Wolf Totem

in Wikipedia, die vrye ensiklopedie
Wolf Totem
SkrywerJiang Rong (skuilnaam)
LandChina
TaalChinees. Vertaal in meer as 30 tale
Genreroman
UitgewerChangjiang Literature and Arts Publishing House
UitgegeeApril 2004
ISBN7-5354-2730-8

Wolf Totem ((zh) is 'n Chinese semi-outobiografiese roman uit 2004. Dit handel oor die ondervindinge van 'n jong Beijingse student wat homself in 1967 ten tyde van die hoogtepunt van China se Kulturele Rewolusie in landelike Binne-Mongolië bevind.[1] Die skrywer, Lü Jiamin, het die boek onder die skuilnaam "Jiang Rong" geskryf; sy ware identiteit het eers verskeie jare na die boek se publikasie bekend geword.[2]

Temas[wysig | wysig bron]

Wolf Totem word vertel deur die hoofkarakter Chen Zhen, 'n Chinese man in sy laat twintigs wat, net soos die skrywer, sy huis in Beijing, China, verlaat om in Binne-Mongolië te werk tydens die Kulturele Rewolusie. [3] Deur beskrywings van volkstradisies, rituele en die lewe op die steppe vergelyk Wolf Totem die kultuur van die nomadiese etniese Mongole met dié van die Han-Chinese-boere in die omgewing. Volgens sommige interpretasies prys die boek die "vryheid, onafhanklikheid, respek, onversetlikheid in die aangesig van armoede, spanwerk en mededinging" van eersgenoemde, en kritiseer dit die "Konfusianisme-geïnspireerde kultuur" van laasgenoemde, wat beskryf word as "skaap-agtig". [1] Die boek veroordeel die praktyk van kollektivisering wat die setlaars aan die nomade oplê en die ekologiese rampe wat dit veroorsaak en eindig met 'n 60 bladsy-lange "oproep tot aksie", wat nie verband hou met die hooftema van die roman nie. [4]

Die skrywer het gesê dat hy per abuis geïnspireer is om Wolf Totem te skryf: hy het die advies van die stamhoof van die groep nomades by wie hy tuisgegaan het geïgnoreer en per ongeluk op 'n trop wolwe afgekom. Hy het vreesbevange toegekyk hoe die wolwe 'n trop skape van 'n krans afjaag en die karkasse na 'n grot sleep. Hy was gefassineer deur die wolwe en het hulle en hul verhouding met die nomades van naderby begin bestudeer en selfs probeer om 'n wolf mak te maak.[4]

Kritiese reaksie[wysig | wysig bron]

Ondanks Jiang se weiering om enige toekenningsgeleenthede by te woon of aan enige publisiteit deel te neem, het Wolf Totem meer as tien literêre pryse ontvang, asook ander erkennings, waaronder: [4]

  • Aangewys as een van die "tien beste Chinese boeke van 2004" deur die internasionale nuusweekblad Yazhou Zhoukan[5]
  • Benoem vir die 2de "21ste eeu Ding Jun semijaarlikse literêre prys" in 2005[6]
  • Ontvanger van die eerste Man Asian literêre prys, November 2007[7]

Rolprentverwerking[wysig | wysig bron]

Wolf Totem is 'n Chinese film uit 2015 wat gebaseer is op die roman. Dit is geregisseur deur Jean-Jacques Annaud, wat saam met Alain Godard en John Collee die draaiboek geskryf het. In die Chinees-Franse mede-produksie word 'n student na Binne-Mongolië gestuur om herders te onderrig, maar doen in pleks hiervan kennis op oor die wolfpopulasie, wat deur 'n apparatsjik van die regering bedreig word.

Die Beijing Forbidden City Film Corporation wou aanvanklik 'n Chinese regisseur huur, maar die verfilming van mense saam met wilde wolwe is as te moeilik beskou. Die Nieu-Seelandse regisseur Peter Jackson is genader, maar die produksie het nooit plaasgevind nie. Annaud, wie se Seven Years in Tibet (1997) verbode is in China, is ondanks dié feit aangestel. Die film is vervaardig deur China Film Group en die Frans-gebaseerde Reperage. Annaud het met 'n produksiebegroting van 40 miljoen VS$ meer as 'n jaar lank Wolf Totem in Binne-Mongolië verfilm, waar die boek afspeel.

Die film se Europese première het op 7 Februarie 2015 plaasgevind. Dit sou na verwagting op 19 Februarie 2015 in China uitgereik word vir die begin van die Chinese Nuwejaar, en op 25 Februarie 2015 in Frankryk.

Verwysings[wysig | wysig bron]

  1. 1,0 1,1 French, Howard (2005-11-03), "A Novel, by Someone, Takes China by Storm", The New York Times, https://www.nytimes.com/2005/11/03/books/03jian.html?ex=1168318800&en=2530cd3ee76a49de&ei=5070, besoek op 2007-04-20 
  2. Bougon, Francois (2008-03-11), "Chinese ex-prisoner now global literary star", The China Post, archived from the original on 2008-03-19, https://web.archive.org/web/20080319023030/http://www.chinapost.com.tw/art/books/2008/03/11/146618/Chinese%2Dex%2Dprisoner.htm, besoek op 2008-03-14 
  3. Jiang 2004
  4. 4,0 4,1 4,2 Kremb, Jürgen (2006-03-21), "A Wolf in Sheep's Clothing: Beijing's Unwanted Best Seller", Der Spiegel, http://www.spiegel.de/international/0,1518,407184,00.html, besoek op 2007-04-20 
  5. Zhang, Hailing (2005-01-16), "argiefkopie" (in zh-Hant), Yazhou Zhoukan, archived from the original on 2019-06-03, https://web.archive.org/web/20190603063805/http://www.yzzk.com/cfm/Content_Archive.cfm?Channel=as&Path=3314008411%2F03AS1.cfm, besoek op 2007-04-20 
  6. 第二届"21世纪鼎钧双年文学奖"揭晓. Sina Corp (in Chinese (China)). 5 April 2005. Geargiveer vanaf die oorspronklike op 9 September 2005. Besoek op 20 April 2007.
  7. "Chinese author scoops book prize", BBC News, 2007-11-11, http://news.bbc.co.uk/1/hi/entertainment/7089513.stm, besoek op 2008-03-14