Waterval

in Wikipedia, die vrye ensiklopedie

'n Waterval is 'n geologiese formasie in 'n rivier of stroom waar die water se vloei deur 'n skerp hoogteverskil onderbreek word en na benede stort. Watervalle ontstaan as gevolg van erosie as die water oor 'n harder gesteentelaag vloei. Die daaropvolgende laag sal vinniger erodeer, wat mettertyd die val in hoogte veroorsaak. Watervalle ontstaan gewoonlik terwyl 'n rivier nog jonk is.[1]

Watervalle is gewoonlik 'n trekpleister vir toeriste en word as een van die mooiste natuurverskynsels beskou. Die val van die water veroorsaak ook 'n dreuning wat al as musiek beskryf is.[1]

Die hoogste waterval in die wêreld is die Angel Falls in Venezuela, waar die water 979 meter na benede val.[2] Die tweede hoogste waterval, die Tugelawaterval, is in die Drakensberge in Suid-Afrika geleë.

Die Iguazú-waterval in die Misionesprovinsie van Argentinië

Fotogalery[wysig | wysig bron]

Verwysings[wysig | wysig bron]

  1. 1,0 1,1 Carreck, Rosalind, ed (1982). The Family Encyclopedia of Natural History. The Hamlyn Publishing Group. bl. 246–248. ISBN 0-7112-0225-7.
  2. "Angel, Salto - World Waterfall Database: World's Tallest Waterfalls" (in Engels). www.world-waterfalls.com. Geargiveer vanaf die oorspronklike op 13 Maart 2018. Besoek op 25 Februarie 2009.