Witdoring

in Wikipedia, die vrye ensiklopedie
Spring na: navigasie, soek
Witdoring
S.A. nasionale nommer: 180 [1]
Wetenskaplike klassifikasie
Koninkryk: Plantae
(geen rang): Angiosperms
(geen rang): Eudicots
(geen rang): Rosids
Orde: Fabales
Familie: Fabaceae
Subfamilie: Mimosoideae
Genus: Senegalia
Spesie: Senegalia polyacantha
Subspesie: S. p. subsp.
campylacantha

Trinomiale naam
Senegalia polyacantha subsp. campylacantha
(Hochst. ex. A.Rich.) Kyal. & Boatwr.
Verspreiding van S. p. subsp. campylacantha
Verspreiding van S. p. subsp. campylacantha
Sinonieme
  • Acacia caffra var. campylacantha (A.Rich.) Aubrev.
  • Acacia campylacantha A.Rich.
  • Acacia catechu subsp. suma (Roxb.) Roberty
  • Acacia polyacantha subsp. campylacantha (Hochst. ex. A.Rich.) Brenan

Die Witdoring (Senegalia polyacantha subsp. campylacantha) is 'n boom endemies aan Afrika. In Engels staan die boom bekend as Whitethorn.

Identifikasie[wysig | wysig bron]

Dit is 'n groot bladwisselende boom wat tot 20 m hoog kan word, met 'n relatief spaarsamige, vormlose tot ronde kroon. Die stam is besonders lank, reguit en kaal en dra lang, kaal takke. Ouer bas is donkergrys, lengtegewys redelik diep gegroefd, wat afskilfer in groot kurkagtige vlokke om die nuwe geel bas daaronder bloot te stel.

Die fyn, haarlose blaartjies (5 x 1 mm) word dubbelsaamgestel aan pinnas gedra (tot 40 pare aan 'n pinna, 25 cm lank). Klein rooibruin haakdorings kom aan die onderkant van die strosstingel voor, met 'n buitengewoon groot, ovaal klier aan elke blaarsteel.

Gebruike[wysig | wysig bron]

Blaar

Afweermiddel[wysig | wysig bron]

Die wortels stel chemiese stowwe vry wat krokodille, slange en rotte wegdryf.[2][3]

Medisinale gebruike[wysig | wysig bron]

'n Ekstrak gemaak van die Witdoring se wortels is bruikbaar teen slangbyt en 'n kind wat rusteloos is snags, se lyf kan hiermee afgespons word.[2]

Hout[wysig | wysig bron]

Die boom se hout is bruikbaar as brandhout, maar sy dorings maak dit effens lastig.[3] Die kernhout het 'n digtheid van ongeveer 705 kg/m³.[4]

Sien ook[wysig | wysig bron]

Bronne[wysig | wysig bron]

  1. Van Wyk, Piet (2008). Field guide to the TREES of the Kruger National Park. Kaapstad: Struik, 71. ISBN 978-1-77007-759-1. 
  2. 2,0 2,1 Acacia polyacantha”. www.plantzafrica.com. URL besoek op 2009-01-14.
  3. 3,0 3,1 Species Information”. www.worldagroforestrycentre.org. URL besoek op 2009-01-14.
  4. FAO

Eksterne skakels[wysig | wysig bron]