und Frei
Gestig 1881
Tipe Staatsskool
Adres 9 Fountain Hill Road
Stad Wartburg
Provinsie KwaZulu-Natal
Land Suid-Afrika
Webblad www.wartburg.co.za

Die Wartburg Kirchdorf School is 'n staatsskool in Wartburg naby Pietermaritzburg, KwaZulu-Natal. Die skool is in 1881 in 'n streek gestig wat destyds merendeels deur Duitse immigrante bewoon is en gebruik naas Engels steeds Duits as onderrigmedium. Die skool het 'n lang tradisie van gemeenskaplike onderwys vir seuns en meisies en word as een van die voorste onderwysinstellings in die provinsie beskou.

Die Wartburg Kirchdorf School se onderwyspersoneel van 30 bied onderwys van voorskool tot matriek vir sowat 430 leerders aan. In graad 1 en 2 word kinders se moedertale as onderrigmedium gebruik, vanaf graad 3 ontvang leerders ook Afrikaanse taalonderwys. Die koshuis, wat deur Wartburg se twee Evangelies-Lutherse kerkgemeentes bedryf word, is in 1948 opgerig en huisves tans sowat 90 leerders.

Geskiedenis[wysig | wysig bron]

Die skool se geskiedenis is nou verbonde aan die groei van die plaaslike Duitse immigrante-gemeenskap. Die eerste Duitse setlaars het hulle reeds saam met die eerste Britse immigrante in 1848 in Natal gevestig. Die eerste kerk en skool in Kirchdorf is in 1881 deur Duitse immigrante in die gebied van Noodsbergweg gestig, elf jaar later het ook in Wartburg 'n kerk en skool ontstaan.

In 1931 het die twee gemeentes, ná moeilike onderhandelinge, ooreengekom om 'n gemeenskaplike skool te bedryf wat dan ook die dubbelnaam Wartburg Kirchdorf School gedra het. Danksy die vestiging van talle boere in die streek en die opening van 'n suikermeul in die 1960's het die skool vinnige groei getoon.

Eksterne skakels[wysig | wysig bron]

Koördinate: 29°25′55.3″S 30°34′3.4″O / 29.432028°S 30.567611°O / -29.432028; 30.567611