Wikipediabespreking:Help

in Wikipedia, die vrye ensiklopedie
Jump to navigation Jump to search

Hier is nou 'n klomp rooi skakels, en dit lyk of die bladsy baie soortgelyke dinge probeer doen as Wikipedia:Gebruikersportaal. Iets soos 'n navraagstoonbank kan net werk as iemand dit beman. Ek vermoet ons ons nog klein genoeg dat die geselshoekie vir amper alles gebruik kan word. As iemand nuwe goeters beman, piekfyn. Maar ons moet nie lesers bedrieg deur "dienste" aan te bied wat ons nie kan lewer nie. Ek dink ons moet goeters byvoeg soos 'n behoefte daarna ontstaan. Sommer my gedagtes. --Alias 21:16, 27 April 2006 (UTC)

Alias, toe jy hierop kommentaar lewer, kom ek agter ek het die ding wat ek wou doen aangekondig op die verkeerde besprekingsbladsy. Sien miskien as jy wil, wat ek gesê het daaroor op Wikipediabespreking:Redigeer. Wat betref jou gedagtes hieroor, sure, soos wat ek die behoefte gehad het om hulp met "permanente skakel" te kry op my eie, en (as jy nie die moeite gedoen het om dit vir my so geduldig en ordentlik te verduidelik nie) dit glad nie in die uitgebreide hulpdoolhof van en:wikipedia kon kry nie. Dis dié dat ek voel ons moet so stadigaan 'n bietjie goed hier by ons begin bysit. Ek het geen probleem dat ons nie ons dienste adverteer wat nog nie bestaan nie, ek voel net ek is besig om die grondleggingsvertaalwerk van die uitgebreide hulpsjabloon solank reg te kry. As ons dit dan in die toekoms begin benodig, aktiveer ons dit so maklik as wat dit is om die <!-- --> programmeringskode uit te vee. Of anders gesê: dis hoekom ek op die oomblik 'n groot "Onder konstruksie" teken vooraan die werk geplaas het, totdat ek (en enigiemand wat wil help, help gerus) genoeg grondwerk gedoen het dat die basiese sjabloon bestaan, maar dat ons die (weens mannekragtekort) nie-bemande dienste eers wegsteek, met 'n skraler spyskaartkeuse as elders, geen vals beloftes nie, maar met ten minste 'n paar goeie volgbare blou skakels wat logies en konsekwent die antwoord op 'n hulpvraag gee. As ek in die metafoor van universiteitstudente mag praat: Vir 'n nuwejaar is die paar redigeringswenke wat 'n mens kry wanneer jy die "hulp"knoppie aktiveer heeltemal goed genoeg. Vir die vierdejaar is die vermoë om ingewikkelde hulpverwysings elders te kry vanselfsprekend. Die behoefte wat tans bestaan en vir my die drang verskaf om die diens te genereer, is vir die tweedejaar wat dink hy weet iets, maar baie dikwels nie regtig 'n benul het nie, en nie bekwaam genoeg, tyd genoeg, ens. het om dit elders op te spoor nie; en ooglopend en moeiteloos nie die antwoord kry by Wikipedia:Gebruikersportaal nie. Sekerlik help dit om ouens soos jy rond te hê, en het ek die meeste van wat ek al hier geleer het, geleer deur te kyk wat die seniors doen. Dié dan my gedagtes daaroor. --Nomdeplume 22:41, 27 April 2006 (UTC)
Alias, ek het nou probeer doen wat ek probeer verduidelik het hierbo. M.a.w. die aparte ontwikkelende Hulpbladsy onderaan die Wikipedia:Help wys tans min of meer net dié skakels wat êrens heen lei, en ek het toe een rooi skakel van vroeër vandag daarop verblou (die VRA-deel) en verder, ter wille van my poging om te probeer wys dat 'n algoritmiese skakelsisteem bestaanreg het langs die huidige een, en m.i. dit nog meer kan aanvul, weer net een rooi skakel daarop verblou en eers al die ander weggesteek totdat hulle geaktiveer word. Maak dit vir jou sin? As jy -- of 'n ander konsensusgroep -- aanhou sterk hierteen voel, sal ek die werk uithaal, met nie die minste kwade gevoelens daaroor nie, dan skrap ons net die blaaie wat ek so rond en bont geskep het, en dan is sake weer terug soos dit was voordat ek hiermee weggespring het. --Nomdeplume 02:29, 28 April 2006 (UTC)
Ek is nou so deurmekaar met watter hulp waar is en watter bespreking waar is! Ek voel 'n ernstige behoefte om dinge erg te vereenvoudig. Daar is bv nou twee plekke wat wiki-sintaks verduidelik. Dit op hierdie blad sal saamgesmelt moet word in Wikipedia:Redigeer. Wikipedia:Redigeer moet miskien ook geskuif word na die Hulp-naamruimte. Ons sal moet besluit wat hoort in die Wikipedia-naamruimte (Wikipedia:....) en wat hoort in die Hulp-naamruimte (Hulp:....). Administrateurskap word nou ook op twee plekke verduidelik. Die idee van dinge wegsteek kan werk, maar wat ek vrees is dat iemand iets soortgelyk (dalk êrens anders) gaan skep omdat hulle hierdie bloot nie sien nie. Persoonlik wil ek dinge regtig eenvoudig hou en eerder aan inhoud werk - maar dis elkeen se reg om aan sy eie goeters te werk. Die Engelse hulpblad kan werk - daar is seker baie dinge moontlik. Vir die Hulp-skakel onder "navigasie" hou ek nogal ook bietjie van m:Help:Help (meta) - Hulp vir lesers, redigeerders, en elke ander belangegroep. Maar vir ons natuurlik erg eenvoudig.
Wat my bekommer is dit: Ek het net al 'n paar keer gesien dat ons 'n probleem het met verouderde dokumentasie. Iemand begin daarmee ("dit is belangrik" - en ek stem saam) maar as dit nie onderhou word nie, is dit moontlik van minder waarde as iets wat mens bloot verwys na die Nederlandse of Engelse bladsye. 'n Leser kan nie oordeel of dokumentasie op datum is nie. Daar is duisende mense wat werk aan die groot Wikipedias. Ons is enkelinge. Daar is ongelooflik baie beleid, tegniek, hulp, nuus, ens. om te vertaal. Ons kan eenvoudig nie alles doen presies soos wat dit by Engels gedoen word nie. Ek stem saam dat ons juis iets lekker kan aanbied deur vereenvoudigde dokumentasie aan te bied. Ek voel dit is baie belangrik dat mense weet hoe om daarby te kom en waar om daarby by te las. Anders kry ons duplikasie. Die gebruikersportaal het al begin om so-iets te gee, maar dit kan natuurlik baie netjieser. (Dit is wel op die oomblik waarskynlik die beste versameling projekskakels wat ons het.)
Kyk gerus na die skakel by meta wat ek bo noem. Dis natuurlik nie vir my om voor te skryf nie, maar ek hou van die idee van: Inhoud, Hulp vir lesers, Hulp vir nuwelinge, Hulp vir redigeerders ens. Ag, dis sommer 'n idee. Maar ek vermoet ons moet 'n kennisgewing boaan elke bladsy sit wat iets sê soos: "Hierdie is dokumentasie wat moontlik al verouder het. Sien die Engelse en Nederlandse dokumentasie wat waarskynlik meer op datum is." (met die skakels daarheen) Só kan mense altyd weet waar om die nuutste inligting te kry. Hierdie is natuurlik net my idees, maar dit sal vir my jammer wees as 'n klomp tyd spandeer word aan 'n reuse hulpstelsel wat min gebruik word en wat oor 6 maande tekens van veroudering begin wys. Daar is soveel belangrike dinge om te doen (afgesien van die werk aan inhoud, natuurlik). Persoonlik voel ek net nie dat hierdie baie belangrik is nie. Soos ek sê: my opinie. Ek wil jou nie afsit nie, maar wil graag alle beskikbare krag kanaliseer soos wat ek (moontlik verkeerdelik) dink goed is. Ek sou nie sê ek voel baie sterk nie, maar dalk flous ek myself :-) Gits, mens, waar bly jy? Ek dink ons moet eerder bel of iets - ek gaan nog moeg getik raak ;-) Groete, Alias 07:59, 28 April 2006 (UTC)
Ek besef ek sukkel om mooi te bewoord: nog 'n gedagte: Deur nou klomp goeters te vertaal wat nie vertoon nie, voel reeds jammer, maar dit kan ook wees dat daar 'n ander/beter manier is waarop mense dinge wil doen teen die tyd dat ons wel 'n toonbank of iets daar wil stel. Dit is hoekom ek voel: kom ons skep goeters waarvoor daar 'n aanbod is, en waarvoor daar skakels is. Ek vermoet rooi skakels in hulpbladsye is nie nuttig soos met artikels nie, behalwe miskien in hulpbladsye aan redigeerders. --Alias 08:26, 28 April 2006 (UTC)
Hai Alias!
Dit was nou vir my lekker om 'n kans te kry om jou gedagtes hieroor so breedvoerig te hoor. Terugvoer daaroor.
  • Die bel is 'n blink idee, maar ek dink ek bly 'n bietjie te ver weg van jou af (betreffende beide befondsing en tydsones) :). Sal jy gemaklik wees daarmee as ek eerder vir jou e-pos? Dan kan jy en ek mekaar in die hande kry as ons dit nodig het? Ek is nogal ook aan die paranoïes raak oor my privaatheid :)
  • Ek het nie só aan die saak gedink soos jy dit uiteengesit het nie, maar jou gedagtes is goed, en maak vir my sin. Ek het dit so geniet om Hulp: Permanente skakel(s) te doen, dat ek steeds jeuk om iets sinvol vir ons almal daar te gee, vir waarvoor dalk nou reeds 'n aanbod is, en met die minimum/geen rooi skakels.
  • Hier's my voorstel: ek gaan die goeters wat ek gedoen het, ongedaan maak -- wat die rede is dat ek die grootste deel net onderaan die Wikipedia:Help geplaas het sonder om iets anders uit te vee -- behalwe vir die FAQ-tipe administrateursvrae stukkie, omdat ek dink daar is tog 'n bietjie Afrikaanse Wikipedia-spesifieke détail in. Maar as jy vir my so sê, dan haal ek dit met plesier ook uit.
  • As jy of die ander administrateurs dan 'n behoefte voel vir 'n spesifieke hulptaak, of 'n touwysingstipe ding (soos met Hulp:Permanente skakels), en julle self het nie tyd daarvoor nie, druk dan op my (gebruikers)knoppie.
Laat my asseblief weet hoe jy daaroor voel.
Groete, --Nomdeplume 22:32, 29 April 2006 (UTC)