Wendy Kaizer-Philander
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Wendy Kaizer-Philander | |
Provinsiale Minister van Maatskaplike Ontwikkeling in die Wes-Kaap | |
| Ampsbekleër | |
| Termynaanvang 20 Augustus 2026 | |
| Premier | Alan Winde |
|---|---|
| Voorafgegaan deur | Jaco Londt |
Lid van die Wes-Kaapse Provinsiale Parlement | |
| Ampsbekleër | |
| Termynaanvang 15 Augustus 2018 | |
| Voorafgegaan deur | Lennit Max |
Persoonlike besonderhede | |
| Gebore | 28 Mei 1976 Paarl, Kaapprovinsie, Suid-Afrika |
| Nasionaliteit | |
| Politieke party | Demokratiese Alliansie |
Wendy Felecia Kaizer-Philander (née Kaizer; gebore 28 Mei 1976) is 'n Suid-Afrikaanse politikus wat sedert Augustus 2026 as die Provinsiale Minister van Maatskaplike Ontwikkeling in die Wes-Kaap dien. Sy dien sedert Augustus 2018 'n lid die Wes-Kaapse Provinsiale Parlement. Sy was voorheen 'n Lid van die Burgemeesterskomitee van die Drakenstein Plaaslike Munisipaliteit. Kaizer-Philander is 'n lid van die Demokratiese Alliansie.[1]
Lewe en loopbaan
[wysig | wysig bron]Kaizer-Philander is in New York, 'n voorstad van Paarl, gebore.[2] Sy is die jongste dogter van Mary en Jack Kaizer. Haar ma is oorlede toe sy in graad 11 was. Sy het by Paulus Joubert Primêre Skool skoolgegaan en aan Paulus Joubert Sekondêre Skool gematrikuleer.[2] Sy het in 2008 by die Demokratiese Alliansie aangesluit. Kaizer-Philander is in die plaaslike verkiesing in 2011 as 'n DA-wykraadslid van die Drakenstein Plaaslike Munisipaliteit verkies. Na die plaaslike verkiesing het sy 'n PR-raadslid vir die DA in die munisipaliteit geword.[3] Sy het twee termyne as die Burgemeesterskomiteelid vir Menslike Nedersettings en Gesondheid tydens die burgemeesterskappe van Gesie van Deventer en Conrad Poole gedien.[2]
In Augustus 2018 is Kaizer-Philander as lid van die Wes-Kaapse Provinsiale Parlement ingehuldig, waar sy vir Lennit Max opgevolg het.[4][5] Sy is daarna aangewys om op die Sosiale Groep-komitees te dien.[6] Na die algemene verkiesing in Mei 2019 is sy op 22 Mei 2019 vir haar eerste volle termyn ingehuldig. Sy was die enigste parlementslid uit die Drakenstein-munisipaliteit. In Junie 2019 is Kaizer-Philander as voorsitter van die Staande Komitee oor Gesondheid verkies.[1]
Kaizer-Philander is 'n senior lid van die Demokratiese Alliansie se Vroue-netwerk (DAWN). Sy is die netwerk se provinsiale voorsitter. Sy is ook 'n lid van die provinsiale uitvoerende komitee van die Demokratiese Alliansie.[2]
In November 2020 het sy haar as kandidaat vir die DA se provinsiale leierskap verkiesbaar gestel, maar teen die destydse provinsiale leier, Bonginkosi Madikizela, verloor. Sy het die tweede meeste stemme ontvang, met 255, ná Madikizela se 444 stemme en voor die provinsiale parlementspeaker, Masizole Mnqasela, wat 210 stemme ontvang het.[7]
Op 7 Mei 2022 het sy haar as kandidaat vir die pos van adjunkleier van die DA in die Wes-Kaap verkiesbaar gestel tydens die party se provinsiale raadsvergadering. Sy het die verkiesing teen JP Smith verloor.[8]
In Januarie 2023 is Kaizer-Philander as hoofsweep van die DA-koukus in die Provinsiale Parlement aangestel. Sy het vir Lorraine Botha opgevolg, wat in Augustus 2022 oorlede is.[9]
Kaizer-Philander is tydens die 2024 provinsiale verkiesing tot 'n setel in die provinsiale parlement herverkies.[10] Sy is daarna as voorsitter van die portefeuljekomitee oor Maatskaplike Ontwikkeling verkies.[11]
Op 20 Augustus 2026 het premier Alan Winde haar as provinsiale minister van maatskaplike ontwikkeling aangestel. Sy het vir Jaco Londt opgevolg, wat as provinsiale minister van onderwys aangestel is.[12]
Verwysings
[wysig | wysig bron]- 1 2 Gerber, Jan (4 Junie 2019). "Former Bitou mayor to chair Western Cape's Scopa". News24. Besoek op 20 Junie 2020.
- 1 2 3 4 Marinus, Tandy-Lee (31 Mei 2019). "Bearing Drakenstein flag in the provincial legislature". Netwerk24. Besoek op 21 Junie 2020.
- ↑ "Mayor Gesie van Deventer resigns". Netwerk24. 13 Mei 2016. Besoek op 20 Junie 2020.
- ↑ "New DA MPP sworn in". The Daily Voice. 16 Augustus 2018. Geargiveer vanaf die oorspronklike op 21 Junie 2020. Besoek op 20 Junie 2020.
- ↑ Felix, Jason (19 Desember 2018). "Premier Zille's decade reign will end at final provincial address in February". IOL. Cape Town. Besoek op 20 Junie 2020.
- ↑ "DA in Western Cape welcomes new MPP". Polity. 15 Augustus 2018. Besoek op 20 Junie 2020.
- ↑ Payne, Suné (2 Mei 2022). "POLITRIX: Battered Western Cape DA to elect interim deputy leader as Patriotic Alliance threatens to quit coalition". Daily Maverick (in Engels). Besoek op 7 Mei 2022.
- ↑ Charles, Marvin. "DA elects new Western Cape leadership in run up to 2024 elections". News24 (in American English). Besoek op 7 Mei 2022.
- ↑ Charles, Marvin. "Western Cape premier announces appointment of new chief whip in legislature". News24 (in American English). Besoek op 14 Januarie 2023.
- ↑ "Announcements, tablings and committee reports" (PDF). Western Cape Provincial Parliament. 13 Junie 2024. Besoek op 22 Augustus 2026.
- ↑ "Election of Chairperson | PMG". pmg.org.za (in Engels). Besoek op 22 Augustus 2026.
- ↑ "Western Cape Government Welcomes New Ministers of Education and Social Development | Western Cape Government". www.westerncape.gov.za (in Engels). Besoek op 22 Augustus 2026.
Eksterne skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.- Profiel op People's Assembly