Withaarbroodboom

in Wikipedia, die vrye ensiklopedie
Jump to navigation Jump to search

Withaarbroodboom
Encephalartos friderici-guilielmi KirstenboshBotGard09292010G.JPG
'n Withaarbroodboom by Kirstenbosch
Wetenskaplike klassifikasie
Koninkryk:
Division:
Klas:
Orde:
Suborde:
Familie:
Subfamilie:
Tribus:
Subtribus:
Genus:
Spesie:
E. friderici-guilielmi

Lehm. 1834
Binomiale naam
Encephalartos friderici-guilielmi

Die Withaarbroodboom (Encephalartos friderici-guilielmi) is 'n inheemse Suid-Afrikaanse broodboom wat in die Oos-Kaap en KwaZulu-Natal voorkom. Alhoewel dit wydverspreid en relatief volop voorkom, het die aantal bome wat in die natuur voorkom geleidelik met ongeveer 20 persent oor die afgelope 90 jaar afgeneem[1] as gevolg van versameling deur tuiniers en tradisionele genesers of hul verskaffers.[2] Die boom is ’n byna-bedreigde spesie op die IUBN-rooilys.

Beskrywing[wysig | wysig bron]

Die boom word ongeveer 4 m hoog en die diameter van die boomstam bereik 600 mm. Die blare is blou-groen van kleur, 1 tot 1.5 m lank, redelik reguit, en brei horisontaal uit wanneer die keëltjies voorkom. Waneer die boom 'n hoogte van ongeveer 4 m bereik, begin die stam leun en beland uiteindelik op die grond, waar dit aanhou groei met die kroon wat dan na bo buig. Manlike plante produseer tot 12 keëls en vroulike plante tot 6.[3] Die keëls is wollerig en liggeel van kleur en die sade wat deur die keëls gevorm word verander van geel tot oranje waneer dit ryp word.

Verspreiding[wysig | wysig bron]

Dit kom op 'n hoogte van 700 tot 1 400 m bo seevlak in die Oos-Kaap en KwaZulu-Natal voor. Die hoofverspreidingsgebied is in die Cathcart- en Komani-distrikte. Kleiner subpopulasies word verder noord gevind, naby Mthatha en in die omgewing van Kokstad op die grens tussen die Oos-Kaap en KwaZulu-Natal.

Geskiedenis[wysig | wysig bron]

Encephalartos friderici-guilielmi is in 1834 deur die Duitse botanikus professor Johann Georg Christian Lehmann beskryf, en ter ere van Friedrich Wilhelm, koning van Pruise genoem.[3]

Sien ook[wysig | wysig bron]

Verwysings[wysig | wysig bron]

  1. 1,0 1,1 "Encephalartos friderici-guilielmi". IUCN Rooilys van Bedreigde Spesies. Weergawe 2017-1. Internasionale Unie vir die Bewaring van die Natuur. 2010.
  2. "Encephalartos friderici-guilielmi, the white-haired cycad". Operation Wildflower. Besoek op 18 Junie 2017.
  3. 3,0 3,1 "Encephalartos friderici-guilielmi Lehm". SANBI: PlantZAfrica.com. Besoek op 18 Junie 2017.