Westminster Plate-etiket
Westminster Records was 'n Amerikaanse Plate-etiket van klassieke musiek wat oorspronklike opnames uitgereik het tot 1965.
Dit was in 1949 mede-gestig deur Mischa Naida, (wat later die Musikale Erfenis Genootskap gestig het) die eienares van die Westminster Platewinkel in New York Stad, die sakeman James Grayson (1897–1980), die dirigent Henry Swoboda, en Henry Gage.
Die Plate-etiket se brandmerk was die Kloktoring van die Paleis van Westminster en sy slagspreuk was "natuurlike balans" , verwysende na sy enkele mikrofoon tegniek in die opneem van musiek, wat soortgelyk is aan die Mercury Plate-etiket se Living Presence reeks.
In die begin was die plate-etiket se opnames superieur gewees tot die meeste ander in die mark, en die etiket het gewild geraak onder die groeiende gemeenskap van Audiofiele. Gedurende die laat 1950's het die maatskappy begin om Stereofoniese opnames uit te reik, insluitende 'n rare/skaars plaat van die musiek van die Sweedse komponis Hugo Alfvén (1872-1960), wat deur die komponis self gedirigeer was. Die "Westminster Laboratorium" (W-Lab) reeks van klassieke opnames was tegnies superieur tot ander handelsmerke en is teen 'n hoër prys verkoop as die gewone Westminsters.
Die maatskappy was in die vroeë 1960's verkoop aan die ABC-Paramount Plate-etiket, wat aanvanklik voortgegaan het om nuwe materiaal uit te reik (sowel as om ou opnames her-uit te reik op die "Westminster Gold" etiket). Westminster het in 1965 opgehou om nuwe (oorspronklike) opnames uit te reik.
In die begin van 1970 het ABC se "Westminster Gold" heruitreikings nuwe ontwerpe aangeneem wat gebruik gemaak het van speelse, pittige en humoristiese motiewe ten einde die goedkeuring te verkry van, en verkope te bevorder, aan klassiek musiek aanhangers in die ouderdomsgroep van hoërskool tot kollege.[1][2]
Die MCA Plate-etiket het die regte bekom van die Westminster katalogus toe dit die ABC Plate-etiket in 1979 aangekoop het. Terwyl MCA voortgegaan het om ABC se inventaris van klassieke musiek-plate te versprei, het MCA die voormalige hoof van die ABC klassieke musiek departement, John Sievers, aangestel om die maatskappy se eie MCA klassieke musiek departement op die been te bring.[3]
Die volgende jaar het MCA baie van die "ou katalogusse" bestaande uit vroeëre opnames van klassieke musiek van die ''Command'' Plate-etiket, Decca Plate-etiket, en ABC/Westminster Plate-etikette her-uitgereik op die "MCA Westminster" handelsmerk.[4]
Die Westminster katalogus, sowel as die res van die MCA katalogus van klassieke musiek, word nou bestuur deur Deutsche Grammophon.[5]
Verwysings[wysig | wysig bron]
- ↑ Eliot Tiegel, New Marketing Approaches Key ABC/Dunhill 55–LP Sales Meet, Billboard, September 12, 1970, pg. 3
- ↑ "Westminster Gold: a discography of the classical reissue label of the 1970s and a gallery of the wonderfully different cover art that graced the LPs". WestminsterGold.com (in Engels). 30 September 2018. Geargiveer vanaf die oorspronklike op 19 November 2019. Besoek op 18 April 2019.
- ↑ name="billboard">Panchensky, Alan (1 September 1979). "Ex-ABC exec to head MCA's wing". Billboard. Nielsen Business Media. p. 91. Besoek op 13 Desember 2010.
- ↑ name="Inc.1979">"New budget MCA line due, Feb. 8". Billboard. Nielsen Business Media. 22 Desember 1979. p. 41. Besoek op 13 Desember 2010.
- ↑ name="deutschegrammophon">"Westminster". Series & Editions. Deutsche Grammophon. Besoek op 13 Desember 2010.