NG gemeente Houtbaai
Die NG gemeente Houtbaai is 'n gemeente van die Nederduitse Gereformeerde Kerk in die Kaapstadse voorstad Houtbaai.
Die gemeente het op 11 Junie 2014 van die moedergemeente Constantia afgestig wat op sy beurt op 9 Oktober 1968 van die NG gemeente Zwaanswyk afgestig het. Zwaanswyk is 'n dogtergemeente van die NG gemeente Wynberg, die 20ste oudste gemeente in die NG Kerk.
Ds. Vernon Louw is in 2007 aangestel as medeleraar van Constantia om Houtbaai te bedien. Hy is in 2010 opgevolg deur ds. Gerhard Pietersen wat in 2014 Houtbaai se eerste leraar geword het.