Stapelbed

in Wikipedia, die vrye ensiklopedie
Stapelbeddens op 'n skip.
Stapelbed in 'n kinderkamer.

'n Stapelbed is 'n meubelstuk met twee of meer beddens wat bo op mekaar gemonteer is. Stapelbeddens bespaar ruimte en bied slaapplek vir meer as een persoon in die spasie wat 'n enkele bed sou opneem. Hierdie beddens word algemeen gebruik waar die beskikbare vloeroppervlak beperk is, soos op skepe, in kinderkamers, jeughostelle en tronkselle.

Stapelbeddens word gewoonlik deur vier pote (een op elke hoek van die bed) ondersteun. Om die boonste bed te bereik, word 'n leer langs die kant aangebring. Die boonste bed het gewoonlik 'n reling om te verhoed dat die slapende persoon afrol of -val. As gevolg van die hoogte en omdat 'n leer benodig word, word dit nie vir kinders onder ses jaar aanbeveel nie.[1]

'n Hoogslaper is 'n verhoogde bed, vergelykbaar met 'n stapelbed, maar sonder die onderste bed. Soms word 'n ander meubelstuk, soos 'n lessenaar of 'n sitbank, onder die bed ingebou.

Verwysings[wysig | wysig bron]

Eksterne skakels[wysig | wysig bron]