William Mulholland

in Wikipedia, die vrye ensiklopedie
Jump to navigation Jump to search
William Mulholland
’n Beeld van die betrokke persoonlikheid.
William Mulholland, besig om opmeetwerk te doen (foto geneem tussen 1908 en 1913)

Gebore (1855-09-11)11 September 1855
Belfast, Ierland
Oorlede 22 Julie 1935 (op 79)
Los Angeles, Kalifornië
Nasionaliteit Vlag van Verenigde Koninkryk Verenigde Koninkryk
Vlag van Verenigde State van Amerika Verenigde State
Ouers Hugh en Ellen Mulholland
Beroep Siviele ingenieur, Hoofingenieur van die Bureau of Water Works and Supply
Bekend vir Los Angeles-akwaduk
Opvolger Harvey Van Norman

William Mulholland (* 11 September 1855 in Belfast, Ierland; † 22 Julie 1935 in Los Angeles, Verenigde State) was 'n selfgeleerde siviele ingenieur wat met die bou van Los Angeles se gesofistikeerde stelsel van waterleidings verbind word - 'n grootskaalse infrastruktuurprojek waarsonder die groei van dié stad tot een van die wêreld se grootste metropole ondenkbaar sou gewees het.

As hoofingenieur van die historiese voorganger van Los Angeles se huidige Departement van Waterwese en Kragvoorsiening het Mulholland die Los Angeles-akwaduk ontwerp, 'n waterleidingstelsel wat rivierwater uit die Owensvallei oor 'n afstand van 233 myl (375 km) na die San Fernando-vallei voer, en toesig oor die boubedrywighede gehou. Die akwaduk se bou en bedryf was van begin af omstrede en het die aanleiding tot die sogenaamde Kaliforniese Wateroorloë (California Water Wars) gegee.

William Holland se ingenieursloopbaan het in Maart 1928 skielik tot 'n einde gekom toe die St. Francis-dam gebreek het - net twaalf ure nadat hy saam met sy assistent 'n veiligheidsinspeksie uitgevoer het. In Los Angeles is bouwerke en paaie na hom vernoem soos die Mulholland-dam in die Hollywood Hills, Mulholland Drive, Mulholland Highway en Mullholland Middle School.

'n Gesaghebbende biografie is in 2000 deur Mulholland se kleindogter Catherine gepubliseer.[1]

Verwysings[wysig | wysig bron]

  1. Catherine Mulholland: William Mulholland and the Rise of Los Angeles. Berkeley • Los Angeles • London: University of California Press 2000