Yatela-goudmyn
Die Yatela-goudmyn is 'n oopgroefgoudmyn, wat ongeveer 25 km noord van die Sadiola Hill-goudmyn in die Kayesstreek van Mali, in Wes-Afrika geleë is. Dit bestaan uit slegs een oopgroefput. Die myn het operasioneel geword in 2001, en gebruik 'n tegniek waarby die goud deur loging m.b.v. 'n sianied-oplossing uit die erts onttrek word uit hope. Die goud word dan deur geaktiveerde koolstof uit die sianied-oplossing onttrek. Die verdere onttrekking van die goud vind plaas by die aanleg van die nabygeleë Sadiola Hill-goudmyn.
Eienaarskap[wysig | wysig bron]
Die goudmyn word 80% besit deur die Sadiola Eksplorasie Maatskappy, wat 'n gesamentlike mynbouoperasie is tussen AngloGold Ashanti en Iamgold, met die Maliese regering wat die orige 20% besit.
Eksterne skakels[wysig | wysig bron]
Wikimedia Commons het meer media in die kategorie Yatela-goudmyn.
