Wikipedia:Geselshoekie/Argief2019

in Wikipedia, die vrye ensiklopedie
Jump to navigation Jump to search
Argief Hierdie bladsy dien as 'n argief van ou besprekings. Moenie die inhoud van hierdie bladsy wysig nie. Indien u 'n nuwe bespreking wil begin, of by een van die oues hieronder wil aansluit, doen asseblief so voort op die huidige besprekingsblad.
1 Januarie 2019-

Inhoud

Voorspoedige MMXIX!

Naja, van my kant af! Suidpunt (kontak) 22:09, 31 Desember 2018 (UTC)

Voorspoedige nuwe jaar! Bereik ons 100 000 artikels in 2019? – K175 (trap my uit | bydraes) 22:24, 31 Desember 2018 (UTC)

Voorspoedige nuwejaar!

Voorspoedige nuwe jaar aan die Afrikaanse gemeenskap! Groete vanaf die see! Oesjaar (kontak) 06:04, 1 Januarie 2019 (UTC)

Tien jaar op Wikipedia!

Gemeenskap, vandag is ek 10 jaar betrokke hier op die Afrikaanse Wikipedia! Dit is 'n lang tyd, dit is 'n kort tydjie... Wat het ek bereik? Wat het ek bygedra? Ek het 5,050 artikels geskep waaroor ek baie trots is. Daar is so 'n paar saadjies maar die res het almal bronne. Die grootste gros is visse seker 2000 van hulle. Tans staan my wysigings op die Afrikaanse Wiki op 96 777 en op die globale Wiki is dit 99 413!

Ek het baie gebruikers leer ken, die meeste het gekom en gegaan maar gebruikers Naudefj, Burgert Behr en Suidpunt sal my die langste bybly. Veral Frank, hy het my met my eerste bydraes gehelp met taksobokse ens totdat ek dit bemeester het! Dankie Frank!

Ek was die eerste Afrikaanssprekende gebruiker om 'n Wikimania konferensie by te woon in Mexico in 2015 (ek dink) en was ook die eerste verkose Direkteur (Afrikaans) op die Suider Afrika Wikimedia Stigting se raad. Dan, om ons Wiki te bevorder het ek daarin geslaag om verskeie kere op Radiostasies (RSG onder andere) praatjies te lewer asook artikels in Beeld en Rapport.

Daar is sekere dinge van Wiki wat ek nooit sal verstaan nie bv Sjablone, ek sukkel met die skepping van Kategorieë... Maar nou ja, daar is ander gebruikers wat kan help hier!

My bekommernisse bly dieselfde, artikels sonder bronne, Afrikaanse regse groepe wat ons Wiki wil misbruik, gebruikers met eie agendas, swak outomatiese vertalers, ens...

Maar nou ja...

Wat bly oor? Ek weet self nie, moet daaroor gaan dink. 100,000 wysigings? vir seker, want ek is doelwit gedrewe.

Baie dankie julle!

Groete! Oesjaar (kontak) 06:14, 6 Januarie 2019 (UTC)

Baie geluk, Oesjaar! Burgert (kontak) 07:27, 6 Januarie 2019 (UTC)
Ek wil ook baie geluk sê, Oesjaar! - Rooiratel (kontak) 07:51, 7 Januarie 2019 (UTC)
'n Stewige bydrae tot kennis en tot Afrikaans. En die stelselmatige aanpakking van temas, soos enkele ander bydraers ook doen, lewer 'n sinvolle raamwerk vir die ensiklopedie. Deels te danke daaraan dat jy die hartvatkomplikasie kortgevat het. Die ander ooms en tannies moet ook maar waaksaam wees oor hul gesondheid. JMK (kontak) 18:03, 8 Januarie 2019 (UTC)
Oesjaar, veels geluk met jou 10 jaar hier! Jy het reeds diep spore getrap, hou so aan!! Groete, --Aliwal2012 (kontak) 17:42, 11 Januarie 2019 (UTC). P.S. Oesjaar het sopas "100 000+ edits on all projects" geslaan!!

──────────────────────────────────────────────────────────────────────────────────────────────────── Baie geluk Oesjaar.

Ek vier my dekade eers in Augustus, maar dankie dat u my onthou. Ek hoop net dit is vir die regte redes (ek is maar wispelturig). Aangesien ons nou op daardie onderwerp is: ja, baie het gebeur, en tog, in my geval, eintlik ook te min.

Ek het nog nie tot die volksbrein deurgedring nie; dit sou baie gehelp het, maar vanaf 31 Desember 2018 tot 6 Januarie 2019 het ek uiteindelik 'n klein deurbrakie gemaak. Veral toe ek agterkom Jochem Willemszoon is sedert 1910 volledig, om die een of ander rede, heeltemal uit die Volksgeskiedenis verwyder. Waarom? Want hy het nie soos Wolraad Woltemade op die toneel van sy heldedaad gesterf nie. Dit is 'n anomalie van die res van die Afrikaanse heldedom. Klaarblyklik moet mens roem "met jou lewe koop", soos Mev. M.L. van Zyl in haar brief skryf, gedateer 29 Junie 1991. Ek sal nou wys hoe ek daarby uitkom, wees net geduldig.

Oor die Kersseisoen, terwyl ek besig was om oor persoonlikheidstipes navorsing te doen [want my karakters in die boek waaraan ek werk lyk eenvoudig te veel op my], het ek met moeite probeer om ander mense en persoonlikheidstipes te verstaan. Dit gaan maar moeilik, want as iemand nie logies dink nie, verstaan jy dit nie. Ook, moet jy jou leserspubliek leer ken, en daarvoor moet jy die volksgeheue en gees verstaan. Google Trends werk nie altyd nie.

Maar om eerlik met jouself te wees, moet jy ook kyk wat ander van jou eie persoonlikheidstipe dink.

‘n Bydraer van Encyclopaedia Dramatica (nogal met die veelseggende testosteroon-naam 40yearoldAlphaMale) slaan die spyker op die kop in sy artikel vol kru taal:

1. INTJ’s (dis nou ekke) is onoorspronklik, herwin/kopieer slegs ou idees. (Onthou, INTJ’s se hoofdoel in die lewe is om reeds bestaande stelsels doeltreffender te maak, of om uit verskillende stelsels ‘n nuwe een te begin. Ek herhaal: stelsels!)
2. Nie al hulle planne werk uit nie, wat lei tot frustrasie en ander daarbuite wat daarvoor blameer word. (Daar is altyd die onvoorspelbare stemvee, of breë publiek wat jou logiese benadering deur hul onkunde verongeluk!)
3. Hulle is so besig om te dink, dat hulle nooit nie aan die gang kom nie. Hulle sal eerder op hulle gat sit en droom oor sukses en wegskram van die uitdagings. (Ek pleit skuldig. Die probleem is dat die uitgrawe en neerpen van positiewe en negatiewe argumente vir ‘n droom nimmereindigend is. Teen Jaar 3 staan die argumente kop aan kop, gebalanseer op nul: 345 vs. 345. Elke moontlike fout moet ingereken word. Want onthou, met ‘n fiets kan byvoorbeeld 60 dinge verkeerd loop. Met ‘n motor 30.000 (onderdele), én dit nog vóór die sleutel gedraai is. Ek oordryf nie. Met ander woorde, jou buurman sit reeds met sy tweede groentetuinoes, terwyl jy steeds besig is om die regte bedrading vir die groentetuinomheining te kies. Teen Jaar 5 gee jy maar die stryd gewonne.)
4. Hulle is geneig om by hul vriende te spog hoe hulle aan iets "groots" werk wat hulle beroemd gaan maak. Maar daar kom niks van. (Heeltemal waar, want elke keer nullifiseer jy dikwels die waarde van jou eie werk deur goedkoop sinisme.)
5. Omrede hierdie groepie die alledaagse sosiale norme verwerp, het hulle die neiging om hul in ontaarde fetisje te behaag. (Soos wat nogal, 'n verhouding met ruimtewese uit Star Wars aan te knoop?)
6. Hulle is arrogant. (As iets logies verklaar of verkeerd bewys kan word, en die opponent maak blindelings die een denkfout na die ander: kan jy werklik ‘n INTJ vir sy smalende opmerking dan kwalik neem?)
7. Hulle verstaan nie klein (spel)foutjies is geen saak van lewe en dood nie. (Behalwe wanneer soekwoorde kassensitief is; dit is juis weens ‘n spelfout of drie dat Tsafendas Suid-Afrika elke keer binnegekom het én juis as gevolg daarvan het heelwat staatsamptenare hul werk verloor toe Dr. Verwoerd eers vermoor is. Dus, spelfoute maak saak.)
8. Hulle dink hulle weet als. (Enigiemand wat baie lees het moontlik net meer kante gesien as ander).
9. Hulle probeer hul makkers beïndruk met hul dik boekrakke vol verouderde (cliché) filosofie wat alles deurgelees is. (Ek pleit skuldig! Toe van my skoolmaats [in ‘n groep] in 2009 vir my kom kuier het, het hulle gevra hoe gaan dit met my. Ek het onmiddellik oor my universiteitswerk begin gesels [literatuur], want niemand vra mos uit oor my stokperdjies nie. Was ook die laaste keer wat ek hulle gesien het.)
10. As iemand nie hul humor snap nie, is daar iets fout met hom. (Lang grappe het net nie die trefkrag van kort en pittige sarkasme nie.)
11. Hulle is nagwolwe. (Maak sin, want dit is gewoonlik wanneer die ander dele van die wêreld begin ontwaak en/of mense nie werk nie. Tyd vir aanlynpret.)
12. Hulle kyk hoofsaaklik kinderprogramme ver benede hul ouderdomsgroep se Emosionele Intelligensievlak en huil by hartroerende oomblikke (Dis die reine waarheid! Maar ek kyk PAW Patrol eintlik net omdat ek die oorgeklankte Duits, Frans en Hollands wil leer om artikels uit die anderstalige Wikipedias in Afrikaans korrek te vertaal. Ek is mal oor Marshall, Chase en Rocky. En Zuma, noudat hy in Mighty Pups op 'n branderplank ry.)
13. Diep weggebêre onder die dik lae ys lê daar 'n diep verwonde siel (dikwels op die randjie van selfmoord), wat net smag na 'n drukkie [as gevolg van hul eie afstootlike gedrag wat mense afskrik], maak nie saak van wie of wat nie. (O, ek het maar aangeneem die dorp se demografie (Sensus 2011) bied net te min wat verlief kan raak op my "verstommende intellek...")

Om dus meer in voeling met ander persoonlikheidtipes van die lae stande te kom, het ek as robot nou bietjie meer vermenslik en begin wonder oor vrae soos: "Hoe maklik is dit vir 'n kêrel en meisie om in Suid-Afrika te ontmoet, smoorverlief te raak en te trou?" "Waarom word die trourituele en vereistes en plegtighede al hoe langer en moeiliker?" "Waarom kyk mans pornografie"? Soos Plaston: DNS-Kind, moes ek ondersoek gaan instel met eerstehandse ervaring.

Ek het op oujaarsaand dus erotiese kunswerke (kwaswerk, geen fotowerk!) krities deurgekyk (ek moet nog die hygies van Jacqueline Brink onder oë kry), en, is uit my veertiende verdieping van my ivoortoring neergeruk aarde toe na die banale sterflikes daaronder. Iewers sou ek later 'n verband probeer bring tussen "erotiese kuns" en "volksgeheue". Albei toon die volgende: die waarheid is altyd kaalgestroop, daar is altyd iets wat in die lug bly hang, "kom vermaak my!" en uiteindelik iemand wat doodgesit word.

Die verhale en beelde wat opgeroep word is gewoonlik oorsimplisties, 'n chronologie wat ontbreek, so geskaaf om te vermaak of te beïndruk (Ockham se skeermes), maar die ergste kom nog.

Terwyl die Engelse hier ter plaatse selfs honde het (Just Nuisance en "Jock of the Bushveld") wat meer lewend beteken het, as dood, het die meeste Afrikaner- (in die kleine) of Afrikaanse (in die breë) "helde" eers gesterf of selfmoord gepleeg voordat hulle raakgesien is. Dit sluit ook grieselige volksverhale in.

Dink gou daaraan: wat het Johannes Kerkorrel, Ingrid Jonker, Eugène Marais en dalk selfs Barrie Hough gemeen? Hulle selfmoord het hul onder die volk méér beroemd (of berug) gemaak as hulle werk. Dis soos vyf klontjies suiker by. Of is dit die “kollektiewe skuldgevoel” wat praat [“wat het ons tog bygedra tot sy/haar selfmoord”]? Die boodskap wat mens kry is dat dit loon om selfmoord te pleeg.

Dis reg, laat die donner homself dus doodskiet en onsterflik maak. Dus, onthou dit volgende keer as jy ‘n katjie uit die boom wil red. Val van die leer af, breek jou nek, laat ‘n donderblits jou tref en huur vooraf ‘n bus om bo-oor jou te ry. Voorbladnuus vir drie weke. Nou is jy ‘n held! Volksbesit! Prima!

Ek dink aan my derdejaar toe “Die Dood” (net soos in Matriek, en die jare daarvoor) as literêre stroming behandel is: byna elke lykdig en roudig is opgerakel. Dan het ons Racheltjie de Beer wat verkluim het. Eliza Meiring (die Heks van Hexrivier) wat uit die venster gespring het omdat haar geliefde in die berge te pletter geval het (‘n ander weergawe sê weer sy het stapelgek by die trap afgeval), toe hy die gesogte rooi blom vir haar wou pluk. Die Laingsburgvloed, die Benonibusramp, die Coalbrook-mynramp (met apologie aan Die Briels), die Die vloek van Boontjieskraal, en natuurlik Wolraad Woltemade

Voeg gerus nog elke liewe seun op die Grens by wat sy mondigwording nie sou sien nie, elke gesneuwelde held van die Anglo-Boereoorlog, elke moeder en kind in die Konsentrasiekampe wat omgekom het… Elke bok, perd en skaap wat tydens die droogte omkap en beswyk. Waarlik, Jopie Fourie ook – wat sou hy nou lewend beteken het? En natuurlik, die crème de la crème, die neusie van die salm… “Waar ruwe rotse”: ‘n vader wat geen keuse het as om sy seun in die skeur dood te skiet nie.

En selfs onder die handjievol wetenskaplikes is daar die een wat bekendstaan as "Dr. Death".

So, niemand sal jou onthou as jy soos ‘n wafferse waaghals Jack Sparrow of Staal Burger of Angus MacGyver of James Bond of Die Swart Luiperd (Leon Fouché) en Die Swart Kat (monsieur Borrie Veldt) behendig met die sakmes woeker en sonder ‘n skrapie die slagysters ligvoets mistrap nie? Ongeag die duisende lewens wat jy in die proses red? Jy het duidelik reg, Suidpunt, loop vra maar die geneeshere en paramedici hoe dit voel.

Dis 'n doodskultuur wat floreer, nee, téér op die dood van sy volksgenote. Hierdie sieklike doodskultus en morbiede belangstelling in elke nekroloog grens aan nekrofilie!

Ek het die afgelope 9 jaar gereeld intensiewe vorme versamel vir daardie artikel wat kindertjies dag en nag besoek om hul opstelletjies mee op te vul, en ek kan u met ‘n geruste hart sê dat die meeste van die lemmas, wat ek uit fiksieboeke kry, met dood- begin. Ek dag lewe en dood lê in die mag van die tong. Ek is doodernstig. Daar is selfs onlangs ‘n boek uitgegee met die titel Doodmenslik.

Dit is nogal ‘n groot probleem: want die waagmoed, die pathos word verheerlik met élke dood, maar diegene wat vindingryk genoeg is om ander en hulself aan die lewe te hou – wag, wag, wag! My sin vir logika kan dit hoegenaamd nie hanteer nie! ;O/ÞÈÕ‘Wn`aò^X}œÛ-nËj®O¿îÈÌ‹ý¬X®™Ú¬òaÁ*8ŸÓy®ýÀ My hardeskyf pak op!

Dan struikel mens tog oor Johannes 15:13: “Groter liefde het niemand as dit nie, dat iemand sy lewe vir sy vriende gee.” Is die teksvers geheel en al deur die mensekultuur buite verband geruk? Beteken dit nou letterlik om dood te gaan vir jou vriende [wat heel waarskynlik ook ‘n duidelike Messiaanse boodskap is], of beteken dit nou om jou hele lewe agter te laat, opsy te skuif, vir jou nuwe vriende in die geloof te “gee”? Of albei? Of beteken dit slegs in die konteks, verloor jou lewe vir jou vriende onvoorwaardelik slegs indien dit nie anders kan nie? Moet jy sterf? Is dit verpligtend? Mag jy nie slimmer te werk gaan nie? Of beteken dit ek moet ook soos sekere ekstremistegroepe maar plofstofpakkies aantrek vir die saak? Waar is die skrifgeleerdes en predikante nou?

Enigiemand met gesonde verstand sal vir jou sê die doel van ‘n heldedaad is tog om soveel mense aan die lewe te hou, sodat daar genoeg mense is [insluitend die held] wat steeds die heldedade en ander goeie dade vir hul medemens kan voortsit en ander besiel om dieselfde te doen. As almal dan nou soos lemmings van kranse gaan afspring, wie gaan oorbly om die “helde” te vereer?

Nou weet ek - om my leserspublikum te behaag, moet die hoofkarakter 'n heroïese dood sterf. Suidpunt (kontak) 20:32, 8 Januarie 2019 (UTC)

Suidpunt, baie dankie vir die begin, daarna was ek 'n bietjie verlore... Maar voor jy 'n groot, drie-dimensionele, internet gebaseerde, internasionale selfmoord op 'n weeksdag oorweeg - help gou eers Senior Burger Oesjaar uit! Ek wil 'n artikel begin wat lys van tegniese vliegtuig terme sal wees, soos Wikipedia:Rekenaarterme. Net drie tale: Ingils, Hollands en Afrikaans. Begin dit net, ek sal die res doen... O, ja ek ken hierdie verskaffer van goedkoop pistole.... Oesjaar (kontak) 20:48, 8 Januarie 2019 (UTC)

Belangrijk: Beoordeling beheerdersactiviteit

Please help translate to your language.

Goedendag. In 2013 is een beleid met betrekking tot het verwijderen van "geavanceerde rechten" (moderator, bureaucraat, etc.) bij consensus vastgesteld door de gemeenschap. Op basis van dit beleid beoordelen de stewards de activiteit van de moderators op alle wiki's van de Wikimedia Foundation waar geen eigen inactiviteitsbeleid geldt. Voor zover ons bekend, heeft deze wiki geen formeel proces voor het intrekken van "geavanceerde rechten" van inactieve accounts. Dit betekent dat de stewards zich hierover gaan ontfermen op basis van admin activiteitsbeoordeling.

We hebben vastgesteld dat de volgende gebruikers voldoen aan de inactiviteitscriteria (geen bewerkingen en geen gelogde acties in de afgelopen twee jaar):

  1. User:Wawiel (last edit: 2016-10-03 / last log action: 2010-06-28)

Deze gebruikers ontvangen binnenkort een bericht, waarin hen gevraagd wordt het binnen de gemeenschap aan te geven als zij enkele of alle van hun rechten willen behouden. Als de gebruikers niet reageren, zullen hun geavanceerde rechten door de stewards worden ingetrokken.

Wil jullie gemeenschap haar eigen activiteitsbeoordelingsproces vaststellen, dat voor gaat op het globale proces, willen jullie een andere beslissing nemen met betrekking tot deze inactieve gebruikers met rechten of hebben jullie hier al een beleid voor dat niet bekend is bij de stewards, wil je dit dan aangeven op het berichtenbord van de stewards op Meta-Wiki, zodat we weten dat we niet verder hoeven te gaan met het beoordelen van de rechten op jouw wiki. Hartelijke dank. --MarcoAurelio (kontak) 12:52, 6 Januarie 2019 (UTC)

@MarcoAurelio: hier is geen plaaslike proses vir inaktiwiteit van administrateurs nie. Dit is dus toepaslik dat 'n globale proses vir nou gevolg word. – K175 (trap my uit | bydraes) 16:49, 20 Januarie 2019 (UTC)

FileExporter beta feature

Johanna Strodt (WMDE) 09:41, 14 Januarie 2019 (UTC)

Halfuurlange skryfdroogte op 17 deser

Die meeste wiki's sal vanaf 07:00 UTC op 17 Januarie vir 'n halfuur lank nie gewysig kan word nie. Ons is vreeslik jammer oor die aangeleentheid. Daar is 'n databasisprobleempie wat ons so gou moontlik wil uitstryk. Al wat jy dan kan doen - is lees. Geliewe op hierdie bladsy jou vooraf te vergewis watter wiki's nie geraak word nie. Die operasietjie kan ook minder as 30 minute duur, wie weet. Groetnis. Allez ciao./Johan (WMF) 14:47, 16 Januarie 2019 (UTC)

Unisa

Gemeenskap, Gebruiker:Suidpunt het die volgende vir my gestuur maar ek dink julle moet dit ook lees:

Gedink u sal hiervan wil kennis neem, hoewel dit nie die Afrikaanse weergawe betrek nie. Al is dit seker ou nuus (al is dit gister op die web geplaas), druk dit maar uit en bêre dit in 'n ringlêer: https://www.unisa.ac.za/sites/corporate/default/News-&-Media/Articles/Indigenous-languages-have-pride-of-place-on-Wikipedia . Suidpunt (kontak) 18:15, 16 Januarie 2019 (UTC)

Suidpunt, dankie dat jy hierdie met ons deel en daai lelike bliksem regs is die uwe! Groete! Oesjaar (kontak) 19:47, 16 Januarie 2019 (UTC)

100 Vroue artikel uitdaging

Gemeenskap, ek sien hierdie op die Nederlandse Wik: https://nl.wikipedia.org/wiki/Wikipedia:Wikiproject/Gendergap/100wikiwomen Kan iemand wat Nederlands magtig is net dit dalk vertaal: dit lyk na 'n uitdaging om 100 artikels oor vroue te skryf! Briljante idee! Wat presies is die inhoud? Groete! Oesjaar (kontak) 19:54, 16 Januarie 2019 (UTC)

Nuwe artikels

Hallo gemeenskap
EK wil graag die volgende onderwerpe omskep in artikels. Kan julle my asseblief help en kyk of dit nie reeds bestaan nie. Ek wil verhoed dat dit versmelt word en onnodige tyd gemors word

  • Kremetartboom (ek wil hom aanvul)
  • Alfred Frederic Krenz
  • kriminalistiek
  • Krimoorlog
  • Krimpvarkie
  • Krisant

Met my soektog het ek gesien dat van hierdie artikels wel bestaan, maar ek wil dit wat wel bestaan aanvul. Elana Barker (kontak) 09:05, 17 Januarie 2019 (UTC)

Wat die kremetart betref: genus Adansonia word by Kremetart bespreek, en die enkele spesie inheems aan Afrika is onvoltooid by Afrika-kremetart. By lg. kan jy aanlas en ek sal later bywerk. Krimoorlog en Krisant het die ekwivalent van inleidingsparagrawe, en jy kan voorlopig die nuwe inligting onder nuwe hofies aanlas. Alfred Krenz bestaan soortgelyk in kort vorm, maar "Kriminalistiek" blykbaar glad nie. By krimpvarkie moet jy seker maak watter genus of spesie ter sprake is, maar in suider-Afrika is daar net een genus en spesie, en dit by Krimpvarkie. JMK (kontak) 19:06, 21 Januarie 2019 (UTC)

Israelse / Israelies

Wat is juist? Wwikix (kontak) 16:52, 17 Januarie 2019 (UTC)

Albei. Die land is Israel, die inwoner is 'n Israeli (mv. Israeli's), die byvoeglike naamwoorde Israelse/Israelies(e). (e-HAT 2009).
Dit is 'n Israelse/Israeliese produk. Die produk is Israel(ie)s [van oorsprong]. Suidpunt (kontak) 17:06, 17 Januarie 2019 (UTC)

ʼn vs. 'n

Gemeenskap, ons het 'n ruk gelede gesels oor die juiste vorm van die Afrikaanse woord 'n in ons artikels. Volgens Wikipedia:Geselshoekie/Argief2018#Vandalisme hierdie bespreking is dit duidelik dat ʼn (Unicode 0149) meer korrek is as 'n, alhoewel die meeste mense 'n skryf omdat hulle op vreemdetaalse toetsborde tik en hul speltoetser nie na Afrikaans gestel is nie (wat volgens eg. gesprek 'n outomaties na ʼn behoort te verander). Ons beskik oor die vermoë om 'n skrip te loop wat gereeld alle gevalle van 'n na ʼn verander. Is so 'n benadering gewens? – K175 (trap my uit | bydraes) 21:08, 17 Januarie 2019 (UTC)

Ek ondersteun die gebruik van 'n skrip om dit te standaardiseer, maar ek gee nie om of dit 'n of ʼn is nie. - Rooiratel (kontak) 05:11, 18 Januarie 2019 (UTC)
Klink goed. Burgert (kontak) 09:48, 18 Januarie 2019 (UTC)
Indien daar geen besware is nie, sal ek 'n skrip na 69,000 artikels skryf en loop. – K175 (trap my uit | bydraes) 20:25, 19 Januarie 2019 (UTC)
Ek verstaan die probleem nie mooi nie. Dié verskil is baie klein en 'n mens het eintlik 'n bril nodig voordat jy dit kan sien. Ek wil nie 'n bot hê wat my met sulks pla en elke keer opvolg nie. Dus: Nee, dis nie nodig nie. Dis nes die verandering van die myns insiens meer korrekte {{CommonsKategorie-inlyn}} in {{Commons-kategorie inlyn}} oorbodig, wat meer soos die Engelse "Commons category-inline" lyk, nadat dié sjabloon sonder enige rede geskuif is. Maar ek dog in Afrikaans skryf ons vas en nie los soos in Engels nie?! Ek beskou dinge soos Kategorie:Bladsye met gebreekte lêer skakels wat weens 'n bepaalde bot groei as 't ware probleme wat meer aandag kort. Ek voel net minder en minder tuis hier... Groete. -- Flag of South Africa.svg SpesBona 22:30, 20 Januarie 2019 (UTC)
@SpesBona: hoe is {{CommonsKategorie-inlyn}} meer korrek as {{Commons-kategorie inlyn}}? In Afrikaans skryf ons nie adjektiewe vas aan naamwoorde nie, en ons het nie hoofletters in die middel van woorde nie. Beter sou wees om te skuif na {{Inlyn Commons-kategorie}}. Ek is verbaas dat so iets jou sou omkrap. Dalk vind jy net die grootskaalse botwysigings irriterend. Maar hoe kan jy gekant wees teen 'n robot wat jou opvolg en jou foute regmaak? Die AWS verkies immers ʼn bo 'n. Ek het nie 'n bril nodig om die verskil te sien nie. Die afkappingsteken is duidelik nader aan die n in ʼn as in 'n en boonop is die afkappingsteken gekrul. Gebruiker:Geebee100 en Gebruiker:Burgert Behr - beide taaldeskundiges - is dit eens dat ʼn verkies word bo 'n. Maroela Media gebruik ook ʼn, en ons volg gewoonlik die pers, en noudat Nuus24 nie meer toeganklik is nie, is Maroela Media seker die grootste Afrikaanse aanlynkoerant (indien nie, wys my asb. 'n alternatief). As hulle ʼn bo 'n verkies, die AWS ʼn bo 'n verkies, en ons binnehuise taalpraktisyns ʼn bo 'n verkies - wie is ons om van hierdie voorkeur af te wyk? Al wil ons soms 'n leidende rol in die ontwikkeling van Afrikaans speel, is dit nie ons mandaat nie. Ons moet gevestigde bronne en taalriglyne volg waar dié bestaan. Ek is egter jammer dat die robotbydraes jou pla. Ons kan ongelukkig nie groei sonder robotte nie. Het jy iets spesifiek teen robotwysigings, of is die probleem dat ek die robot opdrag gee sonder oorleg met die gemeenskap? Want in die geval van CommonsKategorie-inlyn was daar myns insiens geen gesprek om te voer nie; die spelling van die ou sjabloon se titel is nie standaard nie en moes gewysig word. Ek werk volgens Wikipedia:Voel vry en gaan jou gang. As ek 'n fout maak, dan kan dit mos ongedaan gemaak word? Gebruiker:SpesBona, almal hier waardeer jou bydraes en dit was lekker om jou laas jaar in Kaapstad te ontmoet en met jou te gesels. Jy is baie aangenaam. Maar ek dink in hierdie geval plaas jy jou persoonlike voorkeure bo die belange van die projek. – K175 (trap my uit | bydraes) 05:18, 21 Januarie 2019 (UTC)
Ons gaan binnekort 69,000 artikels bereik. Ek sal hierdie taak uitstel tot ten minste 70,000 artikels, sodat ons eers 'n bietjie daaroor - en oor die rol van robotbydraes in die algemeen - kan gesels. NS: Gebruiker:SpesBona, jy is 'n baie waardevolle lid van die gemeenskap, ek wil jou gelukkig hou, maar ek wil jou ook soms uitdaag. Vir my is van die grootste belang die uitbou van die Afrikaanse Wikipedia. Dit sal vir my altyd eerste staan, al moet daar soms op tone getrap word. – K175 (trap my uit | bydraes) 05:21, 21 Januarie 2019 (UTC)
CC Gebruiker:Alias Gebruiker:Suidpunt Gebruiker:Alias Gebruiker:Theo Stehle Gebruiker:Voyageur. – K175 (trap my uit | bydraes) 05:24, 21 Januarie 2019 (UTC)
Sören, vat so breek van 'n dag of twee,drie. Ons is al te lank hier besig... Jy moet ook nog elke Sondag die voorblad doen, dankie daarvoor! Groete! Oesjaar (kontak) 19:57, 21 Januarie 2019 (UTC)
Dit raak veral my motivering om iets hier te doen, ek nogal baie in die pyplyn om te doen hier. Ek wil mos ook my verskil doen. ;) Oor 'n baie vinnige uitbreiding van ons projek bestaan verskeie standpunte. My beleid is veral op kwaliteit bo kwantiteit gemik. Wikipedia:Voel vry en gaan jou gang het 'n probleem indien almal dit doen. Ek kan nou dieselfde doen en bogenoemde sjabloon terugskuif en alles weer verander. Ek wil net sê as ek bv. in een van Burgert Behr se artikels Commons byvoeg, doen ek dit volgens sy verkose stelsel, nie volgens my eie nie. In Puvircho se vlagartikels gebruik ek altyd sy ’n en nie my 'n nie. Kyk maar vir Vlag van Duitsland en Vlag van Israel.
Wat Kaapstad betref dink het met hunkering terug na die dae daar in Suid-Afrika. Ek soek na 'n moontlikheid om dit te kan herhaal. Myns insiens was dit net jammer dat ander bekende gebruikers soos Suidpunt, Frank, Burgert Behr, Morne, ens. nie daar was nie. Dit was baie aangenaam om met jou, Deon, Gert en Rossouw in Kaapstad te kon gesels. Na tien jaar se werk hier was dit broodnodig. Indien daar 'n goeie geleentheid is, sal ons dit kan herhaal. Dit was mos baie aangenaam by julle daar in Kaapstad, ook met die hele WMZA-span. Ek het dit verskriklik geniet en mis nou alles!
My werk aan die voorblad is soms moeilik, sedert jare pleit ek vir sommige kandidate op ons voorblad, maar swaer! Ek dog altyd, indien ek my tak doen en iets selfs op die voorblad plaas, motiveer dit ander om dieselfde te doen, maar mens het immers sy eie projekte hier. Nou wil ek graag ou voorbladartikels soos Senegal uitbrei en aan die vereistes aanpas en hoop maar net iemand kan dit ook vir Alexandrië, Genua, Turyn en Valencia, Spanje doen. Vergelyk hulle maar met Bremen en Londen. As iemand vra, kan en wil ek dit nie eens verduidelik nie. Byvoorbeeld kort André P. Brink en Eugène Marais nog die vereiste inleiding, en ek sal hulle nie só op ons voorblad kan plaas nie, sien Wikipedia:Riglyne vir voorbladartikels; dit geld hoegenaamd ook vir die ander genoemde artikels. Hulle is myns insiens nie regte egte voorbladartikels nie.
Wat die groei met 'n bot betref bestaan daar verskeie standpunte en ek het my thesis hoekom die een of ander gebruiker in onlangse maande verdwyn het (ek sê maar net). Ek wil net aan hierdie en daardie gespreke herinner, sien ook hier. Ook botartikels raak baie vinnig verouderd, veral met nuwe films of indien iemand van die akteurs sterf, ek praat maar nie eers van ander veranderinge in die lewe van kunstenaars nie. Van hulle het ook feitefoute en stukkende prente gehad. Ons was eens die enigste Wikipedia wat met 1 voorbladster uit 300 artikels kon spog. Dit het vir uitstekende kwaliteit gestaan, maar dis nou vir altyd verniel! As daar nie genoeg inleiding in Afrikaans is nie, lees mense Engels of elders. Dis my mening; Engels plaas Afrikaans onder baie groot druk en ons kan net met kwaliteit antwoord, nie kwantiteit nie. Artikels met net een sin laat my nog steeds skrik en daar is baie voorbeelde; of masjienvertalings, hoe verpes ek dit!
Die botwerk is nie die enigste ding wat my pla nie. Dis veral belangrike gebruikers wat verdwyn het en vir wie ek nou verskriklik mis! Dan is daar nog die CommonsDelinker wat ons teister deur prente te verwyder waar meestal goeie alternatiewe bestaan. Nou verwyder hulle volksliedere, weens kopieregskendings, wat myns insiens aan almal behoort. Ek het maar gehoop elke mens wêreldwyd kan nou in staat wees om elke volkslied van elke land te kan hoor, aanlyn hier op Wikipedia. Maar party word nou verwyder. Dis nie motiverend nie! Dieselfde geld vir enkele nasionale wapens. Suid-Afrika s'n is tot vandag nie regtig beskikbaar nie, dié wat op Commons bestaan is bedreig en kan elke dag verwyder word omdat dit te jonk is! Hoe vreemd is dit?
Nou volg die massa-verspreiding van daai Databoks, wat ons artikels net opmaak vir allerhande vandalisme op Wikidata wat ons glad nie kan sien nie. Ek bestry al sedert jare IP's wat skakels na ons Afrikaanse artikels daar verwyder. Ons kan sulks nie hier sien nie, maar dit begin nou ons artikels raak. Die Drakensberge kort 'n kassie soos die Engelse artikel, nie daai tipe van ding nie. Ons moet die inligting van ons artikels in ons hande hou. Ek sien nou hierdie het 'n klein samevatting van my kommernisse geword, begin maar skryf soos Suidpunt. :) Ek's regtig jammer, maar as 'n mens hier meer as tien jaar werk, mag dit maar gebeur dat só 'n emosionele verbintenis ontstaan. Groete. -- Flag of South Africa.svg SpesBona 22:31, 23 Januarie 2019 (UTC)
@SpesBona:, wat bedoel jy met "... ons artikels net opmaak vir allerhande vandalisme op Wikidata wat ons glad nie kan sien nie". Het jy nie toegang tot wikidata nie? Ek verstaan nie hoe jy nie die veranderings sal sien nie. En hoekom dink jy wikidata behandel nie vandalisme nie? - Rooiratel (kontak) 06:33, 24 Januarie 2019 (UTC)
Dankie vir die CC - ek sou hierdie dalk te laat gesien het. Op p. 294 van The Unicode® Standard Version 11.0 – Core Specification [1] staan daar oor U+0149:
Finally, U+0149 latin small letter n preceded by apostrophe was encoded for use in Afrikaans. The character is deprecated, and its use is strongly discouraged. In nearly all cases it is better represented by a sequence of an apostrophe followed by “n”.
Uit persoonlike ondervinding kan ek sê dat verskeie lettertipes nie daardie karakter het nie, of 'n baie onaantreklike weergawe het. Dit is 'n kans wat mens waag om U+0149 te gebruik. Reg nou op my rekenaar by maroelamedia is U+0149 afwesig in die lettertipe wat vir die res van die artikelteks gebruik word, en word die U+0149 duidelik in 'n ander lettertipe verbeeld. Dit skep 'n slordige voorkoms. As ek vir " 'n " soek op hierdie bladsy, kry Firefox nie U+0149 nie. Ek wil ten sterkste aanbeveel dat U+0149 hoegenaamd nie gebruik moet word nie. Ek kry die indruk dat daar onder taalpraktisyns "raad" versprei het oor hoe om Word se outomatiese korrigering te gebruik om hierdie te skep, en daarmee die probleem van die verkeerde krul (‘n met U+2018) die hoof te bied. Ek haat ook die verkeerde weergawes, maar mens moet natuurlik soek vir die korrekte oplossing. Ek glo meeste mense hier weet ek probeer diplomaties wees, maar ek wil dit onomwonde stel: U+0149 het nadelige gevolge en moet nié gebruik moet word nie.
Oor die keuse tussen die reguit apostroof (U+0027) en die krulapostroof (U+2019), sou ek sê die besluit is nie so voor die hand liggend nie, en maak ook nie soveel saak nie. By klein groottes gaan dit in baie lettertipes die selfde lyk. Hier is die benadering wat ek probeer volg het tot dusver:
  • U+0149 ʼn - vervang volgens bogenoemde redenasies
  • `n ‘n ′n ens. is eweneens almal verkeerd en word summier vervang. Skermlesers en wie weet wat nog gaan hierdie verkeerd interpreteer (afgesien van soekfoute, verkeerde voorkoms, ens.)
  • 'n (met U+0027) is nie verkeerd nie en kan gelos word
  • ’n (met U+2019) is nie verkeerd nie en kan gelos word
Die laaste twee is deels uit respek vir die oorspronklike bydraer, en deels om onnodige wysigings te vermy wat werklik min bydra. Ons moet onthou dat +-100% van bydraers nie met 'n krulapostroof gaan tik nie, dus gaan ons die heeltyd 'n robot moet inspan, of ons gaan 'n bietjie moet ontspan. Ek sou wel sê dat ons in een artikel dalk moet konsekwent bly.
Die beste langtermynoplossing hiervoor (myns insiens) is dat lettertipes in Afrikaanse teks die gewone kombinasie " 'n " moet verbeeld soos ’n. Maar hiervoor gaan ons 'n lang veldtog van stapel moet stuur om klomp mense wat lettertipes maak te oortuig om hierdie ding te doen vir ons. Ek het een keer hierdie pad met 'n fontograaf (?) geloop, en dit was nogal bevredigend, maar ek twyfel of ons Microsoft, Apple, Google (om maar net die groot name te noem) sommer net oorgehaal sal kry. Op 'n meer konstruktiewe noot: ons sou natuurlik 'n webfont kon gebruik op af.wikipedia.org wat alles verbeeld presies soos wat ons wil hê. --Alias (kontak) 06:30, 22 Januarie 2019 (UTC)
Ja, jammer, die U+0149 het nie by my geregistreer nie. Dit moet beslis nie gebruik word nie. As ons dit doen, moet ’n (met U+2019 voor die n) gebruik word, soos Alias sê. - Burgert (kontak) 10:15, 22 Januarie 2019 (UTC)
Daarby moet ek ook sê dis nie regtig vir my so belangrik nie (al verkies ek self ’n). As ons besluit om albei weergawes te gebruik, moet ons dan net daarby hou en mense moenie sommer ander se "strepies" verander nie. Ek het dit al gedoen, maar dit was wanneer ek die hele artikel deurgegaan en baie taalfoute in MSWord reggemaak het. Dit was nie met opset nie. Vir my (ouerige) oë lyk hulle maar baie dieselfde in hierdie klein font. - Burgert (kontak) 10:21, 22 Januarie 2019 (UTC)


Databoks

Kan 'n kundige persoon asb na Databoks kyk, dit lyk septies! Daar is 'n ding soos hoofletters en uitleg... Groete! Oesjaar (kontak) 15:15, 19 Januarie 2019 (UTC)

Ek het dit oorspronklik oorgedra van ander projekte af (moontlik Arabies). Dit is een van die Wikidata-nutsgoed wat tydens Wikimanie 2018 aan klein projekte bemark is as 'n metode om data van Wikidata in 'n artikel te vertoon indien daar nog nie 'n inligtingskassjabloon vir die onderwerp bestaan nie. Ek sal bietjie loer wat hier aan die gang is. – K175 (trap my uit | bydraes) 05:41, 21 Januarie 2019 (UTC)
Ek verstaan die beginsel, dit sal help, net die inhoud wat pla! Groete! Oesjaar (kontak) 06:06, 21 Januarie 2019 (UTC)
Hierdie databoks is regtig 'n groot gemors, ja. Dit word nou met 'n stink spoed oral ingedruk. Nee, siesa! Kyk net hoe lyk Japan Nasionale Roete 1. - Burgert (kontak) 10:31, 22 Januarie 2019 (UTC)
Dit kry die inligting van wikidata af. Jy kan dit self wysig. Kliek op die klein potlood langs 'n item, en dan kan jy die Afrikaanse naam in sit. - Rooiratel (kontak) 10:55, 22 Januarie 2019 (UTC)
Kyk hoe netjies lyk vetkoek en Mosambiek begrafnis bier vergiftiging. – K175 (trap my uit | bydraes) 11:10, 22 Januarie 2019 (UTC)
Staak asb die gebruik van Databoks totdat die probleme opgelos is. Dit is nie konsekwent nie, daar peul somme baie Engels uit en die titels moet met hoofletters begin asb. Groete! Oesjaar (kontak) 13:22, 22 Januarie 2019 (UTC)
@K175:, sien asb. Module_talk:Databoks. Ek dink ek het 'n oplossing, maar ek het jou hulp nodig. - Rooiratel (kontak) 11:48, 23 Januarie 2019 (UTC)
Dit lyk al baie beter, dankie. Is dit moontlik om 'n soort "nowrap" te gebruik sodat die goed nie sommer op enige plek breek nie, soos met (weer eens) Japan Nasionale Roete 1? - Burgert (kontak) 20:36, 23 Januarie 2019 (UTC)

Wees net versigtig met die gebruik van daai ding. Dit gebruik inligting van Wikidata wat ons hier nie onder beheer het nie. Elke persoon kan daai inskrywings verander en ons sien die wysigings nie eens nie. Veral hoef ons nie inligtingskassies met daai Databoks te vervang nie. Kassies lyk altyd beter en 'n Databoks beskou ek net as 'n voorlopige oplossing wat nie altyd van toepassing is nie. Groete. -- Flag of South Africa.svg SpesBona 22:45, 23 Januarie 2019 (UTC)

"Dit gebruik inligting van Wikidata wat ons hier nie onder beheer het nie". Wat? Jy kan maklik 'n item wysig op Wikidata. Niemand keer jou.
"Elke persoon kan daai inskrywings verander en ons sien die wysigings nie eens nie" Elke persoon kan goed op die Afrikaanse wiki verander. En jy kan die wysigings op Wikidata sien. Hoekom dink jy jy kan nie?
"Kassies lyk altyd beter en 'n Databoks beskou ek net as 'n voorlopige oplossing" Ek stem saam. Ek het net 'n databoks op bladsye gesit waar dit 'n groot verskil gemaak. As jy dit wil vervang met 'n Kassie wat baie meer inligting het, dan moet jy so doen. - Rooiratel (kontak) 06:41, 24 Januarie 2019 (UTC)

Hulp:AS1 errors

Daar is alweer 551 van hierdie kopsere. Ek weet nie wat dit hierdie keer veroorsaak het nie, die vraag is hoe gaan ons dit wegkry. Enige idees? Groete! Oesjaar (kontak) 15:40, 19 Januarie 2019 (UTC)

@Oesjaar: dit het moontlik te doen met die coauthors-parameter en die onglangse veranderinge aan aanhalingsjablone. Ek sal binnekort hierna kyk. – K175 (trap my uit | bydraes) 05:36, 21 Januarie 2019 (UTC)

Die verhaal van Racheltjie de Beer (rolprent)

Gemeenskap, het hierdie artikel enige bestaanreg? Vyfjaar agterstallig.... Groete! Oesjaar (kontak) 06:01, 21 Januarie 2019 (UTC)

Ek dink die artikel moet vir verwydering genomineer word, aangesien dit nie uit 'n internetsoektog duidelik dat die rolprent ooit verfilm is nie. Maar dalk het iemand anders toegang tot ander bronne. – K175 (trap my uit | bydraes) 06:04, 21 Januarie 2019 (UTC)
Dalk kan @Puvircho: hier help? Groete. -- Flag of South Africa.svg SpesBona 22:45, 23 Januarie 2019 (UTC)
Hier sê hulle dat hulle is nou besig om die rolprent te maak. (Dit is ook vyf jaar laat!). Al is Wikipedia nie 'n kristaalbal nie, ek dink dat ons kan nou 'n paar maande wag. Martinvl (kontak) 21:42, 24 Januarie 2019 (UTC)
Nee, griet. Jammer julle. Ek het geen verdere inligting oor die onderwerp nie. Ek het ook nie besef dat die artikel uit 2011 dateer nie. Dalk kan ons n.a.v. die bostaande inligting nog ’n bietjie vasbyt. Ek sal egter nie kapsie maak indien dit wel vir verwydering genomineer word nie.Puvircho (kontak) 19:10, 26 Januarie 2019 (UTC)

Streaming in Afrikaans

Wat is die regte vertaling vir die Engelse rekenaarkundige woord 'streaming', bv. a live-streaming video platform / streaming website, is dit 'n regstreekse videostromingsplatform / stromingswebwerf, of is daar 'n ander woord, viva-afrikaans.org gee net die werkwoord 'stroom' aan. Servien | Bespreking 15:13, 22 Januarie 2019 (UTC)

En wat is die Afrikaanse woord vir 'n 'spin-off' van iets (bv. The Simpsons is 'n spin-off van die The Tracey Ullman Show)? Servien | Bespreking 15:44, 22 Januarie 2019 (UTC)
Servien, sien Wikipedia:Rekenaarterme#S Groete! Oesjaar (kontak) 15:45, 22 Januarie 2019 (UTC)
Spin-off is 'n splinterreeks. En regstreekse videostromingsplatform behoort te werk. Ek probeer altyd met sulke goed so na aan die Engels bly, anders weet mense nie waarvan jy praat nie. - Burgert (kontak) 17:44, 22 Januarie 2019 (UTC)
Mense moet versigtig wees waneer hulle uit Engels vertaal. Byvoorbeeld - waneer 'n atoom in kristaalstruktuur vermis is, word dit in Engels as 'n vacancy bekend. Die Afrikaansetaalpolisie wil nie die naam "vakatuur" daarvoor gee nie want, volgens hulle, is 'n "vakatuur" 'n arbeidsvakatuur, dus gee hulle dit die naam 'n "gat". 'n Paar jaar later is die konsep voorgestel dat in sommige omstandinghede word 'n elektroon in 'n kristaal vermis. Die Engelse naam daarvoor is 'n hole! Sien ook Drywing#Misgebruik. Martinvl (kontak) 18:00, 23 Januarie 2019 (UTC)
Die Chemie-, Fisika- en Tegniese Woordeboek gee "leemte" aan vir vacancy met betrekking tot kristalle. - Burgert (kontak) 18:45, 23 Januarie 2019 (UTC)
Toe ek tegnies geswot het (sowat 200 jaar gelede) is die woord holte gebruik in halfgeleier tegnologie. Bevestig deur my tegniese Poskantoor woordeboek van 1990. Groete! Oesjaar (kontak) 18:57, 23 Januarie 2019 (UTC)
(sowat 200 jaar gelede) ... en wat is die Afrikaanse woord vir 'n en:TARDIS? :-) Martinvl (kontak) 21:41, 23 Januarie 2019 (UTC)
Bly so, want dis 'n Engelse naam/uitdinksel. - Burgert (kontak) 22:02, 23 Januarie 2019 (UTC)
Baie dankie vir die antwoorde, ek waardeer dit! Servien | Bespreking 00:44, 9 Februarie 2019 (UTC)

Laat jou kultuur met Wiki Loves Love 2019 verewig word, en wen jou knuppeldik!

WLL Subtitled Logo subtitled b (transparent).svg

Ek weet sommer jy is tot jou ore toe goed gekonfyt met Afrika se kakelbont verskeidenheid feeste, seremonies en viering van die liefde. Van vlerksleep tot skaapogies maak - dit is die hartklop van enige kultuur van die jare toet af; wat ridderlik van die een geslag na die volgende oorgedra word. Maar onbekend maak onbemind! Wanneer ons vir lief moet neem die ouer geslag en die blink vosperd is nie meer daar nie, wie gaan dan op die mandolien 'n mooie minnelied in die maanlig tokkel?

Vat hande saam met Wiki Loves Love 2019, en maak die tradisie 'n springlewende werklikheid. Die liefde oorwin alles... en net dalk verower die fyngevleuelde Cupido vir jou, met sy liefdespyltjie, die prysgeld. Moenie bloos nie, selfs die liefde het 'n prys!

Onthou net: wat jy ook al oplaai, vermeld jou landkode by die Wikimedia Commons Oplaaighoeroe. As jy 'n samekoms wil reël, kontak met liefde ons Internasionale Buro. As jy die liefde wil laat bloei met rosegeur, gaan loer bietjie by Wikimedia Commons se projekblad.

Daar is 'n hele paar asemrowende pryse op die spel. Deel die liefde hierdie Februarie met Wiki Loves Love!

Dink jou net in... die somtotaal van alle liefde!

Wiki Loves Love-span

Uitgereik: Meningspeiling Nederlandse Wikipedia.

Hier.

Drie vrae wat my opval:

  • "Wanneer is iemand in uw beleving een goede Wikipediaan?"

Hier val dit op: 60% dink "Als iemand gedurende overleg [bespreking] en discussies beleefd blijft"; "Als iemand meedoet aan ‘achter de schermen werk’", "Als iemand veel artikelen schrijft"... maar nogal nie "Als iemand meerdere etalageartikelen [voorbladartikels] heeft geschreven" nie. Dit vind ek nogal vreemd, moontlik omdat ons seker geweldig gesteld is op gehalte, of so iets. Ek haal juis my hoed af vir iemand met baie voorbladsterretjies. Rede nommer drie waarom baie Hollanders loop - hulle voel hulle word nie waardeer nie.

  • "Hoe ervaart u de werksfeer op de Nederlandstalige Wikipedia over het algemeen?"

Die antwoorde is: ruzieachtig (45%), argwanend (32%). Tog jammer die keusewoord "ONUITHOUDBAAR!" het ontbreek, want dit is presies hoe ek die Nederlandse Wikipedia ervaar het.

Interessant genoeg sê 57% Wikiwoordenboek se atmosfeer is beter.

  • "In hoeverre vindt u onderstaande bronnen bruikbaar als onderbouwing van een artikel op de Nederlandstalige Wikipedia?"

Bruikbaarheid = gehalte van bron, sou ek sê.

Wat hier opval is die volgorde: vaktydskrifte wat die hoogste aansien geniet, dan volg Amptelike Statistiek, Argiefstukke, ander aanlynensiklopedies, koerantartikels, proefskrifte, woordeboeke, verhandelings, radio- of tv-dokumentêr, outobiografie... mondelinge oorvertelling en sosiale media word op neergesien.

Vreemd genoeg: waar is "boeken"?

Gekontroleerde vaktydskrifte is ek mee eens, hoewel ek geneig is om Statistiek te wantrou, argiefstukke kan foutief wees, proefskrifte en verhandelings vind ek van veel beter gehalte as koerantknipsels (hoewel laasgenoemde drie almal openlik ewe eensydig is). Ek glo wel outobiografieë help baie meer om iets binne konteks te stel, terwyl 'n enkele koerantberig nie kan nie. 'n Radio-onderhoud voel ek is uiters belangrik: dis uit die perd se bek.

Wat taal aanbetref:

Bijna alle bewerkers bewerken Wikipedia minstens eenmaal per maand in het Nederlands. Circa twee vijfde doet dit (ook) in het Engels. Het percentage bewerkers dat bewerkt in het Engels, Duits en/of Frans is in 2018 beduidend lager dan in 2015, met een daling van respectievelijk 16%, 12% en 10%. De talen waarin de bewerkers die ‘anders’ hebben ingevuld bewerken zijn Portugees, Afrikaans en Vietnamees. (my beklemtoning)

Suidpunt (kontak) 21:35, 4 Februarie 2019 (UTC)

Wat hul voorbladartikels betref, ontstaan moontlik 'n groter persentasie daarvan as 'n spanpoging en nie as die werk van enkele Wikipediane nie. In elk geval word ander projekte sterker deur die sensasiepers en ander onbetroubare bronne beïnvloed as ons s'n. Voyageur (kontak) 16:11, 12 Februarie 2019 (UTC)

Kategorie:Bladsye met gebreekte lêerskakels

Bogenoemde groei maar lekker! Groete. -- Flag of South Africa.svg SpesBona 22:50, 6 Februarie 2019 (UTC)

Ons weet wie is die skuldige hier! Hy moet maar sy "kabouter" opdrag gee om dit op te ruim.... --Aliwal2012 (kontak) 14:18, 8 Februarie 2019 (UTC)

Probleme met die Databoks (Ensiklopediese waarde en masjienvertalings)

Daar is nou groot stryd oor die databoks. Kom ons probeer om dit op te los.

Ensiklopediese waarde

SpesBona kla dat dit geen ensiklopediese waarde het nie, maar ek verstaan dit nie. Sekerlik, kan dit nie die konsep van die databoks wees nie. Want dit is presies dieselfde konsep as enige inligtingskas. ('n Kort opsomming van die belangrike inligting oor die artikel)

So dan moet die probleem lê met die inhoud daarvan. Kom ons kyk na 'n paar van die items wat in die databoks verskyn:

  • 'n Beeld
  • Koördinate
  • Geboorte en sterf datums
  • Die land waarin die item geleë is
  • Tydperke
  • 'n Mens se beroep
  • Toekennings

ens.

Het geen van daai goed enige ensiklopediese waarde? As dit so is, dan sal ek maar begin om sulke inligting uit alle artikels uit te haal.

Masjienvertalings

Ek dink nie daar was enige masjienvertaalde items op wikidata nie, maar ek het nog nie gekyk wie die meeste items se Afrikaanse name bygevoeg het nie. Ek dink dit is glad nie 'n probleem nie. As daar 'n item is wat nie reg is nie, dan kan jy maklik op die klein potlood kliek, en dit wysig. Dan maak dit daai item reg vir alle databokse wat daai item wys. Hoekom moet mens die hele databoks skrap net omdat een item verkeerd is, veral as jy dit so vinnig kan regmaak?

Wanneer om 'n databoks te gebruik

Ek gebruik die databoks om 'n artikel gou te verbeter sonder veel moeite. Jy kry 'n hele inligtingskas met net een lyn. Die enigste probleem met die databoks, is dit is nie spesifiek genoeg vir elke soort artikel nie. En 'n inligtingskas sal beter wees. Ek dink dat 'n databoks sal altyd beter wees as niks. So moet dit asseblief nie verwyder nie as jy dit nie gaan vervang met 'n inligtingskas wat meer inligting het as die databoks nie.

- Rooiratel (kontak) 08:14, 14 Februarie 2019 (UTC)

Databokse en inligtingskasse moet beperk bly tot artikels met geografies-historiese onderwerpe en ander goed waar statistieke en soortgelyke inligting dalk nuttig kan wees. Hulle is nie aanvaarbaar by teksgebaseerde inskrywings soos "linne" nie. Kyk net hoe onooglik die webblad lyk. Gebruikers met leesversteurings sal een-sin-visuele samevattings dalk nuttig vind. Hulle is nie ons teikengroep nie. Voyageur (kontak) 08:47, 14 Februarie 2019 (UTC)
"Het geen van daai goed enige ensiklopediese waarde? As dit so is, dan sal ek maar begin om sulke inligting uit alle artikels uit te haal." Lees maar en:Wikipedia:Do not disrupt Wikipedia to illustrate a point. 'n Inligtingskas is myns insiens altyd die keuse bo 'n Databoks. Ek dwing niks af nie, al die Databokse in jou artikels is nog steeds daar, al het jy by Ibn Battuta die Inligtingskas deur 'n Databoks vervang. Jy mag in jou artikels wel 'n Databoks gebruik, maar jy hoef dit nie in al die artikels wat ons het in te sit nie. Ander gebruikers wil dit glad nie hê nie, verstaan? In artikels wat jy begin het, dwing ek hoegenaamd niks af nie. 'n Mens hoef nie iets te verbeter, waarvan jy nie hou nie. Ek sien baie rekenaarvertaalde inhoud by Databokse, maar swaer! Moenie lekker vloekwoorde gebruik nie, ek ken maar al dié woorde in Afrikaans, dankie. Groete. -- Flag of South Africa.svg SpesBona 21:00, 14 Februarie 2019 (UTC)
So wat is eintlik jou punt? Jy het nog nie gewys hoekom die databoks geen ensiklopediese waarde het nie.
"'n Inligtingskas is myns insiens altyd die keuse bo 'n Databoks" - Ja, ek het ook so gesê. So wat was die punt daarvan om dit weer te sê?
Daar is nie so ding soos "my artikel" of "jou artikel" nie. Alle Wikipedia artikels val onder 'n CC BY-SA of GFDL lisensie, so dit behoort aan almal. Dit is 'n spanpoging om artikels te skryf of verbeter. Sien en:Wikipedia:Ownership_of_content.
"Ander gebruikers wil dit glad nie hê nie, verstaan?" - Is dit nou omdat daar geen ensiklopediese waarde is nie (wat jy nog steeds nie bewys het nie), of is dit maar net omdat jy vir geen rede daarvan hou nie? Gee my 'n goeie rede om dit nie te gebruik nie, dan sal ek dit maar los.
"ek ken maar al dié woorde in Afrikaans" - Ja ek weet. Dis hoekom ek hulle gebruik het. Anders is daar geen punt nie.
Groete. - Rooiratel (kontak) 05:12, 15 Februarie 2019 (UTC)
Dinge soos "'n Soort van" is nie ensiklopedies nie. Ons kan maar volledige tekste binne artikels skryf. Ons plek is is nie beperk nie. Ons inligting kan vloei, ontbrekende taalgebruik is nie nodig nie. "Geskiedenis van die onderwerp" "Geskiedenis Van X" is snert want elke ding het sy "geskiedenis van X". Waar is die nut daarvan sonder verdere inligting of verwysing? Benewens haal nie een van die Databokse 'n verwysing aan nie. Waar is die bronne van al die inligting? Let op die foutiewe hoofletters – in amper elke Databoks. "Tipe Van Vervaardigde Goedere" – weereens foutiewe hoofletters! Ek sien jy gebruik 'n Databoks in artikels waar ons al sedert jare kassies het soos nedersettings, biografieë, militêre konflikte, berge, plante, diere, ens. Ja, die Databoks is baie vinnig. Maar wat van 'n inligtingskas? Dis die moeite werd, om net 'n paar minute vir 'n kassie te skenk. Wat was fout met die kassie by Ibn Battuta? Ek wil nie inmeng nie, want dié artikel is deur jy geskep (dit bedoel ek met "my" en "jou artikels"). Hier is dit jou keuse wat jy wil gebruik, maar wat ander artikels betref het iemand anders die keuse. As iemand die Databoks nie wil hê nie, sal jy dit moet aanvaar. Indien jy die keuse van 'n artikel se skrywer nie respekteer nie, sit jy aan die einde van die dag hier alleen met 'n bot en dit is dit. Bowendien het reeds twee ander gebruikers hul standpunte teen die Databoks vermeld, hulle het ook belangrike argumente. Kennis van sommige woorde beteken nie dat ek hulle mag gebruik nie... Groete. -- Flag of South Africa.svg SpesBona 22:55, 15 Februarie 2019 (UTC)
Ek lê ook maar my eiertjie, al is dit net in ’n poging om ’n oplossing vir die probleem te help vind. Aan die een kant is ek gekant teen databokse omdat hulle, soos SpesBona sê, onsinnige data byvoeg. Hulle is ook dikwels taalkundig verkeerd en slordig wat bv. die gebruik van hoof- en kleinletters betref. Aan die ander kant is ek daarteen gekant omdat ek dink dis totaal en al onnodig dat elke liewe artikel ’n inligtingskas moet hê. Soos Voyageur gesê het, is dit net nodig waar statistieke en soortgelyke inligting nuttig kan wees. - Burgert (kontak)
Ek beaam bogenoemde gevoel van Burgert. Groete, --Aliwal2012 (kontak) 14:55, 17 Februarie 2019 (UTC)
Dankie almal vir julle terugvoering hieroor. Ek erken die probleem met die hoofletters. Ek het probeer om dit reg maak, maar ek kon nog nie 'n oplossing vind nie. Ek stem nie saam met die idee dat jy kan kies wat jy wil doen op die artikels wat jy self geskep het, maar nie op artikels wat ander mense geskep het nie. Alle artikels moet dieselfde behandel word, en die skepper van 'n artikel het nie meer sê oor die artikel as enige iemand anders nie. En so, uit respek vir my mede-Wikipediane sal ek nie meer die databoks sjabloon gebruik nie. Die artikels wat dit reeds het, sal ek stadig maar seker vervang met 'n inligtingskas. - Rooiratel (kontak) 05:50, 18 Februarie 2019 (UTC)

Beelde oplaai

Hallo daarso! Wat moet ek doen om foto's op artikels te kan laai, nadat nuwe profiel geskep is? Roedels (kontak) 14:09, 20 Februarie 2019 (UTC)

Dorpstraat, Bo-Kaap, Kaapstad.
Hi @Roedels:
Welkom by Wikipedia!
Veronderstel dat die beeld alreeds in Wikimedia opgelaai is. Byvoorbeeld, as jy hierdie beeld wil oplaai (sien regs), moet die volgende teks in die artikel verskyn:
[[Lêer:Dorp Street, Bo-Kaap, Cape Town.JPG|regs|duimnael|Dorpstraat, [[Bo-Kaap]], Kaapstad.]]
As die beeld nog nie op Wikimedia Commons is nie, besoek maar hierdie blad en laai die foto op. Dit is ook moontlik om die foto op die Afrikaanse Wikipedia op te laai, maar dan sal dit alleenlik vir Afrikaanse artikels gebruik kan word. As jy hierdie blad besoek sal jy sien dat foto van Groot Constantia in 'n groot aantal tale gebruik word.
Martinvl (kontak) 22:58, 20 Februarie 2019 (UTC)

Saadjies oor Suid-Afrikaanse politici

Tydens die bywerk van Pretoria se nuwe burgemeester het ek die puik werk van @Lefcentreright: teëgekom. Hy praat Afrikaans as moedertaal, dalk kan hy ons met al die artikels wat {{Suid-Afrikaanse-politikus-saadjie}} dra help en hulle bywerk/versorg. Hy skryf self "My goal is to empty the infamous "Category:South African politician stubs". Nothing annoys more than when people create an article, slap a stub template on it and just abandon it." Lekker woorde daardie! Kom ons probeer om hom hier betrokke te kry! Groete. -- Flag of South Africa.svg SpesBona 23:50, 20 Februarie 2019 (UTC)

eSwatini

O, ek het nou groot nonsens aangejaag. Wikipedia wou nie Kategorie:eSwatini skep nie, net Kategorie:ESwatini, en ek dog toe ek moet al die kategorieë met 'n hoofletter spel, soos Kategorie:Ekonomie van ESwatini. Nou sien ek ek kan Kategorie:Ekonomie van eSwatini skep. Maar ek het nou al so baie goed verander en dit lyk my alles is nou gekonfoes. Ek is jammer, kan iemand dalk help of sê wat ek kan doen? - Burgert (kontak) 21:09, 26 Februarie 2019 (UTC)

As iemand net al die kategorieë wat ek geskep het, kan skrap of terugverander (behalwe Kategorie:ESwatini), sal ek alles weer kan regmaak (dink ek). - Burgert (kontak) 21:15, 26 Februarie 2019 (UTC)
Uitgevoer Uitgevoer sover ek kon. Groete, --Aliwal2012 (kontak) 22:37, 26 Februarie 2019 (UTC)
Baie dankie! - Burgert (kontak) 09:28, 27 Februarie 2019 (UTC)
Ek wou nog maar toe is Aliwal vinniger as ek... Groete! Oesjaar (kontak) 09:31, 27 Februarie 2019 (UTC)
Die wikidwergies werk deur die nag op die agtergrond! Ek't eers 01h00 gaan slaap, lekker nou!! --Aliwal2012 (kontak) 10:44, 27 Februarie 2019 (UTC)

Maroela Media en ons Wiki

Tussen al die woorde oorlog en dinge, Maroela bly ons goedgesind! Baie dankbaar vir enige bemarking wat ons kant toe kom! Sien https://maroelamedia.co.za/goeiegoed/projekte/al-meer-as-70-000-artikels-in-afrikaans-op-wikipedia/ Groete! Oesjaar (kontak) 08:06, 28 Februarie 2019 (UTC)

Wikimania 2019

Hallo almal, wie gaan nog aansoek doen vir Wikimania 2019? Ek sien die sluitingsdatum is 15 Maart. Geniet Dumbassman (kontak) 13:00, 1 Maart 2019 (UTC)

Nee vrek, ek is bang daai Swede laat my nie toe om weer huis toe te vlieg na die konferensie nie! Met my ou paar blonde haartjies op die hoof, lyk ek te veel na hulle eie nefies in die Skandanawiese lande.--Aliwal2012 (kontak) 15:37, 11 Maart 2019 (UTC)
Nie hierdie jaar nie. Moet my besigheid aan die gang hou! Groete! Oesjaar (kontak) 16:04, 11 Maart 2019 (UTC)

Die nuwe geslag gebruiker

Gemeenskap, dit is met kommer dat ek kyk na die nuwe geslag gebruikers se bydraes. Die meeste persone gebruik vertalers, die kwaliteit is eenvoudig nie na wense nie. Dit blyk dat die vertaalde artikels nie geproeflees word nie. Daar word nie werklik gepoog om skakels te plaas nie. Die ander groot probleem is dat die bronne ook OORGEBRING moet word by vertalings. Kyk asb na Gebruiker:Burgert Behr se vertalings - perfek! Die dae is verby dat ons verleë is oor artikels. Die standaard moet verbeter, wat tans nie die geval is nie. Werk saam asb! Groete! Oesjaar (kontak) 18:59, 6 Maart 2019 (UTC)

Myns insiens is die beste oplossing om ou medegebruikers weer hier betrokke te kry. Ek dink maar aan Naudefj, Morne, Anrie, RAM, Laurens, ens. Ons span kort ervare gebruikers! Groete. -- Flag of South Africa.svg SpesBona 21:20, 7 Maart 2019 (UTC)
Sjoe my maats, ek stem ongelukkig saam. Gehoop die standaard sal verbeter, maar lyk of dit erger word. Ons moet dalk meer pro-aktief mense probeer help. Dankie en groete Dumbassman (kontak) 18:35, 25 Maart 2019 (UTC)
Ek stem saam. Dit is die verantwoordelikheid van ervare gebruikers om te verseker dat nuwelinge hulle van die riglyne vergewis. – K175 (trap my uit | bydraes) 18:43, 25 Maart 2019 (UTC)

Kleur kom nooit alleen nie (hulp benodig met die volgende paradigma kleuradjektiewe)

Dagsê Gemeenskap

Ek is besig om in die kop van Duitsers te klim, en ek begin nou eers besef watter hel hulle met die Afrikaanse adjektiewe moet deurmaak.

Byvoorbeeld:

Afrikaans Nederlands Duits
Die vent is slinks. De vent is slinks. Der Kerl ist schlau.
Dit is ‘n slinkse vent. Het is een slinkse vent Das ist ein schlauer Kerl. (M.)
Die vent is slim. De vent is slim. Der Kerl ist intelligent.
Dit is ‘n slim vent. Het is een slimme vent. Das ist ein intelligenter Kerl. (M.)
Ek wil u gelukwens met u vinnige optrede. Ik wil u feliciteren met uw snelle optreden. Ich möchte Ihnen zu Ihrem schnellen Handeln gratulieren.
‘n Ou huis Een oud huis (het-woord) Ein altes Haus (N.)
Die ou huis Het oude huis (het-woord) Das alte Haus (N.)
‘n Donker huis Een donker huis (het-woord) Ein dunkles Haus (N.)
Geen donker huise Geen donkere huizen (meervoud) Keine dunklen Häuser (P.)
Die ou arena De oude arena (de-woord) Die alte Arena (F.)
‘n Ou arena Een oude arena (de-woord) Eine alte Arena (F.)


Vir meer inligting hoe presies die Hollandse adjektiewe werk: https://duonotes.fandom.com/wiki/Dutch#Adjective_Basics

Vir meer inligting hoe Duitse adjektiewe werk: http://germanforenglishspeakers.com/adjectives/adjective-declensions/

By “slinks”, soos ons reeds gesien het, kan jy nog kies of jy moontlik (?) “slinks” (?) of “slinkse” wil gebruik (hieroor is ek self onseker). Maar by “slim” gaan ons beslis nie meer “slimme” soos by die Nederlands gebruik nie. Net soos jy ook nie kan sê “vinnig optrede”* nie. En dit is ook suiwer om poëtiese doeleindes dat ons “donkere huise” sou gebruik, of selfs van “ ’n donkere huis” praat [wat, ongeag hoe “oud” en “outentiek” dit mag klink, glad nie goeie Nederlands is nie, soos jy hierbo sien].

As jy reeds die grammatikareëls en paradigmas en tabelletjies van die webwerwe nou redelik goed onder die knie het (die Duitse voorbeelde maak almal van die Nominatief gebruik), merk jy hoe die uitgange by sowel die Duits en die Nederlands reëlmatig en nougeset pas by die woordgeslag (maar ook by die gebruik van die onderskeie lidwoorde).

So by die Afrikaans is die hele adjektiefstorie gegrond op…wat? gevoel? Want so lyk ‘n taal wat nie meer woordgeslagte ken nie. Dit raak onreëlmatig en verwilder deur onkundige moedertaalsprekers. ‘n Nagmerrie vir dié wat dit wil aanleer.

Ek het gewonder of kleur miskien reëlmatiger sou wees, en om sowel moedertaalsprekers en vreemdetaalsprekers te help het ek die volgende tabel aanmekaar getimmer.

Ek sou graag wou hoor wat julle daarvan dink.

Wat is die kleur? Byvoeglike naamwoord Watter iets? Watter een? Trappe van vergelyking Iets… Dit lyk nogal… /

‘n taamlik …-e kleur

rooi (af) die rooi motor

(en) the red car

(nl) de rode auto

(de) das rote Auto / der […] Wagen

die rooi een*

die rooi enetjie*

die rooie

die rooietjie

rooi

rooier

die rooiste

roois


rooierig(e)
oranje (af) die oranje motor

(en) the orange car

(nl) de oranje auto

(de) das orangene Auto / der […] Wagen

die oranje een*

die oranje enetjie*

die oranje#

die oranjetjie (orangetje, Orangechen?)#

oranje

oranjer / meer oranje

mees oranje

(Onzetaal)

oranje(s)? oranjerig(e)
geel (af) die geel motor

(en) the yellow car

(nl) de gele auto

(de) das gelbe Auto / der […] Wagen

die geel een*

die geel enetjie*

die gele

die geletjie

geel

geler

die geelste

geels gelerig(e)
groen (af) die groen motor

(en) the green car

(nl) de groene auto

(de) das grüne Auto / der […] Wagen

die groen een*

die groen enetjie*

die groene

die groenetjie

groen

groener

die groenste

groens groenerig(e)
blou (af) die blou motor

(en) the blue car

(nl) de blauwe auto

(de) das blaue Auto / der […] Wagen

die blou een*

die blou enetjie*

die bloue

die blouetjie

blou

blouer

die blouste

blous blouerig(e)
pers (af) die pers motor

(en) the purple car

(nl) de paarse auto

(de) das lila Auto? / der […] Wagen

die pers een*

die pers enetjie*

die perse

die persetjie

pers

perser

die persste

pers perserig(e)
pienk (af) die pienk motor

(en) the pink car

(nl) de rose auto

(de) das rosa Auto? / der […] Wagen

die pienk een*

die pienk enetjie*

die pienke

die pienketjie

pienk

pienker

die pienkste

pienks pienkerig(e)
bruin (af) die bruin motor

(en) the brown car

(nl) de bruine auto

(de) das braune Auto / der […] Wagen

die bruin een*

die bruin enetjie*

die bruine

die bruinetjie

bruin

bruiner

die bruinste

bruins bruinerig(e)
wit (af) die wit motor

(en) the white car

(nl) de witte auto

(de) das weiße Auto / der […] Wagen

die wit een*

die wit enetjie*

die witte

die wittetjie

wit

witter

die witste

wits witterig(e)
swart (af) die swart motor

(en) the black car

(nl) de zwarte auto

(de) das schwarze Auto / der […] Wagen

die swart een*

die swart enetjie*

die swarte

die swartetjie

swart

swarter

die swartste

swarts swarterig(e)
grys (af) die grys motor

(en) the grey/gray car

(nl) de grijze auto

(de) das graue Auto / der […] Wagen

die grys een*

die grys enetjie*

die gryse

die grysetjie

grys

gryser

die grysste

grys gryserig(e)
goud (af) die goue motor

(en) the golden car

(nl) de gouden auto

(de) das goldene Auto / der […] Wagen

die goue een*

die goue enetjie*

die goue

die gouetjie (goudentje? Goldenchen?)

goud

gouer ?

die goudste

gouds gouerig(e) (nie te verwar met “taamlik gou”, “taamlik snel” nie!)
silwer (af) die silwer motor

(en) the silver car

(nl) de zilveren auto

(de) das silberne Auto / der […] Wagen

die silwer een*

die silwer enetjie*

die silwere#

die silwertjie# (silvertje? Silberchen?)#

silwer

silwerder

die silwerste

silwers silwerig(e)
brons (af) die brons motor

(en) the bronze car

(nl) de brons(kleurige) auto

(de) das bronze(farbene) Auto / der […] Wagen

die brons een*

die brons enetjie*

die bronse#

die bronsie#

brons

bronser

die bronsste

brons bronserig(e)
blank (in historiese konteks) (af) die blanke man

(en) the white man/male

(nl) de blanke man

(de) der weiße Mann

die blanke

die blanketjie

blank

blanker

die blankste

blanks blankerig(e) buurt

Die Afrikaanse paradigma lyk amper net so onvolledig soos Goties s'n.

Dit is glad nie moeilik om in te sien dat die Hollanders en Duitsers bloot die byvoeglike naamwoord in ‘n selfstandige naamwoord omskakel nie. Byvoorbeeld:

Die frase Welke auto? (watter motor?)
De zilveren auto. De zilveren.

Dit het Afrikaanssprekendes blykbaar nog nie heeltemal ontdek nie. Die Afrikaanse “selfstandige naamwoord” keer dus as’t ware byna onbewustelik altyd terug na die ou Nederlandse adjektiefvorm, net soos die Nederlanders maak met die “de”-woorde!

Dié gemerk met ‘n sterretjie (*) is heel waarskynlik ingeburgerde Anglisismes (the red one, the little red one, the red little one), want iets soortgelyk kom nie in die Nederlands of Duits voor nie. Diegene soortgelyk aan dié gemerk met die hutsmerk (#) is wel in Nederlands en/of Duits gangbaar, maar ek het tot op hede nog nooit daarvan in Afrikaans op straat gehoor of op skrif gelees nie.

Ek het nou al in Norme van Afrikaans gaan soek, en seker elke liewe taalboekie vir buitelanders, maar ek word niks daaruit wys nie. Ek hoop ons kan hierdie probleem vir eens en vir altyd, wat kleuradjektiewe en dies meer ten minste betref, afhandel.

Suidpunt (kontak) 20:37, 6 Maart 2019 (UTC)

Bybelfigure

Ek sien daar is 'n klomp aktiwiteit oor Bybelfigure, dit is baie welkom! In baie van die artikels word daar na Bybelboeke verwys maar nie geskakel nie. Neem asb kennis dat alle bybelboeke hulle eie artikels het! Groete! Oesjaar (kontak) 07:29, 11 Maart 2019 (UTC)

Daarbenewens moet ons onthou dat daar altyd ten minste twee sienings oor Bybelse onderwerpe is: Dié van Jode en dié van Christene. Ek praat nie eers van al die verskeie Christelike kerke nie. Dis 'n saak van neutraliteit en begin reeds met terme soos Ou Testament/Hebreeuse Bybel, Tien Gebooie/Tien Woorde en die name van die eerste vyf Bybelse boeke. Ons skryf vir almal, wees asseblief konsekwent. Groete. -- Flag of South Africa.svg SpesBona 19:10, 11 Maart 2019 (UTC)

Rolprent sterre of akteurs

Gebruiker:K175 het met sy speelding Kabouterbot 'n merkse klompie artikels geskep wat handel oor akteurs, dit lyk vir my Amerikaanse akteurs. Ook pornografiese aktrises en akteurs (waaroor ek nie so mal is nie maar dit is my persoonlike mening), maar nou ja... Uit die aard van die saak gaan baie van die artikels weesbladsye wees. Ek het dit goed gedink om al die Oscar toekennings se akteurs/aktrises en ondersteunende akteurs/aktrises voor die voet van skakels te voorsien. Daar is klomp nuwe blou skakels nou en minder akteurs wat wees is.

Wat my opgeval het tydens die proses, baie van die regisseurs is oud of aktiewe akteurs ook en kan ook geskakel word. Enige volunteers... Verder het ek opgemerk dat weininge akteurs wat Oscars gewen het se eie artikels dit so stel. Indien ons 'n akkurate ensiklopedie is moet dit aangebring word. Nog volunteers...? Ek het genoeg gedoen die afgelope twee weke met die rolprentsterre, hulle sterre skyn nou helderder! Groete! Oesjaar (kontak) 19:20, 11 Maart 2019 (UTC)

Skerp Oesjaar! "Carry on cowboy..." Jy doen goed! --Aliwal2012 (kontak) 10:33, 13 Maart 2019 (UTC)

Kategorie:Navbox orphans

Wat is dit nou weer? EK wou net al die navigasies van lande netjies maak en nou volg 'n nuwe propvol kategorie. Die sjablone lyk nou reg, maar asseblief sonder dit! Groete. -- Flag of South Africa.svg SpesBona 23:02, 11 Maart 2019 (UTC)

Ek het hom. Lekker nag! Groete. -- Flag of South Africa.svg SpesBona 23:06, 11 Maart 2019 (UTC)

New Wikipedia Library Accounts Available Now (March 2019)

Hello Wikimedians!

The TWL OWL says sign up today!

The Wikipedia Library is announcing signups today for free, full-access, accounts to published research as part of our Publisher Donation Program. You can sign up for new accounts and research materials on the Library Card platform:

  • Kinige – Primarily Indian-language ebooks - 10 books per month
  • Gale – Times Digital Archive collection added (covering 1785-2013)
  • JSTOR – New applications now being taken again

Many other partnerships with accounts available are listed on our partners page, including Baylor University Press, Taylor & Francis, Cairn, Annual Reviews and Bloomsbury. You can request new partnerships on our Suggestions page.

Do better research and help expand the use of high quality references across Wikipedia projects: sign up today!
--The Wikipedia Library Team 17:40, 13 Maart 2019 (UTC)

You can host and coordinate signups for a Wikipedia Library branch in your own language. Please contact Ocaasi (WMF).
This message was delivered via the Global Mass Message tool to The Wikipedia Library Global Delivery List.

Aan Wyatt Tyrone Smith: Styl om te gebruik op Afrikaanse wiki

Hi Wyatt Tyrone Smith, weereens welkom hier!

Gaan kyk asb wat ek by jou nuwe artikel Jerry Andrus verander het. Rooi geskakelde kategorieë (bv. [[Kategorie:Towenaar]]) bestaan nie en mag streng gesproke nie gebruik word nie!

Ek dink nie jy moet vertalings net so "oorgooi" uit die engelse wiki nie! Dis ook onaanvaarbaar om enige ander taal se wiki as oorspronklike bron/verwysing te kwoteer, hoe korrek dit ookal is. Dit mag nie!! Daar is probleme met kopiereg, en sou bv. die Latynse wiki ophou bestaan, is al daai verwysings na 'n oorspronklike artikel in sy maai.

Al die verwysings se datumformaat moet ook vertaal word: ons wil nie May 12, 1982 hier sien nie: dis Britse styl!!

Gee asb dringend aandag aan hierdie foutjies, asb.

Groete, --Aliwal2012 (kontak) 19:18, 14 Maart 2019 (UTC)

Hi Aliwal2012, dankie dat jy al klaar die datums reg gemaak het. Ek sal daarna streef om die standaarde wat u uiteengesit het, te bereik. Met betrekking tot die kopiëreg kan ek sien dat dit 'n probleem sou wees. Ek wou eintlik die vloei van die oorspronklike behou, maar ek sien dat ek meer van my eie bewoording moet gebruik. Ek neem aan dat dit minder van 'n probleem sou wees wanneer ek bladsye vertaal wat ek self geskryf het. Weereens, dankie. Wyatt Tyrone Smith (kontak) 20:05, 14 Maart 2019 (UTC)

Help! Kategorie: AS1-onderhoud: Datumformaat

Ek het nou net 'n nuwe bladsy geskep en die kategorie het van self verskyn. Wat beteken dit en wat moet ek doen? Wyatt Tyrone Smith (kontak) 16:51, 15 Maart 2019 (UTC)

@Wyatt Tyrone Smith: op watter bladsy verskyn dit? Sulke kategorieë word gewoonlik outomaties deur sjablone en modules bygevoeg. Uit die titel van hierdie kategorie lyk dit of daar 'n fout is met 'n datumformaat. As jy my op die artikel kan wys, kan ek kyk of ek dit kan regmaak. – K175 (trap my uit | bydraes) 21:29, 26 Maart 2019 (UTC)
@K175: Die bladsy is Miriam Phoebe de Vos, dankie. Wyatt Tyrone Smith (kontak) 13:42, 27 Maart 2019 (UTC)
" Hierdie wysiging verwyder die kategorie. 'n Mens kan blykbaar nie 'n tydperk in die date-parameter sit nie, slegs 'n enkele datum. – K175 (trap my uit | bydraes) 13:59, 27 Maart 2019 (UTC)

Stedelinge - hoe goed werk die selfoonoperateur Rain?

Die afgelope paar dae moes ek sonder landlyn klaarkom. Ek was nogal aangenaam verras dat my dorp LTE het (hoewel mens met die HSPA-dingetjie maar net 5 Mbps haal, bygesê, weens die tussensigbaarheidsprobleem van die bergrand wat in die pad van die bergspits staan), maar die datakoste is steeds gans te hoog. By ons is wel nog nie Rain nie, maar ek sien hy is besig om in die hoofsentra veld te wen. Ek het vandag die eerste keer daarvan hierso gelees. Het iemand al enige ervaring daarvan? Hulle webwerf is hier: https://www.rain.co.za/#/order en die dekkingskaart is doer onder.

Sover ek kan aflei verval jou data nooit nie, maar jy kan weliswaar nie stemoproepe maak nie, tensy jy VOIP/Whatsapp gebruik of so. Suidpunt (kontak) 05:56, 19 Maart 2019 (UTC)

By die kantoor is ons telefoonlyne die afgelope paar maande aanhoudend deur vandale beskadig, wat veroorsaak dat ons Telkom-internet meer buite werking is as wat dit werk. Ons het sedert laas week Rain en sover werk dit soos 'n bom. R250 per maand vir onbeperkte data tussen 23:00 en 18:00. – K175 (trap my uit | bydraes) 06:53, 19 Maart 2019 (UTC)
Baie dankie, nou sal ek geduldig wag tot die blou wolk ook eendag oor my kop uitsak. By ons het die ondergrondse telefoondrade weer natgeword met die onlangse reën (verlede week) - en dit was die laaste druppel wat die emmer laat oorloop het; die goed het lankal reeds weggevrot. Maar toe alles nou net mooi herstel is en die internet werk weer, breek die naweek aan. En die internet dink toe ook hy het 'n skoolvakansie nodig. Suidpunt (kontak) 20:42, 19 Maart 2019 (UTC)


Ons 200ste vegvliegtuig!

Gemeenskap, neem kennis dat die artikel oor die Gloster Javelin ons 200ste vegvliegtuig is. Ons het tans 303 artikels oor militêre vliegtuie. Groete! Oesjaar (kontak) 14:03, 26 Maart 2019 (UTC)

Stewige bydrae en seuns sal sekerlik daarvan hou. As iemand nou net iets ekwivalent vir die meisies ook wil skryf. JMK (kontak) 19:16, 27 Maart 2019 (UTC)

eSwatini

Loop ons agter die Swazikoning aan met sy eSwatini? Is dit nie maar vir die Swazitaal nie? Ek wonder of daardie "e+S" in Afrikaans tuishoort. Dit sal wel nie 'n nuutjie wees nie, ons gebruik heelwat plekname met ander ortografië, maar dan vir heelwat minder belangrike plekke. JMK (kontak) 19:16, 27 Maart 2019 (UTC)

Dit is eers eSwatini gespel, maar blykbaar word dit Eswatini gespel op die amptelike dokument wat die regering uitgestuur het. Dit lyk my dis ook die spelling wat in die AWS opgeneem gaan word. Hier is meer daaroor. Burgert (kontak) 09:34, 28 Maart 2019 (UTC)
Daai skakel by polgeinow.com lyk redelik gebalanseerd. Ek kon nog nooit uitwerk hoekom ons deesdae toelaat dat ander mense ons voorskryf hoe om ons eie taal te praat nie. Die Ivoorkus wil mos al lankal hê dat die Engelse naam "Ivory coast" nie gebruik word nie. As hulle geweet het van "Ivoorkus" sou hulle seker ook daarteen kapsie gemaak het. Maar hoekom sal ons in een of twee lande se geval nie ons eie name gebruik nie en die res van die tyd wel? Is dit 'n nuwe norm vir plekname, soos wat ons nou ook spelling moet internasionaliseer omdat die AWS nuwe redakteurs gekry het? Ek hoop iemand kan vir my duidelikheid gee. --Alias (kontak) 13:15, 4 April 2019 (UTC)
(a) Die Taalkommissie het by sy Januarie 2019-sitting voorlopig besluit om die naam "Eswatini" naas "Swaziland" te erken. (Onthou om agterin die AWS na die lys buitelandse geografiese name, asook die lys landname en hulle geldeenhede met ISO-kodes te kyk.) (b) Dit word wel ooreenkomstig die ortografie van Afrikaans met 'n hoofletter geskryf (hoewel ons 'n ondersoek geloods het om 'n amptelike besluit te formuleer oor hierdie tipe prefikse in plekname en wat ons daarmee in Afrikaans moet doen). (c) Die kwessie m.b.t. die verafrikaansing of vertaling van plekname is nie altyd maklik nie. Die algemene praktyk die afgelope naastenby dertig jaar is wel om so na as moontlik aan die endoniem te probeer bly, maar dan wel met inagneming van die Afrikaanse alfabet en foneemstelsel. Goed soos "Ivory Coast" (dus die Engelse naam, nie die endoniem nie) word wel eintlik deurgaans in Afrikaans vertaal. (d) Tensy daar 'n paleisrevolusie was waarvan ek nie weet nie, het die AWS nie "nuwe redakteurs" gekry nie :-) Ek dien byvoorbeeld al vyftien jaar in die Taalkommissie ... Geebee100 (kontak) 14:09, 6 April 2019 (UTC)
Hier is 'n relevante stuk wat ek onlangs teëgekom het wat Iran/Persië betref: https://www.quora.com/Why-did-Persians-choose-Iran-instead-of-historical-name-Persia-for-their-country/answers/73641028 Die akkuraatheid sal seker bevraagteken moet word, maar die skrywer het duidelik heelwat moeite gedoen. Dit is deels vir my interessant omdat ek besef dat ek self onseker was wat die verband tussen hedendaagse Iran en historiese Persië is. Waar ek hulle teëgekom het, het burgers van die land ook 'n hekel aan mense wat hul taal "Farsi" noem in Engels in plaas van "Persian". In Persies self, noem hulle dit Farsi. --Alias (kontak) 08:37, 10 April 2019 (UTC)

Kategoriseringswerk deur KabouterBot

Goeienaand gemeenskap, toevallig sien ek nou hoe Gebruiker:KabouterBot besig is om baie artikels met kategorieë te versorg. Wat artikels sonder enige kategorieë betref, mag dit nuttig wees en help. Maar al die artikels van ervare gebruikers is volgens die artikel se inhoud gekategoriseer, terwyl die bot artikels nou oënskynlik volgens Wikidata kategoriseer. Sover ek kan sien is dit meestal (artikels van gebruikers met jare se werk hier) teenstrydig met Wikipedia:Kategorisering omdat nou baie dubbelkategorieë bygevoeg word. Bv. word by nedersettings met hul eie kategorie nog die "Kategorie:Nedersetting in X" bygevoeg, hoewel dit reeds in genoemde onderkategorie is. Ander artikels kry nou kategorieë wat alreeds tot 'n ander kategorie behoort wat reeds in die artikel is. Ander kategorieë word deur sjablone outomaties bygevoeg, soos al die hoofstede wêreldwyd en by al die voormalige lande met 'n kassie.

Bv. Austronesiese tale met Kategorie:Austronesiese tale sit nou met Kategorie:Maleis-Polinesiese tale en Kategorie:Tale van Oseanië. Soms is dit net snaakse goed soos Aden wat nou glo tot die Kategorie:Hoofstede in Asië (van watter land?) behoort. Die Baha’i-geloof is nou 'n Kategorie:Politieke ideologie. Waarskynlik net vir die Islamitiese Republiek Iran... Akrotiri en Dhekelië behoort nou tot Kategorie:Europese Unie. Blykbaar het ek iets misgeloop... Berg Kenia‎ onder Kategorie:Geskiedenis van Kenia, maar hoekom? Daar is hoegenaamd ook voorbeelde wat werk soos heilige plekke wat nou amptelik as bedevaartplekke gekategoriseer is of Bartolomeusnag. Maar ek sien ook baie snaakse goed en oorbodige dubbelkategorieë.

Die bot, as ons slim kategoriseringswerk aanvaar, sal nog hoofkategorieë onder die knie moet kry soos by 2019 wat natuurlik die hoofartikel van Kategorie:2019 is.

Sover ek weet let die meeste gebruikers op mooi kategoriseringswerk sonder oorbodige kategorieë en oriënteer nuwe kategorieë na aanleiding van die inhoud van die betrokke artikel, maar nie andersom of volgens die aparte Wikidata-projek nie. Myns insiens is hierdie botwerk ten minste vir bestaande artikels van vername gebruikers oorbodig. Andersins sou ons beleid wat onder Wikipedia:Kategorisering beskryf word, oorbodig wees.

Myns insiens moet die gemeenskap eers geraadpleeg word oor voorstelle wat 'n groot impak het; en eers dan behoort dit geïmplementeer te word. Ons sal ook ernstig moet besin oor al die nuwe botartikels wat nou skielik gestig word. Was daar aanvanklik 'n bespreking oor die hoeveelheid botartikels wat ons benodig? Met elke mylpaal kry ons nou amper 1 000 botartikels by. (Waarskynlik tot die 1 000 000 nes die arme Nederlanders.) Weet @Burgert Behr: van al die Russiese akteurs met name volgens die Engelse transkripsies? Kategorie:Sowjetse aktrises van die 20ste eeu en Kategorie:Sowjetse akteurs van die 20ste eeu is ook baie interessant. Lees maar net die artikel Sowjetunie en let op die jaargetalle. Ander eeue het nie eens Sowjetse aktrises en akteurs gehad nie...

Wat "my artikels" betref gaan ek lekker wysigings versamel en die oorbodige kategoriseringswerk terugrol. Groete. -- Flag of South Africa.svg SpesBona 21:46, 7 April 2019 (UTC)

Ek probeer ook dubbele kategorisering vermy. Ek weet ek slip soms op, maar dis meestal net per ongeluk. Soms voel ek egter dis nodig, soos wanneer 'n mens bv. Kategorie Diere het, maar ook Kategorie Diere met een oog, Diere met twee oë, Diere met drie oë, ens. Dan wil ek graag onder Kategorie Diere al die diere sien, maak nie saak hoeveel oë hulle het nie, want dit hou alles bymekaar. Maar dis die uitsondering. Burgert (kontak) 23:15, 7 April 2019 (UTC)
Wat die Sowjetse akteurs betref, het jy nou 'n miernes oopgegrawe. Ek gaan dus jou aanmerking net ignoreer. :) Burgert (kontak) 23:26, 7 April 2019 (UTC)
@SpesBona: Hallo, KabouterBot kyk na die kategorisering van die ekwivalente artikel op die Engelse Wikipedia en kyk dan of die kategorieë vir daardie artikel in Afrikaans bestaan, en indien wel, of dit by die Afrikaanse artikel ontbreek, in welke geval hy dit byvoeg. Dus ontstaan daar onmiddellik die risiko dat 'n subkategorie van 'n bestaande kategorie by die artikel gevoeg word, wat tot die dubbele kategorisering lei wat jy noem. Dit kan ook programmaties opgelos word, maar dan kan ons nie dubbele kategorieë hê in die gevalle wat Burgert noem nie. As ek kyk na KabouterBot se onlangse wysigings, dan lyk dit tog of die oorgrote meerderheid van kategoriserings nuttig is. Wat die Sowjetse/Russiese akteurs betref: die transliterasies is soos op die Engelse Wikipedia/IMDb. Dit is ook moontlik iets wat programmaties opgelos kan word indien die Afrikaanse transliterasiereëls van Cyrillies programmaties toegepas kan word. Natuurlik is menslike gebruikers welkom om intussen skouer aan die wiel te sit. Die kategorisering van akteurs en aktrises as Sowjets is volgens die Engelse Wikipedia; ek vermoed hulle het reeds oor hierdie kategorisering nagedink? Ons kan dit natuurlik ook hier bespreek. – K175 (trap my uit | bydraes) 06:35, 8 April 2019 (UTC)
Ek het nie werklik 'n probleem met die Sowjetse akteurs se name nie; 'n mens kan van die standpunt uitgaan dat dit soos sportsterre se name nie getranslitereer behoort te word nie. Nou het 'n mens egter by elkeen 'n lys Russiese flieks waarin hulle gespeel het, en dit sal waarskynlik getranslitereer moet word, tensy daar 'n oorgeklante Engelse weergawe is. Dan kan 'n mens die Engelse naam gebruik. Transliterasie is maar 'n turksvy en dit word al hoe moeiliker om sulke besluite neem. Mense verstaan ook nie hoekom 'n mens name soms translitereer en ander kere nie. Burgert (kontak) 14:36, 8 April 2019 (UTC)
K175: Bespreek eers die dinge met ons sodat ons ook kan weet wat aangaan; of gee tenminste net 'n aanduiding hier wat jou volgende plan van aksie is. Ek sal dit waardeer. Groete! Oesjaar (kontak) 06:42, 8 April 2019 (UTC) Naskrif: ons kort iets oor ovipaar.....
@K175: Hoekom word sulke dinge wat almal raak nie vooraf bespreek nie? Watter gesag het die Engelse Wikipedia? Sover ek weet gee hulle nie 'n flenter om vir dubbelkategorisering nie. Wat my betref wil ek nie oorbodige kategorieë in "my" artikels hê nie. Hoekom sal 'n mens dan nog kopkrap oor 'n netjiese kategorisering as aan die einde van die dag 'n bot kom en op grond van die Engelse Wikipedia self besluit? Mooi kategorisering is 'n stiptelike saak; mens kan dit hoegenaamd ensiklopedies noem. Blykbaar is ons beleid onder Wikipedia:Kategorisering (Lees maar onder Algemene riglyne:) nou oorbodig en kan verwyder word. Dinge soos eSwatini onder Kategorie:Koninkryke is hoegenaamd reg, maar asseblief nie al die lande nog 'n keer onder die landkategorieë nie! Dieselfde geld vir al die nedersettings en voormalige lande. Van dié artikels is voorbladsters en dit is nou self teenstrydig met Wikipedia:Riglyne vir voorbladartikels (Sinvolle kategorisering.). Cyril Ramaphosa is alreeds onder Kategorie:Suid-Afrikaanse anti-apartheidsaktiviste. Hoekom nou nog Kategorie:Anti-apartheidsaktiviste? Weens die Engelse Wikipedia? Ek gaan dié dinge nou terugrol en jou bot stopsit. Kom ons bespreek dit eers voordat dit aangaan. In die toekoms stel ek voor wat Oesjaar alreeds gesê het. Praat met ons, dit is immers 'n gemeenskapsprojek! Groot asseblief! Groete. -- Flag of South Africa.svg SpesBona 19:35, 8 April 2019 (UTC)

10 Dae in Namibië

Gemeenskap, ek het sopas 10 dae in Windhoek deurgebring waar ek gewerk het op die Afrika Kontinentale Bergfietskampioenskappe. Dit was 'n baie lekker 10 dae, wat my opgeval het was die absolute Afrikaanse omgewing! Ongelooflik! Hoe gaan ons hulle aktief kry op Wiki? Groete! Oesjaar (kontak) 06:59, 16 April 2019 (UTC)

Kry hulle op 'n rekenaar eerder as 'n selfoon. Stel vas wat hulle belangstellings en spesialiteite is en vra hulle mening oor die wikipedia bladsye rakende daardie onderwerpe of studievelde. Kry studente en skoliere betrokke, via onderwysers wat nie 'n anti-wiki kompleks het nie, maar eerder die onderwys- en studiemoontlikhede daarvan insien. Onderwysers wat bv. vir leerders kan leer hoe jy 'n taak opstel met verwysings. [En ons Afrikaanse verwysingsjablone is nog nie vergelykbaar met die Engelse nie! Ons moet o.m. verskillende sjablone bokant die wysigingshokkie beskikbaar hê!] 'n Afrikaanse omgewing beteken daar moet Afrikaanse onderwysers wees. En elke onderwyser het 'n vakgebied. JMK (kontak) 15:18, 7 Mei 2019 (UTC)

Ken Follett

Hallo daar; kan iemand asseblief die artikel "Ken Follet" aanstuur na die korrekte artikel "Ken Follett" toe?

Duisend dankies!—Hierdie ongetekende kommentaar is deur Charlielv55 (BesprekingBydraes) gelewer.

My 100,000ste wysiging op die Afrikaanse Wiki!

Gemeenskap, juig saam met my: ek het so pas my 100,000ste wysiging op ons Wiki aangebring! Groete! Oesjaar (kontak) 19:53, 28 April 2019 (UTC)

Baie geluk Oesjaar! En baie dankie vir al jou harde werk aan die projek. - Rooiratel (kontak) 06:44, 29 April 2019 (UTC)
@Oesjaar: knap gedaan! – K175 (trap my uit | bydraes) 08:58, 30 April 2019 (UTC)
Puik werkǃ Sobaka (kontak) 17:51, 30 April 2019 (UTC)
Très bien! Suidpunt (kontak) 18:03, 30 April 2019 (UTC)

Baie geluk Oesjaar :) Charlielv55 (kontak) 06:56, 24 Junie 2019 (UTC)

Desimale breuke

Vir konteks lees eers asseblief : Bespreking:Suid-Afrikaanse rand

@SpesBona:, ek het 'n program wat ek elke oggend loop om die wisselkoers opdateer. Nadat ek jou boodskap hierbo gelees het, het ek my program opgedateer om 'n locale (af_ZA.utf8) te gebruik, sodat dit outomaties die regte formaat gebruik. Maar dit het toe die desimale breuk terug verander in 'n punt, en nie 'n komma nie. Ek het die bronkonde daarvan (as jy glibc installeer op Linux is dit by /usr/share/i18n/locales/af_ZA) gelees, en ek sien dat hulle (Dwayne Bailey van translate.org.za) dit al in 2004 verander het om 'n punt te gebruik in plaas van 'n komma, omdat niemand die komma gebruik nie. Albei die Engels en Afrikaanse- Suid-Afrikaanse locales gebruik nie die "amptelike" desimale breuk nie, omdat die de facto desimale breuk 'n punt is. So wat sal ons doen? Moet ons die amptelike desimale breuk gebruik op Wikipedia, of die de facto een? Ek weet toe ek op skool was het hulle vir ons gesê dat die desimale breuk veronderstel is om 'n komma te wees, maar ons almal (onderwysers insluitend) het 'n punt gebruik. En dit is hoe ek dit my hele lewe lank skryf. Ek het eintlik vergeet dat dit 'n komma moet wees tot SpesBona daaroor gepraat op Bespreking:Suid-Afrikaanse rand. Wat dink almal hiervan? - Rooiratel (kontak) 05:50, 30 April 2019 (UTC)

Ek is ook geleer om die punt te gebruik wat ek nog steeds doen! Groete! Oesjaar (kontak) 05:59, 30 April 2019 (UTC)
Hierdie saak is definitief 'n gemors. Oor glibc: ek dink die vrees was dat sleutelborde by die numeriese knoppies (regs op sleutelborde met meer as 100 knoppies) 'n punt as desimale teken gebruik en as mense dus getalle só intik, dit nie reg herken sal word deur sagteware nie. Glibc moet ook op plekke werk waar dit nie sal kan onderskei tussen die twee verskillende "punte" wat getik word nie. Ek sien dat LibreOffice in elk geval die regte ding doen en as ek daardie punt intik die breuk outomaties korrek herken word. Dit doen nie hierdie omskakeling as ek die punt langs die komma gebruik nie, slegs die een by die numeriese knoppies. Dus werk dit baie oulik. Of glibc verander moet word of nie, is 'n moeiliker vraag, maar dit lyk my dat ten minste die ICU-projek (wat geweldig wyd gebruik word, o.a. op Android, LibreOffice, Chrome en wie weet wat nog alles) die komma gebruik. Ek weet dat daar 'n konvensie is in sekere velde om "internasionale" of ISO-standaarde te gebruik, en dat die punt dus algemeen is in sekere velde. Ek raai dat die punt algemeen is in baie gedrukte materiaal bloot omdat die dokumente/rekenaars op verstekwaardes (Amerikaanse Engels) ingestel is. Ek dink ons kan gerus die komma gebruik. Dit is 'n baie subtiele wenk aan sorgvuldige lesers dat ons omgee oor kwaliteit. Meeste lesers sal waarskynlik geen snars omgee nie. --Alias (kontak) 07:59, 30 April 2019 (UTC)
Ek gebruik ook die desimale punt in my persoonlike aktiwiteite (asook 'n komma om duisende te skei!). Ek stem egter saam met Alias dat ons as 'n publikasie die desimale komma moet gebruik, nes die meeste Afrikaanse mediapublikasies. – K175 (trap my uit | bydraes) 08:57, 30 April 2019 (UTC)
Gebruik asseblief die spasie via   vir getalle soos 100 000 ipv. die Engelse komma. Andersins is dit net 100 en dis net 'n honderdste! 2 bladtrekke is niks, maar meer as 2 000 000 bladtrekke is baie! Die komma word in Afrikaans vir desimale punte gebruik, soos R2,10. In Engels is laasgenoemde egter R2.10. Ek beskou dit as 'n anglisisme. Wees asseblief stiptelik, dis deel van 'n ensiklopediese skryfwerk. Indien iemand woorde soos "huidiglik" vermy soos die pes, moet hy/sy hierdie ook soos die pes vermy. (In krieket is dit iets anders: 4.1 boulbeurte is nie 4,1 boulbeurte nie.) Groete. -- Flag of South Africa.svg SpesBona 20:59, 19 Junie 2019 (UTC)
Die internationale gebruik van die komma of die punt is in die SI Brosjure beskryf (Engels op bladsy 150, Frans (die offisiële tekts) op bladsy 38, albei §5.4.4. Ook bladsye 12 en 124). Martinvl (kontak) 10:13, 21 Junie 2019 (UTC)

Keyboard

Hi,

Sorry about writing in English—unfortunately I don't know Afrikaans.

I was wondering: Do you have any challenges in your language with typing letters with diacritics? I am talking about the letters á, é, è, ê, ë, í, î, ï, ó, ô, ú, û, ý. Is it challenging or difficult to find a computer that has the keyboard configured conveniently to do this? Or is it easy and common?

Thanks! --Amir E. Aharoni (kontak) 12:19, 30 April 2019 (UTC)

Amir, yes we do use those special letters in Afrikaans but I have never come across a keyboard that is configured with those letters. We use the old Alt 136, Alt 137 etc. or the special characters that Wiki provides. Regards. Oesjaar (kontak) 12:41, 30 April 2019 (UTC)
Why, yes! We only have the "Standard American Keyboard" in South Africa. The diacritics everyone would probably use the most is ê (ALT+136), ë (ALT+137), ö (ALT+148), and ô (ALT+147). To a lesser extent é (ALT+130) and è (ALT+138). As you can see, I know these codes by heart by now. But I constantly do my searches in German as well, so ä (ALT+132) is also on my list. I just keep forgetting that dreadful ü (ue). Oh yes, and that û (as in brûe - "bridges" in Afrikaans).
But luckily I don't know French yet, or even worse: Icelandic! Suidpunt (kontak) 12:45, 30 April 2019 (UTC)
Although using a keyboard with French layout may be the perfect solution for typing in Afrikaans (including $ and £)… There will be no ’n, however. Voyageur (kontak) 17:23, 30 April 2019 (UTC)

────────────────────────────────────────────────────────────────────────────────────────────────────My toetsbord op Linux is English (US) "international with AltGr dead keys". Ek is redelik seker dat iets baie soortgelyk op Mac OS ook bestaan. Etlike kortpaaie vir letters met diakritiese tekens volg hieronder. Vir die hoofletters moet eenvoudig Shift ook ingehou word:

  • ä = Alt + Q
  • å = Alt + W
  • é = Alt + E
  • ë = Alt + R
  • ü = Alt + Y
  • ú = Alt + U
  • í = Alt + I
  • ó = Alt + O
  • ö = Alt + P
  • á = Alt + A
  • ß = Alt + S
  • ï = Alt + J

Enige letter kan 'n akuutteken kry met Alt + ' gevolg deur die letter, bv. ý (Alt + ' gevolg deur Y). Enige letter kan 'n deelteken kry met Alt + Shift + ' (m.a.w. Alt + ") gevolg deur die letter, bv. ë (Alt + Shift + ', d.i. Alt + " gevolg deur E). Enige letter kan 'n gravis kry met Alt + ` gevolg deur die letter, bv. è (Alt + ` gevolg deur E). – K175 (trap my uit | bydraes) 17:32, 30 April 2019 (UTC)

Hi Amir. From the comments above we can see that even people here mostly use Windows Alt codes instead of a keyboard layout. At Hulp:Sleutelbord I documented 11 years ago that the USA international layout works perfectly for Afrikaans. Some variant of it is available on Windows, Linux and Mac. It is not widely known or used, it seems. Since we use many diacritics, but several of them quite infrequently, I guess most people will not know the Alt codes for ý and Ê, for example. So in a sense, yes, people struggle, or don't realise that there are easier ways that don't require a shift in hand position and four keystrokes per diacritic. --Alias (kontak) 08:06, 2 Mei 2019 (UTC)

Hello again,

Thank you so much for all the replies, Oesjaar, Suidpunt, Voyageur, and Alias.

I am gradually adding support for more languages to jquery.ime. I made several keyboards for languages of Africa and Asia, and I was wondering whether it would be useful for Afrikaans. Given that you say that at least some people have challenges with typing all these characters, it looks like it is.

Enabling a proper keyboard layout in the operating system, as the page Hulp:Sleutelbord suggests, is always the best solution. However, my experience tells me that a lot of people don't know how to do it and prefer something that is built into the site.

If I make it, it will in any case be opt-in for each user and not enabled by default.

I was also wondering about the apostrophe in words like 'n, 't, and 'k: do you prefer to write them here with the ’ character, or with the simpler '? Thank you! --Amir E. Aharoni (kontak) 13:12, 16 Mei 2019 (UTC)

Hi Amir. The exact version of the apostrophe causes a repeat discussion every year or so. No real consensus, but neither are really wrong either. Only the first of these ('n) are commonly used in encyclopedic writing. Maybe go for the U+2019 since it is "typographically correct", and some people might prefer it and not know how to type it. The problem is that we don't like things to be inconsistent in a page, so both can be a problem depending on what the existing text on a page contains :-( --Alias (kontak) 13:25, 16 Mei 2019 (UTC)
Hello from me as well, I used a spell-checking dictionary from https://wspel.wordpress.com/ (when the spell-checker is installed, the dictionary is saved as "Afr Woordeboek.txt"). Because the accent-marks are used for emphasis as well, it might happen that you get a word such as "bestúúr" (1) drive!/by driving (and nothing else), 2) manage!/by managing alone; 3) directors! management!). You clearly see ú used 2 times.
In this case, we have in the dictionary:
ë - more than a 1000 x
ê - more than a 1000 x
ï - more than a 1000 x
é - 482
ö - 395
ô - 187
ü - 141
è - 129
á - 121
ó - 93
û - 80
ä - 78
ú - 16
í - 14
î - 8
ç - 6
å - 3
ß - 0
Hope that will help. Suidpunt (kontak) 16:51, 16 Mei 2019 (UTC)

Regmaak van artikelnaam "Mitch McConnel" na die korrekte "Mitch McConnell" (2 l'e)

Hallo daar almal, sal iemand asseblief die artikel "Mitch McConnel" verander of aanstuur na die korrekte "Mitch McConnell" toe?

Baie dankie, ek word kwaad vir myself en weet nie waarom ek sulke simpel foute maak nie! (soos met Ken Follet pleks van "Ken Follett")

Baie dankie weereens!!

Oesjaar het dit reeds gefix! Moenie stress nie! Groete, --Aliwal2012 (kontak) 18:33, 5 Mei 2019 (UTC)

Jeanne Goosen

Gemeenskap, ons het die tannie se geboortejaar as 1940, al die ander Wiki sê 1938... Kan iemand help asb? Groete! Oesjaar (kontak) 08:54, 6 Mei 2019 (UTC)

Kwela sê dis 1940. Morne (kontak) 10:28, 6 Mei 2019 (UTC)

Sjabloon:Ill teen Sjabloon:Intertaalskakel

'n Paar jaar gelede het ek Sjabloon:Ill vanuit die Engelse Wikipedia na die Afrikaanse Wikipedia ingevoer. Hierdie sjabloon is nou veroudered en deur Sjabloon:Intertaalskakel vervang. Ongelukking werk to nuwe sjabloon nie. Ek stel dus voor dat sjabloon:Intertaalskakel in kwarantyn geplaas word totdat dit behoorlik ontfout is en dat sjabloon:Ill tydelik herstel is.

As ons met altwee eksperimenteer, kry ons:

Ill

Alles werk soos dit behoort te werk - daar is 'n Afrikaanse artikel oor Amsterdam, maar al betaan artikels in Nederlands nl:Amsterdam en nl:Merwede, bestaan daar geen Afrikaanse artikels Harlingen of Merwe nie.

Intertaalskakel

Daar is 'n fout met hierdie sjabloon - die Afrikaanse artikel Amsterdam bestaan en dus verwag ek om net "Amsterdam" te sien.

Hallo, die korrekte sintaksis met die nuwe sjabloon is {{Intertaalskakel|Titel op afwiki|Alternatiewe taalkode|Titel op alternatiewe wiki}}, bv. {{Intertaalskakel|Donald Trump|en|Donald Trump}} wat Donald Trump gee. Gee net kans, dan werk ek die sjabloondokumentasie van die nuwe sjabloon by om gebruiksaanwysings te bevat. – K175 (trap my uit | bydraes) 15:21, 7 Mei 2019 (UTC)
@K175: Hallo,
Ek het die nuwe sintaksis geproef. Sien hieronder:
  • "{{Intertaalskakel|Amsterdam|nl}}" gee "Amsterdam".
  • "{{Intertaalskakel|Amsterdam|nl|Amsterdam}}" gee "Amsterdam".
  • "{{Intertaalskakel|Harlingen|nl}}" gee "Harlingen [nl]". ("nl" is 'n skakel na nl:Harlingen).
  • "{{Intertaalskakel|Merwe|nl|Merwede}}" gee "Merwe [nl]" ("nl" is 'n skakel na nl:Merwede).Blykbaar is alles nou in orde. Martinvl (kontak) 19:59, 7 Mei 2019 (UTC)

Was daar by julle ook 'n lang tou 'ongeregistreerde' stemmers? [Hulle is geregistreerd, maar net by 'n ander lokaal]

Hallo, ek glo julle het seker almal jul kruisies getrek, die wat wou?

Wat my vandag opgeval het: daar was 'n ontsettende lang tou Transvalers wat almal wou stem hier in die Overberg. Ek laat my nie vertel dit is almal vakansiegangers dié nie. Daar is nie 'n manier nie (anders sou hulle op Struisbaai en dié plekke gestem het, seker?).

Toe ek om 10:45 vm. by die stemlokaal kom dag ek eers - o, liewe hemel, vandag gaan ons lank wag. Die ry peul sommer by die deur uit. Maar toe ek eers my ID-boekie flits en my strokie kry, stap ek sommer direk in, beland in Ry 2, dus, vir geregistreerde inwoners, en laat my naam doodtrek, laat my duim streep, kry my gestempelde stembriewe, trek my kruisies en daar gaan ek. Kompleet soos 'n Graaf by Heathrow wat net tandewys en dan op die vliegtuig klim. Ek het soos 'n lord gevoel!

Was dit elders ook so?Suidpunt (kontak) 16:35, 8 Mei 2019 (UTC)

Ja, in Mouillepunt was daar net 'n paar mense, maar hulle wou ook almal registreer. Ek het ook net ingestap en was binne drie minute daar uit. Burgert (kontak) 18:02, 8 Mei 2019 (UTC)
Krugersdorp, 5 minute! Oesjaar (kontak) 18:06, 8 Mei 2019 (UTC)
Hier, in die VK, het ons ook 'n stemdag gehad - ons kan vir onse stadsraad stem. Een van die kandidate vir my stadsraad was Howling Laud Hope, leier van die Official Monster Raving Loony Party! Martinvl (kontak) 21:43, 8 Mei 2019 (UTC)

Sjablone en modules nou deur alle tale gedeel

(Vryelik vertaal deur Aliwal2012)

Hallo afwiki-gemeenskap!

Ek het onlangs 'n projek van stapel gestuur om sjablone en modules tussen wiki's te kan deel. Dit maak modules en sjablone "taal-neutraal", en stoor alle teksvertalings op Commons. Dit beteken dat die bydraer slegs 'n sjabloon hoef te kopieer en plak sonder enige veranderinge, en daarna die vertaalwerk afsonderlik af te handel.

As iemand 'n fout oplos of 'n nuwe funksie by die oorspronklike module voeg, kan jy dit weer kopieer / plak sonder om dit te vertaal. My bot DiBabelYurikBot kan behulpsaam wees met die kopiëring. Op hierdie manier kan gebruikers meer tyd aan artikels se inhoud spandeer, en minder tyd om sjablone op te dateer en te kopieer. Sien asseblief mw:WP:TNT vir meer besonderhede of vra vrae op my kletsbladsy.

N.S. Ek staan tans vir verkiesing op die Wikimediaraad. Ek sal dit waardeer indien u my nominasie ondersteun. (Enige geregistreerde gebruikersgroep mag stem). Dankie! --Yurik (gesels) 05:34, 11 Mei 2019 (UTC)

Commons lêerbeskrywings

Media Viewer wys tans geen Commons lêerbeskrywings nie, maar slegs die wikipediabyskrifte, en wel so by alle taalweergawes. Ek het 'n nota op Media Viewer se besprekingsblad geplaas om uit te vind wat aangaan. JMK (kontak) 18:57, 11 Mei 2019 (UTC)

Beskrywings weer terug sonder verklaring. JMK (kontak) 19:03, 13 Mei 2019 (UTC)

Sommige verwarrende Definisies

Goeienaand Almal hier.

Ek verneem graag van ander gebruikers, (kundiges?), die subtiele/semantiese verskil tussen die terme "Volk" en "Nasie"? Uit bronne wat ons reeds geraadpleeg het, wil dit voorkom asof die verskil, indien enigsins(?), minstens baie subtiel mag wees? Nogtans word daar dikwels verwys na "...alle volke, tale en nasies....", wat daarop dui dat daar tog wel die een of ander verskil in interpretasie moet wees? Indien dit nie die geval is nie, en onomstootlik "bewys" kan word, wil dit dan voorkom asof die voormelde gereelde gebruik van die twee terme eintlik neerkom op duplisering, of "stapelvorm", of wat dit ookal in taalkundige terme genoem mag word. As klaarblyklike leek, verneem ek graag kommentaar hierop, tot eie opvoeding en inligting. By voorbaat dank vir u aandag, deelname en terugvoer! --Primaat (kontak) 18:53, 12 Mei 2019 (UTC)

Die presiese definisie en betekenis hang van die konteks af. So mag ons sekerlik na Bretonssprekende Bretons in Noordwes-Frankryk as "volk" verwys. Nogtans maak hulle gelyktydig ook deel uit van die Franse bevolking in sy geheel, die grande nation. Hier word staatsvolk en nasie sinonieme. Dieselfe geld vir die Suid-Afrikaanse konteks. Engelssprekende blanke Suid-Afrikaners en Afrikaners vorm twee volke (of etniese groepe) wat nogtans ook deel uitmaak van 'n groter nasie, Suid-Afrikaners in hulle geheel. Die oorkoepelende "nasie" of "nasiestaat" is 'n 19de eeuse konstruk, 'n poging om etniese gemeenskappe met dieselfde taal en kultuur in 'n gemeenskaplike staat saam te bind. In die praktyk is daar egter min homogene nasiestate.
Moderne state soos Duitsland en Italië wat om 'n verskeidenheid redes eers betreklik laat as eenheidstate gevestig is, is 'n interessante studieveld. Hier het eeue lank geen gemeenskaplike staat of hoofstad bestaan nie. Daar was geen Duitse of Italiaanse volk nie. Burgers van die Republiek Venesië het na hulself derhalwe nie as Italianers verwys nie, maar moontlik was daar 'n gevoel van samehorigheid met ander sprekers van Italiaanse dialekte as deel van 'n Italianità of groter kulturele en godsdienstige konteks (die term Italianità is egter ook eers vanaf die 19de eeu gebruik). Maar om Venesiaanse burgerskap as "buitelander", selfs bewoner van 'n ander Italiaanse streek, te verwerf, was 'n moeilike proses.
Etimologies is 'n natio 'n gemeenskap waarin jy gebore word. Dit is sinoniem met 'n etniese groep of volk. In sommige gevalle is hierdie groepe in staat om hul eie politieke entiteit as nasiestaat te vestig. In ander gevalle vorm verskillende etniese groepe 'n gemeenskaplike nasiestaat, of hulle bewoon as lede van een etniese groep of volk verskillende state wat na hulself moontlik om politieke of ander redes as "nasies" verwys. Ewe belangrik is die Amerikaanse en Kanadese konteks waarin aan alle inheemse etniese groepe die status van 'n nasie, as First Nations of Premières Nations toegeken word.
'n Presiese definisie word dikwels eers gegee deur middel van samestellings soos nasiestaat of staatsvolk. So is daar in die Verenigde Koninkryk volgens die amptelike terminologie vier nasies - Engeland, Skotland, Walis en Noord-Ierland. Eeers wanneer ons na die die VK se staatsvolk wil verwys, gebruik ons 'n spesifieke term hiervoor - Britte. Voyageur (kontak) 19:05, 12 Mei 2019 (UTC)
Byvoorbeeld, die Sesnasies-toernooi. Martinvl (kontak) 20:25, 12 Mei 2019 (UTC)
Dit is ook hoekom die ou Afrikaanse naam Verenigde Volke-organisasie (VVO) vir United Nations na Verenigde Nasies (VN) verander is -- omdat die organisasie nasies verteenwoordig en nie volke nie. Burgert (kontak) 18:07, 13 Mei 2019 (UTC)

Wikipedia statistiek vir Afrikaans

Gemeenskap, vir die wat hou van statistiek, syfers, tabelle, grafieke en die klas van dinge: sien https://stats.wikimedia.org/v2/#/af.wikipedia.org Groete! Oesjaar (kontak) 06:20, 19 Mei 2019 (UTC)

Dankie Oesjaar! Die Afrikaanse Wikipedia se globale posisie is nou 69ste, waar dit 'n jaar gelede maar 83ste was!! Dankie aan K175!
--Aliwal2012 (kontak) 09:44, 19 Mei 2019 (UTC)
Daar lê nog baie werk voor. Ons is nou maar besig met akteurs. Volgende is rolprente, skrywers, boeke, en nedersettings. – K175 (trap my uit | bydraes) 09:47, 19 Mei 2019 (UTC)
Ek wens so ons begin met Suider-Afrikaanse flora, goggas en die tipe van dinge. Daar is 'n allemintige gaping hier! Groete! Oesjaar (kontak) 11:49, 19 Mei 2019 (UTC)
As jy my kan verwys na 'n databasis met die inligting, dan kan dit ook gedoen word. – K175 (trap my uit | bydraes) 08:59, 20 Mei 2019 (UTC)

Wikipedia:Ten_Year_Society

Ek het die en:Wikipedia:Ten_Year_Society opgemerk in die Engelse Wiki. Kan ons dieselfde doen? Groete! Oesjaar (kontak) 07:06, 27 Mei 2019 (UTC)

Ek merk op jy stel nie 'n groep voor vir 15+ nie! ;-) Ek dink dis net so twee of drie van ons. Ek gee nie om vir so iets nie. Dit moet net nie gebruik word om mense te vervreem of uit te sluit nie. --Alias (kontak) 07:30, 27 Mei 2019 (UTC)
Alias, ek dink ons moet 5, 10 en 15 doen. Hoeveel 15's sal daar wees? Groete! Oesjaar (kontak) 09:32, 27 Mei 2019 (UTC)
Ek het reeds die sjabloon {{User Ten Year Society}} op my blad. Dit kan dalk net aangepas word. Burgert (kontak) 09:40, 27 Mei 2019 (UTC)
Moenie dat ek in jou pad staan nie! Groete! Oesjaar (kontak) 09:41, 27 Mei 2019 (UTC)

Ek het nou die gebruikersjabloon na {{Tienjaargemeenskap}} geskuif. Enigiemand wat langer as 10 jaar op die Afrikaanse Wikipedia is, kan dit op hulle gebruikersblad sit. Hulle name kom dan outomaties in die Kategorie:Lede van die Tienjaargemeenskap. Ek wag maar om te hoor wat die ander sê voordat ek nog sjablone vir 5 en 15 jaar maak. Burgert (kontak) 10:52, 27 Mei 2019 (UTC)

Dankie, dit word waardeer! Oesjaar (kontak) 11:02, 27 Mei 2019 (UTC)
Na 'n vraag op die Engelse Wiki oor hulle Ten Year Society die volgende antwoord:

Thanks WhatamIdoing. @Oesjaar: It's literally as easy as writing it on your user page or using the template - totally informal. If you'd like to set up an Afrikaans version of the TYS, please do just copy the page and templates over to your Wikipedia as you like. — Scott • talk 11:14, 30 May 2019 (UTC) Dit wat Burgert gedoen het is dan korrek. Wat nou van 15 en 5 jaar persone? Ons moet hulle nie vervreem nie... Groete! Oesjaar (kontak) 15:39, 3 Junie 2019 (UTC)

Elma Potgieter

Gemeenskap, die inhoud van bogenoemde is 'n gemors. Enige idee vir 'n plan van aksie. Myns insiens, skrap! Die akteurs met hulle dinge verveel my nou maar net! Ek wag vir 'n kollektiewe besluit... Groete! Oesjaar (kontak) 11:13, 27 Mei 2019 (UTC)

'n Mens sou dit kon regruk, maar dit lyk vir my soos oorspronklike navorsing en die enigste bron is Elma self. So ek sou sê skrap of skryf heeltemal 'n nuwe artikel uit bestaande bronne. Burgert (kontak) 11:18, 27 Mei 2019 (UTC)
Ek sien 'n paar verwysings na haar op die web. Ek het dit verkort na 'n kort opsomming. Ek het nie nou regtig gekyk na noemenswaardigheid nie, maar ons het reeds interne skakels na die artikel. Die grootte en styl het wel gelyk na 'n probleem. --Alias (kontak) 13:14, 27 Mei 2019 (UTC)

Selfoon-app

Is ek net dom of is hierdie selfoon-app van Wikipedia 'n groot gemors? Ek kan nie eens by die Afrikaanse Wikipedia uitkom nie, ek kan nie my naam sien nie, ek kan nie by Onlangse wysigings uitkom nie . . . Burgert (kontak) 16:33, 3 Junie 2019 (UTC)

@Burgert Behr: gebruik jy iOS of Android? – K175 (trap my uit | bydraes) 17:16, 3 Junie 2019 (UTC)
iOS. Burgert (kontak) 18:12, 3 Junie 2019 (UTC)
@Burgert Behr: jy is reg, jou profiel en onlangse wysigings blyk ontoeganklik te wees. Afrikaans kan as 'n taalvoorkeur bygevoeg word deur op "Verken" links onder en dan op die tandwiel regs bo te klik gevolg deur "My tale" derde van bo. Wanneer jy dan in "Verken" of "Soek" op die onderste balk 'n soekterm intik, kan jy die taal kies van die Wikipedia waarin jy wil soek. – K175 (trap my uit | bydraes) 18:26, 3 Junie 2019 (UTC)

O, dankie. Lyk my ek kom nou (amper) reg! Burgert (kontak) 19:12, 3 Junie 2019 (UTC)

Romeinse provinsies

Hallo, almal, wil julle nie asseblief Sjabloonbespreking:Romeinse provinsies 117 n.C. gaan lees en julle opinie gee nie? Ek wil graag die artikel Romeinse provinsie doen, maar wil nie voordat die name uitgesorteer is nie. Dit geld vir die sjabloon én die artikelname. Dankie. Burgert (kontak) 20:16, 3 Junie 2019 (UTC)

Anglisisme: eventueel

Is eventueel 'n anglisisme? Groete! Oesjaar (kontak) 06:37, 5 Junie 2019 (UTC)

Dit kom oorspronklik uit Latyn (eventus, gebeurlikheid) en beteken "uiteindelik". Wanneer dit gebruik word om "moontlik" te beteken, dan is dit 'n Neerlandisme en weinig gebruiklik volgens HAT 6. – K175 (trap my uit | bydraes) 06:45, 5 Junie 2019 (UTC)
Ons het eventuell in Duits, met dieselfde betekenis en oorsprong soos in Nederlands. 'n Duitse sinoniem is vielleicht. Groete. -- Flag of South Africa.svg SpesBona 21:25, 6 Junie 2019 (UTC)
Nie Anglisisme nie, en kan blykbaar selfs "uiteindelik" beteken. Maar volgens my woordeboeke beteken dit dat 'n omstandigheid mag ontstaan, en nie noodwendig of uiteindelik sal ontstaan nie. Moet egter nie van die volk verwag om dit so te sien nie, hulle praat soos hulle wil. Anglisismes gaan meestal nie oor die woord self nie, maar oor die aanwending daarvan. JMK (kontak) 13:04, 10 Junie 2019 (UTC)

Dionisos

Kan iemand asb. Dionisos oor 'n aanstuur na Dionusos skuif? Ek het besluit om maar op te hou op die versene teen die prikkels te slaan en die u-spellings van die Lys Klassieke Name te gebruik. Dankie. Burgert (kontak) 07:57, 5 Junie 2019 (UTC)

Gedoen! Groete! Oesjaar (kontak) 09:26, 5 Junie 2019 (UTC)
Dankie! Burgert (kontak) 11:24, 5 Junie 2019 (UTC)

Krygskunde

Weet wat ek aangevang het nie. Kan iemand net die Krygskunde artikel skuif na die regte naamweergawe. Sobaka (kontak) 16:03, 5 Junie 2019 (UTC)

@Sobaka: het jy reggekom? – K175 (trap my uit | bydraes) 17:19, 5 Junie 2019 (UTC)
Dankie @K175: het dit tog reggekry. Weet egter nie om van die verkeerde aansture ontslae te raak nie. Sobaka (kontak) 17:27, 5 Junie 2019 (UTC)
@Sobaka: Gebruiker:EmausBot het dit reeds reggemaak. – K175 (trap my uit | bydraes) 17:34, 5 Junie 2019 (UTC)

{{Cite book}}

Hoekom is die gebruik van "coauthors" foutief, of anders gevra: hoekom is dié parameter se geldigheid verander? Groete. -- Flag of South Africa.svg SpesBona 21:40, 5 Junie 2019 (UTC)

@SpesBona: die ou weergawe van {{Cite book}} het nie voorsiening gemaak vir coauthors wat aangegee word in die vorm last1=|first1|last2=|first2=|… nie, welke vorm volop op enwiki voorkom en hierheen gekopieer moet kan word. Die advies op enwiki is om coauthors op te breek in voorname en van en om gebruik te maak van die parameters lastn en firstn. – K175 (trap my uit | bydraes) 00:40, 6 Junie 2019 (UTC)
@SpesBona: volgens hierdie kommentaar kan authors in plaas van coauthors gebruik word indien die outeurs nie gemaklik volgens voorname en vanne gelys kan word nie. Wil jy dit dalk toets? – K175 (trap my uit | bydraes) 00:42, 6 Junie 2019 (UTC)
@K175: Die ou weergawe van {{Cite book}} hét voorsiening gemaak vir coauthors in die vorm van coauthors=Jan Alleman. Dis hoekom dit nou in baie artikels as 'n fout verskyn, dit het by die byvoeging myns insiens reg gewerk soos al die ander paragrawe. Ek het dit al in artikels coauthors= → authors= vervang, net om van dié fout ontslae te raak, maar coauthors is nie altyd authors nie, daar is tog 'n verskilletjie. Ek sal dit darem nie in al ons artikels wil vervang nie. 'n Mens se tyd is tog beperk. Hoekom ons die Engelse taalweergawe sal moet volg, verstaan ek nie mooi nie. Ons kan darem ook kyk, wat op die Duitse, Nederlandse, Franse, ens. taalweergawes aangaan. Andersins sal ons geleenthede kan misloop. Wat die Engels betref, dink ek nou aan Never change a running system. Maar dís net 'n grappie. :D Groete. -- Flag of South Africa.svg SpesBona 21:15, 6 Junie 2019 (UTC)

Wouter van de Venter

Gemeenskap, is daar iemand wat kan help met die artikel. Eintlik 'n klomp snert... Groete! Oesjaar (kontak) 08:08, 6 Junie 2019 (UTC)

Het dit deurgelees, dis net blatante reklame sonder ensiklopediese waarde, buitendien volop anglisismes. Skrap maar hierdie "artikel". Groete. -- Flag of South Africa.svg SpesBona 21:20, 6 Junie 2019 (UTC)

Vertaling uit Engels

Goeiemiddag gemeenskap Ervaar nog iemand probleme met vertaling uit Engels? Ek het die onderwerp "Elements of art" na Afrikaans vertaal (Kunselemente) en die outomatiese vertaling oudergewoonte nagegaan vir korrekte Afrikaanse woorde, terme en sinsbou, maar ek word gestuit wanneer ek dit wil publiseer. Groete --PetronelFourie (kontak) 09:54, 6 Junie 2019 (UTC)PetronelFourie

Polisieklarings

Hallo daar, het iemand al hierdie artikel gekonnekteer tot Wikidata? Groete, Charlielv55 (kontak) 12:40, 6 Junie 2019 (UTC)

Gedoen! Oesjaar (kontak) 18:10, 6 Junie 2019 (UTC)

Lys van Afrikaanse Universiteite

UP, UF en US bied nie meer klasse in Afrikaans aan nie, kan die artikel maar gewysig word? Die Afrikaanse Protestantse Akademie kan egter bygevoeg word. Groete!Charlielv55 (kontak) 17:51, 6 Junie 2019 (UTC)

Hoewel die lys blykbaar instellings insluit wat "lesings, eksamens en kommunikasie in Afrikaans" aanbied. Bied US hoegenaamd geen klasse meer aan in Afrikaans nie? Hoe ook al, toegang tot kennis in Afrikaans word al hoe meer ook deur ons eie projek verskaf. Voyageur (kontak) 18:23, 6 Junie 2019 (UTC)

Baie dankie vir die terugvoering Voyageur:) Charlielv55 (kontak) 06:24, 7 Junie 2019 (UTC)

Korreksie: US bied wel nog verskeie klasse in Afrikaans aan, en Pukke is natuurlik deur die bank Afrikaans. Dit is net UP en die reddelose "UFS" (spottenderwys na verwys as " the University of the Orange River Colony" wat totaal en al bande met Afrikaans verbreek het. Het enigiemand dalk 'n teorie/verduideliking oor waarom Akademia tans so sukkel om akkreditasie vir verdere modules te kry?

Volgens hul webwerf het hulle hierdie jaar aansoeke om akkreditasie vir oor die 40 nuwe dissiplines ingedien, maar die jaar nog net die BSocSci kwalifikasie bygekry, en gaan dit blykbaar maar teen 'n slakkepas aan. Is dit nie dalk a.g.v. moedswilligheid aan die kant van die Raad op Hoër Onderwys nie? Charlielv55 (kontak) 14:45, 21 Junie 2019 (UTC)

Karelsuniversiteit

Naandsê julle, ek is poegaai- ek sal die artikel Maandag weer aanvat en voltooi :) Groete! Charlielv55 (kontak) 16:46, 7 Junie 2019 (UTC)

Hou so aan! Elke artikel is 'n spanpoging. Voyageur (kontak) 20:13, 7 Junie 2019 (UTC)

Afrikaanse Protestantse Akademie

Hallo julle, ek dink nie die bg. artikel is al gekonnekteer aan Wikidata nie. Sal iemand groot asb.help? Groete! Charlielv55 (kontak) 07:24, 10 Junie 2019 (UTC)

Charlie, gebruik as kleinletters, soos 'n mens skryf. Groete! Oesjaar (kontak) 07:26, 10 Junie 2019 (UTC)
Uitgevoer Uitgevoer - Rooiratel (kontak) 10:50, 10 Junie 2019 (UTC)

Die Afrikaanse Wikipedia en Afrikaanse ondernemings en media

Dit lyk asof Afrikaanse media en ondernemings nie regtig bewus is van die geleenthede wat 'n Afrikaanse Wikipedia hulle kan bied nie. 'n Vinnige soektog op die internet (met "Venesië" as trefwoord) toon dat baie Afrikaansprekendes nie in staat is om die name van Europese besienswaardighede regtig te spel nie, selfs al bring hulle 'n besoek daaraan. In 'n artikel van Maroela Media kom ons foute teen soos Piazza Saint Marco (in plaas van Piazza San Marco), vaparetto (in plaas van vaporetto) - en dan is daar nog, temidde van 'n Afrikaanse konteks, 'n verwysing na die Bridge of Sighs wat klaarblyklik die "Brug van Sugte" moet wees. Ook is daar 'n Afrikaansmedium-besigheid in die reisbedryf wat sy Afrikaanssprekende klante na die Grand Canal wil neem… Het hulle al gesien ons het artikels wat by hul toerprogram pas, met beskrywings in Afrikaans? En selfs al ry hulle die wêreld van koekoek-klokke in 'n Swartwoud-stadjie soos Triberg binne - ons dek dit!

As lesers graag Afrikaanse Wikivoyage-reisgidse vir lande soos Italië wil hê, sal hulle dit kry. Die vraag is of ons iets moet doen om die projek en sy geleenthede onder die aandag van Afrikaanse entrepreneurs en hul klante te bring? Opinies daaroor? Voyageur (kontak) 18:13, 10 Junie 2019 (UTC)

As mens hierdie oortreders aanspreek, berispe jy die wat darem probeer Afrikaans praat, en hulle kla maklik oor wat hulle sien as beterweterigheid. Maar ja, hoekom nie Wikipedia gebruik om jou standaard te verbeter nie? Miskien omdat Wikipedia nog nie 'n sentrale rol beklee nie, en omdat Afrikaanssprekendes nog glad nie skaam voel om onkundig te wees, om daagliks met minderwaardige taalgebruik om te gaan, en om niks te lees, behalwe miskien watsapps nie. Ek merk hierdie week op hoe 'n Afrikaanse dame skryf dat sy dit geniet om "tyd in die buitelig" deur te bring. En 'n skolier skryf hy het 'n stappie "deur die dugte bos" onderneem. So, miskien is dit te veel verwag op hierdie stadium van sosiale ontwikkeling. En, vermoed ek, dat 'n wikipedia-skeptisisme steeds die reël eerder as uitsondering by onderwysers is, die plek waar professionalisme en taalvaardigheid moet ontstaan. Terloops, Voyageur sal miskien die onkunde oor geografie in die volgende video geniet, wel by Amerikaners, maar ek vermoed ons is nie ver agter nie: Can you name a country? JMK (kontak) 20:57, 10 Junie 2019 (UTC)
Ons probleem is nog steeds dat van die kleiner taalweergawes deur die verkleinde aantal taalskakels aan die linkerkant gediskrimineer word. Suid-Afrikaners wat net op die Engelstalige Wikipedia kuier, sal die Afrikaanse Wikipedia dalk net met moeilikhede kan vind, al is van ons artikels beter op bied meer details as hulle s'n. Wat die taalgebruik betref, ek het al dinge soos "Poland" deur Afrikaanssprekendes gehoor, maar ook "Frederik Dubbelju de Klerk" op Duitse televisie. Groete. -- Flag of South Africa.svg SpesBona 21:10, 10 Junie 2019 (UTC)
Ek stem saam dat 'n skeptisisme onder Afrikaanse mense bestaan oor ons Wikipedia, veral onder dié wat die taal ken en op goed afkom wat hulle weet verkeerd is (óf name óf taalgebruik). Die meeste mense wat Piazza San Marco sien, gaan bloot nie weet of dit reg of verkeerd is nie en eerder die naam in 'n meer betroubare bron opsoek. Burgert (kontak) 21:19, 10 Junie 2019 (UTC)
Baie dankie vir die terugvoer. Dit gaan natuurlik nie oor akademiese geleerddoenery en voorskriftelikheid nie, maar om die uitbou van 'n enkeltalige Afrikaanse naslaanbron vir almal. Ek hoop net daar is ook lesers wat die eksklusiewe inhoud hier raaksien - daar is reeds heelwat inligting van hoë gehalte in Afrikaans beskikbaar. Ook is artikels oor baie buitelandse onderwerpe deur bydraers verskaf wat die brontale magtig is. As daar enkele lesers is wat enige vorm van sertifisering deur Italiaanse of Britse departemente van onderwys nodig het voordat hulle Wikipedia-artikels lees net soos enige bydrae in akademiese tydskrifte, stel ek voor dat hulle vir hul eie doseerwerk ook eers Italiaanse dottori se goedkeuring moet vra… Ons Foreign idiots, assholes and chauvinists must fall-program behels 'n besoek aan die drietalige Vrye Universiteit Bozen/Bolzano waar voornemende studente Engelse onderrig net kan kry as hulle twee ander tale ook magtig is… Voyageur (kontak) 22:10, 10 Junie 2019 (UTC)

Krieketterme in Afrikaans

Vanaand iets baie interessants op my gunstelingstasie RSG gevind: krieketterme in Afrikaans, hoe gepas tydens die Krieketwêreldbeker 2019! Sal iemand dit vir ons artikels kan verwerk en op Commons oplaai (dis al in Engels en waarskynlik van die Indiese tale beskikbaar)? Dit sal waarskynlik 'n bietjie verander moet word weens die kopiereg, of hoe? Groete. -- Flag of South Africa.svg SpesBona 21:05, 10 Junie 2019 (UTC)

Gerda Steyn

Gemeenskap, kan iemand asb help met 'n foto van die dame? Groete! Oesjaar (kontak) 10:04, 11 Junie 2019 (UTC)

Oesjaar, ek het orals gesoek. Ek het baie foto's gevind maar nie een met 'n aanvaarbare lisensie (CC0, CC-BY, of CC-BY-SA) nie. - Rooiratel (kontak) 05:06, 12 Junie 2019 (UTC)
Sal my effense kontak met die drawwers gebruik om 'n paar fotos te kry, nie net van Gerda nie, maar ook van ander Comradeswenners. JMK (kontak) 07:37, 14 Junie 2019 (UTC)

Krieketspeler

Hallo almal, jammer ek is so stil deesdae. Ek wil graag 'n paar artikels skep oor krieketspelers maar om die inligtinskas te skep is nogals 'n pyn. Sal iemand 'n kwessie hê as ek net 'n databoks gebruik? Dankie Dumbassman (kontak) 08:51, 15 Junie 2019 (UTC)

Laat ek vir jou een vertaal. Is daar 'n goeie een op 'n ander Wikipedia wat jy graag hierheen wil oordra? Dalk enwiki? – K175 (trap my uit | bydraes) 09:20, 15 Junie 2019 (UTC)
Sachin Tendulkar is een wat ek wil skep. Dankie Dumbassman (kontak) 10:30, 15 Junie 2019 (UTC)
Ek sal deur die loop van die naweek die kassie na afwiki oordra. Jy kan solank aan die inhoud van die artikel begin werk as jy wil. – K175 (trap my uit | bydraes) 10:38, 15 Junie 2019 (UTC)
Die kassie is alreeds daar en werk baie goed. Ons hoef dit nie met Engelse paragrawe oor te gooi nie. Ek sal met die artikels kan help, maar ek wil ook die Krieketwêreldbeker 2019 'n bietjie geniet. Ek sal bly wees as meer mense as net ek aandag aan die lekker sport krieket sal skenk. Kom dis die moeite werd en ons doen iets saam. Groete. -- Flag of South Africa.svg SpesBona 11:20, 15 Junie 2019 (UTC)
Die eerste, Hardik Pandya, het sy kassie ontvang en lyk nou baie goed. Myns insiens maak artikels oor sportlui net met kassies sin. Soos belowe sal ek kyk wat ek kan doen vir die krieketspelers. Geniet maar die toernooi! Groete. -- Flag of South Africa.svg SpesBona 21:30, 15 Junie 2019 (UTC)

2 miljoen wysigings

Hoe gaan ons hierdie mylpaal vier? – K175 (trap my uit | bydraes) 08:52, 17 Junie 2019 (UTC)

Ons is nou op 1 999 004. Minder as 'n duisend om te gaan. "Hoe gaan ons hierdie mylpaal vier?" Ek weet nie. Ek sal maar 'n bier gaan drink en vir almal sê wat wil luister. - Rooiratel (kontak) 11:52, 21 Junie 2019 (UTC)
@Rooiratel: Ek is besig om met Gebruiker:Discott te reël vir 'n geskenkbewys vir die persoon wat die 2 miljoenste wysiging maak. Verdere besonderhede sal volgende week bevestig word. – K175 (trap my uit | bydraes) 11:57, 21 Junie 2019 (UTC)
Dames en here, ons 2 mijoenste wysiging: [2] – K175 (trap my uit | bydraes) 18:38, 23 Junie 2019 (UTC)
Ek kan seker nie my eie prys reël nie? Gaan iemand vir my 'n bier koop? – K175 (trap my uit | bydraes) 18:41, 23 Junie 2019 (UTC)
Volgens Spesiaal:Diff is hierdie van Gebruiker:Voyageur ons 2 000 000. Ek drink alreeds my glasie rooibos. Groete. -- Flag of South Africa.svg SpesBona 18:45, 23 Junie 2019 (UTC)
Baie interessant. Volgens Spesiaal:Statistiek het ons vandag om 18:28 UTC (20:28 SAST) 2 miljoen wysigings bereik met [3]. Dalk kan ek en Gebruiker:Voyageur die prys deel. – K175 (trap my uit | bydraes) 18:48, 23 Junie 2019 (UTC)
@SpesBona: hierdie bladsy verkondig ook die statistiek op Spesiaal:Statistiek (word daagliks bygewerk). Ek dink nie Spesiaal:Diff werk volgens die aantal wysigings nie, slegs volgens wysiging-ID, en ek vermoed nie elke aksie kry 'n wysiging-ID nie. – K175 (trap my uit | bydraes) 18:57, 23 Junie 2019 (UTC)
Spesiaal:Diff/1 beweer, dat ons projek van 18 Oktober 2002 dateer en Afrikaans dus ons eerste artikel is. Ek dog egter, dat met die Afrikaanse Wikipedia op 16 November 2001 begin is. Dis 'n bietjie verwarrend. Groete. -- Flag of South Africa.svg SpesBona 21:15, 23 Junie 2019 (UTC)

Broodkrummels

Ek het vanaand tot my verdriet uitgevind 'n mens moet elke keer onderaan die Broodkrummelssjabloon {{-}} gebruik, anders vang dit snaakse goed aan (gooi groot spasies in, raak van subhofies ontslae, ens.). Burgert (kontak) 23:24, 17 Junie 2019 (UTC)

Dis oukei, ek het die sjabloon gefieks. Dit vertoon nou in al die kategorieë reg. Burgert (kontak) 13:28, 18 Junie 2019 (UTC)
{{Broodkrummels}} vertoon net bo die Commons reg, sien bv. Kategorie:Voorstede van Kaapstad. Groete. -- Flag of South Africa.svg SpesBona 21:10, 23 Junie 2019 (UTC)

Artikels nog nie gekonnekteer met Wikidata nie.

Hallo julle, ek dink 'n paar van my nuutgeplaaste artikels (van die naweek af) is nog nie gekonnekteer met Wikidata nie (ek kry gewoonlik kennisgewings wanneer dit gedoen word- Rooiratel is gewoonlik betrokke daarby)

Jammer indien ek pla, ek weet julle is ook besig met jul eie dinge en beskik ook nie altyd oor al die tyd nieCharlielv55 (kontak) 06:51, 20 Junie 2019 (UTC) :)

Hallo @Charlielv55:. Sover ek weet het ek al jou nuwe artikels klaar gekoppel aan wikidata. Om seker te wees dat 'n artikel gekoppel is aan wikidata: kyk aan die linkerkant van die bladsy onder "Gereedskap", as daar 'n item is met die naam, "Wikidata-item", dan is dit gekoppel. Partykeer is die bladsy se cache (kas?) oud, en dan sal jy dit nie sien nie. Om dit te verfris, voeg ?action=purge aan die endie van die bladsy se URL en druk Enter. Aanvaar die vraag, en dit sal outomaties die bladsy verfris.
As dit indien nie gekoppel is nie, kan jy dit maklik self doen. Aan die linkerkant van die bladsy, onder "Tale", kliek op "Voeg skakels by". 'n Dialoogkassie sal verskyn. In die boonste deel, tik die taal kode (vir Engels is dit enwiki), en in die onderste deel tik in die artikel se naam van daai taal se wiki. Groete - Rooiratel (kontak) 09:31, 20 Junie 2019 (UTC)
Baie dankie vir jou hulp Rooiratel, jy's bevonk! Groete:) Charlielv55 (kontak) 13:10, 20 Junie 2019 (UTC)
🙂 👍 - Rooiratel (kontak) 12:38, 21 Junie 2019 (UTC)

Wikidata Bridge: edit Wikidata’s data from Wikipedia infoboxes

Hulp:AS1_errors

Gemeenskap, kan julle asb bietjie help met die AS! foute/ Sien https://af.wikipedia.org/w/index.php?title=Spesiaal:Skakels_hierheen/Hulp:AS1_errors&limit=500 Groete! Oesjaar (kontak) 11:37, 25 Junie 2019 (UTC)

James Faulkner vs James Faulkner (akteur)

Hallo daar, sal iemand asb. die oorbodige artikel oor James Faulkner wat ek aan't skryf was kan uitvee? Ek was besig om aan die artikel Paul, Apostle of Christ te werk en daar was geen skakel na James Faulkner nie. Het ek maar net daaraan gedink om miskien vir James Faulkner (akteur) te soek! Jammer vir die ongerief en ekstra moeite veroorsaak daardeur:) GroeteCharlielv55 (kontak) 13:59, 25 Junie 2019 (UTC)

Ekskuus julle, ek het sommer die versmelt sjabloon ingesit, weet nie of dit dan maar reg is so nie? Laat maar weet en baie dankie!Charlielv55 (kontak) 14:04, 25 Junie 2019 (UTC)

@Charlielv55: ek het die artikels versmelt. – K175 (trap my uit | bydraes) 14:14, 25 Junie 2019 (UTC)

Baie dankie, waardeer!Charlielv55 (kontak) 15:02, 25 Junie 2019 (UTC)

Gerda Steyn: interessante statistiek!

Gemeenskap, kyk asb 'n bietjie hierna: https://tools.wmflabs.org/pageviews/?project=af.wikipedia.org&platform=all-access&agent=user&range=latest-20&pages=Gerda_Steyn Wat kan ek sê? Groete! Oesjaar (kontak) 19:39, 27 Junie 2019 (UTC)

@Oesjaar: ons kort meer artikels oor aktuele gebeurtenisse. Ek het onlangs begin om sterfgevalle vanaf enwiki te kopieer. Dit is nogals baie werk. – K175 (trap my uit | bydraes) 20:12, 27 Junie 2019 (UTC)
Ons is nie 'n koerant nie maar 'n ensiklopedie. Ja, ons kan seker ook aktuele dinge doen maar binne perke. Na 10 jaar het ons nog eers al die Boeregeneraals en senior offisiere van die Tweede Vryheidsoorlog geskep nie... Groete! Oesjaar (kontak) 06:03, 28 Junie 2019 (UTC)
Ons hoef nie oor elke nuwe ietsie 'n artikel te hê nie. Watter ou sal al die artikels op datum hou? Ek wonder! Dis alreeds moeilik en vat baie tyd om bestaande artikels op datum te hou. Ons voorbladartikels verouder baie vinnig en dit vat eers baie tyd! Ek praat nie eers van Wêreldspektrum se verouderde inligting nie! Ons span is hoegenaamd nie groot genoeg om elke nuwe ontwikkeling wêreldwyd te monitor nie. Mens kan dit alreeds by nuwe artikels oor politici sien, hulle word nie eens op datum gehou nie. Vir artikels oor sportlui geld natuurlik dieselfde. Myns insiens is hier die oorspronklike outeur in die plig om sy artikels op datum te hou. Ek doen dit vir my artikels en artikels van skrywers, wat nie meer hier betrokke is, ook. Ons moet eerder op kwaliteit pleks van kwantiteit (weereens!) en vermiste skrywers fokus. Dan kan ons hier iets doen. Dis maar net my beskeie mening en doen wat jy moet doen. Kategorie:Bladsye met gebreekte lêerskakels, Kategorie:Bladsye wat vertaal moet word en Kategorie:Gaan taal na is propvol, wat van hulle? Ek geniet nou die krieketwedstryd tussen Sri Lanka en Suid-Afrika, ook 'n aktuele gebeurtenis. Groete. -- Flag of South Africa.svg SpesBona 10:00, 28 Junie 2019 (UTC)
Jou Afrikaans vorder regtig mooi. Gratulieren. Is dit Maroela Media of die LAPA-boeke op Google Play wat jou so netjies leer?
"Myns insiens is hier die oorspronklike outeur in die plig" > "Myns insiens is dit (hier) die oorspronklike skrywer se plig" of "die plig van die oorspronklike skrywer/bydraer..." in der Pflicht is 'n duidelike Germanisme (wat ek in my swart-en-rooi Croxley-boekietjie gaan opteken vir latere gebruik).
"Ek doen dit vir my artikels en artikels van skrywers, wat nie meer hier betrokke is [nie], ook." > Ek hou my nou duidelik op met hareklowery; jy kon bloot die kommas weggelaat het, maar ek sou jou sin so herformuleer: "Ek doen dit met my artikels, maar ook dié van die skrywers wat hier nie meer (so danig) betrokke is nie." Suidpunt (kontak) 15:07, 28 Junie 2019 (UTC)
Baie dankie, maar Gratulieren is die meervoud van gratuliere: ich gratuliere [dir/euch]wir gratulieren [dir/euch].
Dis nóg Maroela Media nóg LAPA-boeke wat my met Afrikaans help, dit is veral te danke aan my fokus op net een taalprojek en die gereelde inskakeling van Radio Sonder Grense. As gevolg daarvan is die klank en grammatika van Afrikaans alles behalwe "eksoties", as ek dit só kan stel. Intussen is selfs sommige van die Afrikaanse krieketterme nie meer onbekend nie, al gebruik ons in Duits net Engelse terme. Gereelde taalgebruik is 'n goeie manier om 'n taal onder die knie te kry, dís vir seker! Die doeltreffendste manier is egter om met moedertaalsprekers in die betrokke taal te praat. Daar is waarskynlik minder mense wie se Afrikaans 'n Duitse pleks van 'n Engelse invloed toon. :) Groete. -- Flag of South Africa.svg SpesBona 21:15, 28 Junie 2019 (UTC)
Dit wys jou net, 'n mens kan ook verkeerd hoor: https://www.youtube.com/watch?v=aBUIIc2DhHM&t=1005s . Daar spreek Bagheera dit duidelik uit:
Bagheera: "Ist es wahr?"
Mowgli: Hm-hm
Bagheera "Gratuliere!"
En hier dag ek dit is 'n gewone onbuigbare imperatief genaamd "gratulieren!" Soos "voertsek!". Maar nee.
"my fokus op net een taalprojek"
Ja, ja. Vryf dit in, vryf dit in, my vel is renosterdik. Ek pleit skuldig! Dit kom nou daarvan om tussen die tale deur te hop, dalk omdat ek nie met een werklik tevrede is nie.
OK, so jy het nou Duits ontdek - en jy raak uitgekuier. Wat bly oor?
Afrikaans het net te veel ongeskrewe reëls (en die WAT se woordeskat ruik terloops na plaasgrond en beesstront - want die proffies van destyds was almal van die plaas af en het die plaasterminologie en segswyse net so op papier geskryf): terwyl ek nou heerlik lees aan furry-fiction ('n storie met 'n wolwestertjie), val iets van hierdie roman my op: die Engels wissel oor en weer tussen Oudengels (betwixt) en selfs Iers (hubbub). Elke Franse en Duitse leenwoord word aangewend en omvorm om by die verhaal te pas. Te hel met die leser wat hierdie woorde nie ken nie. Ek is skoon jaloers daarop! Maar waag het niet zo'n dier in het Afrikaans wakker te maken. Vergeet van "glunder" in jou roman te gebruik. Dit mag eenvoudig nie. En Nederlands mag skynbaar nie by Afrikaans gaan leen nie (en nee, niemand sal Middelnederlandse woorde mag aanwend nie).
As Frans nie eksoties genoeg na my smaak is nie (en al het ek geen pakplek meer vir die stapels boeke wat niemand wil hê nie), is dit soos die Deens onhoorbaar (en 'n deeglike woordeboek onverkrygbaar - die enigste Deens/Nederlands woordeboek kos EUR74,00 en is boonop uit druk). Die Russies is onmoontlik met die onvoorspelbare verbuigings (al kan ek nie genoeg van Маша и Медведь kry nie - daar is 'n varsheid in Russies wat by menig Europese taal ontbreek).
So al wat oorbly is Sweeds en Italiaans en Latyn.
Sweeds het die voordeel dat die klank in vele opsigte nader aan Afrikaans is (vergelyk die Deense oorklanking, met die Sweedse oorklanking, met die Noorse oorklanking ) (en dat die grammatika eenvoudiger is), dat hordes boeke beskikbaar is op Google Play, maar dra die vloek van 'n toontaal en 'n publiek wat oor die algemeen Engels magtig is (hoewel die literatuur in Sweeds oor wolwe aan te beveel is).
Italiaans se fonetiek is 'n engel in die bed (veral wanneer sy na my skouer hap), maar haar duistere woordversmeltings koek so bietjie: Soos "facciamolo". "Kom ons doen dit". fare (doen) + -mo (ons) + -lo (dit). Op die ou einde leer jy woorde soos die twaalfmaaltafel uit jou kop uit. En steeds wonder jy of jy nie beter kon gedoen het met 'n ander taal nie, want om Italiaanse boeke [veral fiksie] op te spoor is onmoontlik. En moenie vergeet dat ek op die Italiaanse Wikipedia steeds persona non grata is nie...
Met reis wat buitendien buite die kwessie lyk... moet mens werklik omgee oor hierdie tale?
So dan bly jy helaas net met my gestorwe Gothgirl Latyn oor. Probleem: daar is geen moedertaalspreker daarbuite wat jou kan reghelp nie, wat jou maar weer terugdruk na die twaalfmaaltafel. Wat van Quenya? [Nee, niemand gebruik dit nie.]
Dis regtig soos skottelkanale (waarvoor jy buitendien te veel betaal): al was daar ook 7.000 kanale daarbuite, bly daar boggerol op die kassie om te kyk.Suidpunt (kontak) 22:48, 28 Junie 2019 (UTC)

Aktuele gebeurtenisse

@K175: vir 'n soort "barometer" van aktuele gebeurtenisse kyk na : https://www.wikidata.org/wiki/Wikidata:Main_Page/Popular. Elke nou en dan skryf of vertaal ek 'n artikel van daai bladsy as daar nie al reeds een bestaan in Afrikaans nie. - Rooiratel (kontak) 05:39, 28 Junie 2019 (UTC)

@Rooiratel: dankie vir die skakel. Sien ook gerus die bladtrekstatistiek vir Paul Eilers. Hy is gister oorlede:
Bladtrekke vir Paul Eilers, 29 Junie 2019.png
– K175 (trap my uit | bydraes) 06:13, 29 Junie 2019 (UTC)
@Rooiratel: en vanoggend:
Bladtrekke vir Paul Eilers, 30 Junie 2019.png
– K175 (gesels met my | my bydraes) 08:07, 30 Junie 2019 (UTC)

Grahamstad: South African School Librarian Conference

Gemeenskap: myself, Gebruiker:A3_Baard en Gebruiker:dagelf doen vanmiddag om 14:00 'n aanbieding aan die mense in die konferensie. Soos ons in Afrikaanse sê: gooi 'n klip in die bos... Groete! Oesjaar (kontak) 05:44, 1 Julie 2019 (UTC)

Aanstuurbladsy

Ek het pas 'n aanstuurbladsy van "Kakkerlakke" na "Blottodea" geskep. Ek's nie seker of dit korrek gedoen is nie, so as iemand kan seker maak, sal ek dit waardeer A3 Baard (kontak) 06:33, 2 Julie 2019 (UTC)

Nuwe artikels

Dagsê almal, die volgende onderwerpe wat ek graag wil oplaai is:

  • Romeinse Ryk (kuns) - mag dit 'n onderwerp op sy eie wees?
  • Romeine - moet ek aanvul by Romeinse Ryk of dit apart hou?
  • Rolprent (tegnies) - Daar bestaan reeds 'n artikel genaamd Rolprent, moet ek eerder net die tegniese aspekte wat van toepassing is aanvul? Ek weet my bron is verouderd daarom sal ek die inligting mooi sif.

Elana Barker (kontak) 05:46, 4 Julie 2019 (UTC)

Ek sou die eerste artikel "Romeinse kuns" noem - dit mag wél 'n onderwerp op sy eie wees, net soos Romeinse boukuns. Waaroor handel die artikel "Romeine"? Romeine as etniese groep? Hul leefstyl en tradisies? Dan sou ek voorstel dat ons die onderwerp apart hou. Die tegniese aspekte van rolprentvervaardiging hoort myns nsiens in die hoofartikel - vul dit gerus aan. Voyageur (kontak) 08:41, 4 Julie 2019 (UTC)

Gemorspos-filter

Ek wil 'n bladsy skep oor Sci-Hub (met Sci-Hub as die titel), maar ek word nie toegelaat nie. As ek dit probeer skep, kry ek die volgende boodskap:

"Die bladsy wat u wou stoor is deur die gemorspos-filter geblokkeer. Dit is waarskynlik deur 'n eksterne skakel op ons swartlys veroorsaak. Die volgende teks is wat ons gemorspos-filter geaktiveer het: sci-hub."

Kan iemand asseblief help? - Rooiratel (kontak) 10:51, 5 Julie 2019 (UTC)

Bylkbaar is dit die skakel na die amptelike webwerf wat geblokkeer word. (sci-hub.tw) Kan iemand die asseblief onblokkeer? - Rooiratel (kontak) 12:04, 5 Julie 2019 (UTC)
@Rooiratel: Kon jy al iets hieroor uitvind? Dit lyk nie of enwiki dieselfde swartlys as ons gebruik nie, of dalk is daar 'n manier om die swartlys te omseil? – K175 (gesels met my | my bydraes) 07:10, 12 Julie 2019 (UTC)
@K175: Ek het hierdie bladsy gevind: https://en.wikipedia.org/wiki/Wikipedia:Spam_blacklist, wat lei tot https://en.wikipedia.org/wiki/MediaWiki:Spam-blacklist en https://meta.wikimedia.org/wiki/Spam_blacklist. Maar ek kan nie die een vind wat die Afrikaanse wiki gebruik nie. - Rooiratel (kontak) 01:24, 14 Julie 2019 (UTC)
@Rooiratel: Alle Wikipedias gebruik m:Spam_blacklist. Die plaaslike en:MediaWiki:Spam-blacklist en MediaWiki:Spam-blacklist is aanvullend tot Meta se lys. Ek het nou die witlys vanaf en:MediaWiki:Spam-whitelist gekopieer na MediaWiki:Spam-whitelist. – K175 (gesels met my | my bydraes) 05:19, 14 Julie 2019 (UTC)
Dankie K175, ek het dit nie mooi gelees nie. - Rooiratel (kontak) 05:25, 14 Julie 2019 (UTC)

Verwysingsjablone

Sê maar net, ons verwysingsjablone is nog nie eenvormig nie, en kan nie vanaf die wysigingboks gekies word soos die nuttige vier keuses wat op Engelse wikipedia beskikbaar is nie. Self het ek geen idee hoe om dit te doen nie, maar totdat dit gedoen is gaan dit 'n baie groter schlep wees om bydraes in Afrikaans te maak as in Engels. Ek moet nou elke keer die sjabloon op Engels gaan haal en dit hier inplak, en by aanwending van die joernaal-sjabloon sien ek nie eers die outeurs se name nie. Een of ander programmeringsnerd moet dit tog vir ons regkry. Ons het darem al groter struikelblokke hier oorwin as dié een. Ook ander verbeterings aan die wysigingsboks sal welkom wees sodra ons 'n programmeerder het wat weet hoe om dit te doen. JMK (kontak) 19:05, 11 Julie 2019 (UTC)

Die ikoon wat lyk soos 'n legkaart-stukkie is deels bruikbaar. Maar kies "cite book", en dit gee geen parameters nie, maar slegs: "No parameters could be determined for this template due to absence of TemplateData documentation. You may insert the template without parameters," wat my min help. Kies "cite journal", en dit gee wel 'n keuse van parameters, maar die resultaat is steeds 'n verwysing sonder outeurs. Ek stel voor dat ons wat hierdie wysigingsboks betref voor die ander wikipedias moet wees, eerder as ver agter, en daar is nog ander voorstelle nadat ons bg. afgehandel het. JMK (kontak) 19:24, 11 Julie 2019 (UTC)
@JMK: dankie dat jy bogenoemde probleme in verband met die invoeg van verwysings op die Afrikaanse Wikipedia uitgelig het. Ek bou tans verwysings handmatig in, wat baie tyd-intensief is. Ek kan dink dat dit vir nuwelinge nóg moeiliker is. Ek sal in die nabye toekoms hierna begin kyk. Dalk kan Gebruiker:Rooiratel ook help. Hy het al in die verlede met tegniese goed uitgehelp. – K175 (gesels met my | my bydraes) 07:06, 12 Julie 2019 (UTC)
@JMK: die betrokke skrip is en:MediaWiki:RefToolbar.js. Om dit na afwiki oor te dra, kort ons 'n koppelvlakadministrateur. – K175 (gesels met my | my bydraes) 21:29, 13 Julie 2019 (UTC)
@JMK: Ek het die TemplateData vir {{cite web}} vanaf enwiki na Sjabloon:Cite web/doc oorgedra. Die TemplateData word gebruik wanneer op die legkaart geklik word om 'n sjabloon in te voeg. Dit werk nog nie as ek dit toets nie, maar volgens en:Wikipedia:TemplateData/Tutorial#Limitations and questions kan dit 'n tydjie duur voor TemplateData deur die visuele redigeerder opgetel word, so kom ons hou dit dop. – K175 (gesels met my | my bydraes) 16:33, 14 Julie 2019 (UTC)
Sal dophou dankie! JMK (kontak) 08:54, 19 Julie 2019 (UTC)

Varkgriep

Jy bedoel daar is nog ruimte vir verbetering? ;) Voyageur (kontak) 06:27, 16 Julie 2019 (UTC)

En daar is 'n gemiddelde aantal bladtrekke van 157 per dag van mense wat hierdie antireklame kom bekyk. Jcwf (kontak) 17:34, 16 Julie 2019 (UTC)

Is Goodreads.com 'n geldige bron?

Lectori Salutem

Ek het 'n vraag. Kyk, in die meeste gevalle, wanneer 'n mens 'n Wiki-artikel oor fiksie skryf, probeer mens waar moontlik gesaghebbende bronne gebruik. Dit is nou van Literatuurtydskrifte tot resensies wat in koerante verskyn, tot by Prof. Dr. Joan Hambidge se woernaal. Gedrukte boeke word steeds, na al die jare, die hoogste geag, afhangend nou van die inhoud.

Wat mens dikwels 'n probleem mee het is die onderhoude.

Indien die skrywers self hul eie platforms het waar hulle jou vrae met hul antwoorde publiseer, het mens nie veel probleme nie. Ek dink nou in die hardloop weer aan Joan Hambidge wat haar eie woernaal het, terwyl Dan Roodt weer vir PRAAG het.

Baie keer lees 'n mens 'n boek jare na die uitgeedatum. Die outeur leef nog (soms op genade) en as jy nie vandag nog 'n vraag vra nie, gaan jy nooit weer die geleentheid kry nie.

Maar nou het jy sekere skrywers wat nie so gelukkig is om hul eie platform te hê nie. En die enigste plek waar jy wel 'n openbare vraag kan stel is op Goodreads se "Author"-blaaie. Ek dink almal weet nou al van Waldimar Pelser se Goodreads-blad. of... J.K. Rowling s'n of 'n Voorbeeld van 'n Furry-lit-skrywer s'n. Daar is 'n vakkie waar daar staan "Ask me a question", waarna die vraag en die antwoord verskyn.

Nou is dit vir my moeilik, want die gehalte vrae gaan wissel. Die medium is na my mening baie informeel, en tog - wat my betref is die vrae en antwoorde van veel meer waarde as die platform. Die boodskap is immers belangriker as die A-graad-papirus, dan nie?

Party gaan nou oppervlakkige vrae vra, byvoorbeeld:

  • Can you tell us a two-sentence horror story?
  • What’s your advice for aspiring writers?

Vir die skrywers word die volgende raad gegee:

Cquote1.svg

Set Expectations. Edit your message to readers to set expectations. Once the Ask the Author tool is activated, you can edit this message to let people know how many and what kinds of questions you'll be answering. For example, "I'll answer one question a week!" or "Ask away, and I’ll do my best to answer when I can!" are some examples. The default is "Ask [author name] a question."

Tell your fans you're answering questions. Use your Goodreads blog, a status update, or other social media channels to let readers know they can ask you a question on your author profile page.

Answer interesting questions, and provide interesting answers. Give thoughtful responses to readers' questions. Readers will be more likely share your answer if it conveys new or insightful information. There's no advantage to brevity.

Give yourself a break. Even if you only answer one question a day, you'll delight your readers. Answering too many questions in one sitting will overload the newsfeed of your followers. Set a schedule to review and answer questions. We recommend answering 2-5 questions per day.

It's ok to skip questions you don't want to answer. Questions are visible only to you until you share your answer. The person who asks the question will be notified via email if you answer and your response will go into the newsfeed of your followers.

Cquote2.svg

Asook:

Cquote1.svg

Goodreads Q&A is for asking and answering questions about books. You can ask other readers questions about a specific book or you can ask an author a question about his or her work. All Reader Q&A questions are public while Ask the Author questions are visible only to the author until the author decides to answer them. What should I ask or answer?

In general, you should ask any question that you feel will help further your understanding or appreciation of a book or your connection with an author. Here are some examples of questions we hope you’ll ask:

  • Questions about the characters in the book: “What do you think Eric was thinking when he insulted Todd in Chapter 4?”
  • Questions about the ideas in the book: “What assumptions does the section on organic farming make?”
  • Questions about the author’s background: “Have you traveled to all of the countries you write about?”
  • Questions about the author’s writing style: “There are passages in this book that remind me of Zadie Smith; has she been an influence on your writing?”
  • Questions about the content of the book: “Is Gone Girl appropriate for a precocious 13 year-old?”

What shouldn’t I ask or answer?

While we encourage a broad range of topics and styles of Q&A, posting certain types of content may result in your question or answer being removed. Do not post:

  • Questions or answers that abuse, denigrate, antagonize, or threaten readers or authors.
  • Spam or any kind of self-promotional content.
  • Questions or answers that are irrelevant to the book or author.
  • Questions and answers that use copyrighted material (with the exception of brief quotations from the book) without permission.
  • Repeated posts that make the same point unnecessarily.
  • Questions or answers that promote illegal or harmful activity.

And here are a couple of disclaimers:

  • Goodreads reserves the right to remove a question or answer at any time for any reason. It is at our sole discretion and no one else’s that we decide when content is against our guidelines.
  • The questions and answers posted on Goodreads are individual and subjective opinions. The opinions expressed in questions and answers are those of Goodreads members and not of Goodreads, Inc. We do not endorse any of the opinions expressed by our members.


Cquote2.svg

Ander sal weer grondige, diepgaande vrae rakende die agtergrond van 'n spesifieke roman hê, die oplaag, die verkope, die karakterisering, die onderliggende filosofie, die skrywer se indrukke en uitdagings, hoe lank dit geduur het om die boek te skryf - sulke vrae sou voorheen in boekvorm uitgegee moes word en nooit weer 'n herdruk sien nie. Suidpunt (kontak) 13:59, 17 Julie 2019 (UTC)

Goodreads.com is in besit van Amazon.com, Inc. - 'n onderneming wat danksy sy skaaleffek (economies of scale) in staat is om 'n groot oop platform aan te bied waar skrywers en digters hul werke kan publiseer. Hulle kry 'n kans op die mark sonder oorbodige middelmanne soos uitgewerye. Amazon.com se hoofaandeelhouer, hoof uitvoerende beampte en stigter het reeds in die verlede te kenne gegee dat hy ten gunste van vrye openbare meningsvorming is. Negatiewe resensies van produkte wat op Amazon se webtuistes verkoop word, word nie verwyder nie. Ek is ook tevrede met Amazon.com se rol as uitgewer van gedrukte vakliteratuur. Ek het dus geen probleem met goodreads.com as bron nie. Voyageur (kontak) 16:49, 17 Julie 2019 (UTC)


Wikiwoordeboek

Jcwf (kontak) 22:58, 21 Julie 2019 (UTC)

Willem Mengelberg en Rudolf Kempe

Hallo julle, sal iemand asb. die bostaande en bestaande artikel uitvee, ek het dit probeer skep met Wiki se vertaalfunksie maar dit het egter nie goed afgeloop nie om die minste te sê! (van Nederlands na Afrikaans, maar interessant genoeg gee dit 'n groter gesukkel af as van Engels na Afrikaans. Moet my nie vra waarom nie - die twee tale is dan so eenders - maar helaas, dis 'n hengse gesukkel!)

Ek sal dan weer 'n BEHOORLIKE en ordentlike artikel skep. (een wat Afrikaans gestand doen) Baie dankie- ek waardeer opreg. GroeteCharlielv55 (kontak) 18:27, 22 Julie 2019 (UTC)

Naandsê julle, ek sal môre 'n aanvang neem met die vertaling van die bg. twee artikels. Ek plaas hulle solank in hulle onvertaalde weergawes op die Afrikaanse Wikipedia (Ek vertaal tans, en werk, op artikels oor dirigente van klassieke musiek) want my rekenaar by die werk doen soms iets vreemd (Hy herlaai die programme of iets dergeliks) en dan is al my werk en data verlore - dus laai ek die artikels solank in hul huidige, onvertaalde vorm om later ontspanne daaraan te vertaal. Baie dankie, wou maar net laat weet indien enigiemand gewonder het.Charlielv55 (kontak) 16:50, 23 Julie 2019 (UTC)

Two-nation theory

Hier kry redigeerders die geleentheid om behoorlik navorsing te doen oor die betrokke onderwerp. Ek stel voor dat Britse, Amerikaanse en Italiaanse akademici en ander deskundiges deur die Wikimedia-stigting van 'n "rooi knoppie" voorsien word waarmee hulle bewerking van enige Wikimedia-projek kan stopsit sodra minimum-standaarde nie meer nagekom word nie.

[Uit die artikel Rohingia]:

Hul kroonkolonie Brits-Indie is egter deur die Britte selfs [sic] in twee verdeel, na aanleiding van die Mountbattenplan wat deur Louis Mountbatten in 1947 uitgevaardig en deur beide die Moslemliga onder leiding van Muhammad Ali Jinnah en die Indian National Congress aanvaar is. Mahatma Gandhi was gekant teen die Verdeling van Indië en het altyd vir 'n vreedsame samelewing tussen Hindoes en Moslems gepleit. Hy is in 1948 deur 'n ekstremistiese Hindoe om die lewe gebring.

Voyageur (kontak) 09:44, 23 Julie 2019 (UTC)

Editing News #1—July 2019

18:32, 23 Julie 2019 (UTC)

Numeriese en meetkundige patrone

Gemeenskap, bogenoemde voldoen myns insiens nie aan die standaard van 'n artikel nie. Dit 'n wiskunde les, niks anders nie. Verder is dit in die eerste persoon geskryf; ek het al vele male die skryfster versoek om nie in die eerste persoon te skryf nie, sonder sukses. Sy is ook in diens van Maroela Media. Dit hoort iewers in Wiki-junior, miskien Mieliestronk. Wat gaan ons doen? Groete! Oesjaar (kontak) 08:44, 24 Julie 2019 (UTC)

Dalk herskryf ons die artikelteks, gee 'n kort ensiklopediese beskrywing van die onderwerp en skuif die praktiese wiskundeles na die besprekingbladsy? Voyageur (kontak) 08:51, 24 Julie 2019 (UTC)
Praktiese lesse kan ook by Wikibooks gehuisves word. – K175 (gesels met my | my bydraes) 09:04, 24 Julie 2019 (UTC)
Het dit redelik herskryf om dit effens minder soos 'n les te maak, en te wys waar dit by ander wiskundige onderwerpe inskakel. Het dit ook onder "kategorie:Elementêre wiskunde" geplaas, waar ek dink dit goed inpas. Sal nog 'n paar prentjies byvoeg om te wys wat "meetkundige patrone" in hierdie geval beteken. Hierdie begrippe is terloops nie tot SA-leerplanne beperk nie, maar ek sien dat commons sover niks het om dit te illustreer nie. Mens kan nie eintlik die "les" hier uithaal sonder om die hele artikel te laat skipbreuk ly nie. Wanneer dit handel oor werklik elementêre wiskunde, dink ek dat hierdie aanbiedingsvorm aanvaarbaar is. Die Afrikaanse Kinderensiklopedie (en ander) van destyds sou sou sodanige artikels ingesluit het. JMK (kontak) 23:32, 28 Julie 2019 (UTC)

Wikipediasimposium

Gemeenskap, ek het vandag 'n simposium bygewoon saam met Suid-Afrikaanse Akademie vir Wetenskap en Kuns, VIVA, ATKV en nog 'n paar ander organisasies. Sodra ek die volledige presensielys het sal ek 'n verslag skryf. Dit was 'n interessante dag. Groete! Oesjaar (kontak) 19:34, 29 Julie 2019 (UTC)

Die volgende organisasies was teenwoordig:
  • Suid-Afrikaanse Akademie vir Wetenkap en Kuns (SAAWK)
  • Maroela Media
  • Suid-Afrikaanse Vertalersinstituut (SAVI)
  • Afrikaanse Taal- en Kultuurvereniging (ATKV)
  • Afrikaanse Taalraad (ATR)
  • South African Centre for Digital Language Resources (SADiLaR)
  • Virtuele Instituut vir Afrikaans (ViVA)

Prof Laurette Pretorius het die vergadering gelei. Sy het een ding duidelik uitgewys: die aantal eenlyn-artikels wat sedert Augustus 2018 geskep is en volgens haar weinige waarde tot die Wikipedia toegevoeg het gemeet aan die Wikipedia doelwitte en standaarde. Sy is reg...ek het wel haar daarop gewys dat ons dit deels gedoen het in 'n poging om die Wiki te groei; indien die saadjie bestaan is dit makliker om dit verder te groei deur nuwe gebruikers.

Prof Annemarie Beukes (Voorsitter SAAWK) het baie vrae gevra oor vertalingsprogramme. Prof Pretorius het onmiddelik daarop gewys dat die Engelse Wikipedia masjien vertalings verbied het. Dié feit is bevestig deur raad van WikimediaZA, waarop ek as 'n lid dien. Prof Gerhard van Huyssteen het daarop gewys dat hy beïndruk is met Google Translate.

Ek, as Wiki-gebruiker, was effektief almal hierbo se kliënt. Ek het hulle op vier dinge gewys:

  • dat ons te min inhoud skep (te min aktiewe gebruikers)
  • soos die Wiki groei word die instandhouding (logistiek) verantwoordelikheid groter (bv. ATKV pryswenners moet opdateer word, Comrades-wenners, verandering van taksonomie ens. en die lys is lank)
  • ons sukkel met tegniese vertalings (terminologie) en dit is hier waar bogenoemde organisasies 'n ontsettende belangrike en groot taak het. Ek het die verteenwoordigers gevra om vir my: depleted uranium tipped armourpiercing shells te vertaal. Hulle het die boodskap verstaan...
  • ons is die laaste geslag wat hierdie dinge kan omdraai...

Gerhard het 'n model op die spreekwoordelike tafel gesit oor die rol wat al die verteenwoordigers speel om te verseker dat enige navraag vanaf Wiki outomaties na hulle verwys word, die proses wat dit sal volg en hoe dit werk. Wikiwoordeboek speel 'n integrale rol hier. Ek kan met trots sê dat Gerhard en Gebruiker:Naudefj reeds werk aan 'n oplossing om VIVA se woordedatabasis outomaties oor te dra na Wikiwoordeboek! Dankie Frank! Ons gaan net die model verwoord alvorens ek dit beskikbaar gaan stel.

Ek het baie vrae beantwoord, hopenlik korrek!

Vir my is die dag 'n sukses, ek kon 'n bewusmaking skep oor die rol van Wikipedia en hoe belangik die organisasies teenwoording se samewerking is. Ek het ook vir Prof J.E.H. Grobler ontmoet, hy het opleiding versoek.... Ek gaan hom help. Groete! Oesjaar (kontak) 06:03, 30 Julie 2019 (UTC)

Ek dink prof. Pretorius is ietwat omgekrap dat haar voorspelling dat 100 000 artikels teen 2025 "nouliks haalbaar is"[4] deur ons arbeid verkeerd bewys word. – K175 (gesels met my | my bydraes) 06:54, 30 Julie 2019 (UTC)
Die realiteit is dat alhoewel ons gegroei het met 30 000 artikels die afgelope jaar die kwaliteit bevraagteken kan word. Is artikels wat uit een lyn bestaan, groei? Is saadjies groei? Groete! Oesjaar (kontak) 07:04, 30 Julie 2019 (UTC)
@Oesjaar: dit is 'n vraag wat julle by seminare kan bepeins. My oortuiging is dat die vergroting van die oppervlak van lemmas by die Afrikaanse Wikipedia meer betrokkenheid uitlok deels omdat die skep van artikels moeiliker is as die wysiging daarvan. Die onbetwisbare feit is dat ons elke dag meer artikels, wysigings en bydraers het as die vorige dag. – K175 (gesels met my | my bydraes) 07:15, 30 Julie 2019 (UTC)
Gemeenskap, na aanleiding van julle reaksie het ek agter gekom ek het die woord masjien uit my verslag gelaat het! Ek mag 'n Senior oomblik pleit! Ek vra omverskoning! Sien https://en.wikipedia.org/wiki/Wikipedia:Translation#Avoid_machine_translations Kom ons probeer weer! Ek het probeer om dit vanaf my foon reg te stel, dik vinger sindroom.... Groete! Oesjaar (kontak) 05:25, 1 Augustus 2019 (UTC)

Maar ek stem beslis saam Oesjaar, uit ondervinding kan ek regtig sê dat masjien-vertalings byna niks werd is nie, wat maar net my beskeie mening is. Dit is meer 'n gesukkel en regmaak as iets anders, die vertalingsmeganisme hou bv. herhaaldelik aan om "zijn" as "wees" te vertaal terwyl dit nie altyd (in die meerderheid v/d gevalle) die betekenis is waarin die woord in Nederlands gebruik is nie, maar eerder "zijn" = "sy". Geen wonder Wikipedia het masjienvertalings verbied nie! Dankie vir al jou moeite en opofferings. Groete :) Charlielv55 (kontak) 06:15, 1 Augustus 2019 (UTC)

Vertaling van depleted uranium tipped armourpiercing shells:
'n Byna sintetiese Engelse woordkonstruksie wat té kompleks is vir regstreekse vertaling en derhalwe maklik analities omskryf kan word as "pantsergranaat waarvan die spits met uitgeputte uraan bedek is". Voyageur (kontak) 11:23, 7 Augustus 2019 (UTC)
Dankie Voya! Oesjaar (kontak) 17:47, 7 Augustus 2019 (UTC)

AS1 Errors

Gebruiker:K175, daar is tans 713 artikels met 'n AS1 Error https://af.wikipedia.org/wiki/Spesiaal:Skakels_hierheen/Hulp:AS1_errors. Dit is 300 meer as laasmaand. Die meeste, na my my mening, het ontstaan nadat jy verandernge aan sjablone aangebring het. Kan jy asb help om die foute reg te stel? Party van die foute is bo my vuurmaakplek. Groete! Oesjaar (kontak) 07:13, 30 Julie 2019 (UTC)

@Oesjaar: ek sal hierna kyk. – K175 (gesels met my | my bydraes) 07:15, 30 Julie 2019 (UTC)

Werk op ons inheemse tale-wiki's

Hallo almal, ek het bietjie tyd afgekry by my hospitaalwerkplek, dus probeer ek effens opvang op die Tswana, Zoeloe en Xhosa-wiki's. Ek "vertaal" S.A. plekartikels uit Engels in 'n poging om bg. wiki's uit die sloot te help!!, wat betref hul aantal bestaande artikels.

Ongelukkig beteken dit dat ek baie eenlyners daar skep (ek is nie juis Zoeloe en Xhosa magtig nie), alhoewel ek sover moontlik ook die inligtingskassies oordra. Daar is 'n erge probleem met die sjablone daar: {{Infobox settlement}} en {{Infobox South African town}} wil nie als mooi vertaal van die (en:) bron af nie!

Miskien kan @K175: my help om dit reg te stel? Dankie ook aan @Oesjaar: vir jou waardevolle insette by die Wikipediasimposium op 29 Julie. Voorwaarts! --Aliwal2012 (kontak) 07:52, 30 Julie 2019 (UTC)

@Aliwal2012: ek sal 'n bietjie gaan loer. – K175 (gesels met my | my bydraes) 08:18, 30 Julie 2019 (UTC)
Dankie Adriaan, probleem is by zu:Template:Infobox_settlement asook xh:Template:Infobox_settlement. Voorbeelde: zu:Vosloorus en xh:Wattville. Tx, Gert 09:08, 30 Julie 2019 (UTC)
Ek het laat gisternag(!) 'n metode gevind om vertoonfoute uit te werk, altans op Zoeloe-wiki. Die Xhosa-een gee nog swak resultate! --Aliwal2012 (kontak) 10:44, 31 Julie 2019 (UTC)

Administrateur

Gemeenskap, Gebruiker:Burgert Behr het myns insiens genoeg ondersteuning gekry (100%) om as 'n Admin aangestel te word. Hoe word sy status verander? Groete! Oesjaar (kontak) 06:12, 31 Julie 2019 (UTC)

Baie geluk aan Burgert Behr, wat pas as administrateur aangestel is. Groete. Frank (kontak) 06:30, 31 Julie 2019 (UTC)
Welkom by "ons". Suidpunt (kontak) 07:07, 31 Julie 2019 (UTC)
Dankie, almal! Burgert (kontak) 10:31, 31 Julie 2019 (UTC)

Interessante vertaling...

Aan ons vertaalguru's: ek het toevallig hierdie raakgeloop op die Engelse Wiki: https://en.wikipedia.org/wiki/Abraham_Josias_Cloëté Dit sal goed wees indien iemand dit wil vertaal. Groete! Oesjaar (kontak) 06:23, 31 Julie 2019 (UTC)

Rohingia en Oeigoere

Albei artikels het verlede week prentbeskrywings bygekry, waarin duidelik die politieke/godsdienstige siening van die skrywer tussen die lyne te siene is. Die prent van Rohingia-vroue wat "maklik van ander Mianmarese volke" onderskei kan word is alles behalwe ensiklopedies en hoegenaamd nie neutraal nie; ek beskou dit net as neerhalend. Myns insiens is so iets onaanvaarbaar op Wikipedia. Dink maar net ons sou 'n vergelykbare prent wat wys hoe "maklik Kaapse Maleiers van ander Suid-Afrikaners" onderskei kan word hier hê.

In die artikel Oeigoere beskryf 'n ander prent inwoners van westerse lande as 'n "oningeligte publiek" wat 'n "romantiese voorstellings van 'n onderdrukte volk en kultuur koester". Oeigoere was verder in "ewigdurende agterlikheid deur 'n argaïese godsdiens" gevange, maar word nou danksy die "ateïstiese Chinese samelewing van hierdie opium" [sic!] bevry. Dis alles behalwe neutraal of op ensiklopediese standaard. Ek lees net die siening van 'n skrywer, wat alle skuld aan die Oeigoere self toeskryf. Waarskynlik moet hulle eerder gelukkig wees dat die "agterlike" moskees nou afgebreek word en hulle van hul "argaïese Islam ontneem word". Ek lees net: "Dis die volk se eie skuld en hulle verdien dit nie anders nie." Ek dra dit weer na Suid-Afrika oor: "Dele van die oningeligte publiek in die weste koester romantiese voorstellings van 'n onderdrukte volk en kultuur. Kaapse Maleiers was nogtans gevange in 'n hopelose feodale stelsel waarin ewigdurende agterlikheid deur 'n argaïese godsdiens verseker is. Die integrasie in die moderne Suid-Afrikaanse samelewing onder Apartheid het mense van hierdie opium bevry." Oeigoerse vroue het as "Sigbare minderhede met slegte sig" waarskynlik dieselfde loot en "kan maklik van ander inwoners van die Volksrepubliek China onderskei word".

Ek weet hoekom die bakleiery in albei artikels ontstaan het: Ek het onder Bespreking:Genesis en Bespreking:Londen my mening gelig en met sterk ironie gepeper; ek wou eintlik net na WP:FORUM verwys, wat so iets nie toelaat nie. Waarskynlik was dit te veel speserye vir mense met 'n ander mening, jammer! Vervolgens het ek na beide Rohingia en Oeigoere verwys wat in hul tuiste swaar kry. Hulle is nou met prentbeskrywings onder minimum-standaarde toegedien. Ek herinner maar net aan Arabiese Afrikaans en Kaapse Maleiers, omdat die teiken duidelik is. As gevolg van die Geskiedenis van Afrikaans kan ek so iets nie toelaat nie. Sonder mense met verskillende gelowe en agtergronde sal dié taal heelwat anders lyk. Dis 'n feit soos 'n koei. Ek gaan hierdie prente nou verwyder, sonder om my mening in te sit. Aansluitend wil ek soortgelyks nie meer in enige artikel hier lees nie, andersins is dit my laaste dag hier. Ek skryf vir Suid(er)-Afrika en ondersteun Afrikaanssprekendes van Duitsland af, onafhanklik van hul etniese herkoms, agtergrond, godsdiens of seksuele oriëntasie, maar ek hoef hier nie te skryf nie.

Die skrywer van bogenoemde blatante nonsens kan nou kies: Ons werk net soos die verlede elf jaar saam en skryf neutrale artikels of die Afrikaanse Wikipedia moet met eensydige sieninge leef en die leser hoef nie meer 'n eie mening te kies nie, want dit staan al hier. Skryf ons nou neutrale artikels en weerhou onsself, om ons eie siening in artikels in te sit of mag enige skrywer ander volke met neerhalende woorde toegooi soos hy wil? Ek wil graag die komende Rugbywêreldbeker 2019 saam met al die verlede toernooie net soos die Krieketwêreldbeker 2019 hersien en uitbrei; ek sien verskriklik uit daarna! Verder sal ek soos gewoon al die lande en ander sporttoernooie gereeld hersien en van nuwe inligting voorsien. Dit geld veral vir die Olimpiese Somerspele 2020 en die FIFA Sokker-Wêreldbekertoernooi in 2022. Ja, ek weet waar laasgenoemde beslis word en ek is glad nie tevrede daarmee nie. Verder het ek 'n nuwe 60 artikels gedurende Augustus in die pyplyn wat ek graag hier wil laai om sodoende my mylpaal van 1500 artikels te bereik. Groete. -- Flag of South Africa.svg SpesBona 18:00, 31 Julie 2019 (UTC)

LOL! Nurse! Die nuus, wat deur Duitse TV-kanale en ander media versprei word, kwalifiseer nouliks as neutraal. Dieselfde geld vir anti-Chinese en anti-Boeddhistiese propaganda. Srebrenica, Apartheid... So eine dümmliche Stimmungsmache hat in einem enzyklopädischen Artikel nichts zu suchen. Der ganze Artikel war einseitig pro-islamistisch. Was soll dann noch das Gesabber mit Kapmalaien. Was hat das mit den Verhältnissen in Xinjiang zu tun? Die Werte des lieben Nelson Mandela... Und welches Land hat dem Dalai Lama ein Visum verweigert - Myanmar oder Südafrika? Die "maklike herkenbaarheids"-onsin was jou eie bydrae tot die artikel. Ag nee, jy was altyd die laaste hoop vir Afrikaans en Suid-Afrika. Jy tree af soos 'n tragiese held, met 'n laaste boodskap vir jou aanhangers… (Someone get me a hanky, he's killed Afrikaans...) Voyageur (kontak) 18:53, 31 Julie 2019 (UTC)

Battle of Vittorio Veneto

Goeiemiddag, sal iemand asseblief die artikel Battle of Vittorio Veneto wat deur gebruiker ‎HectorMowsMyLawn geskep is kan verander na Slag van Vittorio Veneto.

Ek het ook reeds 'n paar foute daarop reggemaak. Baie dankie! Charlielv55 (kontak) 16:53, 1 Augustus 2019 (UTC)

Uitgevoer Uitgevoer deur Voyageur om 20:21, 1 Augustus 2019

Opspoor van bome ter nagedagtenis van my groot-grootouers

Is daar iemand in die gemeente wat my dalk kan help met die opspoor van die bome ter nagedagtenis aan my groot-grootouers Margaretha Johanna (nee Cilliers) x Nicholaas Gerhardus Johannes Venter?

My grootgrootoupa se naam is op die suil ter ere van die ABO voor by die kerk aangebring as Veldkornet NGJ Venter.

Dit lyk vir my op google earth asof die bome naby 'n groot vark- of hoenderplaas is. Kan iemand my dalk help met die plaas se naam en wie die eienaar is sodat ek toestemming kan bekom. My grootouers is in 1917 in julle gemeente getroud en my ma (1923) en al haar broers en susters ook daar gedoop.

Groete, Charline Wentzel (charline.wentzel@gmail.com)


Stemming gevra: Herbenoem "Eliza Meiring" na "Heks van Hexrivier"?

Heil die deurlugtige leser

Diegene wat die Onlangse Wysigings dophou, is wel bewus waarmee ek die 6de Augustus besig was. Uit empiriese bewyse van Pieter W. Grobbelaar se kant af (1991), weet ons Eliza Meiring het nooit bestaan nie. Ek vind dit dus onsinnig om aan 'n spooknaam vas te kleef wat nooit eens bestaan het nie. Wie stem ons moet die artikel eerder Heks van Hexrivier noem? Suidpunt (kontak) 16:04, 6 Augustus 2019 (UTC)

Uitgevoer Uitgevoer Dankie almal, die skuif is gemaak. Suidpunt (kontak) 18:26, 7 Augustus 2019 (UTC)

Paul Ernst

Goeiemore julle,

Sal iemand asb die blad verbind met Paul Ernst (German writer) - ek het dit slegs geskakel met Paul Ernst welke blyk 'n dubbelsinnige blad te wees. Baie dankie!Charlielv55 (kontak) 07:29, 7 Augustus 2019 (UTC)

@Charlielv55: Uitgevoer Uitgevoer – K175 (gesels met my | my bydraes) 07:37, 7 Augustus 2019 (UTC)

Dankie!Charlielv55 (kontak) 07:52, 7 Augustus 2019 (UTC)

Hennie Rossouw

Gemeenskap, sien Bespreking:Hennie Rossouw. Julle mening asb? Groete! Oesjaar (kontak) 15:24, 12 Augustus 2019 (UTC)

Genootskap van Regte Afrikaners - 14 Augustus 1875.

Goeiedag almal, ek wil maar net verneem waarom daar nie op Wikipedia se tuisblad/verwelkomingsblad iets is oor 14 Augustus 1875 nie (Vandag in die Geskiedenis), te wete die dag waarop die stigting van die Genootskap van Regte Afrikaners (en derhalwe waarom vandag onder veral Afrikaners en Afrikaanses as Taaldag gevier word) plaasgevind het? Groot weglating... Groete, Charlielv55 (kontak) 07:46, 14 Augustus 2019 (UTC)

Hi Charlielv55!
Ek sal dadelik Genootskap van Regte Afrikaners bywerk by 14 Augustus se "Vandag in die Geskiedenis". Dankie vir jou oplettendheid, geniet Taaldag!--Aliwal2012 (kontak) 08:23, 14 Augustus 2019 (UTC)

Baie dankie jong, duisend dankies! Geniet hom :) Charlielv55 (kontak) 08:26, 14 Augustus 2019 (UTC)

Sandput

Dankie, ek het nou self uitgewerk hoe werk die Sandput en skuif van artikels na en van die hoofnaamruimte. Sal dit dan maar voortaan so doen alhoewel ek meen ek steeds binne 'n relatiewe kort tydperk vertalings kan doen al moet dit nou vir 'n rukkie op die hoofnaamruimte as halfvertaal voorkom. Maar ek berus my daarby .Charlielv55 (kontak) 07:40, 16 Augustus 2019 (UTC)

Update on the consultation about office actions

Hello all,

Last month, the Wikimedia Foundation's Trust & Safety team announced a future consultation about partial and/or temporary office actions. We want to let you know that the draft version of this consultation has now been posted on Meta.

This is a draft. It is not intended to be the consultation itself, which will be posted on Meta likely in early September. Please do not treat this draft as a consultation. Instead, we ask your assistance in forming the final language for the consultation.

For that end, we would like your input over the next couple of weeks about what questions the consultation should ask about partial and temporary Foundation office action bans and how it should be formatted. Please post it on the draft talk page. Our goal is to provide space for the community to discuss all the aspects of these office actions that need to be discussed, and we want to ensure with your feedback that the consultation is presented in the best way to encourage frank and constructive conversation.

Please visit the consultation draft on Meta-wiki and leave your comments on the draft’s talk page about what the consultation should look like and what questions it should ask.

Thank you for your input! -- The Trust & Safety team 08:02, 16 Augustus 2019 (UTC)

Weet iemand iets van die Elektroniese Christelike Kernensiklopedie?

Ek lees heel toevallig daarvan. http://cke.christians.co.za/about-ecke/

Ek sien hulle het 160 medewerkers, maar slegs "nagenoeg" 3 500 lemmas, sedert 2008. Die onlangse statistiek wys ons is 50 aktiewe bydraers, maar slegs 12 tot 14 ywerige bydraers wat meer as 100 veranderinge per keer aanbring. En kyk net al daardie watertand BORGE! ($_$) Wel, nou verstaan ek hoekom hier, buiten Morné se voorbladartikels ensomeer, bykans geen predikant sy Sondagsermoen hier kom lewer nie! Maar gemeet aan die hoeveelheid data en inligting wat ons daagliks gratis en verniet en anoniem verwerk en weergee... begin ek wonder wie doen die wérklike liefdadigheidswerk. Is al daardie geld nodig terwyl jy hier 'n gratis platform tot jou beskikking het? Of is dit 'n manier om die data te kontroleer of te behéér? Indien laasgenoemde: Dankie tog ons het het géén verpligtinge teenoor niemand nie en ook géén bybedoelings nie.Suidpunt (kontak) 12:35, 18 Augustus 2019 (UTC)

Ek het al daarvan gehoor Suidpunt...nou nie dat dit 'n reuse indruk op my gemaak het nie ;)Charlielv55 (kontak) 16:59, 19 Augustus 2019 (UTC)

Westerse Marxisme en sy skrywers

Goeienaand julle, ek wil nou nie snaaks wees nie maar die bogenoemde onderwerpe benodig nogal baie skaafwerk en werk aan die taalgebruik, grammatika, spelling, woordkeuse en sinsbou daarvan. Ek weet egter almal is baie besig, wou maar net laat weet :) Charlielv55 (kontak) 16:58, 19 Augustus 2019 (UTC)

Sjabloon:Cn: Mischa Maiski artikel

Hallo daar, watter tipe sjabloon is die bogenoemde, en hoe laat ek dit werk op die Afrikaanse Wikipedia? Groete Charlielv55 (kontak) 17:30, 19 Augustus 2019 (UTC)

"Sjabloon bg" dui aan dat die bron in Bulgaars geskryf is. As jy die teks van Nederlands-Suid-Afrikaanse Spoorwegmaatskappy lees kan jy sien hoe "Sjabloon en" {{en}} en "Sjabloon nl" {{nl}} die Engelstalige en Nederlandstalige bronne aandui. Martinvl (kontak) 12:34, 20 Augustus 2019 (UTC)
Nee Martin! {{cn|date=October 2018}} beteken "cite notation/verwysing benodig". Dis wat gebeur as bydraers als direk kopieer en plak vanuit 'n Engelse artikel, wakker skrik! --Aliwal2012 (kontak) 07:02, 21 Augustus 2019 (UTC)

Sprinkaan en Kortsprietsprinkaan

Goeiemiddag, ek's tans lekker besig om van @Elana Barker: se artikels met {{taksoboks}} te versorg. Nou sien ek die volgende. Kortsprietsprinkaan vermeld as wetenskaplike naam (die Latynse een) Caelifera, maar dit is ook by sprinkaan, wat reeds 'n taksoboks het. Beskryf laasgenoemde dalk sprinkane in die algemeen soos die Duitse de:Heuschrecke (Orthoptera), wat ons nie het nie? Of is sprinkaan 'n sinoniem vir kortsprietsprinkaan, wat ook die langsprietsprinkaan dek? Dalk kan ons die artikel sprinkaan in 'n algemene artikel soos die Duitse omskep en beide kortsprietsprinkaan met de:Kurzfühlerschrecken en langsprietsprinkaan met de:Langfühlerschrecken koppel. Volgens die letterlike betekenis maak dit net sin. Ek het biologie hoegenaamd nie geswat nie, dus vra ek liewers. Groete. -- Flag of South Africa.svg SpesBona 13:00, 20 Augustus 2019 (UTC)

Ek weet nie of dit sinonieme is nie, maar die WAT praat van korthoringsprinkane en langhoringsprinkane. Pharos noem ook langhoringsprinkane. Ek sal eerder by dié name hou.
Korthoringsprinkane is van die suborde Caelifera en soos dit vir my lyk, is hulle gewone sprinkane. Langhoringsprinkane is van die suborde Ensifera en sluit goed soos krieke en koringkrieke in. Ons artikel Sprinkaan lyk vir my ’n bietjie deurmekaar en verwarrend. Burgert (kontak) 18:51, 20 Augustus 2019 (UTC)
Soos wat dit aangedui is in die Wêreldspektrum kan daar tussen 2 soorte sprinkane onderskei word. Elk behoort aan 'n ander orde (Ensifera en Caelifera). So by die algemene blad van "Sprinkaan" dink ek dit is nodig om dit uit te lig en as daar uitgebrei gaan word op die 2 onderskeie verskillende soorte, kan dit uitkring na nog artikels en meer detail. Dit is hoe dit uiteen gesit is in die Wêreldspektrum, die opskrifte en subopskrifte dui dit ook so aan. Die artikel is dus nie 100% volledig nie, want daar is nie genoeg inligting oor die 2 soorte sprinkane nie. Ek hoop iemand met inligting hieroor sal dit kan aanvul. Elana Barker (kontak) 07:46, 22 Augustus 2019 (UTC)
Ons sit weereens met 'n bron wat 'n bietjie lank in die tand is. Wat ek opgemerk het (en verbeter het war ek kan) is dat name wat Wêreldspektrum gebruik verskil teenoor nuwe bronne soos Sasol se voëls ens. Ek weet daar was die afgelope jare kommitees om name te standardiseer. Wanneer ek terug is in SA sal ek 'n jong gogga-dokter skakel (my seun en sy is vrinne) en by haar bevestiging kry oor die twee goggas. Groete! Oesjaar (kontak) 07:53, 22 Augustus 2019 (UTC)
Myns insiens kan ons die sprinkaan die algemene artikel maak en dan al die ondergroepe met lang of kort spriete, die wat trek, ens. Sprinkaan is dan die ekwivalent van die Duitse Heuschrecke. Kortsprietsprinkaan sal dan uiteindelik sy taksoboks en taalskakels kan kry. Wat dink julle? Groete. -- Flag of South Africa.svg SpesBona 09:10, 22 Augustus 2019 (UTC)

Tuareg

Gemeenskap, sien bogenoemde se bespreking. Groete. -- Flag of South Africa.svg SpesBona 08:55, 21 Augustus 2019 (UTC)

New tools and IP masking

14:18, 21 Augustus 2019 (UTC)

Chinese liguster

Goeienaand Gemeenskap. Ek probeer, om bogenoemde met die gewone taksoboks te voorsien, maar kan niks vind nie. Waar pas die boom in? Op die Nederlandse wiki het ek nl:Ligustrales gevind. Is Chinese liguster dalk 'n ander naam vir Oleaceae? Groete. -- Flag of South Africa.svg SpesBona 19:15, 21 Augustus 2019 (UTC)

Ek dink nie so nie. Groete! Oesjaar (kontak) 19:46, 21 Augustus 2019 (UTC)

Filharmoniese orkes vs simfonie-orkes

Hallo, wat is die verskil tussen 'n filharmoniese orkes en 'n simfonie-orkes? Ek wil nie dit verkeerdelik aanmekaar skakel nie! Dankie, --Aliwal2012 (kontak) 11:55, 23 Augustus 2019 (UTC)

Hallo daar Aliwal, (in Engels) "The two different names are still in use because sometimes when there happens to be two orchestras in a city, one is named the philharmonic, and the other is named the symphony orchestra or vice versa. This is essentially done just for the sake of individuality and recognition. This is just the case with the London Symphony Orchestra and the London Philharmonic Orchestra. The symphony orchestra or the philharmonic orchestras are essentially the same...An orchestra will be called a symphony orchestra when it is large enough to play symphonies. Taking the example of Beethoven’s Symphony No. 9, this requires a whole conglomeration of instruments which are: French horn, bass viol, flute, violin I and violin II, bassoon, timpani, oboe, clarinet, viola, cello, trumpet, full chorus, and solo soprano, alto, tenor, and bass vocalists..." Bron:http://www.differencebetween.net/language/words-language/difference-between-philharmonic-and-symphony-orchestra/ .
Dus: basies dieselfde :) Baie dankie! Charlielv55 (kontak) 12:00, 23 Augustus 2019 (UTC)

'Toekoms in eie taal' (2013-verslag van die FAK)

Dag mense

Ek het die volgende verslag al 'n geruime tyd op my hardeskyf, want ek sou en ek wou 'n artikel daaroor begin, maar besef nou eers dit het geen ISBN-nommer nie... Dus, kan ek nie 'n artikel daarvoor regverdig nie.

Diegene wat werklik geen lewe het nie, kan hierdie 98 bladsye maar met liefde opsom, maar bly maar liefs weg van Afdeling A - almal is vrééslik pessimisties rakende Afrikaans en die gebruik daarvan in elke liewe sfeer. Drink jou koffie sonder suiker, melk en kookwater: net die bitter poeier bly oor. Duidelik het jy hier respondente wat glo daar bestaan net twee tale op aarde. Foeitog, kom ons kry hulle jammer. (As jy ten minste drie tot vier tale magtig is/kan lees - dan sal jy nie jou moedertaal prysgee en die taalverskuiwing nie - hoe moeilik is dit om in te sien? Dis mense wat bôggerôl gewoond is wat hul taal prysgee om opgang te maak. En dit het die Hollanders voor die 1970's, met hul vyf verpligte tale op middelbare skool, ook geweet!)

Gaan mens na Afdeling B is dit maar net 'n paar punte wat gebruik word as keerwal dat die taal nog verder agteruitboer. In my oë is die meeste strategieë maar baie esoteries - om 'n soort [goeie] (spook)beeld van Afrikaans met 'n ouijabord op te roep. Al slotwoord wat wel help is "verskeidenheid" [onderwerpe, genres, ens.].

Maar die eerste onvergeeflike doodsonde is begaan om die Afrikaanse Wikipedia suiwer oor die hoof te sien. Haai, sies julle! En juis daarom moet ek julle straf! Ek gaan die verslag ignoreer...

Ten tweede is om ons geliefde buitelanders (ook Brasiliane en Indonesiërs) oor die hoof te sien. Ek wonder net waarom die Duitsers, as ek Google Trends kan glo, minder in Afrikaans belangstel as in Esperanto. Is hulle dan siek? In hierdie week kry ek selfs te make met iemand wat vlot Quechua bestudeer. Flippit! Wat het daardie taal nou eintlik te bied behalwe bygeloof en 'n grieselrige agtergrond vir Shadow of the Tomb Raider? Ek dink darem Afrikaans het veel meer te bied? Suidpunt (kontak) 18:07, 24 Augustus 2019 (UTC)

Die getal Afrikaanssprekendes, wat regstreeks deur globalisering en kommunikasiepraktyke binne die internasionale akademiese gemeenskap geraak word, is waarskynlik beperk. Die verengelsingsbeleid in die staatssektor, veral die onderwysstelsel, en in die ekonomiese sfeer is meer kommerwekkend. Ander twee- of meertalige lande lewer bewys van die noodsaaklikheid om eentalige ruimtes te skep waar kommunikasie uitsluitlik in Afrikaans mag plaasvind. Wikipedia in Afrikaans is een van daardie ruimtes.
Belangstelling in Afrikaans varieer volgens lande. Duitssprekendes word deur hul media en onderwyssektor waarskynlik aan stereotipes ten opsigte van Afrikaners blootgestel. Die Afrikaner-entoesiasme van keiserlike Duitsers was 'n kortstondige verskynsel. Esperanto steun op gevestigde strukture soos taalverenigings. Afrikaans is van belang as mense hulle om een of ander rede met Nederlands besighou. Emigrasie na Suid-Afrika en toerisme speel ook geen noemenswaardige rol nie.
Daar is waarskynlik meer Amerikaners wat bereid is om Afrikaans aan te leer of navorsing oor die taal te doen (van jong Mormone-sendelinge wat julle tot hul kerk wil bekeer tot gesoute akademici). Die «baby boomers» en «sosialistiese hippies», soos hulle elders hier beskryf word (as hulle wél bestaan), lewer die grootste deel van wetenskaplike publikasies waarop ek vir my beskeie bydraes steun. Al was dit Europeërs wat die grondleggende werk vir die internet-rewolusie gedoen en die tegnologiese konsep ontwikkel het, was dit Amerikaners wat oor die kapitaal, mark en vermoë beskik het om dit te verwesenlik. Voyageur (kontak) 15:26, 25 Augustus 2019 (UTC)
"as hulle wél bestaan" - jong, ek het ook daaroor gewonder, maar daar is raakpunte in die tye van aktiwiteit wat vreemd voorkom. O, ekskuus - jy verwys na die professore, ek bedoel die Wiki-gebruiker(s)!
"(van jong Mormone-sendelinge wat julle tot hul kerk wil bekeer tot gesoute akademici)"... Jy sal nie glo nie, nè, maar die Mormoon-hormoon-probleem is al met ons sedert 1863. [Terloops, dankie dat jy my PRAAG-artikels lees]
"Duitssprekendes word deur hul media en onderwyssektor waarskynlik aan stereotipes ten opsigte van Afrikaners blootgestel. Die Afrikaner-entoesiasme van keiserlike Duitsers was 'n kortstondige verskynsel." Aai tog, en ons professore probeer so hard om "woke" te lyk. Net jammer die Franse en Duitse Wikipedia ignoreer die afgelope Eurofurence in Berlyn (14 tot 23 Augustus - in sterk konkurrensie, nee, selfs broodnyd met Wikimania - ek sien 'n patroon...). Wat 'n sonde om mis te loop...
Ek het weer 'n ander teorie. In die verlede het ek mos ontsaglik baie artikels oor dorpies in Noord-Jutland vertaal, jy onthou mos? En dan het ek mos daardie voorbladartikel van Nederduits (skoolvak) vertaal. Dit wil my dus voorkom, as ek so na Google Trends kyk, of die Duitsers wil hê ons moet eers hulle sitkamerbanke kom stukkend spring, of dalk op hul slaapkamerbeddens kom tuismaak - toegespuit met skudroom en olie ("a kinky streak" soos Fox Mulder sê in X-Files:The Game). Dit maak seker sin... Kyk mooi waar dit rooi is (Afrikaans vs. Esperanto): waar anders as Nedersakse en Sleeswyk-Holstein sal die belangstelling in Afrikaans die grootste wees? Soos ek by 'n ander PRAAG-artikel geskryf het, het ek begin wonder of ek nie miskien my tyd met die Frans begin mors nie. Want sekere volke is net meer "vatbaar" vir Afrikaans as ander. Stel gerus die geografie in op Frankryk – en Korsika toon ‘n intense belangstelling in Afrikaans. Is dit dalk oor daardie ander PRAAG-artikel wat ek geskryf het? Want soos die Franse die oorsaak van Korsikaans is, het ons alleen die Engelse te danke vir die ontstaan van Afrikaans! Ons behoort 'n monument vir Brittanje op te rig! ;)
Sou nou sit ek met 'n strategiese probleem, naamlik verdeelde aandag.
Strategie Kommentaar
Local is lekker
Plaaslik is plesierig
Hierdie standpunt voer aan hoe plaasliker ons werk, met plaaslike bronne – hoe hoër sal die belangstelling wees. Ongelukkig het ons hier te make met Brave New World. En is die Vloek van De Rust ooit ensiklopedies relevant? [‘n Jodin vervloek die dorp De Rust in die 1940’s en sedertdien het die dorp nooit op dreef gekom nie- Sue van Waart skryf uitvoerig hieroor. En selfs al het De Rust die Dorp van die Jaar-prys op kykNET gewen, het die dorp net al hoe meer agteruit begin boer!]
Gaan internasionaal, maar fokus op een land Hoe meer ons by die buitelandse sake inwurm (en vertaal uit marginale tale), hoe meer fokus ons die aandag op óns. Ongelukkig skeep ek die Suid-Afrikaanse omgewing af, maar die buitelandse kennis word ingewin.
Vakgerig Ongelukkig is hierdie afdeling net vir groter Wikipedias beskore: as ek slegs oor ‘n volkie in Suid-Amerika wil skryf wat met ‘n spyker in die grond dag vir dag ploeg, dan skryf ek net oor hom. Ek dink egter mense sal later siek word as elke liewe beriggie waaroor ek skryf Latyn ophemel. Maar dan het jy nie meer ‘n handboek nodig nie. Ek oorweeeg wel afwisseling met Oerruimtevaartteorie en oor daardie "ruimtevaartuie van lig".
Fokus op die gemarginaliseerdes Wel, stel jou vir een oomblik voor ons maak die Afrikaanse Wikipedia dié “save space” vir Furries en Furry-belange. Ek sien klaar ‘n Blue Screen of Death in hul oë – want hoe vereenselwig ons Afrikaans met “vryheid”? Kyk na al ons Suid-Afrikaanse Furries – die meerderheid dra Engelse skuilname. Die Duitsers hoegenaamd nie.


Suidpunt (kontak) 17:03, 25 Augustus 2019 (UTC)

Die ruimtevaartuie van lig? Hier is nog iets interessants: Der Raumschiff-Dom von Tokio ;) Voyageur (kontak) 20:11, 25 Augustus 2019 (UTC)

Sosialistiese Sowjetrepubliek

Ek het per ongeluk Sosialistiese Sowjetrepubliek geskep, terwyl Republieke van die Sowjetunie reeds bestaan. Het reeds die artikel met Republieke van die Sowjetunie versmelt, kan iemand asseblief Sosialistiese Sowjetrepubliek verwyder. Dankie Sobaka (kontak) 08:21, 26 Augustus 2019 (UTC)

Uitgevoer Uitgevoer Burgert (kontak) 09:06, 26 Augustus 2019 (UTC)

Baie dankie Burgertǃ Sobaka (kontak) 09:12, 26 Augustus 2019 (UTC)

Polymath

Wat is 'n "polymath" in Afrikaans? By voorbaat dankie :)Charlielv55 (kontak) 16:51, 26 Augustus 2019 (UTC)

In die Longman woordeboek by Virtuele Instituut vir Afrikaans: (formal) someone who has a lot of knowledge about many different subjects
Dus, 'n veelweter, veelsydige mens, seer belese persoon, geleerde, erudiet, lopende ensiklopedie, homo multarum literarum.
Volgens die HAT kan veelweter dui op iemand wat voorgee om alles te weet, 'n skyngeleerde, of iemand wat 'n wye verskeidenheid goed weet, maar wel net oppervlakkig. Die antoniem daarvoor is 'n deskundige.
Maar nou: dis so goed jy onderskei tussen 'n intellektueel en die deskundiges. Die deskundiges is gemoeid in hul vakrigting - soos Linux wat sal aanhou en aanhou en aanhou tot die opdrag klaar is met die kennis wat hy het. Jou intellektuele verbind 'n wye verskeidenheid kennis wat op die oog af hoegenaamd niks met mekaar uit te waai het nie, en kom tot die ongelooflikste gevolgtrekkings. Suidpunt (kontak) 17:04, 26 Augustus 2019 (UTC)

Baie dankie jong! Dan klink Stephen Hough vir my eerder na 'n veelweter! (belese klink ook te algemeen, baie mense is belese, maar veelweter is 'n term wat beter onderskei). Groete!Charlielv55 (kontak) 17:14, 26 Augustus 2019 (UTC)

Nog 'n paar laastes uit die WAT:
'n Dubbelmens is weer iemand wat hom op twee verskillende gebiede onderskei - soos 'n geleerde en kunstenaar - tegelyk ingenieur en skrywer.
Ensiklopedis: 2.a) Persoon van alomvattende onderwysing of alsydige kennis; iem. wie se kennis ensiklopedies is; maar ook: 2.b) iem. wie se kennis baie breed is, maar nie diep nie.
Homme lettré.Suidpunt (kontak) 17:23, 26 Augustus 2019 (UTC)
Wat van universele mens (Latyn: Uomo universale)? – K175 (gesels met my | my bydraes) 17:40, 26 Augustus 2019 (UTC)
Dit kan ook - wat jy gee is die Italiaans. Homo universalis is die Latyn. Daar is ook genius universalis wat gebruik kan word. Ek het ook al gewonder oor "afgeronde mens", maar dit laat my meer dink aan daardie snobberige afrondingskole.Suidpunt (kontak) 17:52, 26 Augustus 2019 (UTC)

Skryfweek 23-29 September 2019

Gemeenskap, die volgende skryfweek vind plaas van 23 tot 29 September 2019. Gaan asb. die nominasies vir onderwerpe op Wikipedia:Skryfweek na en stem of nomineer nuwe onderwerpe. Groete. – K175 (gesels met my | my bydraes) 19:18, 26 Augustus 2019 (UTC)

Gemeenskap, 'n skryfweek is seker 'n goeie idee, maar myns insiens moet ons eerder 'n instandhoudings week doen. Persone se defaultsort, aanwesigheid van Geboorte, sterfte jare/Lewende mense moet nagegaan word, artikels wat versmelt moet word ens. Ook elke persoon wat in 'n Kategorie:Geboortes in xxxx verskyn se naam besonderhede moet in die arikel oor die jaar ook verskyn wat tans in baie nie die geval is nie. My beskeie mening... Groete! Oesjaar (kontak) 10:51, 27 Augustus 2019 (UTC)
Hallo, Ek dink dit is 'n goeie idiee, en ons kan tog altwee doen. Baie gewillig om te help. Dankie Dumbassman (kontak) 11:27, 27 Augustus 2019 (UTC)

Voorgestelde woorde, en waarheen nou daarmee?

Wikipedia:Afrikaanse name geskep deur die Wikipedia-gemeenskap is slegs spesiename; maar hoe gemaak met moontlike neologismes?

Voorgestelde woord Ander tale Kommentaar
wisselganger (nie te verwar met wisselaar) (en) shapeshifter (de) Formwandler, Gestaltwandler(nl) gedaante(ver)wisselaar, vormveranderaar (la) versipellis (letterlik: draaivel, veldraaier; maar in die betrokke konteks van die teks is bedoel "weerwolf") Ek het gedink, kom ons maak iets korter; laat ons sinspeel op 'n ander aardige kreatuur, die dubbelganger. Ge-daan-te-ver-wi(s)-se-laar is 'n allemintige sewe klankgrepe; sou vier nie makliker op die oor klink nie?
snoetstampie / neusdrukkie / neusvrywe. En as mens bietjie kreatief met die WAT omgaan: groetneus (en) nose boop Ek dink soos mens 'n "vuisstamp" (fist bump) kry, as groetgebaar. Opvallend probeer die Nederlands die woord ontwyk, soos "Do not boop on my nose!" word "Bly weg van my neus!"
Baie naby aan 'n snoetstampie... haal net die vleis weg
oerruimtevaartteorie (en) ancient astronaut theory, (de) Prä-Astronautik (nl) paleocontacthypothese Sover ek weet het G.S. De Bruin die Engels letterlik vertaal met "antieke ruimtevaarder-teorie" in sy Ph.D.-proefskrif in die jaar 2000.
As iets lyk soos 'n ruimteskip, dan is dit blykbaar

Suidpunt (kontak) 08:37, 27 Augustus 2019 (UTC)

Sysie-agtige

Wat is die Duitse/Engelse/Nederlandse naam van Fringidae? 'n Google-soektog lewer niks op nie! Groete. -- Flag of South Africa.svg SpesBona 10:24, 27 Augustus 2019 (UTC)

Moet dit nie Fringillidae wees nie? Groete! Oesjaar (kontak) 10:46, 27 Augustus 2019 (UTC)
Versmelt? Groete. -- Flag of South Africa.svg SpesBona 10:54, 27 Augustus 2019 (UTC)

Facebook

Wie is in beheer van die Facebook-groep? Kan daardie persoon dalk net aandag gee aan al die gemorspos wat onlangs daar verskyn het? – K175 (gesels met my | my bydraes) 13:04, 27 Augustus 2019 (UTC)

Gebruiker:Hugo Barnard, ek het vir hom 'n boodskap gelos. Groete! Oesjaar (kontak) 14:34, 27 Augustus 2019 (UTC)
Ek is nou 'n Admin op die FB blad. Groete! Oesjaar (kontak) 19:24, 27 Augustus 2019 (UTC)
Ek sien jy het 'n bietjie opgeruim. Baie dankie! – K175 (gesels met my | my bydraes) 19:43, 27 Augustus 2019 (UTC)

Blaarmosse

Waar pas die blaarmosse by die mos in? Musei lewer niks op nie, "net" 'n stad in Italië. Let op, die Nederlanders het nl:Bladmossen, dis ons Bryopsida; die Duitse Wikipedia het de:Laubmoose, dis ons mos. Wat doen ons nou? Groete. -- Flag of South Africa.svg SpesBona 21:45, 27 Augustus 2019 (UTC)

SpesBona, die regte spelling is Musci, nie Musei nie. Dit lyk my blaarmosse is maar gewone mosse as ek na die Engelse artikel kyk. Ander soorte mosse is nie regtig mosse nie, sê die artikel. Daarvolgens val mosse in die divisie Bryophyta en lewermosse (liverworts) in die divisie Marchantiophyta. Burgert (kontak) 09:39, 29 Augustus 2019 (UTC)
Dankie! Omdat ons voorbladartikel mos waarskynlik meer op datum is, is 'n aanstuur myns insiens voldoende. Groete. -- Flag of South Africa.svg SpesBona 11:45, 29 Augustus 2019 (UTC)

Verdrywe

Hallo julle, ek dink die onsin kwalifiseer vir onmiddellike verwydering.Charlielv55 (kontak) 13:51, 28 Augustus 2019 (UTC)

@Charlielv55: Uitgevoer Uitgevoer – K175 (gesels met my | my bydraes) 17:28, 28 Augustus 2019 (UTC)
Dankie:)Charlielv55 (kontak) 06:00, 29 Augustus 2019 (UTC)

Artikels wat Arabiestalige teks bevat

Hierdie rooi kategorie kom nou op by artikels oor sterre. Maar dit is onafrikaans. 'n Mens praat net van Arabiese teks, nie Arabiestalige teks nie. Skep 'n mens die kategorie en stuur dit aan na die korrekte kategorie, of hoe? Ek sien daar is ander, soortgelyke kategorieë. Burgert (kontak) 19:21, 6 Junie 2019 (UTC)

@Burgert Behr: Hierdie kategorieë word deur middel van Module:Lang via {{lang}} by artikels gevoeg. Die stukkie Lua-kode wat die kategorietitel genereer, is:
table.insert (cat, '[[Kategorie:Artikels wat ');
	
	if 'en' == code then
		table.insert (cat, 'uitdruklik gesiteerde Engels');
	elseif 'art' == code then
		table.insert (cat, 'constructed')
	else
		table.insert (cat, language_name);
	end
	
	table.insert (cat, 'talige teks bevat]]');</code>
Hierdie module is grotendeels uit die Engels gekopieer en vertalings is waar nodig gemaak.
Ons sal lyste van taalnaamwoorde moet maak wat 'n e-agtervoegsel respektiewelik 'n se-agtervoegsel kry om 'n byvoeglike naamwoord te maak, bv. Arabies/Arabiese, Latyn/Latynse, asook 'n lys van taalnaamwoorde wat op ander maniere getransformeer moet word om byvoeglike naamwoorde te skep, bv. Chinees/Chinese. Ek kan in die nabye toekoms hierna kyk. Dalk kan ek vir Gebruiker:Rooiratel vra om te help. – K175 (trap my uit | bydraes) 19:34, 6 Junie 2019 (UTC)
O, dankie, dan sal ek meer vir eers net die kategorie gaan skep. Burgert (kontak) 20:15, 6 Junie 2019 (UTC)
Ons kan die kategoriename dalk verander na iets soos Kategorie:Artikels wat teks in __taalnaam__ bevat, bv. Kategorie:Artikels wat teks in Arabies bevat. Dan het ons nie die probleem met die direkte vertaling van Category:Articles containing Arabic language text (byvoorbeeld) nie. – K175 (gesels met my | my bydraes) 21:46, 13 Julie 2019 (UTC)
Voorstel: ek wil die kategoriename verander na die vorm Kategorie:Artikels met teks in __taalnaam__. Enige besware? – K175 (gesels met my | my bydraes) 07:14, 29 Augustus 2019 (UTC)
Ek dink dis 'n goeie voorstel. Daar gaan altyd iemand wees wat {{lang}} gebruik, soos in Engels. Burgert (kontak) 09:29, 29 Augustus 2019 (UTC)

Die goed kan baie maklik omseil word deur bv. {{ar}} aan die begin van die verwysing te gebruik, in plaas daarvan om die taal binne-in die verwysing te noem. Sien byvoorbeeld Durban, waar natuurlik ander tale aangedui word. Groete. -- Flag of South Africa.svg SpesBona 07:45, 29 Augustus 2019 (UTC)

@SpesBona: {{ar}} dui die taal van die verwysing aan, terwyl Kategorie:Artikels wat Arabiestalige teks bevat artikels bevat wat arabiestalige teks binne die artikelteks bevat. – K175 (gesels met my | my bydraes) 08:17, 29 Augustus 2019 (UTC)
Daar is waarskynlik 'n honderd artikels wat Arabiese teks bevat, nie net elf nie. Wat van al die Arabiestalige lande en Islamitiese onderwerpe? Groete. -- Flag of South Africa.svg SpesBona 08:26, 29 Augustus 2019 (UTC)
{{lang}} voorsien artikels met die bykomende kategorie. Okay, dis nou elke gebruiker se eie keuse wat hy gebruik. Ek gebruik so iets nie. Groete. -- Flag of South Africa.svg SpesBona 08:35, 29 Augustus 2019 (UTC)

Verwysingshulp

Hallo, hoe verwys ek hierna? My eerste poging:

  • Claire Philip, red. (2016) [2014]. Die monster-feiteboek oor dinosourusse en lewe in die oertyd. Louise Vorster en Francois Griebenow. Kaapstad: Bargain Books. ISBN 9781920608866.
    • {{cite book |last= |first= |authorlink= |coauthors= |editor=Claire Philip |others=Louise Vorster en Francois Griebenow |title=Die monster-feiteboek oor dinosourusse en lewe in die oertyd |origdate= |origyear=2014 |origmonth= |url= |format= |accessdate= |accessyear= |accessmonth= |edition= |series= |date= |year=2016 |month= |publisher=Bargain Books |location=Kaapstad |language=Afrikaans |isbn=9781920608866 |oclc= |doi= |id= |pages= |chapter= |chapterurl= |quote= }}

Dankie by voorbaat. – K175 (gesels met my | my bydraes) 19:16, 31 Augustus 2019 (UTC)

Outeur en/of uitgewer, presiese titel, besonderhede oor uitgewery (setel en jaar), bladsy - so dat 'n mens die monografie kan opspoor indien nodig. ISBN is oorbodig, miskien 'n opsionele ekstra. As dit nie in akademiese kringe genoem word nie, hoef ons dit eintlik ook nie te vermeld nie.
Belinda Gallagher (red.): Die Monster-feiteboek oor dinosourusse en lewe in die oertyd. Kaapstad: Bargain Books 2016
Tweede en enige ander verwysing: Belinda Gallagher (2016), bl. ...
Voyageur (kontak) 21:25, 31 Augustus 2019 (UTC)
Baie dankie, Voyageur! – K175 (gesels met my | my bydraes) 21:32, 31 Augustus 2019 (UTC)
@Voyageur: hoofletter-M in Die Monster-feiteboek...? – K175 (gesels met my | my bydraes) 21:34, 31 Augustus 2019 (UTC)
Ek sou 'n hoofletter gebruik. Alhoewel dit nie verpligtend is nie - net 'n stylkwessie. Voyageur (kontak) 21:49, 31 Augustus 2019 (UTC)

Terugrol van MuseScore

Verbatim hierheen oorgedra vir almal se inligting - Aliwal2012

Goeie dag Aliwal2012. Ek onderhou die (Engelse) MuseScore wikibladsy en die Afrikaanse vertaling van MuseScore. Die laaste ding wat ek wou doen is om die bladsy te vandaliseer. Ek wil graag bydra aan die Afrikaanse weergawe van hierdie bladsy, maar nie as ek afgeskiet gaan word nie. Meeste van die wysigings is goed wat volgens my nie geverifieer word nie, of in lyn is met die Engelse weergawe van die bladsy. Wat is die mees konstruktiewe manier wat ek kan deelneem? Die bladsy is erg verouderd / agterstallig soos wat dit is. Riaanvn (kontak) 13:35, 1 September 2019 (UTC)

Hallo Riaanvn, ek het jou verweer hier gelees, maar kan ongelukkig nie vir jou 'n beter antwoord daarop verskaf nie! Sterkte daarmee! --Aliwal2012 (kontak) 14:36, 1 September 2019 (UTC)
Riaan, vertaal die Engelse blad soos dit is en gee die bronne ook dan kan niemand jou afskiet nie. Groete! Oesjaar (kontak) 07:10, 3 September 2019 (UTC)

Skraplogboek

Verbatim hierheen oorgedra vir almal se inligting - Aliwal2012

"10:16, 29 Augustus 2019 Aliwal2012 besprekings bydraes het bladsy Colin Davis verwyder (Artikel oor 'n regte persoon, organisasie of webblad wat nie aandui waarom die onderwerp van ensiklopediese belang is nie: Inhoud was: "#AANSTUUR Gebruiker:Charlielv55/sandput/Colin Davis" (en die enigste bydraer was Charlielv55)) (bedank) 10:15, 29 Augustus 2019 Aliwal2012 besprekings bydraes het bladsy Malcolm Sargent verwyder (Inhoud in 'n ander taal: Inhoud was: "#AANSTUUR Gebruiker:Charlielv55/sandput/Malcolm Sargent" (en die enigste bydraer was Charlielv55)) (bedank) 10:14, 29 Augustus 2019 Aliwal2012 besprekings bydraes het bladsy Christian Ferras verwyder (Inhoud in 'n ander taal: Inhoud was: "#AANSTUUR Gebruiker:Charlielv55/sandput/Christian Ferras" (en die enigste bydraer was Charlielv55)) (bedank) 12:36, 26 Augustus 2019 Aliwal2012 besprekings bydraes het bladsy Stephen Hough verwyder (Inhoud in 'n ander taal: Inhoud was: "#AANSTUUR Gebruiker:Charlielv55/sandput/Stephen Hough" (en die enigste bydraer was Charlielv55)) (bedank)"

Hallo daar, met verwysing na bg.: het jy die aanstuurbladsye verwyder? (antw: Ja. Aliwal2012) Dit wil amper voorkom asof die Hoofnaamruimte artikels geskrap is? Wil maar net seker maak, want die artikels bestaan nog op die hoofnaamruimte. Die volgende op die skraplogboek het my laat skrik: "Artikel oor 'n regte persoon, organisasie of webblad wat nie aandui waarom die onderwerp van ensiklopediese belang is nie" :) Groete!Charlielv55 (kontak) 14:18, 2 September 2019 (UTC)

Miskien is ek nog nie so lekker op hoogte met hoe dinge werk nie of net deur die blare:(

Dankie Aliwal, wou maar net seker maak, net bekommerd gewees; die artikels oor dirigente en pianiste is natuurlik van ensiklopediese belang. (ek het selfs al artikels geplaas oor minder bekende dirigente soos bv. Stephen Gunzenhauser - wat tog van ensiklopediese belang is - synde dit inskakel by Klassieke musiek. Miskien is ek bietjie wantrouig of paranoïes, want indien die artikels verwyder was sou dit natuurlik rooi skakels gewees het!!! (vraag: [net vir interessantheid] word alle artikels wat vanuit die Eng. Wik. vertaal word geag as om van ensiklopediese belang te wees, of is daar gevalle wanneer 'n artikel op die Eng. Wik. blad - wat oënskynlik voorkom asof dit 'n gerespekteerde artikel is - nie geag word om op die standaard van die Afr. Wik. te wees nie? [ensiklopediese belang, relevansie] en dus verwyder kan word nadat dit vertaal is?) Ek het bv. 'n artikel oor Hanya Yanagihara ['n Amerikaanse skrywers wat in Eng. skryf] geskryf omdat ek in besit is (gewoonlik is dit my beweegrede om 'n artikel te plaas d.i. omrede ek in besit is van een v/d werke v/d skrywer/es) een van haar boeke en ek reken dit relevant is. Groete Charlielv55 (kontak) 06:26, 3 September 2019 (UTC)
Gemeenskap, kan julle asb hierop reageer? Dankie --Aliwal2012 (kontak) 06:39, 3 September 2019 (UTC)
Die inskrywings in die skraplogboek is verwarrend. Dit laat dit lyk asof die artikel uit die hoofnaamruimte geskrap is. Die skraprede kan dalk aangepas word na iets soos "verwyder aanstuur om plek te maak vir skuif". – K175 (gesels met my | my bydraes) 09:39, 3 September 2019 (UTC)

Dankie vir die terugvoer jong, en dankie Aliwal :) Charlielv55 (kontak) 10:59, 3 September 2019 (UTC)

Jammer, maar ek sukkel met vertaling van terme van Wikipedia.

Ek sal nou in Engels praat om dit makliker te maak vir my. Can someone please give a link for template for a school.I'm new here and want to create an article but am quite dumbfounded as I cannot seem to find a template like this. TheDudeFromTheUpperEchelon (kontak) 19:18, 2 September 2019 (UTC)

@TheDudeFromTheUpperEchelon: {{Inligtingskas Skool}} – K175 (gesels met my | my bydraes) 19:35, 2 September 2019 (UTC)

Styl met betrekking tot biografiese artikels

Hallo gemeenskap, ons moet streef na eenvormigheid met betrekking tot biografieë. Ek stel voor ons volg die Engelse stylgids, wat onder meer die volgende riglyne bevat:

– K175 (gesels met my | my bydraes) 07:32, 3 September 2019 (UTC)

Hallo Adriaan, ek is met jou hieroor, maar die rede hoekom ek datumskakels ingevoeg het (soos voorheen deur Oesjaar aanbeveel), is om die spesifieke dag/jaar weer agterna op te dateer met biografie. Die * en † sal ek maar laat verdwyn, dit het net mooi gelyk :) Groete, --Aliwal2012 (kontak) 07:43, 3 September 2019 (UTC)
@Aliwal2012: Alles in die haak. – K175 07:45, 3 September 2019 (UTC)
Kommentaar hierop

Goeie genade! Die Engelse Wikipedia is só chaoties en op plekke lelik, slordig en onleesbaar dat dit 'n bestaansrede verskaf aan netjies versorgde betaal-ensiklopedieë. Die styl verskil van projek tot projek, maar die Afrikaanse Wikipedia hoef nie as 'n onderafdeling van die Engelse uitgawe bestuur te word nie. * en † mag weggelaat word (die gebruik daarvan het veral in Duits ingeburger - ek hou daarvan omdat hierdie simbole so presies is soos wiskundige formules), die geboorteplek is 'n ander ding. Ek stem saam dit is oorbodig as daar 'n inligtingskassie is. In alle ander gevalle moet dit genoem word - behalwe vir persone wat van begin af as spirituele wesens bestaan het en wie se geboorte derhalwe klaarblyklik geen ruimtelike dimensie gehad het nie.

Eenvormigheid moenie 'n doel op sigself wees nie. Die uitbreiding van ensiklopediese kerninhoud en taal- en uitlegversorging bly 'n prioriteit. 'n Groot persentasie van Wikipediane wêreldwyd vind blykbaar genot in tegniese formatering en soortgelyke dinge. Baie van die artikels bly nogtans onleesbaar solank as wat hulle geen benul van moderne oogvriendelike uitleg het nie. Ek weet nie waardeur Engelssprekende bydraers in hul Wikipedia soms gedryf word nie, maar hulle styl is die laaste ding wat ek as voorbeeld sou erken. Soos vyf verwysings (waartussen in die bronteks êrens 'n bietjie redaksionele, bruikbare teks skuil hou) vir een en dieselfde feit - dit lyk vir my vier te veel te wees. Waarskynlik verskaf Engelse taalkennis toegang vir 'n massa skrywers van wie elkeen sy/haar spore wil laat. Voyageur (kontak) 08:16, 3 September 2019 (UTC)

Voyageur, ja, die Engelse wikipedia kan swak wees, maar in watter kategorieë merk jy dit persoonlik op? Oor die algemeen vind ek dit redelik leesbaar. Kom dit egter by dorpies van die derde wêreld, waar plaaslikes die artikel probeer skryf, stem ek saam. JMK (kontak) 09:58, 3 September 2019 (UTC)
Die artikel oor Parys is een van die ergste voorbeelde. Selfs die Franse eweknie, waarop 'n geoloog blykbaar sy stempel afgedruk het, verdien heelwat kritiek. Maar dit is die Engelse Paris waar 'n artikel, wat eintlik op geskiedenis, kultuur, argitektuur en stadsbeplanning moet fokus, toegegooi is met oorbodige statistieke (ag nee, hulle verbrand pellets uit die VSA ook daar vir kragopwekking?). Dit weerspieël hoegenaamd nie die eersterangse akademiese literatuur wat in Engelssprekende lande reeds gepubliseer is nie en voortspruit uit hoogstaande akademiese navorsing daar. Ons eie poging is allesbehalwe klaar, maar vergelyk gerus die Afrikaanse artikel met die Engelse een. Voyageur (kontak) 10:15, 3 September 2019 (UTC)

Streke van Finland

Hallo. Ek sal baie graag bladsye oor die streke van Finland wil skryf, maar ek het 'n vraag: Sal ek die Finse name (soos Pohjois-Karjala), die Sweedse name (soos Norra Karelen) of onamptelike Afrikaanse vertalings (soos Noord-Karelië) gebruik om die bladsye te noem? Ek sien dat verskillende Wikipedias verskillende beleide op hierdie saak het. --Gálaniitoluodda (kontak) 20:05, 3 September 2019 (UTC)

Hyvää iltaa, Gálaniitoluodda! Ek stel voor ons vertaal die amptelike Engelse name waar moontlik. Sodoende kry ons Lapland, Noord-Pohjanmaa, Kainuu, Noord-Karelië, Noord-Savo, Suid-Savo, Suid-Karelië, Sentraal-Finland, Suid-Pohjanmaa, Pohjanmaa, Sentraal-Pohjanmaa, Pirkanmaa, Satakunta, Päijät-Häme, Kanta-Häme, Kymenlaksoo, Uusimaa, Suidwes-Finland, Åland. Gewoonlik gee ons Finse en Sweedse benamings tussen hakies. Kiitos! Baie dankie vir jou moeite! Voyageur (kontak) 20:26, 3 September 2019 (UTC)
Goeienaand en dankie vir jou antwoord! Jou voorstel klink goed. Maar ek dink dat ons Ostrobothnia in plaas van Pohjanmaa sou gebruik, want Ostrobothnia is 'n historiese naam vir die gebied en is deur byna alle Wikipedias gebruik. Pohjanmaa, Ostrobothnia, Ostrobotnië, iets anders? Wat dink jy? --Gálaniitoluodda (kontak) 21:25, 3 September 2019 (UTC)
Ostrobothnia is die Latynse vertaling van die Sweedse Österbotten. Inderdaad is daar twee verouderde name vir daardie streek in respektiewelik Duits en Nederlands, Ostbottnien en Oost-Bothnië. Hulle dateer uit die 17de en 18de eeu toe Swede nog 'n Europese grootmoondheid was, maar word tans blykbaar nie meer gebruik nie. Ek weet nie regtig of ons die historiese Nederlandse Oost-Bothnië sonder meer mag verafrikaans na Oos-Botnië nie - hierdie naam bestaan nie. Pohjanmaa lyk vir my 'n beter keuse te wees. Voyageur (kontak) 21:58, 3 September 2019 (UTC)
Dis ok. Ek het ook 'n ander vraag, al is dit dalk nie so belangrik nie. Dink jy dat streek 'n goeie term is of sal ons eerder die term landskap gebruik, wat in Uusimaa gebruik word? --Gálaniitoluodda (kontak) 22:14, 3 September 2019 (UTC)
Jy mag kies tussen "administratiewe landskap", "administratiewe streek" of "administratiewe gewes" - al drie is aanvaarbaar Afrikaans. 'n Elegante oplossing: noem dit "historiese landskap en administratiewe streek". Indien nodig, kan ons 'n artikel skep wat Finland se administratiewe indeling verduidelik. Terloops, jou Afrikaans is uitstekend! Jy is 'n aanwins vir ons projek. Voyageur (kontak) 22:49, 3 September 2019 (UTC)

Transliterasie van Алекса́ндр

Gemeenskap, wat is die korrekte transliterasie van Алекса́ндр? Ek sien op Aleksander N. Skriabin het ons "Aleksaner" maar op Aleksandr Borodin is dit "Aleksandr". Groete - Rooiratel (kontak) 05:17, 4 September 2019 (UTC)

Transliterasie of transkripsie? Die wetenskaplike transliterasie is 'n presiese en omkeerbare proses - vir Алекса́ндр is dit in elk geval Aleksandr (vir leerders mag die klemtoon aangedui word, dus Aleksándr). Die transkripsie is Alexander (in Russies word ons eiename ook aangepas by die inheemse spelling). Aleksaner is blykbaar 'n tikfout. Met Aleksander Nikolaiewitsj Skriabin faal die betrokke leerder in elk geval haar/sy Russies-kursus - dit is nóg 'n korrekte transliterasie (waar kom die tweede «e» in Aleksander vandaan?) nóg 'n transkripsie (waar Alexander en Nikolajewitsj as korrek aanvaar word). Dottore ken vandag geen genade nie... ;) Voyageur (kontak) 11:50, 4 September 2019 (UTC)
Dan kan 'n mens ook seker vra waar kom die o in Chroesjtsjof vandaan? Ek dink Aleksander is 'n aanvaarbare manier om dié naam te skryf. Hoekom sal 'n mens in Afrikaans Alexander wil skryf? Burgert (kontak) 17:16, 4 September 2019 (UTC)
Die «e» in Chroestsjof maak deel uit van 'n enkele /u/-klank wat in Afrikaans en Nederlands toevallig as /oe/ gespel word. In alle groot Europese tale word die Russiese Алекса́ндр deur middel van transkripsie aangepas aan die spelwyse van die betrokke taal - so kry ons in Frans Alexandre Soljenitsyne en in Duits Alexander Solschenizyn (akademici sal voorkeur gee aan die wetenskaplike transliterasie in akademiese publikasies). Die Italiaanse Wikipedia het die korrekte transliterasie gekies - so ook die meeste ander tale in lande wat in die loop van die geskiedenis geen noue bande met Rusland gehandhaaf het nie. Maar as jy die lys van Wikipedia-projekte nou goed bekyk sal niemand 'n basterdspelling soos Aleksander gebruik nie. Voyageur (kontak) 18:02, 4 September 2019 (UTC)
Dankie Voyageur. Ja "Aleksaner" was 'n tikfout. Ek verstaan nie heeltemal hoekom Aleksander verkeerd is, en Alexander korrek is nie. Want die 'x' is nie "inheemse spelling" in Afrikaans nie. Groete - Rooiratel (kontak) 04:47, 5 September 2019 (UTC)
Die naam Alexander word in Nederlands en Afrikaans met 'n "x" gespel, net soos xilofoon. Ons spel ook Alexanderbaai met 'n "x". Daar is inderdaad redakteurs van woordeboeke wat verwarring saai soos in die Pharos-woordeboek Afrikaans/Engels waar Alexander as voornaam ook só gespel word, maar afleidings daarvan soos Alexandrië as Aleksandrië gelys word (met Alexandrië as alternatiewe spelling). Logika is blykbaar nie hul sterk punt nie...
Die Aleksander-spelling kwalifiseer as eie navorsing en as foutief omdat dit nie bestaan nie. En ook nie sin maak nie. Die outeur daarvan gee te kenne dat hy graag met 'n transliterasie wil begin, maar dan eindig hy met 'n transkripsie. Bekyk net eens die Russiese spelling. Die k + s kom voor in die oorspronklike Russiese spelling en word korrek oorgedra na Afrikaans. Die tweede e bestaan egter nie en word derhalwe ook nie in Russies uitgespreek nie - dit word willekeurig in Aleksander ingevoeg. Jy kan maklik self na die korrekte uitspraak luister - kopieer die Russiese Алекса́ндр en plak dit op die volgende webblad in: Text to speech - Russian.
Die "ks"-spelling in 'n Latynse alfabet maak net sin as die hele Russiese teks letter vir letter oorgedra, dus getranslitereer word - sonder die tweede e. Ons kry dan meer of min die korrekte uitspraak, maar belangriker nog - ons kan die proses omkeer en kry weer die Russiese spelling van die woord wat ons dan maklik in 'n Russiese soekmasjien kan intik.
As iemand met Aleksander te werk gaan, lewer hy net die bewys dat hy die hele konsep van transliterasie en transkripsie nie regtig begryp het nie. Hy of sy moet dit óf presies, letter vir letter, na Afrikaans met sy Latynse alfabet oordra - dan kry ons Aleksandr. En selfs iemand wat nooit Russies aangeleer het nie, kry 'n indruk van die korrekte uitspraak. Óf hy skryf 'n artikel vir Afrikaanse gehore sonder kennis van Russies en Slawistiek wat ook nie noodwendig iets terug na Russies hoef te translitereer nie. Dan kry ons Alexander. Voyageur (kontak) 10:23, 5 September 2019 (UTC)

Autocollapse

Sedert 'n onlangse wysiging is bogenoemde stukkend en navigasiesjablone verskyn nie meer toegeklap nie, sien byvoorbeeld Afrikaans. Ek kan die betrokke sjabloon egter nie opspoor nie. Enige raad? Groete. -- Flag of South Africa.svg SpesBona 07:30, 5 September 2019 (UTC)

Volgens die sjabloon Tale van Suid-Afrika moet 'n mens {{Tale van Suid-Afrika|state=collapsed}} gebruik om dit te laat toeklap. Ek kan nie onthou of dit voorheen so gewerk het nie. Burgert (kontak) 10:18, 5 September 2019 (UTC)
Dan het iemand dit verander. Voorheen het dit reg gewerk, in al die landartikels, hoofstede, tale, ens. Ons hoef net die stukkende sjabloon te fieks. Groete. -- Flag of South Africa.svg SpesBona 10:35, 5 September 2019 (UTC)
Dit raak al die navigasiesjablone wat autocollapse gebruik, dus is dit honderde se artikels. Groete. -- Flag of South Africa.svg SpesBona 10:42, 5 September 2019 (UTC)
Dis dalk Module:Navigasieboks wat verander is. K175 sal seker weet. Burgert (kontak) 11:54, 5 September 2019 (UTC)

Sjabloon:Afkorting

Dit werk nie soos dit moet nie. As ek die muiswyser oor die punte beweeg, verskyn net die Engelse "<strong class=" (bv. Krieketwêreldbeker 2019), maar nie dit wat agter die | staan nie. Wat makeer hier nou weer? Groete. -- Flag of South Africa.svg SpesBona 07:46, 5 September 2019 (UTC)

Dit werk nou weer reg. Burgert (kontak) 10:20, 5 September 2019 (UTC)
Baie dankie! Erg belangrik vir die groot sporttoernooie. Groete. -- Flag of South Africa.svg SpesBona 10:37, 5 September 2019 (UTC)

Artikels vir versmelting

Goeienaand gemeenskap, van die Wêreldspektrum-reeks is daar nog drie artikels oor vir versmelting. Hulle is Thomas Alva Edison en Thomas Edison, Marthinus de Villiers Lourens en M.L. de Villiers, Camillo di Cavour en Camillo Benso di Cavour. Die probleem is dat ons alreeds goeie artikels met heelwat inhoud het. Wat voeg ons nou in, wat haal ons uit, wat behou ons? Groete. -- Flag of South Africa.svg SpesBona 17:15, 5 September 2019 (UTC)

My gevoel is dat die artikels wat later bygekom het, net geskrap moet word. Mense moet wakker slaap. As 'n mens byvoorbeeld "Camillo" in die soekkassie intik, kan jy mos sien daar bestaan so 'n artikel. Ek het ook al artikels geskryf en dan gesien daar bestaan reeds sulke artikels onder 'n effens ander naam, dan vee ek myne maar net uit. Burgert (kontak) 17:39, 5 September 2019 (UTC)
Mense moet ook Wikipedia-gebruike aanleer en besef ons noem 'n artikel "Thomas Edison" en nie "Thomas Alva Edison" nie. En hulle moet foto's en hofies gebruik en nie net tik en tik en tik nie. Burgert (kontak) 17:43, 5 September 2019 (UTC)
Ek ondersteun ten volle. Groete! Oesjaar (kontak) 07:06, 6 September 2019 (UTC)
...en byvoeging van kategorieë! Groete! Oesjaar (kontak) 07:12, 6 September 2019 (UTC)

Boedapest Strykkwartet

Hallo, kan julle my asb. help?

Ek wou die "Nuwe Boedapest Kwartet" skep, maar toe ongelukkig onder "Boedapest Strykkwartet" geskep en dit toe aangestuur na "Nuwe Boedapest Kwartet".

As ek nou 'n nuwe artikel van die ouer (en heel iets anders) kwartet, "Boedapest Strykkwartet", wil skep dan sê Wikipedia vir my die blad bestaan steeds omdat dit 'n aanstuur na Die "Nuwe Boedapest Kwartet" is. Sien die Eng. Wiki artikel "Budapest String Quartet". Hoe nou gemaak? Ek sal julle hulp en regstelling opreg waardeer en by voorbaat jammer dat ek julle met sulke onbenullighede pla !!! Beste groete Charlielv55 (kontak) 08:37, 6 September 2019 (UTC)

Klik op Boedapest Strykkwartet. Dit sal jou waarskynlik vat na Nuwe Boedapest Kwartet. Onderaan laasgenoemde naam sal staan "Aangestuur vanaf Boedapest Strykkwartet". Klik op daardie skakel sodat jy by die aanstuurblad kan uitkom. (Dalk word jy sommer direk na die aanstuurblad geneem.) Klik dan net op "Wysig" en verander die bladsy se kopie. Burgert (kontak) 08:48, 6 September 2019 (UTC)
Baie dankie Burgert :) Wat ek gedoen het was om die aanstuur te kanselleer sodat Boedapest Strykkwartet nou nie meer 'n aanstuur is na die onafhanklike blad Die Nuwe Boedapest Kwartet nie. Ek kan dus nou aangaan met die ander nuwe artikel oor die Boedapest Strykkwartet- ek het dit na my gebruikerblad vir vertaling gestuur. Laat maar weet of dit nou in orde is en baie dankie! – Charlielv55 (kontak) 09:08, 6 September 2019 (UTC)
Klink vir my reg so. Burgert (kontak) 11:25, 6 September 2019 (UTC)

Tirol vs. Tirool

In die Handwoordeboek van die Afrikaanse Taal van 2005 en die Pharos Woordeboek Afrikaans-Engels (nuutste uitgawe) is die aanbevole Afrikaanse spelling aangepas by die Nederlandse Tirol, alhoewel daar in albei tale ook Tirool as tweede aanvaarbare spelling bestaan. Google Translate het derhalwe eweneens vir die Tirol-spelling gekies en ek stel dus voor dat ons enige pogings deur taalkundiges om elke liewe jaar die spelling te verander ignoreer. Anders sal buitelandse belangstellendes, wat op bogenoemde publikasies en Google aangewese is, beswaar aanteken. Die "taalwagters" het in die verlede reeds eg Afrikaanse spellings soos Sjina laat vaar en moet dan ook met Tirol tevrede wees. Voyageur (kontak) 21:11, 9 September 2019 (UTC)

Watermuishond

Het 'n watermuishond in ons swembad gekry. Waar sou dit vandaan kom? Ons bly in Durbanville. Dankie, M Aylward—Hierdie ongetekende kommentaar is deur 197.81.86.226 (BesprekingBydraes) gelewer.

Komplementêre golflengte

Hallo manne, nou net opgetel, sal julle verwyder asb? Die enigste inhoud is "hoi", loutere snert. Dankie ! :)Charlielv55 (kontak) 07:42, 11 September 2019 (UTC) Ns:sien die tipe gedrag nogal deesdae baie...die skoorsoeker se ID/toestel?- hier bevind ek my in vreemde gebied - is 217.102.250.17.

Uitgevoer Uitgevoer – K175 (gesels met my | my bydraes) 16:44, 12 September 2019 (UTC)

Gemors wat ek aangevang het

Goeiedag, sal iemand asb. die aanstuurblad Gebruiker:Charlielv55/sandput/Juilliard Strykkwartet kan verwyder, asook die blad Charlielv55/sandput/Juilliard Strykkwartet wat op die hoofnaamruimte rondsweef? Baie dankie! GroeteCharlielv55 (kontak) 16:14, 12 September 2019 (UTC)

Uitgevoer Uitgevoer – K175 (gesels met my | my bydraes) 16:45, 12 September 2019 (UTC)

Dankie jong, ek sit en slaap, het nog nooit in my dag des lewens sulke snert aangevang nie. Ek sal volgende keer in die nag slaap :)Charlielv55 (kontak) 16:46, 12 September 2019 (UTC)

Rondom die koerantwese (en televisiewese)...

Menere Burgert Behr, Morné en Mieliestronk, Oesjaar, asook liewe bydraers betrokke by Maroela Media.

Almal van u het op een of ander wyse met die pers te make, of kontak gehad.

In my artikel genaamd "Strategieë ter bevordering van Afrikaans", wat stadig besig is om vorm aan te neem, is "gratis koerantnuus in Afrikaans op die internet" een ideaal. Voordat ek verder aangaan: die doel waarom ek die artikel skryf is om strategieë wat ook in die verlede bedink is, soos die gewaande "tweetaligheid" van die "ideale Afrikaner" (wat toe nie Afrikaans bevorder het nie, maar hom eerder genope laat voel het om meer Engels te gebruik), ook onder die soeklig te bring. Veral die "blanke immigrasie" wat party gedink het nou 40 000 nuwe Afrikaanssprekendes per jaar in die 1960's gaan oplewer, is lelik ontnugter.

Nou goed. In die artikel in 2017 geskryf deur Riaan Grobler in Taalgenoot, getiteld 'Koerante sterf klik vir klik', word gekyk na die digitale oorgang.

Ek wil dus hê u moet krities deur die bovermelde Taalgenoot-artikel lees, en dan veral kyk na my kritiek wat ek hieronder opgesom het, aangesien ek nog nooit vir 'n koerant gewerk het nie. Ek kan dus nie weet of die artikel die koerantbedryf oorvereenvoudig nie. Die stuk oor Netwerk24 wat streekskoerante gekoop het, hieronder, spreek ek uit eie ervaring: die Theewaterskloof/Overberg Gazette, nog altyd 'n gratis gedrukte koerant wat in die verlede ook swaar op advertensies gesteun het, het ten tyde van die Taalgenoot-artikel nog nie die kenmerkende Netwerk24-kop gedra nie. Dit geld ook vir die Boland Gazette.

Die stuk hieronder van Serfontein se mening oor die koerantbedryf is nog iets besonder relevant wanneer ons te make het met gratis nuus. Die stuk oor die laeresolusie-video/foto en twitternuus is eerder 'n skimp op die halfuurlange e-Nuus (die onafhanklike televisiediens) as op Maroela Media.

Reg, hier is die stuk. Ek probeer waar moontlik die strakke lyne net beter inkleur deur konkrete voorbeelde te gee.

Gratis koerantnuus in Afrikaans op die internet

Teorie: Gehaltenuus wat gratis, aktueel, ingelig en eiesoortig is op die internet, asook ruimte laat vir leserskommentaar, sal juis die belangstelling in Afrikaans prikkel. 'n Oor en weer kruisbestuiwing tussen verskillende nuusgroepe en streeks- en gemeenskapsradio's vergemaklik die saak. Deur hierdie gratis medium word die vakterminologie in die volkstaal geplaas, deur hierdie medium word die verskillende standpunte gemakliker uitgebou, en dit is vir die leser bloot net gerieflik om sonder vertaling die inligting te versprei of te benut. Aangesien Afrikaans 'n klein korpus het, kan een trefwoord ook maklik die relevante nuus oproep, sonder om deur rommel oorval te word. Ook buitelanders kan 'n insae kry wat in die betrokke wêrelddeel aangaan.
Kritiek:
  • Daar bestaan nie iets soos gratis nuus nie. Die inkomste waarop die tradisionele gedrukte media gereken het, naamlik advertensies, het vir baie kleinhandelsakeondermenings te duur geword, juis omdat die pryse opgestoot is vanweë die aantal lesers van die gedrukte koerante en tydskrifte wat verminder het. Die meerderheid lesers verkies deesdae hul nuus op 'n digitale platform. Twee weë kan ingeslaan word. Ten eerste kan die koerant die nuus deur 'n betaalmuur versper; Netwerk24 voer aan die maandelikse inskrywingsgeld is aansienlik goedkoper as wat dit sou kos om elke dag al die koerante en tydskrifte by die kafee te gaan koop. Of, die koerant kan steeds advertensies plaas (en die besoeker beleefd vra om die Advertensieversperring van sy websnuffelaar af te skakel), of moet besuinig deur gratis nuusbronne [soos sosiale media, by name Facebook en twitter] te benut, maar ook deur op donasies en geborgde inhoud te steun.
  • Gratis nuus is dikwels tweedehandse of derdehandse nuus uit ander nuusbronne verkry (bv. Reuters, wat wél hul eie besoldigde joernaliste het). In die beginsel beteken dit: al bars die motorbom ook twee blokke van die koerantkantoor af, hoef die nuuspersoneel streng gesproke nie meer 'n tree buitekant die kantoordeur te gee nie, nie alleen om hul veiligheid te waarborg nie, maar aangesien iemand anders oor die gebeurtenis sal berig, of dalk sal YouTube weereens 'n gewillige, selfgemaakte, bewende laeresolusie videobandopname of foto oplewer. Knap joernaliste en fotograwe wat egter voltyds soos snuffelhonde die nuus uitruik of onderhoude in die gopse gaan voer, gaan egter nie verniet kan werk nie. Hul salaris moet êrens vandaan kom. Omrede jou eie honde nie die blaf- en bytwerk doen nie, is fopnuus en die vinnige tempo waarteen die nuus op sosiale media versprei word, ook 'n risiko wat geloop word.
  • Die gevaar van hierdie lukrake beriggewing in Afrikaanse koerante van hierdie gratis nuus (dikwels weens die beskikbaarheid daarvan) is dat dit rigtingloos of sonder opvolgberigte is. Die hoofrede waarom die Afrikaanse Pers gevou het was grootliks omdat dit nie alleen géén onderskeidende filosofie of langtermynvisie of rigting gehad of ingeslaan het nie, maar ook in die eerste en laaste instansie bloot "kommersiële joernalistiek" bedryf het. Daarteenoor stel Piet Cillié en Schalk Pienaar van Die Beeld die teenbeeld, volgens Serfontein, in sy boek Die verkrampte aanslag: "Hulle weet watter rol hulle wil hê die Afrikaner-Nasionalis moet in Suid-Afrika speel en watter koers hulle die Nasionale Party graag sou wil sien inslaan. Die optrede van hul koerante word volgens hierdie langtermyn-filosofie bepaal. Hulle sal nooit ter wille van korttermyn-joernalistiek hul uiteindelike doelwitte uit die oog verloor nie."<ref>Serfontein, J.H.P. 1970. ''Die verkrampte aanslag''. Kaapstad: Human & Rousseau, p.223</ref>
  • Gratis koerante en tydskrifte is produkte gemik op die massagehoor en is nie noodwendig op spesifieke streke gemik nie. Terwyl Maroela Media sy inligting wel van verskeie nuusinstansies en gemeenskapsradiostasies kry (met onmiddellike nuus wat oor en weer uitgeruil word), het Netwerk24 weer verskeie streekskoerante uitgekoop (met die gedrukte pers wat effens stadiger verloop).
  • Die Afrikaanse mark is "bitter klein" en in Suid-Afrika besig om te krimp.

Dan, nog een vraag.

Ek sien daar is 'n berig in Kampvegter van Die Burger, Saterdag, 19 Mei 2012, waarin gevra word oor Multichoice/DStv. Die klaer wil weet waarom die intekenaars maand vir maand presies dieselfde herhalings oor en oor per dag sien (en/of beeldmateriaal "gerieflik" uit die argief gehaal word). Die klaer is woedend, aangesien hy ervaar hoe die prys net opgestoot word, "en jy moet maar net betaal vir dit wat hulle oor en oor aanbied. Ek glo vir hulle is dit 'n bomus om al die flieks ens. wat in hul argiewe is, weer en weer aan te bied."

Nou word gesê Multichoice het beperkte beheer daaroor, want die kanale self (ook dié wat uit die buiteland gekoop word) is daarvoor verantwoordelik. Maar dis nie waaroor ek wonder nie.

My moeder hou vol daar het by die destydse SAUK, anders as by die SABC, nie iets soos herhaling op TV1 in die 1980's/vroeë-1990's bestaan nie. Hoewel ek my nie kan indink hoe elke minuut 24 uur lank nuwe inhoud uitgesaai is nie (verdomp, dan sal ek ook voor die TV die hele dag lê!), gaan ek haar die binnevet van die boud gee. (En tog - die Swart Kat sien ek is in die 1980's gemaak, terwyl ek hom uit my kinderjare van die 90's onthou; sover ek weet was Namakwalanders die eerste reeks wat herhaal is - iets wat akteur Hans Strydom goed die bliksem in gemaak het, as my geheue my nou nie parte speel nie, want die akteurs word nie vir hierdie werk betaal wat weer gebeeldsend word nie)

Nou wonder ek net: is dit omdat daar slegs één (1) Afrikaanse (of, eintlik, "halfafrikaanse") televisiekanaal was, die personeel en akteurs hongerlone (sonder oortyd en kraamverlof (ag, watwou, sonder veroorloofde piepietyd - vir volk en vaderland!) destyds, soos gebruiklik by kripvreters) betaal is, die fondse oordeelkundig bestuur is, dat daar meer produksies op die voerband geplaas is? Is dit omdat die wisselkoers nog gunstig was (wat die aankoop en oorklank van produksies vergemaklik het), of wat? Is dit omdat daar destyds in Amerika meer televisiekykers was, die adverteerders hope geld ingestoot het, en meer produksies gemaak kon word - nie veel anders as in Suid-Afrika nie?

Of is dit omdat ons self sien hoe YouTube-kanale elke dag iets nuuts oplewer en dan onder die indruk verkeer "maar wag 'n bietjie, waarom doen my televisie dit nie"? Suidpunt (kontak) 15:36, 13 September 2019 (UTC)

@Suidpunt: Ek lees nou jou skrywe skuins voor seweuur in die oggend nadat ek die hele nag nie geslaap het nie en is taamlik voos. Jy vra dinge wat ek nie mooi snap nie, enersyds omdat ek nie die volle prentjie voor my het nie en andersyds natuurlik omdat ek so slaapdronk is. Hopelik kyk ek later met 'n vars oog daarna om jou sinvoller te kan antwoord. Ek lees nietemin dat jy sê die SAUK het in sy beginjare 24 uur per dag uitgesaai. Nie so nie. Presies wanneer hulle op elke gegewe dag met hul uitsendings begin het, kan ek nie onthou nie, want ek was by die werk. Ek wil my amper verbeel dit was êrens in die middag. Dan het hul uitsending tot so elfuur in die aand aangehou, waarna die landsvlag vertoon en Die Stem gesing is -- en dan was dit die einde tot die volgende dag. Slegs een kanaal. Uitsendings helfte Engels, helfte Afrikaans. Die kanaal vir swart kykers (helfte Sotho, helfte Nguni-tale) het eers later gekom, en die derde kanaal vir meestal sportuitsendings nog later. Die derde kanaal se beeldgehalte was egter gewoonlik nie te waffers nie. Mieliestronk (kontak) 04:51, 15 September 2019 (UTC)
Geniet die eerste 47 sekondes van gereelde SAUK-Programme (gebeeldsend die aand van 5 Januarie 1976 vanaf Auckland Park, Johannesburg) met Heinrich Maritz en Dorianne Berry nog eens op YouTube.com: SAUK-openingsaand. Voyageur (kontak) 17:17, 15 September 2019 (UTC)
Die Universiteit Wene in Oostenryk het op die webtuiste van die Departement Neerlandistiek 'n interessante artikel uit die Tydskrif vir Afrikaans en Nederlands gepubliseer. Dit is al ses jaar oud, maar moontlik nog van belang vir iemand hier: Universität Wien: Oor Afrikaans - Die storie van Afrikaans: perspektiewe op die verlede, hede en toekoms - Carstens/Reidt. Hierdie universiteit, die grootste in Oostenryk, het met Catharina Loader selfs 'n dosent vir Afrikaans aangestel wat al jare daar werksaam is. Voyageur (kontak) 17:29, 15 September 2019 (UTC)
Ag, dankie my engel.
Soos jy kan sien is dit daardie tipiese selgroepe by die kerk wat ek soos die pes probeer vermy. En dan wonder die kerke waarom hulle leegloop. (Daar is 'n rede hoekom die sielkunde en God se paaie jare gelede geskei het)
Sulke sielkundesessies het ek op my 24ste jaar verwerp, Carl Jung en Rick Warren se selgroepe het my baie goed geleer wat kom. Jy begin eerste by jou sielkundige kla van 'n hoofpyn. Dan gaan ons na jou kinderjare, baie diep in jou kinderjare in.
"Was dit dalk jou sussie wat jou fietsie nooit teruggegee het nie?"
"Ek dink so?"
"Ek teken dit aan. Was dit jou pa wat van julle daggie saam na die Bosveld vergeet het, omdat hy moes werk"
"Ek dink so?"
"En toe jou moeder jou op jou knieë voor die toilet betrap het, besig met..."
"Dokter, asseblief!"
"Skat, dit is al hierdie dinge wat deur die jare heen opgehoop het wat van jou hierdie wrak gemaak het. Ons sal deur al hierdie dinge moet werk." [Triiiennnng] "O gits, ons sessie is om. Luister na hierdie snit van die swemmende dolfyne en kontak my volgende week weer."
[25 jaar verloop]
"Maar dokter, ek voel fantasties!"
"Jou insestueuse drome is net 'n voorteken dat jy nou eers begin het met jou individuasie! Jy is nog lank nie klaar met jou verlede nie."
Ek dink, Voyageur, jy weet wat kom.
En dan nog die volgende paragraaf:
Cquote1.svg

Die Afrikaanse literator Annemarie van Niekerk wat in Den Haag woon en die voorreg het om van die buiteland af terug te kyk na SA oordeel in ’n onlangse onderhoud op LitNet...

Cquote2.svg
En dit word 'n akademiese teks genoem? Jammer, maar tensy sy die gawe van teleportering of "bi-location" het, kan ek ewe min my verstout om my mond oor Holland uit te spoel.
Kom ek sê gou vir jou wat gaan gebeur: ons gaan in 'n kringetjie in die sauna sit (iemand moet bietjie sweet - uit die humiditeit, of die ongemak?) en ons gaan tussen die sweet oor ons verlede gesels, en die seerkry en die heling en die aanvaarding en sulke goed wat die toordokters 20 jaar gelede onder die boom gepraat het by die Waarheids en Versoeningskommissie. Maar soos ons oorle' André P. Brink en mev. Gordimer nou maar was, kon hulle eenvoudig nie sonder Apartheid klaarkom nie. En selfs al is 1994 verby, hou hulle Apartheid nog springlewendig. My genugtig man, hul hele glans was dan rondom Apartheid gebou! Hoe kon die Matriekafskeid so gou verby wees? Want ek bedoel, dit is die Afrikaanse Taalraad se hele raison d'être om te versoen, en as hierdie versoening verby is, moenie dink hulle gaan sommer in die niet oplos nie!
Dit spyt my, maar kan ek werklik die Taalraad vertrou wat "verskydenheid" en "Nie-hierargiese" op hul webwerf skryf, en wie so benepe is om te skryf: "Meertaligheid behels die buigsame gebruik van verskillende tale in verskillende domeine op nasionale, provinsiale en plaaslike vlak" en "Afrikaans kan nie effektief bevorder word sonder samehorigheid en samewerking tussen sy sprekers nie – ook nie sonder die ondersteuning van die sprekers van die land se ander inheemse tale nie."
Suidpunt: "Meertaligheid is die invoering van Europese tale van geletterdheid soos Frans, Duits, Russies, Spaans en die goddelike en onvolprese Latyn wat 'n veel groter geskiedenis en omvattende kennis kan bied as stokmannetjies op rotse en platgetrapte hondepisbossies."
My opsomming van die artikel:
- Dit is holle retoriek van "ons weet nie, ons het nie 'n plan nie, ons beskik nie oor 'n gesamentlike, kollektiewe IK nie, maar vir al die probleme wat kom - ons moet net handevat en "Good Karma" sê"
- "Die onregte van die verlede durf nie vergeet te word nie" (daarsy, ek sê mos!), "maar ons moet nie wrokkig wees nie"
- "Weer eens is die proses wat verloop moet word van groot belang: die luister met ’n oop gemoed, die aanhoor van slegte ervarings, die oopstel vir en die skep van kommunikasie tussen wit en bruin sprekers, die gelyke behandeling van mense (die menswaardigheid waarvan die Grondwet melding maak) en ook boetedoening deur bemagtigende optredes by die voorheen benadeeldes" (Ag, sê net waarheen ek moet gaan (ek was immers in 1990 'n suigeling sonder stemreg), o, ek weet - ek gaan maak soos bogenoemde Annemarie van Niekerk: inklok by Schiphol se lughawe!)
- En hou maar die bedelbak gereed. Daar staan immers: Die tekort aan fondse om projekte uit te voer om werklik bemagtigend te kan werk. Qui s'excuse s'accuse. Waar jy erken jy is skuldig, daar is boetedoening. En by boetedoening is daar vergoeding. En waar vergoeding is, is daar altyd 'n geldjie by betrokke. So voorspelbaar.
Genade, Voyageur. Waar het ek en jy dan nou verkeerd geloop? Hier sit ons en probeer, sonder 'n sent betaling(!), die inligting van die hede en die verlede gratis aan Afrikaanse lesers bied. Ons laai gratis en kopieregvry foto's op sodat munisipaliteite kan spaar. Ek leer met moeite Frans, Duits en Latyn - tot diens van die land. Ons gaan koop spesiaal boeke met die geld waarmee ons op Ibiza tussen bedorwe rykmanskinders kon gekuier het dat die honde huil. Ons probeer die kloof tussen ryk en arm dig. Tussen diegene wat het, en diegene wat nie het nie (al het hulle ook self hul eie biblioteke afgebrand). Ons probeer in ons artikels meer bied as wat die peperduur en oorskatte handboeke kan. Ons vertaal uit tale, sodat ons lesers kan tyd spaar - tyd, waarmee die arme kindertjies hul sakgeldjies moet verdien net om 'n warm koeldrank langs die pad te gaan koop, want die plaasskole is toegemaak. Die Departement van Onderwys se busse wat hulle sou neem na die dorpskole, het opgehou loop. Die kinders moet 17 kilometer stap.
En hier kom 'n professor wat seker R60.000,00 pro Monat plus betaal word, met 'n ewe mooi pensioen-neseiertjie in die broeikas van die staat, om hierdie klomp sielkunde-twak kwyt te raak?! Verbeel ek my, of is daar die smeulende reuk van geldsakke in die ivoortoring van skuldgevoel wat brand? Suidpunt (kontak) 19:33, 15 September 2019 (UTC)
Met die publikasie van die joernalis Pieter du Toit se The Stellenbosch Mafia is daar nóg 'n argument vir die Wes-Kaap as eerste kandidaat vir 'n Suid-Tirol of Quebec-opsie vir Afrikaanssprekendes. Noudat president Trump na Suid-Afrika reeds as shithole verwys het, moet ons besef daar is moontlik internasionale rolspelers wat belang stel in 'n stabiele Kaaprepubliek wat dan ook gerus een- of tweetalig mag wees. Daar is beslis nog ander Afrikaanssprekende elites as taal- en sielkundiges. Uit die boekbeskrywing by Amazon:
THE BEAUTIFUL TOWN OF STELLENBOSCH, nestled against vineyards and blue mountains that stretch to the sky, lies a short drive from Cape Town. Here, some of South Africa's richest individuals live: all male, most Afrikaans - and all fabulously wealthy.
Julius Malema refers to them scathingly as the 'Stellenbosch Mafia', the very worst example of white monopoly capital. Their critics rail about their influence over the state and the economy. But who are these rich individuals, and what influence do they wield?
Journalist Pieter du Toit explores the roots of Stellenbosch, one of the wealthiest towns in South Africa and arguably the cradle of Afrikanerdom. This is the birthplace of apartheid leaders, intellectuals, newspaper empires and more.
He also closely examines this 'club' of billionaires. Who are they and, crucially, how are they connected? What network of boardroom membership, alliances and family connections exists? Who are the 'old guard' and who are the 'inkommers'?
The Stellenbosch Mafia is the first attempt to not only investigate if this group actually exists, but also to determine whether the town has an excessive influence on South African business and society. Voyageur (kontak) 20:31, 15 September 2019 (UTC)
Sover ek weet het Du Toit, dit ironies bedoel, want die boektitel trek meer aandag. Aanvanklik was die naam in die laat-1990's gebruik vir 'n groep wat afsonderlik in die nuwe Suid-Afrika geweldige opgang gemaak het. Trouens, Rigtingbedonnerd het juis by een van die "pasrykes" gaan kuier. Maar soos ek verstaan omtrent die boek (ek sal dit op my leeslys hou - miskien kan ek selfs 'n Wiki-artikel daaroor skryf) praat hierdie lot nie veel met mekaar nie. Dit is 'n mite wat deur die Engelse pers begin is om uitbeelding te gee aan daardie ou Kommunistiese idioom: "en:White Monopoly Capital". Die hele debacle met Steinhoff kan jy jou indink, het die ou tipiese leedvermaak onder die Engelse koerante tot gevolg gehad (hulle is al jare so) - ongeag wie in Suid-Afrika skade ly.
Weet jy, in my "Memo Book" het ek "Volkstaat" gelys (en daar is baie oor geskryf - hoewel ek krities teenoor die idee is van "ons hoef absoluut niks te doen terwyl die volkstaat nog nie daar is nie"), maar nog nie "roep Kaapse Republiek" uit nie. Ek glo egter nie die Kaap is ekonomies sterk genoeg nie. Ons is nog nie so geïndustrialiseerd soos Gauteng nie en die mineraleryk is brandarm - en verder: ons almal maak van Oliver Thambo Lughawe gebruik. Daar is moeite gedoen tydens Apartheid om te desentraliseer, maar met die nuwe regering is alles in die hande geplaas van Pretoria. Daar was selfs sprake dat hulle die Parlement in Kaapstad wou afskaf, want daar is mos 'n parlement in Pretoria, waarom moet almal "afvlieg"? Vodacom, die hele wêreld se hoofkantore sit in Sandton, Johannesburg. Dink ook aan ons Ambassades - almal sit in Pretoria. Ons maak van die Nasionale Weermag gebruik om die Kaapse Vlakte se bendegeweld en dwelmmisbruik onder beheer te bring. Verder koop ek gereeld my boeke aan by boekwinkels in Pretoria, Roodepoort... Self het ek niks uit die ander Provinsies gekoop nie - maar mag daar darem 'n lugbrug ontstaan tussen Gauteng en die Wes-Kaap soos in Wes-Berlyn!Suidpunt (kontak) 05:22, 16 September 2019 (UTC)
Die interessante feit is - die welvarendste vyf persent Suid-Afrikaners was (tenminste in die tyd van die ou bedeling) Afrikaanssprekend. Nogtans het Engels die stedelike en hoofsaketaal van Suid-Afrika geword. Dit is nogal verbasend. Die ekonomiese potensiaal van 'n onafhanklike Kaaprepubliek hoef net volledig aangewend te word. As daar Xhosasprekende Suid-Afrikaners is wat maklik na aksentrvrye Afrikaans kan oorskakel, is dit net die bewys dat daar hard werkende mense aan die Kaap is - 'n droom vir beleggers.
As ons die gebeure in Kameroen bekyk waar Franssprekende elites tans besig is om òf die Engelssprekende weste stelselmatig te verfrans (as hulle net daarin kan slaag) òf gevaar loop om dardie landsdeel aan separatiste te verloor, is dit eweneens verbasend hoe erg die twee taalgroepe nou baklei oor watter koloniale baas se taal hulle nou eintlik moet besig. Is Afrika se totale verfransing ons voorland? Is klassieke Franse skrywers en filosofe (net soos mode en eau de toilette) oortuigend genoeg om hierdie vloedgolf ook oor die Kaap te laat spoel?
Kameroen se frankofone taalbeweging sal 'n onafhanklike Kaap seker bystaan met die nodige advies as inwoners daar van Engels ontslae wil raak ;)
En nou dat voormalige onderdane van koloniale Europese moondhede so erg baklei (en mekaar vermoor en verdryf - selfs in Italië beland hul vlugtelinge!) om die regte meestertaal te kies, moet ons moontlik ook 'n plek onder die Afrikason vir Italiaans probeer vind. Dis nou werklik 'n eersterangse kultuurtaal, liewe inheemses! Vrywilligers? Voyageur (kontak) 21:20, 16 September 2019 (UTC)


Kursus vir belangstellende nuwe medewerkers

Oesjaar, ons het mos in Junie reeds gepraat oor hoe ons ou joernaliste en ander kan probeer motiveer om betrokke te raak by die Afrikaanse Wikipedia. Jy het toe gesê jy kan 'n kursus aanbied vir die oningewydes. Ek het pas eers die kans gehad om die volgende skrywe op net een geselsgroep op Facebook te plaas en daar is nogal 'n hele aantal wat sterk belang stel om betrokke te raak. Die vraag is waarvandaan nou? -- buiten dat ek hulle kan vra om as 'n begin by Wikipedia aan te sluit.

My skrywe op Facebook was as volg:
-------------------------------
Skryf vir Afrikaanse Wikipedia
------------------------------

Hierdie skrywe is veral vir die aantal afgetrede joernaliste wat lid is van hierdie gespreksgroep en vir enige ander uitgebyte ou sekelstert van die media wat dalk hier sou lees. Maar ook vir elkeen wat van navorsing en skryf hou.

Die Afrikaanse Wikipedia is 'n aanlyn ensiklopedie wat in die verlede nie veel aftrek gekry het nie omdat die magtige Engelse Wikipedia met sy duisternis artikels dit totaal oordonder. Nogtans het die Afrikaanse weergawe veral in die afgelope tyd goed op dreef begin kom danksy bydraes en die betrokkenheid van kundiges, ook uit die joernalistieke poel.

Maar groot lande lê braak en die arbeiders is bloedmin. Is daar pensioenarisse of ander wat bereid is om te help artikels skryf? Die nageslag kan julle dalk nog bedank vir jul ywer! Een van die ou hande by Wikipedia het beloof om vir diesulkes 'n kursus aan te bied oor hoe om betrokke te raak -- maar uiteindelik is dit glad nie so moeilik nie, want dit vereis 'n baie basiese kennis. Artikels kan selfs uit Engels of Nederlands vertaal word, in welke gevalle eie navorsing nie eens nodig sal wees nie.

Dui asseblief net hieronder aan of jy belang stel. Dit is nog slegs 'n tentatiewe ondersoek. Mieliestronk (kontak) 16:31, 16 September 2019 (UTC)

Mieliestronk, ek sal iets in persoon wil aanbied. Groete! Oesjaar 17:39, 16 September 2019 (UTC)
Oesjaar, klink goed, afhangende van waar in die land jy woon. Of sou jy selfs bereid wees om die kursus op, sê, drie verskillende plekke in die land aan te bied as daar genoeg belangstelling is? Wat jy ook al beplan, 'n mens besef terdeë watter groot opoffering so 'n aanbieding vir jou sou wees. Ek het intussen nietemin ook 'n bietjie nadere inligting oor jou doelstellings nodig om vir die steeds groeiende lys name iets meer te gee om die geesdrif verder aan te wakker! Seblief, Oesjaar. Mieliestronk 18:55, 16 September 2019 (UTC)
Mieliestronk, met genoeg tyd kan ek fondse verkry by Wikimedia om kursusse te kan aanbied. Waar bly jy? Groete! Oesjaar 09:18, 18 September 2019 (UTC)
Oesjaar, ek is in die Kaap, maar kan nie eintlik persoonlik betrokke raak nie. Ek is 'n tagtigjarige ou gryskop in 'n aftreeoord, met meer idees as waarvoor ek krag het. Ek kan wel my deel probeer doen deur kursusgangers na jou toe te help aanstuur. Maklik dertig het sterk belangstelling getoon met daardie enkele plasing op Facebook. Dit was asof hulle aansoek doen vir 'n werk, want 'n hele klomp het vertel hoe gekwalifiseerd hulle is om te kan skryf! Maar ek kom vanaand eers agter Maroela Media het 'n aanlyn-kursus. Die probleem met so iets is mense raak so toegegooi met die een opdrag ná die ander dat hulle dit onmoontlik kan onthou, al is dis ook as easy as pie, soos die Engelse sê. Hulle kan ook nie gedurig tussen windows flip deur op YouTube te kyk en dan by Wikipedia te doen nie, dis erg vermoeiend. Maar met 'n persoonlike kursus waar elke kursusganger agter 'n rekenaar kan plaasneem en hul instrukteur navolg, het jy die wenresep. Ek weet nie wat se werk jy alles doen wat jou tyd min maak en hoe jy Wikipedia-fondse kan bekom vir die kursusaanbieding nie, maar die laasgenoemde klink fantasties, as jy dit kan vermag. Mieliestronk 22:53, 18 September 2019 (UTC)

──────────────────────────────────────────────────────────────────────────────────────────────────── Beste Mieliestronk, die Wikimediastigting het hulle algemene jaarvergadering 16/17 Nov daar in jou dorpie! Ek kan 'n dag of twee vroeër afvlieg of later terugkeer om die kursus aan te bied. Kry solank vir ons 'n lys van persone wat belangstel bymekaar sodat ek weet waarvoor om reëlings te tref. As jy ook vir my lyste in ander stede bymekaar kan kry dan kan ek begin motiveer vir fondse. Vir die rekord: ek werk vir myself nadat ek driekeer afgelê is die afgelope 9 jaar! Met 12 jaar se studies agter my; ek is nou te oud, blank en praat die verkeerder taal. Groete! Oesjaar 05:01, 19 September 2019 (UTC)

Burgert, ek weet jy bly maar onder die radar (en ek respekteer dit) , maar ek gaan weer vra - wil jy dalk help met die opleiding? Groete! Oesjaar 05:03, 19 September 2019 (UTC)
Oesjaar, tel my en :A3 Baard in om te help met die opleiding en beplanning - baie dankie Mieliestronk, dis 'n fantastiese idee. Onverwant dalk - maar Interessant, ek dink persoonlik onlangs nogals baie aan joernalistiek, en wat skort in die nasionale dialoog, en die effek daarvan op die samelewing: Die groot kwessies van ons tyd lyk vir my is die spanning tussen nasionale en globale belangge - nasionale planne wat ongedaan gemaak word deur ander lande - en dan moet skarrel om met 'n nuwe plan vorendag te kom - en ook spanning tussen die "Ooste" en die "Weste", of die "eerste wêreld" en die "derde wêreld", en oor wat 'n goeie regeringstelsel is - maar bitter min joernalistiek raam wat gebeur binne die groter storie wat oor 'n baie langer tydperk afspeel - dus is meeste joernalistiek vandag onsamehangend en verwarrend - dis soos tonele uit 'n fliek - waar niemand die eerste helfte gesien het nie, of dalk net etlike tonele uit die eerste helfte gesien het - ek sal graag meer joernalistiek wil sien wat dinge in meer konteks stel, en ek wonder of mens 'n rol hierin kan speel - of wat in joernalistiekskole geleer word dat dinge so is - of dat daar so min konsensus is oor wat die oorsake en probleme in die wereld is dat joernaliste sal moet spekuleer daaroor. Maar nou ja... om mense te wys hoe om hier te skryf en om vir 'n beurs aansoek te doen om te help daarmee is die maklike deel. Dagelf (kontak) 05:43, 19 September 2019 (UTC)
Oesjaar, dis tipies hoe die mensdom is. Sowat 40 mense het vinnig hul hande opgesteek toe ek op Facebook vra wie graag by die Afrikaanse Wikipedia betrokke wil raak. Toe ek egter elkeen "tag" en sê hulle moet vir my laat weet waar hulle woon, antwoord net 25. Maar 'n mens moet byvoeg dit was net 'n enkele opname. Ek is seker navrae op ander gespreksgroepe op Facebook (gerig deur ander mense as ek) kan nog heelparty meer belangstellendes bereik,
Agt van die belangstellendes op my lys van 25 is in die Kaapse omgewing, van wie ses of sewe die kursus sal kan bywoon, as ek hulle reg lees.
Die agt is:
Jana Luther (voorheen hoof van HAT6 op die web, lid van die Taalkommissie) -- Kaapstad
Sarie Nell -- Malmesbury ("lekker naby aan die Kaap," sê sy)
Leonora Elsa Van Staden (oudjoernalis, het betreklik senior posisie beklee) -- Durbanville, Kaapstad
Marié Hardy Smidt (oudjoernalis) -- Paarl (naby Kaapstad, natuurlik)
Arrie de Beer (oudjoernalis, baie senior) -- Stellenbosch
Alet Zietsman Mihalik -- Oranjezicht, Kaapstad
Lynette Blignaut (oudjoernalis) -- Lambertsbaai
Lize Lübbe -- Napier in die Overberg
Die res van die 25 woon elders verspreid oor die land, met vier van Pretoria en twee van Johannesburg:
Adéle van der Linde -- Limpopo
Joey Basson -- Richardsbaai
Trudie Meintjes -- Loxton, Noord-Kaap
Maureen Van Helden -- Vanderbijlpark
Orna Koch -- Pietermaritzburg
Alet Enslin -- Bloemfontein
Marné Combrinck -- Vereeniging
Elize Pretorius -- Port Elizabeth
Marika DuToit-vanHeerden -- Johannesburg, maar kan middel-Desember in die Kaap wees
Michelle Du Plessis Hattingh -- Johannesburg
Jaco Breytenbach -- Pretoria
Renée Rautenbach -- Pretoria
Louis Krüger -- Pretoria
Mari Cronjé -- Pretoria
Natie de Swardt -- George
Naas Ferreira -- Oos-Kaap
Alice Hendriks Boshoff (doktorsgraad in musiek, uitstekende skryfster) -- Banbury, Brittanje
Daar is heelparty ander kundiges ook op hierdie lys. Mieliestronk 22:16, 23 September 2019 (UTC)

──────────────────────────────────────────────────────────────────────────────────────────────────── Oesjaar, jou geen kommentaar op die bogenoemde laat 'n ou wonder of jou verwagtinge t.o.v. van die projek nie bewaarheid is nie! :-) En of die uwe dan maar liewer moet ophou om verdere moeite te doen? Een probleem is wel dat 'n mens nie weet hoeveel mense vir die bywoning van 'n kursus jy as "lewensvatbaar" sou beskou nie. Ook dat ek nie kan visualiseer waar en hoe jy so 'n kursus kan aanbied sodat ek dit aan moontlike belangstellendes kan oordra nie. Mieliestronk (kontak) 05:38, 30 September 2019 (UTC)

Mieliestronk, ek besit en bedryf 'n Events maatskappy en soms is ek in plekke waar daar nie WiFi is nie en soms net te besig om my dinge hier op Wiki te doen! As jy vir jouself werk dan spring jy hoog as die kliënt roep! Geld is ongelukig koning, soms. Hierdie poging van ons sal voortgaan, ons is net besig om die Jaarvergadering se datum te bepaal en dit lyk op hierdie stadium of dit 6/7 Des gaan wees. Geduld my vriend, soos hulle sê Rome is nie in een dag gebou nie - maar soos ek sê: Ek was ook nie die projekbestuurder daar nie of dit was! Groete! Oesjaar 06:57, 30 September 2019 (UTC)
Oesjaar, vir enigiemand wat die Ewige Stad binne 24 uur sou kon staangemaak het, kan ek nie help om ontsaglike ontsag te hê nie! Skuus, ek verstaan nou beter. Sal intussen dus so eenkant besig bly met hierdie en diverse ander dinge totdat jy my weer tot aandag roep. Mieliestronk 21:12, 30 September 2019 (UTC)
Gebruiker:Mieliestronk, na 'n gesprek met prof. Laurette Pretorius, ons wil 'n Opleidings dag aanbied hier in Pretoria by die SA Akedemie vir Kuns en Wetenskap gedurende Januarie volgende jaar. Ek het amptelik die Wikimedia Stigting gevra vir fondse vir die dag. Sal jou op hoogte hou, hou maar die kanale oop met die oues van dae... Groete! Oesjaar (kontak) 08:10, 11 Oktober 2019 (UTC)
Gebruiker:Oesjaar, ek lig hulle in, ten minste die sesstuks Gautengers op my lysie, met die hoop dat nog sal bykom. Oor hoeveel van hulle oues van dae is, is ek egter nie seker nie. :-) Mieliestronk (kontak) 21:12, 11 Oktober 2019 (UTC)
Gebruiker:Mieliestronk, ek kan bevestig dat die Algemene Jaarvergadering en Strategie sessie op 14/15 Des gaan plaasvind. Groete! Oesjaar (kontak) 15:56, 16 Oktober 2019 (UTC)
Gebruiker:Oesjaar, dis seker nie 'n "lekker" tyd vir 'n "kursusdag" nie? Ek bedoel, almal is daardie tyd in 'n vakansiestemming en wil ontspan, as hulle nie reeds besluit het waar om te gaan uitspan nie, hetsy langs die see of iewers by 'n binnelandse vakansie-oord of by familie of vriende elders. Ek sê nie dis die geval met die mense op my lysie nie (ek weet nie of hulle die vakansie tuis bly nie), maar die tyd vir die kursus kan seker ander voornemende kursusgangers weerhou om dit by te woon. Groete eweneens Mieliestronk (kontak) 23:59, 16 Oktober 2019 (UTC)
Ek is verskriklik jammer as ek op die tweegesprek inbreuk maak (maar dit kan moontlik ook help met my Wikipedia-artikel, ek moet krities kyk, so rustig maar vir wat nou volg) - is dit werklik nodig dat iemand by 'n lokaal moet aanmeld, of hoe gaan julle te werk? Ek sê nie 'n videokonferensie (ek dink aan datakoste en webkameras aan die skraal kant) is die oplossing nie, maar hoeveel YouTube-video's is nie al daarbuite gemaak nie? En Maroela het ook self video's al opgelaai. Is dit nie maar net die wil van die voornemende gebruikers wat ontbreek nie? Die hoeveelheid kere waarby Maroela en Oesjaar betrokke was is ek seker hulle ken nou al die basiese probleme.
Let op https://meta.wikimedia.org/wiki/Video_tutorials (die video is wel effens verouderd), maar ook afstandsbediening (remote computing). Dan is my vraag: skryf diegene by die opleiding alles op 'n eksamenblok neer, of luister hulle net na die Sondagsermoen? Of soek hulle net 'n bewys dat hulle nog 'n kursus bygewoon het, wat hulle by die naaste polisiestasie sal laat sertifiseer vir 'n CV in web design (webontwerp)? Wo sind sie?
By my as beginner 10 jaar terug onthou ek nou nog: ek het nie geweet van kategorieë nie, die opskrifte was 'n probleem, interwikis nog haas onbekend, ek het nie geweet van vetdruk nie (ek het tog, wel...) en nog minder die bronvermelding. Algaande het ek meer begin leer van prente: dat jy verkieslik die prente eers by Commons moet gaan oplaai (totdat ek net soos Morné begin insien het dit bots met internasionale wetgewing, want by ons verval prentekopiereg reeds ná 50 jaar). Kyk na die ou Eliza Meiring as merkwaardige voorbeeld. En dit was nog lank voor die magiese VisualEditor. As dit nie "by die diepkant instamp" beteken nie... Ek skat in 2004 was dit seker nog moeiliker (of wat praat ek als, Voyageur?) As 'n woordverwerkerprogram-nabootsing nie eens meer goed genoeg is nie (dit is werklik net knip en plak) - gaan ons binnekort Wikipedia se uitleg soos Adobe Photoshop laat lyk? Of beter: Whatsapp? Ek het al begin wonder of die "Wysig"-skakels dalk net vergroot moet word. Die oplaai van prente is 'n ander storie.
Goed soos sjabloonskepping is wel ingewikkeld, maar kyk self - kopieer ons nie maar net ander Wiki's s'n nie? En vra ons nie mekaar gereeld hier iets soos: "Sal iemand asseblief die vullissakke gaan uitsit; ~ die brood gaan koop; ~ die stort skrop" nie?
Daarteenoor: iemand met html-agtergrond is egter reeds geholpe (hoewel mens pleks van <strong>vetdruk</strong> gebruik, is dit nou '''vetdruk'''). Maar hierdie boffins hou hulle weer met ander goed besig. Suidpunt (kontak) 04:28, 17 Oktober 2019 (UTC)
Suidpunt, ek stem nogal met jou saam (dit was jou eerste essay wat ek verstaan het). Ons almal het maar soos jy begin, deur te gaan kyk na die bronteks van bestaande artikels om te sien hoe 'n mens goed doen, deur die artikels te gaan lees waarna jy verwys word as jy welkom geheet word, deur te vra, deur foute te maak en regggehelp te word - en algaande raak 'n mens beter. Dis wat Mieliestronk seker ook maar gedoen het. Geen kursus gaan jou naastenby alles leer wat jy moet weet nie. Dis 'n lang leerproses. ~ Burgert (kontak) 07:04, 17 Oktober 2019 (UTC)
Suidpunt, Burgert en Oesjaar, miskien moet 'n ou net haastig weer op die spoor teruggaan van hoe hierdie aksie begin het. Oesjaar het, ek dink in Junie, iets aan my genoem dat ek gerus ook van die afgetrede joernaliste kan aanspoor om vir Wikipedia te skryf, iets in der voege. Ek het geantwoord dat die ou fossiele al die kennis het om te kan skryf, maar nie vaagste benul het waar om te begin en te eindig nie, ook iets in der voege. Waarop Oesjaar gesê het hy kan kursusse aanbied en ek gesê het laat my dan kyk wie is te vinde vir so iets.
Toe het ek op Facebook rondgesoek na belangstellendes, maar hoewel ek aanvanklik eintlik ou joernaliste bedoel het, goed opgeleide skrywers,kon ek darem nie my navraag so beperk nie. Die reaksie was verbasend, mense oral wat wil skryf en help, heelparty kundiges, maar hulle weet glad nie hoe nie (al is die meeste oudjoernaliste wat belang stel maar net mense hier van die Kaap, terwyl die "eerste" kursus nou vir Pretoria beplan word).
Ek het wel belangstellendes aangeraai om hulle by die Afrikaanse Wikipedia aan te sluit, as 'n begin, en hulle die webadres gegee. Ek vermoed sekeres het, maar toe seker maar weer tou opgegooi in die aangesig van al die vreemdhede.
Hoe ook al, die visie van die Afrikaanse Wikipedia is waaroor dit gaan. As jul mense en bestuur tevrede is dat daar voortbeweeg op die huidige trant van bestendige groei, maar nie 'n ontploffing van bydraes nie, gaan nog tien jaar seker nodig wees om die huidige getal artikels te verdubbel. Ek dink almal stem saam dat die oes groot is, maar die arbeiders min. En dit sal mos darem lekker wees om 'n groot klomp miere te hê om die nes te bou wat 'n spogproduk kan wees te midde van al die bedreigings wat Afrikaans in die gesig staar.
Oor die waarde van persoonlike blitskursusse bo enigiets anders, kan 'n mens maar net kyk wat gebeur het toe ons spul joernaliste (glad nie meganies aangelê nie) in die jare sewentig ons tikmasjiene in die asblik moes gooi en skielik gekonfronteer is deur 'n skerm wat soos 'n televisieskerm lyk en 'n toetsbord waarop jy net sagkens op die knoppies moet druk.
'n Vrywilliger wat boonop die moeite doen om 'n kursus by te woon, is baie meer geïnspireerd as iemand wat op YouTube moet probeer uitpluis hoe Wikipedia werk. En hy of sy het dan ten minste 'n basis om van te werk, sonder om die pynlike pad te loop en selfs die mees basiese te probeer "leer soos jy aangaan". Een belangstellende wat na 'n kursus kom, kan maklik twee of drie ander met hom of haar saamsleep.
Wat meer sê, ek sou self baie graag so 'n opleidingskursuskursus wou bywoon as ek nie so mankoliekig was nie. Die paar artikels wat ek vir Wikipedia geskep het (ook in Engels), was slegs danksy my kennis van html met die Mieliestronk-webwerf. Daar is makliker maniere, maar ek ken steeds nie almal nie. As ek die makliker paaie geken het, was ek dalk produktiewer!Mieliestronk (kontak) 13:46, 17 Oktober 2019 (UTC)
Baie dankie. Maar pasop Mieliestronk - fossiele word ook petrol, en petrol vat vlam...
Goed, ek sou dus sê terwyl D.F. Malan, Kaapstad Internasionaal Krotoa-en-tannie-Winnie-sharing-a-cup-of-Earl-Grey in spanning wag op Oesjaar se neerstryk op die aanloopbaan, kan die Kapenaars solank mildelik gebruik maak van Victoriastraat 5 se Nasionale Biblioteek, of hul naaste biblioteek. (Slims bied toegang tot elke liewe biblioteek in die Wes-Kaap; ek maak amper elke dag daarvan gebruik). Ek sou solank 'n artikel op A4-velle aanmekaartimmer (vir joernaliste is dit mos kinderspeletjies?) net om iets gereed te hê wat fisies bruikbaar is, vir die proeflopie. Dit hoef darem nie nou al by die 50 bladsye te trek nie, maar die "wonder" om jou eie werk springlewendig te sien op die skerm laat mens baie trots voel. Andersins kan hulle solank begin vertaalwerk doen - dit duur self nogal lank.
Ek glo nie die oues van dae is soos die jonges te veel deur "fabrilisme" beïnvloed nie (Klaas Johan Popma se begrip vir die ontsieling van die akademie, waar alles net 'n middel tot 'n doel raak - opvoeding word bloot dressering/afrigting (weens die markgerigtheid); vergelyk Hannah Arendt se homo faber wat praat van die animal laborans [die werkersdier]), maar ek dink tog hulle moenie te veel roem verwag nie - jou Afrikaanse leser is 'n baie snaakse spesie. Net omdat jou artikel oor 'n orgideevakgebied (bv. die Roemeense ekonomiese krisis van 1899 tot 1901 of Oos-Timor waar nog Portugees gepraat word) slegs een kykie elke 50 dae sal kry en jou buurman s'n 200 per dag kry, gaan baie laat voel "waarom het ek my tyd gemors op 'n dom, ondankbare en onnosele volk!" Daar is verskeie faktore, baiemaal tegnies, waarom die Afrikaanse Wikipedia so min besoek word. Laat ek dit so stel: daar sal iemand wees wat eendag jou werk een aand dringend nodig het. Die feit dat dit bestaan, is klaar 'n seën. Suidpunt (kontak) 16:01, 17 Oktober 2019 (UTC)
Oesjaar, wil net by jou hoor: Die kursus sal mos gratis en pasella wees vir belangstellendes nie? Ek het dit nog altyd so verstaan. Mieliestronk (kontak) 00:16, 18 Oktober 2019 (UTC)
Verniet! Hoe anders gaan ons groei? Ek vlieg ekonomiese klas, daar sal ook geen rooi tapyte en dinge op die lughawe wees nie.... Groete! Oesjaar (kontak) 05:55, 18 Oktober 2019 (UTC)
Oesjaar, daar is 'n ernstige dinges in die drinkwater, reken ek. Dit lyk my die middel van Desember (Kersmaand, ontspan-maand by vakansieoorde of die see) is nie eintlik geleë vir 'n beduidende deel van die Gautengers op my lysie nie.
Daar is altesaam agt op my lys: Marné Combrinck / Marika DuToit-vanHeerden / Michelle Du Plessis Hattingh / Jaco Breytenbach / Renée Rautenbach Conradie / Naam Uitgelaat / Mari Cronjé / Ronelle Terre'Blanche.
Slegs Jaco Breytenbach het tot dusver besonder geesdriftig gereageer en gesê dis dan 'n fantastiese tyd in Pretoria.
Naam Uitgelaat laat blyk nou hy ken eintlik Wiki's en wil maar net die basiese weet van hoe Wikipedia werk. Ek het vir hom gesê dan moet hy hom net by Wikipedia aansluit en het hom toe die skakel gegee. Ek dink hy was in sy tyd iemand in 'n gesagsposisie. Hy weet wat gaan vir wat, julle weet.
Mari Cronjé sê pertinent sy is jammer, maar sal nie in daardie tyd die kursus kan bywoon nie.
Marika DuToit-vanHeerden skryf: "Ons is gewoonlik maar weg daardie tyd en ek verwag nie dat dit hierdie jaar anders sal wees nie. n Datum sal dalk meer bepalend wees."
Michelle Du Plessis Hattingh vra ook 'n spesifieke datum voor sy sal kan sê.
En Marné Combrinck skryf: "Indien 'n datum reeds beskikbaar is of sou gou as moontlik deurgegee kan word, sal ek wil probeer om my reëlings daar rondom te tref."
Ek wag nog om van die ander twee te hoor, maar dit lyk my die tendens is duidelik: Desember is nie eintlik 'n maand vir sulke dinge by ons mense nie. Of hoe nou, Oesjaar? Groete. Mieliestronk (kontak) 19:06, 18 Oktober 2019 (UTC)
Mieliestronk, kalmeer tot 'n paniek aanval asb! Kom ons los dit dan, ek sal sien of ek fondse kan reël vir iewers in die jaar. Kom ons vermy die woord kurses ook, dit jaag blykbaar mense se bloeddruk op! Groete! Oesjaar (kontak) 19:10, 18 Oktober 2019 (UTC)
Oesjaar, raait. My ton bakstene was maar net 'n oefenlopie om te wys waartoe hierdie ou man in staat is as hy in sy hiperpaniekerige fase is. Ek sal ook maar vergeet van kurses. Ek sal dit liewer kursus spel en dan sal die mense meer vertroud wees wat ek eintlik wil sê. Eisj. Mieliestronk (kontak) 19:44, 18 Oktober 2019 (UTC)
Mieliestronk, ek gaan 'n kursus bywoon om kursus te spel.... Enige kans dat jy jou gesig gaan wys by die jaarvergadering? Sal daarvan hou om jou te ontmoet? Groete! Oesjaar (kontak) 00:54, 19 Oktober 2019 (UTC)
Oesjaar, sal baie graag die vergadering wou bygewoon en met jou kennis gemaak het, as ek net 'n raps jonger en gesonder was. Leef op tagtig saam met bruid in 'n Kaapse aftreeoord en is nie meer baie mobiel nie. Twee hartomleidings agter die blad, een groot rugoperasie maar steeds 'n gedurige rugpyn, hart wat oneweredig pomp en ontspan, 'n sekere fibrose van die longe, onverklaarbare interne bloeding wat 'n chroniese ystertekort en moegheid meebring ... dis nog net op die rekenaar wat ek my so 'n lang asem kan verwerdig. Maar laat 'n ou liewer ophou anders lyk dit of ek kla! Mag die jaarvergadering groot vrugte afwerp, wat julle ook daarop gaan bespreek en besluit. Julle ouens doen monumentale werk vir Afrikaans, en dis nie sommer se sê nie. Geslagte vorentoe gaan julle nog bedank. Mieliestronk (kontak) 02:02, 19 Oktober 2019 (UTC)
Mieliestronk, is daar enige artikel wat jy nog begeer? Groete! Oesjaar (kontak) 06:55, 19 Oktober 2019 (UTC)

Kategorieë

Ek sien nou 'n ontstellende ding: dat mense bv. Suid-Afrikaanse Buro vir Rasse-aangeleenthede onder Kategorie:Afrikaners plaas as [[Kategorie:Afrikaners|*]] of [[Kategorie:Afrikaners| ]]. Ek weet nie waar dit posgevat het nie, maar die enigste artikel wat in Kategorie:Afrikaners met 'n spasie geplaas word, is Afrikaners. En niks word geplaas met 'n asterisk nie, tensy dit met 'n asteriks begin. Dit gaan nou weer 'n klomp werk kos om dit alles reg te stel. Let asseblief op die gebruike op Wikipedia. Dankie. Burgert (kontak) 20:08, 16 September 2019 (UTC)

En terwyl by die sensitiewe onderwerp Afrikaners. Hoe kan almal wat Afrikaans is in Kategorie:Afrikaners geplaas word? Identifiseer elke Afrikaanse mens met hom met die term Afrikaners? Ek dink nie so nie. Burgert (kontak) 20:18, 16 September 2019 (UTC)
Hulle kwalifiseer kwalik as Chineessprekende bewoners van Labrador ;) Die beste oplossing is as hulle as Afrikaanssprekende Suid-Afrikaners gekategoriseer word. Die kategorie "Afrikaanssprekende Suid-Afrikaners wat hulself nie met die term Afrikaner identifiseer nie" is opsioneel. Voyageur (kontak) 22:01, 16 September 2019 (UTC)
Ons eie artikel oor Afrikaners definieer die etniese groep. Sien ook die relevante bespreking by en:Category talk:Afrikaner people oor of so 'n kategorie toepaslik is. My mening is dat selfidentifikasie nie relevant is vir ensiklopediese doeleindes nie (mits dit in 'n betroubare bron verskyn en dan slegs as 'n nota in die afdeling Persoonlike lewe; selfidentifikasie verander nie 'n persoon se etniese agtergrond nie.) – K175 (gesels met my | my bydraes) 13:45, 17 September 2019 (UTC)

Jy slaan die spyker op sy kop K175! Watter blanke Afrikaanssprekendes wil kwansuis nie as Afrikaners identifiseer nie? (en waarom is die onderwerp sensitief? Met respek, gaan lees Giliomee se 'Die Afrikaners' om oor die "sensitiwiteit" te kom!) Charlielv55 (kontak) 14:44, 16 Oktober 2019 (UTC)

Holoseen – finale uitwissing?

Gemeenskap, bogenoemde is 'n interessante artikel met genoeg bronne, vir 'n slag. Ek het egter 'n probleem met die styl waarin dit geskryf is, daar is sekere gedeeltes wat nie in ensiklopediese styl is nie. Eerstens die gebruik van die eerste persoon is nie Wiki styl nie. Ons vra nie vrae in artikels nie, ons gee feite weer, in koue ensiklopediese taal. Teen die einde klink die artikel soos 'n meningsopname... Julle opinies asb. Groete! Oesjaar (kontak) 05:36, 19 September 2019 (UTC)

Ek stem saam. Ons moet dit hou, maar ons moet die titel verander en die dele wat nie in ensiklopediese style geskryf is wysig sodat dit in die korrekte styl is. - Rooiratel (kontak) 05:59, 19 September 2019 (UTC)
Wel, die eerste probleem daarmee is dat daar klaar 'n Holoseen bladsy is, so dit gaan meer werk vat. Kan ons dit na die sandput skuif tyd en wyl?Dagelf (kontak) 06:03, 19 September 2019 (UTC)
Dit is nie 'n probleem nie. Holoseen gaan oor die tydperk, Holoseen-uitwissing gaan oor die uitwissing in die tydperk. Ander wiki's het ook 'n bladsy vir elk een. - Rooiratel (kontak) 06:12, 19 September 2019 (UTC)

Premiers van Thailand

Gemeenskap, Gebruiker:ธนบดั เมืองโคตร doen handige werk met die Premiers van Thailand. Hy gebruik 'n vertaler met sy kwota uitdagings. Bv. Rear Adminiral word agterste adminraal en generaal word algemene. Help proeflees asb! Groete! Oesjaar (kontak) 08:14, 19 September 2019 (UTC)

Help ook met inligtingskasse asb. Groete. -- Flag of South Africa.svg SpesBona 08:34, 19 September 2019 (UTC)

Nedersettings in Namibië

Gemeenskap, wat is die Afrikaans vir die volgende kategorieë van nedersettings in Namibië?

  • City (stad)
  • Town (?)
  • Village (?)
  • Settlement (nedersetting)

Ek dink town en village kan beide dorp wees, of hoe? 08:21, 23 September 2019 (UTC)

Village, so skat ek, kan gehuggie wees as daar geen kerk is nie. Maar gehuggie grens eerder aan die Engels hamlet. Stormsvlei kan dus streng gesproke nie 'n gehuggie wees nie. Dorpie is dus beter. As die plek deur takke omring word, is dit 'n kraal.Suidpunt (kontak) 08:31, 23 September 2019 (UTC)
Terloops, in jou Engelse woordeboek, word vir "village square" 'dorpsplein' aangegee? Want ek sien niks in my 1997 Pharos nie. Reverso.net het dit wel onder Nederlands. Suidpunt (kontak) 08:50, 23 September 2019 (UTC)

The consultation on partial and temporary Foundation bans just started

-- Kbrown (WMF) 17:14, 30 September 2019 (UTC)

Boeing B-17 Flying Fortress

Gemeenskap, ek veg voort om bogenoemde te vertaal, al verby die halfpadmerk. Wat sal bombsight in Afrikaans wees: containing captured top secret Norden bombsights, were then flown to Japan? Groete! Oesjaar (kontak) 17:42, 30 September 2019 (UTC)

'n Norden bombsight is 'n tachometriese bomvisier, genoem na sy ontwerper, die Nederlandse ingenieur Carl Norden wat in 1904 na die VSA geëmigreer het. Sien byvoorbeeld Norden bombsight. Groete, Voyageur (kontak) 18:14, 30 September 2019 (UTC)
Kan iemand my asb help met die sjablone by https://af.wikipedia.org/wiki/Boeing_B-17_Flying_Fortress#Gebruikers ? Groete! Oesjaar (kontak) 06:55, 2 Oktober 2019 (UTC)
Uitgevoer Uitgevoer Burgert (kontak) 10:30, 2 Oktober 2019 (UTC)
Dankie! Oesjaar (kontak) 10:49, 2 Oktober 2019 (UTC)

Dmitri Alexejef

Hallo daar julle. Sal iemand asb. bg. blad (wat 'n aanstuurblad na Dmitri Aleksejef was) kan verwyder? Dankie ! Groete:)Charlielv55 (kontak) 15:51, 2 Oktober 2019 (UTC)

Uitgevoer Uitgevoer Burgert (kontak) 16:06, 2 Oktober 2019 (UTC)

Dankie Burgert:)Charlielv55 (kontak) 16:14, 2 Oktober 2019 (UTC)

AfroCuration geleentheid

Hallo almal,

Ek gaan Saterdag in Johannesburg wees om deel te neem aan die AfroCuration byeenkoms.

Die fokus van die geleentheid is om artikels oor die Suid-Afrikaanse grondwet in soveel Suid-Afrikaanse weergawes van Wikipedia as moontlik te voeg, uit te brei en te verbeter. Hulle hoop om 100 artikels so te skep.

Ek vra groot asseblief dat so veel as moontlik Afrikaanse Wikipedians deel neem aan die dag. Dankie Dumbassman (kontak) 10:13, 3 Oktober 2019 (UTC)

Gaan daar ook 'n artikel wees oor hoe die "grondwetlike Hof" (lmga - 'n eufemisme in die ware sin v/d woord) artikel 29 misken en verwring het om Afrikaans as onderrigtaal by die "University of the Orange River Colony" te verdoem? Charlielv55 (kontak) 12:43, 3 Oktober 2019 (UTC)
Skep dit! Dumbassman (kontak) 14:34, 3 Oktober 2019 (UTC)
Hallo, Log tog hier in as julle deelneem. Dankie Dumbassman (kontak) 07:16, 5 Oktober 2019 (UTC)

Na Afrikaans of In Afrikaans vertaal.

Net 'n vinnige vraag julle, watter van die bogenoemde is korrek? By voorbaat dankie! Groete :) Charlielv55 (kontak) 10:28, 9 Oktober 2019 (UTC)

'n Mens vertaal van een taal na die ander. Bv. vertaal ek van Duits na Afrikaans. Groete. -- Flag of South Africa.svg SpesBona 10:49, 9 Oktober 2019 (UTC)
Dankie! Charlielv55 (kontak) 10:59, 9 Oktober 2019 (UTC)
Ongelukkig nie, SpesBona en Charlielv55. Dit is in. Ek het ook eers my kieste van verontwaardiging opgeblaas, maar die WAT wys die teendeel. Morne, voormalige redakteur van die gewildste Afrikaanse tydskrif in Suid-Afrika en tans by Maroela doenig, het jare gelede die titel na Lys van vertalings in Afrikaans verander. Sien die besprekingsbladsy. Suidpunt (kontak) 11:51, 9 Oktober 2019 (UTC)
Dit is inderdaad in. Burgert (kontak) 12:46, 9 Oktober 2019 (UTC)
Baie dankie jong, dit kan regtig nogal verwarrend wees! Charlielv55 (kontak) 12:13, 9 Oktober 2019 (UTC)

Moreel bankrot "DSTV"

Ek het jou artikel oor die moreel bankrot "DSTV" op PRAAG geniet. My vraag is net: waarom nog skryf daaroor, of kan mense werklik so oningelig wees dat hulle toeligting daaroor nodig het? (toegegee- my ouers is nog intekenare, maar in hul verdediging woon hulle op 'n goeie ou Vrystaatse dorpie met grondpaaie...) Die ou spul is so oor die muur en Afrikaner - en Afrikaans-vervreemd (hulle maak oënskynlik staat op rugby om deesdae die wa deur die drif te trek, maar daardie soustrein dink ek ook is besig om haastig te verkas...) (rugby - nog 'n vb. van iets wat werklik geen behoudende en nugter-denkende mens se tyd meer behoort op te neem nie!) As mens jonger as 40 jaar is, en nog 'n intekenaar is, is daar in my nederige opinie iets fout...:) Charlielv55 (kontak) 12:13, 9 Oktober 2019 (UTC)

Kyk, Charlie - as jy deur my artikels sou lees, gaan dit nie suiwer om politiek nie, maar oor die geld en deels is daar ook 'n onderliggende morele kwessie daaraan verbonde. Dat ons nie ons hoop op organisasies kan sit nie, maar alleen in onsself en mekaar. Mobilisering is seker 'n te sterk woord.
Kyk, as jy geld gee vir 'n organisasie, is dit jou keuse. Maar ek voel wanneer jy geld gee aan 'n organisasie en jy kry nie daaruit wat jy veronderstel is om te kry nie, maak spore, vat jou geld elders heen of maak jouself die beampte. Voordat ek R500,00 per maand uitgee op kultuurorganisasie X, koop ek eerder my eie boeke en kyk wat gedoen moet word. As jy dan vir jou 'n videokamera wil aanskaf en sommer jou eie YouTube-joernalistiek wil bedryf - gaan voort, geniet dit.
Dit is ook geen geheim meer dat ek artikels skryf met die doel om standpuntleemtes te vul nie.
Want vanoggend nog dink ek aan e-boeke vir die buitelanders wat Afrikaans leer. Maar spesifiek aan vertalings. Ek dink aan boeksirkulasies, en toe onthou ek mos van...
"Postapartheid en die Afrikaanse letterkunde" deur prof. Leon de Kock uit De Kat van 2015 wat eintlik tussen die reëls probeer sê: om jou boek in Engels (en ander tale) vertaal te kry en daarna "wêreldletterkunde" te word is deesdae die veel groter prestige as die Hertzogprys. Volgens De Kock is die kategorieë om by hierdie "wêreldletterkunde" uit te kom in twee kategorieë: "postapartheid" en "wêreldverband". Hy skilder die ikoongalery so: André P. Brink, Breyten Breytenbach, Antjie Krog, Marlene van Niekerk, Etienne van Heerden, Ingrid Winterbach, Eben Venter, S.J. Naudé, Willem Anker, Deon Meyer "en enkele ander." Om aan te haal:
Cquote1.svg

"Die werk van hierdie skrywers sluit aan by bepaalde (en belangrike) hooftendense in die Suid-Afrikaanse letterkunde na apartheid: transnasionalisme en die globale verbreding van die Suid-Afrikaanse leefwêreld (Van Niekerk, Van Heerden, Vente, Naudé, Meyer); taai rekenskap met die verlede (Van Niekerk, Van Heerden, Venter, Anker, Krog, Meyer, Brink), die "queer"-maak van die ortodokse Afrikaner-ideologie (Venter, Naudé, Anker); en die ontkoppeling met apartheid se narratiewe en sy teen-narratiewe, met dienooreenkomstige aansluiting by sowel breër intellektuele en kulturele raamwerke as die gesag van die "gewone" (Winterbach, Breytenbach.) [...] Vir diegene wat nie daarvan hou dat Afrikaanse letterkunde saam met Engels ingeboender word nie, is daar 'n uitweg wat nie eng "nasionaal" is nie.

Cquote2.svg
Dan haal hy uit Damrosch se boek "What is World Literature?" aan: "all literary works that circulate beyond their culture of origin, either in translation or in their original languages". Met ander woorde: jy moet 'n sirkulasie tuis hê wat dit lees, maar ook buitelandse sirkulasie."
Dit is vir my hoogs vereenvoudigend. Want dit is baie duidelik dat jy meer geïnteresseerd is in jou breë leserspublikum (en wie is dit - die literatore of die gewone outjie wat Furry-boekies versamel?) as die inhoud. Dus, vertaalgerigtheid!
Om miskien Jan Rabie se woorde buite konteks te neem:
To look back to Latin: culturally Latin was not creative outside Italy. A lingua franca is a creative dynamo only in the centre of its domain. As Toynbee said in his Study of history: Culture for export is culture no longer. - Jan Rabie, in sy toespraak 'Lingua franca and vernacular - Konferensie by die Universiteit van Kaapstad, 17 Julie 1979. (Uit: Buidel. 1989. bl. 68).
N.P. Van Wyk Louw sou saam 'n aambei hieroor gekry het: "dié een soort vernuwing (=pseudo-vernuwing) wat ons soos die pes moet vermy, is die ore-in-die nek agteraanhardloop agter een of ander "nuwe stroming", rigting, wat ook al, wat op die oomblik 'n mode is - hier of in die buiteland." (Vernuwing in die prosa, 1970, p.148)
En dit is waarvoor ek nou PRAAG gebruik - want ek wonder 'n ewigheid wanneer mense dit nou gaan besef - al wat kort is fusie van diepte filosofie (ten minste sewe soorte rigtings), met 'n goeie intrige en goeie karakterontwikkeling.
Ons het in die 1990's met The Matrix gesien hoe "Oos" en "Wes" nader na mekaar beweeg, die ou Griekse filosofie, Boeddhisme, Gnostiek, Christendom, New Age... teen die agtergrond van die millenniumwending, die inlui van die digitale era, die fin-de-siècle en die hoop op die koms van die Messias of Matreya asook die Tyd van die Waterdraer. Sinkretisme de luxe. Maar die hoofpunt is: hier het ons 'n bleeksiel wat 'n god word; wat gesterf het en opgestaan het en nou die wêreld gaan verander. Die einde. Goed, daar is die effekte, bietjie bloed uitspoeg... Maar sonder die filosofie is die film dood, vorm sonder inhoud.
En dit is hoe ek die Afrikaanse letterkunde vind. Die diepte-filosofie ontbreek. Want jou skrywers is te lui en jou gemiddelde lesers te dom (of oningelig). Aan die ander kant, soos ek openlik êrens in my rubriek op PRAAG gesê het: Moltrein is byna 'n ensiklopedie in die kleine van filosofie, want die karakter is lief om sy kennis met die leser te deel, maar in die intrige is dit ongelukkig nie versluier nie.
En so kan ons aangaan.
Maar, as jy dan wil gatkruip om jou plekkie by die Nobelpryswenners te verower (boeke waarvan ek nog nie een gelees het nie - die koek is te droog na my sin...), skryf dan maar liewer in Engels, dan is 'n vertaling nie eens nodig nie. Of maak soos Mark Behr: skryf sommer jou boek in Engels en Afrikaans gelyk.
Oor jou rugbystorie - toe ek 17 was moes ons in Lewensoriëntering 'n taak doen oor hoe sport die gemeenskap kan ophef. Ek kan steeds nie insien hoe dit kan nie. (Deesdae doen ek niks as ek dit nie op my CV kan skryf nie.) Dit word nou glo gesê van spanbou, dissipline en saamspeel...
1. Dit leer jou geen nuwe vaardigheid of praktiese ondervinding nie; jy kry geen nuwe kennis nie. As al jou maats die veld verlaat bly jy "none the wiser" alleen agter.
2. Dit leer mense speel, nie werk nie.
3. Bowenal - daar is 'n rede hoekom rugbyklubs gevou het. Sport is 'n moerse uitgawe, en dit skep nie werk nie. Dit is nie lewensveranderend soos ons wetenskaplikes nie. Ek het gedink aan 'n plek soos Elim. Om 'n rugbyveld te skep vir 'n paar mense wat speel, waar daar géén borge is en byna geen toeskouers om te gaan kyk nie - wat is die punt daarvan? Waar is die "regverdige kans" vir Pietie om die Springbokspan te haal? Hoe onregverdig is die lewe nie! Die feit bly staan - die geld moet êrens vandaan kom! En arm gemeenskappe kan dit nie bekostig nie. Dit is 'n sirkelredenasie wat homself vernietig nog voor dit begin het! - Suidpunt (kontak) 20:31, 9 Oktober 2019 (UTC)
Wikipedia lys "Die reuk van appels" en sy dienooreenkomstige Engelse eweknie "The smell of apples", in 2002 volg "Embrace" vermoedelik slegs in Engels, sowel as in 2006 "Kings of the water". Suidpunt, ek het eerlikwaar nie eers geweet daar bestaan 'n skrywer soos Mark Behr nie! Baie dankie vir jou deeglike terugvoering! Doe zo voort! - Charlielv55 06:12, 11 Oktober 2019 (UTC)
NS: Noudat daar amptelik geen meer Afrikaanse universiteit in die Wes-Kaap is nie, dink ek die Kapenaars moet maar soos die Noordelike manne maak en hul eie Akademia skep! Ek is nie meer moedeloos nie, wel boos en van voorneme om nou meer verbete as ooit vir my taal se behoud en ontwikkeling te veg! - Charlielv55 06:12, 11 Oktober 2019 (UTC)
@Charlielv55: dit is nie nodig nie: Kapenaars kan ook by Akademia studeer. Ek weet van mense wat by satellietkampusse hier in die suide deur daardie inrigting studeer. Dit is blykbaar baie modern en tegnologies. – K175 (gesels met my | my bydraes) 19:24, 18 Oktober 2019 (UTC)

Nomineer asb nuwe voorbladartikels

Gemeenskap, ons benodig 52 voorbladartikels elke jaar, Wikipedia is 'n monster in dié opsig wat se honger nooit gestil kan word nie! Tans groei ons voorbladartikels teen 'n slakkepas en ou voorbladartikels moet deur Gebruiker:SpesBona gebruik word om die verskil op te maak. Dit is nie 'n aanvaarbare situasie nie. Gebruikers wat voorbladartikels skryf is skaars hier by ons, daar is Voyageur, Burgert Behr, Suidpunt (jare terug) en Morne waaraan ek nou kan dink, hopeloos te min. Ons artikelgroei is aanvaarbaar, maar die kwaliteit kan bevraagteken word. Te veel saadjies en plantjies (as ek Aliwal2012 se term kan gebruik) en baie persone (veral van ander lande) gedrewe. Ons kort nog baie tegniese artikels, plante van Suidelike Afrika, ons eie sportmense (swem, atletiek, netbal) ens.

Die reël met vertaling van artikels is om AL die verwysings en bronne saam te kopieer en nie net te stel dat die artikel uit bv Engels vertaal is nie. Ek het die Boeing B-17 Flying Fortress vertaal uit Engels, (dit is my eerste voorbladpoging na tien jaar hier en dit was nog altyd 'n droom vir my) om my doelwit vir 2019 uit te voer maar ook om aan die gemeenskap te wys dat ek ook doen wat ek sê. Ek is trots op die poging, dankie aan Aliwal vir die proeflees en Burgert vir tegniese ondersteuning. Dit was flippen harde werk, ek salueer genoemde gebruikers wat voorbladartikels skryf! Julle het my respek verdien.

Die gemeenskap sal moet help hier, ons kan nie altyd partytjie hou met net dit wat lekker is nie. Ek het laasweek 'n paar uur in my vrou se klas deurgebring (sy is 'n hoërskoolonderwyseres en haar digitale projektor se klank het probleme gegee) terwyl sy klas gee. Die bottom line is hulle, (die onnies) soek inhoud om klas te gee. My vrou leun swaar op YouTube. Ons is die enigste en laaste generasie wat kan help hier, oor tien jaar gaan dit te laat wees. Jammer om dit te sê, ek is 'n realis en nie 'n dromer nie.

Soos reeds gesê voorbladartikels skep is taai, maar miskien kan 'n spanpoging help bv twee persone (of meer) vertaal 'n seksie om die beurt van 'n groot artikel... Vele hande, ligte werk. Ek laat dit aan die gemeenskap oor. Groete! Oesjaar 20:00, 9 Oktober 2019 (UTC)

Naskrif: ondersteun my voorbladpoging asb! Sien Wikipedia:Kandidaatartikels vir voorblad.

Reg! Gedêps: Alfred Wegener (voorbladster 2005, Duits) de:Wirtschaftsgeschichte_der_Republik_Venedig (ek belowe Voyageur en die skrywer al 'n leeftyd). O! En Brandsiekte onder honde (ek het amper my middagete op die toetsbord uitgepak na daardie onaptytlike foto), of Brandsiekte onder vosse en jakkalse.
OK... Vra asseblief vir u vrou aan die anderkant van die matras om ons asseblief net vooraf in te lig wat die staatsdiens alles nou weer verlang? Anders hardloop ons soos afkophoenders rond. 'n Skakel na 'n omsendbrief of so. Ek hou van 'n afmerkkaartjie.Suidpunt 20:29, 9 Oktober 2019 (UTC)
Ek wil graag Krieketwêreldbeker 2015 en Krieketwêreldbeker 2019 nomineer. Dis al wat ek tans het. Maak dit sin om hulle opnuut te nomineer? Hulle het onlangs min ondersteuning geniet! Groete. -- Flag of South Africa.svg SpesBona 08:25, 10 Oktober 2019 (UTC)
@Oesjaar: Puik artikel, knap gedaan! Kan jy dalk nog die inleiding vanuit die Engelse wiki uitbrei? Dis die goed wat later op ons voorblad verskyn. Dan is die artikel klaar. Groete. -- Flag of South Africa.svg SpesBona 12:43, 10 Oktober 2019 (UTC)
Kom ons probeer weer. Ondersteun die bykomende voorstelle asseblief, sien Wikipedia:Kandidaatartikels vir voorblad. Groete. -- Flag of South Africa.svg SpesBona 19:05, 10 Oktober 2019 (UTC)
Dalk kan ons nog iets van die Nobelpryse verwerk? Olimpiese Spele of sokker is dalk ook iets vir ons voorblad? Groete. -- Flag of South Africa.svg SpesBona 19:45, 10 Oktober 2019 (UTC)
Ja, Nobelpryse is 'n moet! Miskien moet ons dit 'n spanpoging maak, soos met Johannesburg. Almal het iets bygedra! Ek sal die B-17 se inleiding verbeter. Groete! Oesjaar 19:48, 10 Oktober 2019 (UTC)
Ou pogings soos Alabama en wolf is nog oor. Lank gelede het ek 'n lys gemaak met Tacitus, Plinius die jongere, Londen, ens. Dit was 12 of so. Botswana is op my lys, as iemand vra. Dalk nog Windhoek, Kimberley en/of Bloemfontein? Groete. -- Flag of South Africa.svg SpesBona 19:55, 10 Oktober 2019 (UTC)

Bypass ration

Gemeenskap, missie onmoontlik, maar al die tipe straalmotors moet vertaal word. Sal omloopverhouding die korrekte vertaling wees vir Bypass ration? Sien [5], dit mag dalk lig op die onderwerp werp! Groete! Oesjaar 18:47, 10 Oktober 2019 (UTC)

Die Duitsers noem dit 'n newestroomverhouding. Ek kry dit eger nie in Afrikaans nie. ~ Burgert (kontak) 19:50, 10 Oktober 2019 (UTC)
Ek kry wel omloopstraler vir bypass jet. ~ Burgert 19:56, 10 Oktober 2019 (UTC)
Omloopverhouding is die Afrikaanse vakterm. Voyageur 20:38, 10 Oktober 2019 (UTC)
Hoekom dan nie Verbygaanverhouding nie? Die lug vloei immers verby die turbine. Gedoriewaar.... Groete! Oesjaar 07:48, 11 Oktober 2019 (UTC)
Ek sien Gebruiker:Aliwal2012 het hoë-omleiding-verhouding gebruik iewers in 'n artikel... And the plot thickens! Groete! Oesjaar 09:30, 11 Oktober 2019 (UTC)


Aanduiding van tyd in artikels

Vra maar omdat ek nie weet nie: Is daar 'n staande reël oor die gebruik van tydsaanduidings in artikels? In die artikel oor Somerset-Wes staan daar byvoorbeeld: "Die bevolking het na raming die afgelope sowat 15 jaar verdubbel". Die leser dink dit is 15 jaar in die verlede van "vandag" af. Maar die artikel kon net sowel vyf jaar gelede geskryf gewees het -- en nog vyf jaar die toekoms in kan die inligting selfs onsinnig wees. Hoekom kon die skrywer nie maar net geskryf het dat die bevoking in die vyftien jaar tussen 20.. en 20.. verdubbel het nie?

Die enigste alternatief sou seker wees om by elke artikel te sê: "Hierdie artikel is laas op DATUM bygewerk", maar ek glo nie dit is Wikipedia-beleid of trouens dié van enige ensiklopedie nie. Of hoe nou...? Mieliestronk 18:25, 12 Oktober 2019 (UTC)

Hierdie is 'n geldige vraag. Ek weet ook nie, ons moet ondersoek instel. Groete! Oesjaar 09:49, 13 Oktober 2019 (UTC)
Die Engelse Wikipedia se stylgids adviseer teen die gebruik van stellings wat na relatiewe tye verwys. Sien bv. en:Wikipedia:Manual of Style/Dates and numbers#Statements likely to become outdated, en:Wikipedia:Manual of Style/Words to watch#Relative time references, en en:Wikipedia:As of. – K175 (gesels met my) 10:00, 13 Oktober 2019 (UTC)
In hierdie geval wat Mieliestronk noem, is daar nie eintlik 'n ander manier as om na 'n spesifieke datum te verwys nie, ja. Mense moet maar net daarop let; 'n mens sal nooit so iets kan afdwing nie en ons is te min mense om na elke artikel uit te kyk hiervoor. Daar is baie ander probleme wat m.i. belangriker is. ~ Burgert (kontak) 11:18, 13 Oktober 2019 (UTC)
Dit is inderdaad 'n turksvy. Want nou kry jy die skrywer wat nie 'n presiese datum kan gee, soos wanneer iets soos 'n droogte ontstaan nie. Nou kan jy nie met presiesheid sê: "Vandat die laaste druppel op 8 Mei 2015 om 03:51:10 gestort het tot op 5 Julie 2019 om 08:11:31 het..." Jy sal ongelukkig moet veralgemeen. En nog 'n probleem is wanneer iets nog aan die gang is... soos die waterprobleme in Kaapstad.
Daarteenoor het ek weer SAUK-SABC-bulletin van 14 Februarie 1966 (bl. 55, 'Gaar miljoene gellings in watertenks op') wat uitdruklik stel:
Cquote1.svg

'n Dorp soos Alberton met 18 000 blanke inwoners kan byvoorbeeld wanneer elke huiseienaar slegs 'n duisend gelling-watertenk sou oprig, reeds konserwatief bereken, 10% van sy jaarlikse waterverbruik op die manier uit reënwater voorsien. Veral vir tuingebruik [...]

Cquote2.svg
En hier het mens die voorreg om "Reeds op 14 Februarie 1966 berig 'SAUK-SABC-Bulletin...." te gebruik, om te benadruk hoe lank gelede mense al oor hierdie waterprobleem nagedink het en die potensiaal van die watertenke kon ingesien (of oorskat) het. Selfs oor 'n honderd jaar sal dit nog sin maak.
Vanmiddag hoor ek nog iemand sê: "die volgende paar maande sal...". Nou kry jy hierdie berig êrens en skryf dit net so neer.
Terwyl jy eintlik moes sê: "Op 15 Oktober 2019 waarsku Piet-de-wyse die daaropvolgende paar maande kon..." Dit klink snaaks as mens dit NOU skryf.
Maar nou het jy ook "Hy sê die afgelope paar maande het..."
Nou hoe maak mens nou? "Op 15 Oktober 2019 sê Piet-de-wyse die vorige paar maande (?) / die paar maande tevore (?) het..." Suidpunt (kontak) 12:56, 15 Oktober 2019 (UTC)
'n Sin soos "vyf jaar gelede...", wat nie verder gespesifiseer word nie, is een jaar later reeds valse inligting. En die verdere probleem is dat dit net gekorrigeer kan word as die volgende gebruiker weer die navorsing gaan oordoen. JMK (kontak) 07:43, 16 Oktober 2019 (UTC)

Kategorieë deur Gebruiker:Wwikix

Gemeenskap, Gebruiker:Wwikix is nou al geruime tyd besig om kategorieë te verander/skep sonder om enige iemand in te lig wat sy doelwitte is. Ek persoonlik dink nie hy voeg enige waarde toe nie. Julle insae asb? Groete! Oesjaar (kontak) 10:47, 15 Oktober 2019 (UTC)

Ek hou hom al 'n geruime tyd dop en sien nie probleme nie. Ons benodig ook manne wat katwerk doen. Hy skryf en hersien ook artikels! Groete. -- Flag of South Africa.svg SpesBona 10:52, 15 Oktober 2019 (UTC)
Ek dink ons het heeltemal te veel kategorieë vir die aantal artikels wat ons het, en dit is nie net Wwikix nie. Kyk maar net na Kategorie:Kategorieë van Wikipedia om te sien hoe absurd dit soms raak. Ons gaan naderhand meer kategorieë as artikels hê. ~ Burgert (kontak) 21:25, 15 Oktober 2019 (UTC)

──────────────────────────────────────────────────────────────────────────────────────────────────── Ek maak nuttige kategorieë in ooreenstemming met die Afrikaanse Wikipedia se stelsel. Daar is egter kategorieë wat te ver gaan, sien: Kategorie:Kandidate vir spoedige verwydering. Wwikix (kontak) 14:27, 16 Oktober 2019 (UTC)

NS Ek het pas meeste van hierdie kandidate geskraap! --Aliwal2012 (kontak) 07:54, 19 Oktober 2019 (UTC)
Baie dankie vir jou goeie werk jong, maar ek dink regtig nie die kategorieë 'pianiste volgens nasionaliteit' en 'violiste volgens nasionaliteit' gaan te ver nie, as ek reg onthou het die enkele kategorie 'Pianiste' bv. te slordig begin lyk en was dit die regte keuse om 'n nuwe, meer vaartbelynde kategorie te skep (dieselfde geld vir violiste en dirigente!). Ek het ek vir K175 gevra om die kategorieë te skep as ek reg onthou. Moet dit asseblief nie verwyder nie. Ek wil nog baie artikels skep/vertaal/skryf oor pianiste, dirigente en violiste! Charlielv55 15:01, 16 Oktober 2019 (UTC)

Oesjaar glimlag breed!

Gemeenskap: ek het vandag my optiese vesel verbinding gekry! Dit maak 'n groot verskil! Groete! Oesjaar (kontak) 16:15, 15 Oktober 2019 (UTC)

Sonder om Wikipedia in mybroadband.co.za te laat ontaard, wat van 'n skermkiekie van http://speedtest.co.za/ ? Suidpunt (kontak) 18:08, 15 Oktober 2019 (UTC)

Stellenbosch

Afrikaans voorlopig ook weg by Stellenbosch. Hier is die uitspraak, wat ek nog deeglik moet bestudeer. Kyk ook Danie van Wyk se kommentaar, en Giliomee (2016). Maar in ieder geval beteken dit dat die waarde en belang van wikipedia in Afrikaanse onderwys weereens styg. JMK (kontak) 22:21, 15 Oktober 2019 (UTC)

Die Konstitusionele Hof mag dan ook besluit dat postkoloniale tersiêre Engelsmedium-onderwys in 'n Derdewêreldland soos Suid-Afrika ewe goed gestaak kan word omdat dit heeltemal nie kan meeding met dié wat deur topvlak-instellings in die Verenigde State aangebied word nie en studente slegs gemarginaliseer gaan word as hulle hul opleiding buite die VSA ontvang. Voyageur (kontak) 23:07, 15 Oktober 2019 (UTC)
@Gebruiker:JMK, net soos Tuisonderrig mens bewus maak van die politieke onderstrominge op hierdie gebied. Glo my, 'n mens wil nie wat wetgewing betref 'n tweede Duitsland hier hê nie. Die nadeel weer van 'n privaatskool is dat ieder een 'n idioot van die straat af kan aanstel, en die Departement van Onderwys voel vere. Die ironie van die saak is dat staatskole ook deesdae enige Jan Rap en sy Maat sonder die nodige kwalifikasies aanstel - party het hoegenaamd geen planne om te gaan leer nie - maar sien, dan bespaar die Beheerliggaam geld daarop. Ek sien dit by my alma mater.
@Gebruiker:Voyageur, glo my, al het mens ook Genderstudies, die onbruikbaarste vakgebied onder die son in Oxford gaan studeer, word jy soos 'n heilige op eie bodem terugverwelkom. Die kanse dat jou Duitse sertifikaat in megatronika of nanotegnologie nie sal tel nie, bloot omdat die sertifikaat in Duits is (en die arme drommels nie weet hoe om Google Translate te gebruik nie), is waarskynliker. Soos ek nou voel doen ek aansoek vir 'n beurs en gaan Amsterdam toe - maar die hemel alleen weet watter Marxistiese, volksvyandige, omvolkings-vriendelike GroenLinks-tannies (wat in die publiek uitgesproke feministe is, maar saans in die BDSM-saal hard gebliksem word deur 'n man) wag my daar in... O ja, het Nederlandse Universiteite nie juis ook verengels nie? Goed, dan vat ons Université le Sorbonne - kan nie, 'n elite-gemeente. Duitsland? Kan nie, jy het 'n C2-sertifikaat nodig. En dit laat my wonder - hoe goed moet jou Afrikaans wees om by Akademia in te skryf? Slegs diegene met 85% of hoër op hul matrieksertifikaat? As die staatsdepartemente dan links en regs kan voorskryf soos hulle luskry, kan ons 'n Duitsland op hulle trek? En as jy dan so graag by Akademia wil inskryf, moet jy jou swak Afrikaans eers verbeter deur drie/vyf oorbruggingsjare te loop, totdat jou Afrikaans op koers is. Maar nee, jy het vir iets soos BSocSci slegs 50% nodig "in die onderrigtaal van Akademia". O, bloue populierdonners: 40% vir Afrikaans as jy 'n prokureur wil word! Vir iemand wat kontrakte moet opstel - daar is 'n rede hoekom mens vroeër 'n BA moes hê voor LLB! Van die wal af tot in die sloot. Weet jy, ek het ook al gewonder hoe 'n mens tweedejaarsafrikaanse studente kry wat steeds op alles 'n S-V-O sinsbou het, duidelik van huis uit Engels of Portugees. En onthou, hierdie studente doen eendag aansoek om werk met hierdie "tweedejaarsafrikaans", terwyl hul nie één ordentlike sin Afrikaans kan praat nie en ook nie van plan is om uit skuldgevoel iets aan die saak te doen nie. Suidpunt (kontak) 04:08, 16 Oktober 2019 (UTC)
Kyk hierna. Volgens Taalgenoot se artikel oor die 30%-matriekpunt wat goed genoeg is vir 'n B.A.-graad ("universiteitsvrystelling"), gaan die "outonome" universiteite steeds die toelatingsvereistes kan stel soos hulle wil. Bullshit. As die staat sê spring, of ons draai die geldkraantjie toe dan is die universiteite maar te gewillig om in te stem. Outonomie se gat - dit het nog nooit bestaan nie. "In 'n sin het hierdie skandalige lae vereistes nie enige impak op die standaard van universiteite nie." Snaaks hoe die boeke wat ek tien jaar gelede deurgewerk het deesdae net 'n kwart van die inhoud oorgebly het; daar is nie 'n ander driekwart nie... Bullshit! Suidpunt (kontak) 04:23, 16 Oktober 2019 (UTC)
GroenLinks-tannies? (skaterlag) Nee, ek verwag nie dat jy enige moeilikhede sal ervaar nie. Of hulle nou groen of links is, die oorgrote meerderheid Nederlandse studente is intelligent en beleefd. Marxistiese gedagtes sal orals floreer waar enige soort van uitbuiting of ander soorte sosiale ongelykhede voorkom. Dit is 'n belangrike deel van die politieke diskoers. Feminisme is die antwoord op enige vorm van manlike chauvinisme waardeur teen vroue en seksuele minderhede gediskrimineer word. Ek het geen probleem daarmee dat vroue gelyke regte en kanse opeis nie.
Dit is natuurlik interessant om Suid-Afrikaners met Europeërs te vergelyk. Julle daar het nie die seksuele bevryding en politieke debatte van die 1960's gehad nie. Die grustories oor Amerikaanse en Europese universiteitskampusse is egter juis nie waar nie. Daar is inderdaad streke en deelstate met 'n Meer progressiewe bevolking soos Vermont (waar selfs kabeltelevisie-ondernemings deur sosialisties-rewolusionêr-marxisties gesinde verbruikers ( ;) ) gedwing word om tariewe te verlaag) of Oos-Berlyn en -Duitsland. Die een het demografiese verandering ervaar deur nuwe liberale aankomelinge uit ander deelstate, die ander het daarin geslaag om 'n meer solidariese samelewing te ontwikkel.
Dat Afrikaanse onderwys nog dikwels aan die Christelike geloof gekoppel is, sal 'n verrassing vir Europeërs wees. Voyageur (kontak) 11:31, 16 Oktober 2019 (UTC)
En wat dan nou van al die katolieke universiteite? Dis tog vry algemeen in Europa? Suidpunt (kontak) 12:03, 16 Oktober 2019 (UTC)
Hulle staan oop vir alle studente, ongeag van geloof en politieke oortuiging, waarborg die vryheid en onafhanklikheid van navorsing en doseerwerk en is meer of min gelykgestel aan openbare staatsinstellings. Natuurlik word hulle deur die Kerk befonds en probeer hulle bepaalde etiese waardes en 'n Christelike mensebeeld nastreef. Voyageur (kontak) 12:33, 16 Oktober 2019 (UTC)

Feedback wanted on Desktop Improvements project

07:18, 16 Oktober 2019 (UTC)


Vertaling deur Suidpunt

Dagsê. Die WMF se Webleserspan beoog om oor die volgende paar jaar 'n paar verbeterings aan die koppelvlak te bring. Ons wil dit so gebruikersvriendelik moontlik maak, sonder om aan die funksies en werkbaarheid te karring. Ons het die insae van 'n paar vrywilligers ingewin - maar ongelukkig is hierdie insette tot programmetjies, toepassings, gebruikerskripte, aanvangsmodelle (prototipes) en baadjies beperk. Ons wil graag van hierdie bydraes by al die Wikimediaprojekte begin ontplooi.

Ons is tans slegs besig met die navorsing. Ons soek jou insae en terugvoer oor van die planne en nabootsingsprogramme wat reeds ter tafel gelê is. Ons het reeds by Wikimania onder die gemeenskap begin rondvra en 'n lys opgestel van voormalige vrywilligers wat in hierdie gebied werksaam was. Ons ondersoek tegniese insette, waar doenlik, om hierdie veranderings moontlik te maak.

Ons soek van jou kant af:

  • Fokuspunte vir die projek waaraan ons nog nie gedink het nie
  • Verdere toevoegings tot ons lysie programmetjies of gebruikerskripte om die gebruik makliker, beter en vinniger te maak. Wat sou jy graag wou hê moet jou Wiki doen?
  • Verdere terugvoering rakende die idees en nabootsingsprogramme wat by ons ingedien is

As jy jou Wiki tydens die toetsfase op die proef wil stel, sal hy onder die eerstes wees waar hierdie veranderinge infaseer word.

Maar voordat jy jou terugvoering instuur, hou asseblief die volgende doelstellings van die projek voor oë:

  • om dit vir die lesers makliker te maak om op die inhoud te fokus
  • toegang tot die alledaagse werksaamhede (bv. soektogte, taaloorskakeling, redigering) te vergemaklik
  • die verbeterde, bruikbare uitleg van die inhoud daar te stel
  • meer konsekwentheid m.b.t. ander platforme (soos vir selfoon- en toepgebruikers) te handhaaf
  • om rommel weg te werk
  • met toekomsgerigte beplanning wat groei aanbetref

Met dien verstande:

  • Daar sal nie met die inhoud gepeuter word nie - die struktuur van die Wikipedia-bladsye en stylsjablone self bly onaangeraak.
  • Geen funksies sal weggeneem word nie - die uitleg van die funksies mag miskien hier en daar verskuif word, maar by verstek bly alles nog dieselfde.
  • Geen geweld sal die uitleg aangedoen word nie - veranderinge sal stelselmatig plaasvind om ons ou gebruikers en lesers nie te vervreem nie.

Stuur asseblief jou terugvoer (in welke taal dan ook) na mw:Talk:Reading/Web/Desktop Improvements

Sodra alle insette ingewin en alles mooi agter mekaar is, bou ons 'n prototipe gegrond op hierdie klagtes en gedagtes. Ons sal daarna weer vir jou 'n luitjie gee om die model te toets vir eventuele foute en verbeterings.

Baie dankie! Quiddity (WMF) (talk)

07:18, 16 Oktober 2019 (UTC)