Wikipedia:Voorbladartikel week 31 2010
Silvester II (946-1003), gebore as Gerbert van Aurillac, was die 139ste pous van die Rooms-Katolieke Kerk en die eerste pous wat uit Frankryk afkomstig was. Hy was 'n geleerde en het gehelp om die Arabiese kennis omtrent wiskunde, rekenkunde en astronomie in Europa te herintroduseer. Hy het ook die gebruik van die astrolabium en die armillaarsfeer heringevoer na die Weste. As gevolg van sy band met die wetenskaplike wêreld en pogings om korrupsie binne in die kerk uit te roei, het daar baie gerugte ontstaan dat hy 'n bondgenoot van die duiwel was.