Mafdet was in die vroeë Egiptiese mitologie ’n godin wat die mens beskerm het teen slange, skerpioene en ander giftige diere, wat beskou is as oortreders van die maät (orde). Sy is dikwels uitgebeeld as ’n soort kat of muishond.[1] Sy kom reeds in die 1ste Dinastie in die mitologie voor.
Sy was ook die vergoddeliking van die reg of moontlik teregstelling.[2] Verder het sy die farao se kamers en ander heilige plekke beskerm.