Wes-Mebon

in Wikipedia, die vrye ensiklopedie
Jump to navigation Jump to search
Wes-Mebon
Die oorblywende oostemuur en -torings.
Die oorblywende oostemuur en -torings.
Plaaslike naam  ប្រាសាទមេបុណ្យខាងលិច
Land Vlag van Kambodja Kambodja
Soort Hindoe-tempel
Streek Angkor
Geskiedenis
Stigter Udayadityavarman II
Gestig Middel 11de eeu
Tydperk Middeleeue
Kulture Khmer-ryk

Die Wes-Mebon (Khmer: ប្រាសាទមេបុណ្យខាងលិច) is ’n 11de-eeuse tempel in Angkor, Kambodja. Dit staan op ’n kunsmatige eiland in die middel van die Wes-Baray, die grootste reservoir van die Angkor-gebied. Dit is nie bekend wanneer dit gebou is nie, maar daar is aanduidings dat dit in die 11de eeu onder konings Suryavarman I en Udayadityavarman II geskied het.[1]:96,103[2]:371

Beskrywing[wysig | wysig bron]

In die droë seisoen kan die tempel oor die land bereik word. In die reënseisoen styg die water van die Wes-Baray en word die terrein waarop die tempel gebou is, ’n eiland. Die ontwerp van die tempel is vierkantig, met sye wat sowat 100 m lank is. Rondom was kleiner torings. In die middel van die vierkant was ’n steenplatform wat met ’n pad van lateriet en sandsteen aan die oostelike muur verbind was.

Die Wes-Mebon van die water af gesien.

Die platform, pad en ’n groot deel van die oostelike muur en torings het behoue gebly. Die grootste deel van die tempel is vernietig, hoewel die buitelyne van steen sigbaar is wanneer die baray se water laag is. Geen sentrale heiligdom is sigbaar nie, hoewel die platform ’n relatief klein struktuur kon gehuisves het.

In 1936 is die grootste bekende bronsbeeld in Khmer-kuns by die Wes-Mebon ontdek: ’n deel van ’n leunende beeld van die Hindugod Vishnu. Dit is van die god se kop, bors en twee regterarms. ’n Plaaslike dorpenaar het glo gedroom dat ’n beeld van die Boeddha in die Wes-Mebon begrawe is en bevry wou word van die grond. In daaropvolgende opgrawings is die beeld van Vishnu ontdek.

Die Chinese diplomaat Zhou Daguan, wat Angkor aan die einde van die 13de eeu besoek het, het geskryf ’n groot beeld van die Boeddha waaruit water spuit, staan by die Wes-Mebon. Zhou het die beeld van Vishnu met een van die Boeddha verwar en die Wes-Mebon met die Oos-Mebon.[1]:103,134

Sien ook[wysig | wysig bron]

Verwysings[wysig | wysig bron]

  1. 1,0 1,1 Higham, C., 2001, The Civilization of Angkor, London: Weidenfeld & Nicolson, ISBN 9781842125847
  2. Higham, C., 2014, Early Mainland Southeast Asia, Bangkok: River Books Co., Ltd., ISBN 9786167339443

Ekstra bronne[wysig | wysig bron]

  • Laur, Jean. Angkor: An Illustrated Guide to the Monuments. Flammarion 2002
  • Rooney, Dawn. Angkor. Airphoto International Ltd. 2002

Eksterne skakels[wysig | wysig bron]

Koördinate: 13°26′03″N 103°48′00″O / 13.43417°N 103.80000°O / 13.43417; 103.80000