Woonstelblok aan Kotelnitsjeskaja-wal

in Wikipedia, die vrye ensiklopedie
Jump to navigation Jump to search
Die woonstelblok aan Kotelnitsjeskaja-wal.

Die woonstelblok aan Kotelnitsjeskaja-wal is een van die geboue in Moskou bekend as die Sewe Susters van Josef Stalin. Dit is deur Dmitri Tsjetsjoelin en Andrei Rostkofski ontwerp en in 1952 voltooi. Die hoofgebou is 176 m hoog en het 32 vlakke (insluitende die meganiese verdiepings).

Beskrywing[wysig | wysig bron]

Die gebou sluit ook ’n ouer woonstelgebou van nege verdiepings in met ’n uitsig oor die Moskwarivier wat deur dieselfde argitekte ontwerp en in 1940 voltooi is. Hoewel dit aanvanklik in ’n streng Stalinistiese styl gebou is, is dit later verander om by die hoofgebou te pas.

Die hoofgebou is seshoekig en het drie vleuels. Dit is nie besonder hoog of groot nie, maar die vyf groter wordende vlakke en die vleuels van nege verdiepings laat dit veel groter lyk as wat dit is. Die gebou verberg die sogenaamde "Sjwiwaja Gorka", ’n heuwel met historiese argitektuur en ’n doolhof van steil strate. Tsjetsjoelin is aanvanklik gekritiseer omdat hy nie dié gebied in ag geneem het nie, maar sy burokratiese invloed het gemaak dat die kritiek geïgnoreer is.

Verwysings[wysig | wysig bron]

Eksterne skakels[wysig | wysig bron]

Koördinate: 55°44′50″N 37°38′34″O / 55.74722°N 37.64278°O / 55.74722; 37.64278