Wikipediabespreking:Voorbladartikel week 45 2008
Beeld[wysig bron]
Ek het gekyk na beelde van die nasionale simbole van SA: die springbok, bloukraanvoël, koningprotea, galjoen en geelhout, maar buiten Beeld:Springbok etosha.jpg nie werklik iets gesien wat ek as voorbladmateriaal sou beskou én oombliklik "Suid-Afrika" sou kategoriseer nie (ek dink omdat ons gewoond is aan proteas dink ons eerste "protea" i.p.v. "Suid-Afrika"). By eilandnasies werk satellietbeelde uiters goed, bv. Ysland en Japan en soms is daar beelde wat 'n land goed opsom, bv. hierdie Australiese toneel of hierde beeld wat vir die sjabloon oor Kanada gebruik is.
Die beskikbare satellietbeelde van Suid-Afrika was nie so treffend nie, ook nie die beskikbare natuurbeelde nie. Ek sou graag die Springbokbeeld waarna ek hierbo geskakel het wil gebruik, maar nie as daar Kapenaars of Natallers is wat te na gekom gaan voel nie. (Ek wou juis nie 'n Drakensbergtoneel gebruik nie, want dit sluit die bosveld/Namakwaland/ens. uit). Die wapen is dus 'n veilige keuse en meer "portrait", wat beter uitlegkeuse is vir ons voorblad as die vlag, wat "landscape" is. Anrie (kontak) 12:10, 1 November 2008 (UTC)