Waterbossie

Waterbossie
Bewaringstatus
	; Veilig (IUCN 3.1)
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
Orde:	Proteales
Familie:	Proteaceae
Genus:	Leucadendron
Spesie:	L. teretifolium
Binomiale naam
	Leucadendron teretifolium; (Andrews) I.Williams
Sinonieme
	Chasme teretifolia Knight; Leucadendron abietinum R.Br.; Protea teretifolia Andrews;

Die waterbossie (Leucadendron teretifolium) is 'n blomdraende struik wat tot die genus Leucadendron behoort en deel van die fynbos-bioom vorm. Die plant is endemies aan die Wes-Kaap, waar dit voorkom op die Elimvlakte, Kleinrivierberge, Riviersonderendberge, Potberg, Bonteberg, Witteberg, Waboomsberg en Langeberg tot by Riversdal. Die struik word 1,0 m hoog en dra blomme van Augustus tot September.

Vuur vernietig die plant maar die sade oorleef. Die sade word in 'n tol op die vroulike plant geberg en word vrygelaat na 'n brand en word moontlik deur die wind versprei. Die plant is eenslagtig en daar is aparte manlike en vroulike plante. Die bevrugting word gedoen deur die wind. Die plant groei hoofsaaklik in Bokkeveld en Witteberg tipe grond op hoogtes van 0 – 1350 m.

In Engels staan dit as die Needle-leaf conebush bekend.