Zweigelt

in Wikipedia, die vrye ensiklopedie
Spring na: navigasie, soek
Zweigelt

Zweigelt (soms ook Blauer Zweigelt, Rotburger of Zweigeltrebe genoem) is 'n rooiwynkultivar wat in 1922 in Oostenryk uit twee outochtone druiwesoorte nuut geteel is. Die kultivar is intussen die belangrikste soort rooiwyn in Oostenryk.

Herkoms en benaming[wysig | wysig bron]

Die naamgewer vir die Zweigelt-kultivar was Friedrich Zweigelt (1888–1964), die latere direkteur (1938–1945) van die Federale Navorsingsinstituut en Skool vir Wyn-, Vrugte- en Tuinbou in Klosterneuburg (deelstaat Neder-Oostenryk). Die kultivar was 'n kruising van St. Laurent en Blaufränkisch wat deur Zweigelt "Rotburger" genoem is - 'n samestelling van die kleur rooi (Duits: rot) en die plek van oorsprong, Klosterneuburg.[1] Eers in 1975 is die kultivar danksy die inisiatief van Lenz Moser en volgens die verordening oor kultivars van gehalte hernoem tot Zweigelt.

Die meeste Oostenrykse wynmakers het intussen oorgeskakel na die nuwe naam, alhoewel die oorspronklike benaming nog op enkele etikette verskyn.[2]

Verwysings[wysig | wysig bron]

  1. Rudolf Steurer: Weinhandbuch. Ueberreuter: Wien 1995, bl. 239
  2. Johann Werfring: Der Rote von der Burg In: Weinherbst 2013, bylae tot die dagblad „Wiener Zeitung“ van 2 November 2013, bl. 8