Weerskant die nag

Weerskant die nag is 'n 87 minuut lange Afrikaanse komediedrama wat in 1978 vrygestel is.^[1] Die film is deur Franz Marx geregisseer met 'n draaiboek deur P.G. du Plessis, vervaardig deur Brigadier Filmproduksies (Albie Venter) en versprei deur Ster-Kinekor/Flip Bezuidenhout Produksies.^[1]

Sinopsis

Toe Jurgen van Vreden (Nic van Rensburg) die nuwe en geheimsinnige onderwyseres (Aletta Bezuidenhout) vir die eerste keer op die strand ontmoet het, was hy dadelik in haar geïnteresseerd. Hy het egter gou ontdek dat sy 'n verlede probeer verberg. Tant Annie (Francés Coertze) het haar bes gedoen om die twee bymekaar te bring, maar die verkragting deur haar gewese man (Zack du Plessis) het diep wonde gelaat. Eers ná baie moeite en oorreding het sy genesing gevind.^[1]

Rolverdeling

Die rolverdeling is Nic van Rensburg (as Jurgen), Aletta Bezuidenhout (as Hannie), Zack du Plessis (as Sas Brink), Wilna Snyman (as Ester Brink), Leonie Ross (as Sofie du Preez), Phillip Markgraaf (as Frederik Brink), Tarina Kleyn (as Lottie Brink), Francés Coertze (as Tant Annie), Theunis van Rooyen, Ernst Eloff, en Kappie Botha.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]