Wolf D. Prix
Wolf Dieter Prix (* 13 Desember 1942 in Wene, Oostenryk) is 'n Oostenrykse argitek. In 1968 was hy een van die medestigters van die Weense argitekte-ateljee Coop Himmelb(l)au wat internasionale erkenning geniet as een van die vernaamste verteenwoordigers van dekonstruktivisme.
Opleiding en loopbaan[wysig | wysig bron]
Prix het sy opleiding aan die Tegniese Universiteit Wene, die Architectural Association in Londen en die Southern California Institute of Architecture in Los Angeles ontvang.[1] In 1968 het hy saam met Helmut Swiczinsky en Michael Holzer die Weense argitekte-koöperatief Coop Himmelb(l)au gestig. Nadat Holzer (in 1971) en Swiczinsky (in 2001) die ateljee verlaat het, is Prix die enigste stigterslid wat steeds by Coop Himmelb(l)au betrokke is en tans die funksies van Design Principal en hoof uitvoerende beampte vervul.
In 1993 is Wolf D. Prix as professor in argitektuur aan die Universiteit vir Toegepaste Kuns te Wene aangestel. Tien jaar later is hy aangestel as direkteur van die Universiteit se Instituut vir Argitektuur ('n pos wat hy tot 2012 beklee het) en as vise-rektor.
Verwysings[wysig | wysig bron]
- ↑ "www.coop-himmelblau.at: Design Principal/CEO – Wolf D. Prix. Besoek op 19 April 2017". Geargiveer vanaf die oorspronklike op 26 April 2017. Besoek op 19 April 2017.
