Wikipedia:Voorbladartikel week 44 2008
Leiden is naas Rotterdam, Den Haag, Dordrecht en Zoetermeer die vyfde grootste stad van die Nederlandse provinsie Zuid-Holland. Die stad is aan die Rynrivier geleë en het as 'n sogenaamde dykdorp aan die voete van 'n kunsmatige heuwel ontstaan, waar die Ou en Nuwe Rynriviere saamvloei. Die vesting van Leiden in die graafskap van Holland het in die 9de eeu ontstaan toe die Wikings oor Utrecht geheers het. Leiden het in 1266 stadsregte bekom.