Gaan na inhoud

Yayoi Kusama

in Wikipedia, die vrye ensiklopedie
Yayoi Kusama

Yayoi Kusama in 2013
Geboortenaam Yayoi Kusama (草間 彌生)
Gebore ca. (1929-03-22)22 Maart 1929
Matsumoto, Japan
Sterf 14 Augustus 2026(2026-08-14) (op 97)
Tokio, Japan
Nasionaliteit Vlag van Japan Japan
Veld instilasie, skilderkuns, optrede, videokuns, mode, poësie, fiksie en ander kunste
Webwerf www.yayoi-kusama.jp

Yayoi Kusama (草間 彌生, Kusama Yayoi; 22 Maart 1929 – 14 Augustus 2026) was 'n Japannese kontemporêre kunstenaar wat hoofsaaklik in beeldhoukuns en installasie gewerk het. Sy was ook aktief in skilderkuns, optrede, videokuns, mode, poësie, fiksie en ander kunste. Haar werk was gebaseer op konseptuele kuns en toon 'n paar eienskappe van feminisme, minimalisme, surrealisme, art brut, popkuns en abstrakte ekspressionisme, en was deurdrenk met outobiografiese, sielkundige en seksuele inhoud. Sy is erken as een van die belangrikste kunstenaars wat uit Japan gekom het,[1][2] die wêreld se topverkoper-vroulike kunstenaar,[2] en die wêreld se suksesvolste lewende kunstenaar tot haat dood in 2026,[3] Haar werk het dié van haar tydgenote beïnvloed, insluitend Andy Warhol en Claes Oldenburg.

Kusama is in Matsumoto grootgemaak en het 'n jaar lank aan die Kyoto City University of Arts opgelei in 'n tradisionele Japannese skilderstyl genaamd nihonga.[4] Sy is geïnspireer deur Amerikaanse abstrakte impressionisme. Sy het in 1958 na New York Stad verhuis en was deel van die New Yorkse avant-garde-toneel dwarsdeur die 1960's, veral in die popkunsbeweging.[5] Sy het die opkoms van die hippie-teenkultuur van die laat 1960's omhels en het die publiek onder die aandag gebring toe sy 'n reeks geleenthede georganiseer het waarin naakte deelnemers met helderkleurige polkadots geverf is.[6][7] Sy het 'n tydperk in die 1970's beleef waartydens haar werk grootliks oor die hoof gesien is, maar 'n herlewing van belangstelling in die 1980's het haar kuns weer in die publieke sig gebring. Kusama het voortgegaan om kuns te skep in verskeie museums regoor die wêreld, vanaf die 1950's.[8]

Kusama was openhartig oor haar geestesgesondheid en het sedert die 1970's in 'n geestesgesondheidsfasiliteit gewoon. Sy het gesê dat kuns haar manier geword het om haar geestesprobleme uit te druk.[9] "Ek veg elke dag teen pyn, angs en vrees, en die enigste metode wat ek gevind het wat my siekte verlig het, is om aan te hou kuns skep," het sy in 2012 aan 'n onderhoudvoerder gesê. "Ek het die draad van kuns gevolg en op een of ander manier 'n pad ontdek wat my sou toelaat om te lewe."[10]

Verwysings

[wysig | wysig bron]
  1. ↑ Yamamura, Midori (2015), Yayoi Kusama: Inventing the Singular. Cambridge, Massachusetts: MIT Press.
  2. 1 2 Tran, John L. (7 November 2019). "Yayoi Kusama: The underdog story of a Japanese art maverick". The Japan Times (in American English). Geargiveer vanaf die oorspronklike op 15 Januarie 2023. Besoek op 15 Januarie 2023.
  3. ↑ Kusama: Infinity (2018). kusamamovie.com Geargiveer 26 Maart 2024 deur die Wayback Machine.
  4. ↑ "Yayoi Kusama". guggenheim.org. Geargiveer vanaf die oorspronklike op 21 Februarie 2018. Besoek op 21 Februarie 2018.
  5. ↑ Griselda, Pollock (2006). Psychoanalysis and the image: transdisciplinary perspectives. Malden, Massachusetts: Blackwell Publishers. pp. 127–160.
  6. ↑ "Yayoi Kusama, Harry Shunk, János Kender. The Anatomic Explosion, New York. 1968". The Museum of Modern Art. Geargiveer vanaf die oorspronklike op 22 Februarie 2018. Besoek op 21 Februarie 2018.
  7. ↑ "Yayoi Kusama, Harry Shunk, János Kender. Mirror Performance, New York. 1968". The Museum of Modern Art. Geargiveer vanaf die oorspronklike op 15 Julie 2022. Besoek op 21 Februarie 2018.
  8. ↑ Taylor, Kate. "How Yayoi Kusama's Infinity Mirrors pushed pop art into the new age". The Globe and Mail. Toronto. Geargiveer vanaf die oorspronklike op 15 Julie 2022. Besoek op 4 Maart 2018. {{cite news}}: Onbekende parameter |Date= geïgnoreer (|date= voorgestel) (hulp)
  9. ↑ "Yayoi Kusama Biography, Life & Quotes". The Art Story. Geargiveer vanaf die oorspronklike op 29 Februarie 2020. Besoek op 29 Februarie 2020.
  10. ↑ Swanson, Carl (6 Julie 2012). "The Art of the Flame-Out". New York. Geargiveer vanaf die oorspronklike op 26 Junie 2022. Besoek op 20 Februarie 2020.
Ontsluit van "https://af.wikipedia.org/w/index.php?title=Yayoi_Kusama&oldid=2964918"