Appendiks

in Wikipedia, die vrye ensiklopedie
(Aangestuur vanaf Blindederm)
Appendiks in rooi aangedui onderaan die blindederm van die mens

Die appendiks is 'n buis wat aan die blindederm verbind is en waaruit dit in die embrio ontwikkel. Die blindederm is 'n sakvormige struktuur van die dikderm. Die appendiks is geleë naby die aansluiting van die dunderm met die dikderm.

Funksie[wysig | wysig bron]

Die menslike appendiks word beskou as 'n vestigiale struktuur, wat deur evolusie die grootste deel van sy oorspronklike funksie verloor het. Die wurmvormige appendiks is moontlik 'n verkleinde oorblyfsel van die blindederm wat in antieke voorvaders van die mens teenwoordig was. Blindederms word in dele van die spysverteringstelsel van die meeste huidige herbivore aangetref. Dit huisves mutualistiese bakterieë wat diere help om die sellulose-molekules, wat algemeen in plante voorkom, te verteer.[1]

Ons menslike voorouers kon op hierdie stelsel staatgemaak het toe hulle van 'n dieet wat ryk was aan blare geleef het. Toe mense begin om maklik verteerbare voedsel te eet, kon hulle minder afhanklik geword het van sellulose-ryk plante vir energie. Soos die blindederm minder nodig vir vertering geword het, het mutasies oor miljoene jare waarskynlik daartoe gelei dat die appendiks gekrimp het.

Verwysings[wysig | wysig bron]

  1. "Animal Structure & Function". Sci.waikato.ac.nz. Geargiveer vanaf die oorspronklike op 2 Mei 2012. Besoek op 3 Oktober 2011.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.