Zenkō Suzuki

Zenkō Suzuki (Japannees: 鈴木 善幸, Suzuki Zenkō, 11 Januarie 1911 – 19 Julie 2004) was 'n Japannese politikus wat van 1980 tot 1982 as Eerste minister van Japan gedien het.

Suzuki, gebore in die Iwate-prefektuur, het in 1935 aan die Tokio Universiteit van Visserye gegradueer en is in 1947 tot die Kokkai verkies as 'n lid van die Japanse Sosialistiese Party. Hy het toe regs geskuif en by die Liberaaldemokratiese Party aangesluit. Hy het kortliks gedien as minister van pos en telekommunikasie en kabinetsekretaris onder Hayato Ikeda, as minister van gesondheid en welsyn onder Eisaku Satō, en as minister van landbou, bosbou en visserye onder Takeo Foekoeda.

Na die skielike dood van Eerste minister Masayoshi Ōhira in 1980, het Suzuki die leierskap van sy faksie oorgeneem, en het hom tot 1982 as LDP-president en Eerste minister opgevolg.

Eksterne skakels

• Wikimedia Commons het meer media in die kategorie Zenkō Suzuki.