Willie Kühn

in Wikipedia, die vrye ensiklopedie
(Aangestuur vanaf Willie Kuhn)
Jump to navigation Jump to search

Willie Kühn is 'n Suid-Afrikaanse skrywer[1] en afgetrede senior joernalis (as dagblad- sowel as tydskrifredakteur). Hy het aan die Universiteit van die Oranje-Vrystaat gestudeer.

Lewe en werk[wysig | wysig bron]

Sy joernalistieke loopbaan begin einde 1962 by Die Volksblad in Bloemfontein, waar hy terselfdertyd kunsmedewerker is van die Sondagkoerant Die Beeld. By hierdie koerant vorder hy tot assistent-redakteur. In die sewentigerjare is hy vir 'n ruk tot 1978 Nasionale Pers se koeranteverteenwoordiger in Londen. Hierna sluit hy as assistent-redakteur aan by die redaksie van Beeld,[2] waar hy in 1986 boekeredakteur word en bevorder word tot senior assistent-redakteur en dan vanaf Januarie 1993 redakteur is. Hy word dan in September 1996 redakteur van Huisgenoot, 'n pos wat hy tot met sy aftrede in 2002 beklee. Hy is getroud met Annetjie en hulle woon in Kaapstad. Hulle het drie kinders. In 2008 onderneem hulle 'n uitgebreide reis deur Duitsland.

Skryfwerk[wysig | wysig bron]

Hy bundel sy gedigte in “In die oog van stilte”,[3][4] waarin hy besin oor die mens se verhouding teenoor die natuur en die aard van verganklikheid probeer begryp. Die titel suggereer die fyn kyk en insig wat slegs kom wanneer refleksie plaasvind en die uitkyk na 'n ruspunt waar die lewe werklik betekenis verkry. Indrukwekkend is sy vormbeheer en die ironiese woordspel waarmee hy sy boodskap kommunikeer. Van sy gedigte word opgeneem in “Groot verseboek”.

Publikasies[wysig | wysig bron]

2005 - In die oog van stilte

Verwysings[wysig | wysig bron]

  1. Beukes, W.D. (red.) “Boekewêreld: Die Nasionale Pers in die uitgewersbedryf tot 1990” Nasionale Boekhandel Bpk. Kaapstad Eerste uitgawe eerste druk 1992
  2. Beeld: http://152.111.1.88/argief/berigte/beeld/1992/06/8/1/4.html
  3. De Wet, Karen “Beeld” 5 April 2005: http://152.111.1.88/argief/berigte/beeld/2005/04/04/B1/11X/04.html
  4. Hambidge, Joan “Volksblad” 28 Maart 2005: http://joanhambidge.blogspot.co.za/2013/02/willie-kuhn-in-die-oog-van-stilte-2005.html